الكاتب الدرامي عادل إبراهيم محمد خير: معجب بـ (حرامي القلوب تلب).. وأولاد الصادق أصواتهم عادية
الخرطوم / أيمن عبد الله
أبدى الكاتب الروائي عادل إبراهيم محمد خير إعجابه الشديد بالفنان الشاب طه سليمان ووصفه بالجريء الذي لا يخاف من الجمهور ويقدم ما يراه مناسباً من وجهة نظره، وقال: طه فنان جريء بيغني أي حاجة عايز يغنيها بغض النظر عن رأي الناس فيها وأنا معجب بيهو جداً. وتابع: طه فنان بيشبه الزمن ده في شكلو وإستايلو وطريقة تفكيرو.
ودافع عادل محمد خير عن غنائية طه، مؤكداً أن لا ذنب له في هذه الغنائية وقال: ده ما غنا طه سليمان ولكن ده غنا الزمن ده، وطه ما عندو ذنب في الغنا ده، معبراً عن إعجابه بأغنية (حرامي القلوب تلب) واصفاً إياها بالعميقة. وأضاف ساخراً: كلنا عايزين نتلب وما قادرين، كاشفاً عن تعاون جمعه مع طه في أغنية (شكراً يا رب على هذا الحب). من جهة أخرى اعتبر عادل أن الساحة الفنية تخلو الآن من أية تجارب جادة تستحق التعليق من ناحية الألحان والكلمات، لافتاً أن أولاد الصادق أحمد وحسين ليس لديهما ما يميزهما فنياً، وأضاف أنا لا أعتبرهما فنانين وقال: (يعني شنو يجي يغني الكبير وبعد شوية يجي يغني أخوه الصغير؟)، واصفاً أصوات الإثنين بالـ(عادية).
الوطن
بالله هسه انت فى شنو و الحسانيه فى شنو طه شنو و زفت شنو نحن ناقصين غناء و فارغه
الزمن دائما هو الشماعه
طيب ياعادل ابراهيم الزمن بمشى لى قدام ولا برجع لى ورا يعنى بين حقبة الستينات مثلا وزمن ده كما تقول ايهما بفترض ان يكون اكثر تطوراً وعمقاً وذوقاً وجمالاً وكماااااان معجب بحرامى القلوب وعايز تتلب اخخخخخخخخخخ لاقينى بس بعد رمضان