فبركة اليوم : فرار جماعي من معسكرات «عقار» بأعالي النيل
الخرطوم- الرنك: هبة محمود:
نفذ «730» جندياً وقائداً بالحركة الشعبية قطاع الشمال عمليات هروب جماعي من المعسكرات التي يشرف عليها رئيس الحركة مالك عقار بمناطق البونج وقرفة وشالي وأبوخضرة بولاية أعالي النيل بدولة جنوب السودان، وقالت مصادر عليمة لـ«آخر لحظة» أمس إن الفرار جاء في أعقاب قرار الرئيس عمر البشير بوقف التفاوض مع قطاع الشمال، وأشارت المصادر إلى أن عقار كان يستقطب جنوده بقطع وعد لهم بتنسيبهم في القوات المسلحة وجهاز الأمن والشرطة برتب بعد التوصل لاتفاق مع الحكومة، وأبانت أن الفارين تفاجأوا بقرار وقف التفاوض، الأمر الذي ينبيء باستمرار الحرب، ونبهت إلى أن أغلب الجنود تم حملهم للمعسكرات وهم أطفال قصر ووعدهم عقار بمنحهم مناصب في حال سقوط النظام إلا أنهم اكتشفوا أن سقوط النظام ليس بالأمر السهل.
اخر لحظة
صحيح فبركة ياها الفضلت للحكومة الحرب الاعلامية
حكومة باطلة غلبا تحمي المواطن …
شوفو ليكم حل ساكت مع من يرفعون السلاح دمرتو السودان ولسا متعاندين
ارحلو عننا اذا غلبتكم يا حكومة السجم
حلم الجيعان عيش يا هبه, اكلى عيش, الجيش الشعبى ده قرر ذمان انو ياحياة كريمة او موت بعذذة, و هم فررو مشو وين يا عسسولة انتى, دخلوا الجنوب ولل الحبشة؟ اشرحى لينا كوييس.
عيب عليكم والله عيب ، اخجلو واستحو شوية …. وانتظروا الراجيكم من الأخوة المعلقين …
وممكن تكون منطقية ولم لا طالما الرئس قال مافي مفاوضات
فرتقو وشردو هم ادرى! والحرب خدعه وانت الحشرك شنو ؟؟ شفتيهم؟؟ .. بس صورة البرىء دا دسوها لفتره امكن ربنا افرجا علينا!! وهو مالو اغبش كدا شغال فى طاحونه ولا شنو؟؟؟؟
يعنى الجنود ديل كانوا فاكرين نفسهم ماشين رحلة ترفيهية, وبعدين اذا كان حلمهم و أمنيتهم فى الدنيا أن يكونوا جنودا فى الجيش ليه ما اتجندوا مباشرة عديل , صياغة الفبركة دى فى غاية الركاكة و السذاجة و المسؤولين عنها فى الامن مفروض يرفدوهم.
الجيش الشعبي لاينجد الاطفال والزين انخرطوا في صفوفة مقاتلين اشداء وكان في القوات المسلحة يطلو فبركة وكزب ياصحفي الغفلة
هاذه سواني مافي زين كلش جنجال
سوداني مافي مخ كلش نفرات مخ خربان
دوم دوم فيم
مشكله زياده هادا نفران داخل
هوا بس يريدكرسي
مايشوفنفران جيعان مايشوف نفران مسكين
كلش موت
نفر داخل حكومه خلي يولي جهنم.
كل دنيا نفرات معلوم مشاكل
مافي زين بس هو معلوم بس يريد
يجلس داخل كرس.اكل فلوس مال نفرات
ممكن هوا جود سودان 25 سنه
مافي متروس فلوس
بس هوا يريد مسخره داخل سودان
ممكن سودان واحد 100 سنه يسر ورا
مافي قدام بعدين هو داخل تلفزبون
ورا مافي مشكله ودي نفرات قدام خلي موت
ورا ذياده في تامين.
بعدين نفرات كلش موت هادا نفر مال حكومه
وين سير بعدين مافي ماما مافي بابا مافي جيكو
بعدبن سيده هوا يروح جهنم
العكس صحيح ان جيش الحكومه في هذه الايام في مناطق العمليات ,اول ما يسمعوا تاخ تراخ بيجدعوا الاسلحه وبيقوما عجاج لانهم ادركوا القتال يعني اطالة عمر هذه الحكومه والتي انهكت كاهل الشعب السوداني.
?انتم في مواجهة الكلمة التي هي أقوي من السلاح ،حتي لو هرب عقار نفسه هناك يوجد احمد ، حسن، خالد،ادم ، خليفة،علي،مدثر،الياس،إبراهيم ،مصطفي.يذخر الوطن بالكثير من العسكريين الشرفاء ،وما بيان المتقاعدين بالأمس ببعيد .
مصطفى ابوالعزائم دا وهم
استقطاب شنو وقطع وعود شنو ورتب عسكرية كمان
الناس جاءوا بمحض ارادتهم عشان تغير البلد مش تغير اوضاعهم
دا الفرق بين الكيزان والمناضلين