كشف القيادي بحزب المؤتمر الشعبي، أبوبكر عبد الرازق أن شباب الإسلاميين دفعوا ب(1400) رسالة دعوة لعضو لجنة إزالة التمكين وجدي صالح لحضور إفطار الإسلاميين بذكرى غزوة بدر الكبرى في السابع عشر من رمضان.
وقال عبد الرازق بحسب صحيفة المواكب، إن إفطار الساحة الذي داهمته لجنة إزالة التمكين كان بدعوة من (تيار النهضة) الذي يحوى أطياف من الإسلاميين وليس الحزب المحلول كما يدعي وجدي صالح – على حد قوله.
وأشار أبوبكر إلى أن الإفطار خاطبه د. مجذوب محمد صالح من المؤتمر الشعبي، وشدد بالقول: “لجنة إزالة التمكين أقل وأذل من أن تمنع الإسلاميين من التجمع تحت راية”، لافتاً إلى أن شباب الإسلاميين توعدوا عضو لجنة التمكين وجدي صالح بدفع الثمن غالياً – بحسب وصفه.
المواكب
؟
السيد وجدى صالح لك التحية والتجلة وتأكد لست وحدك … ونرجو أن تفتح بلاغ فى هذا الشخص الكريه والذى أحق ( بالذلة )من اى شخص آخر المسمى مصطفى عبدالقادر هذا لكى يحدد لك من هم الذين يتوعدوك ومن هم الذين سماهم شباب الإعلاميين وماهو حدود توعدهم هذا .. ؟؟
كل تفكير وجل اهتمامهم التهديد والوعيد نفسي اعرف هل غير هذا تحمل ادمغة هؤلاء الذين يدعون الإسلام امخاخ تعيش في زمن العصر السابع عندهم انفصام في الشخصية ده كله سبب الكتب الموجودة من زمن العصر العباسي ياخي العالم تتطور وهؤلاء لسه هل دم البعوض نجس ام لا
السؤال هو لماذا لم يتم حل حزب الموتمر الشعبي الي الان ؟
اسلاميون؟ لسة عايشين في الاكذوبة؟ 30 سنة من الدمار والقتل والخراب ما كفاكم؟ لعنة الله تغشاكم الى يوم الدين.
(توعدوا عضو لجنة التمكين وجدي صالح بدفع الثمن غاليا) فهمونا المقصود بيوت اشباح ، دق مسامير في الرأس ، اغتصاب ….الخ ام لا زال في جعبتكم المزيد من المخزي ما لم نسمع به .
خلى من يسمون انفسهم شباب الاسلامييين يمكسو الاستاذ مولانا وجدى باى ضرر او كلام ناهيك عن تهديد وجدى صالح الان هو راس الحربه فى العداله والشعب السودانى كله يقف وقفة رجل واحد خلفه لانه الرجل الوحيد الممكن يعيد للشعب مسروقاته التى سرقها هؤلاء الخونه باسم الدين تفو عليهم اجمعين هم لو رجال خليهم يمشوا يطلعو الفاسد الكبير البشير فعلا الاختشو ماتو امة ما تخاف الله نهبتو البلد وسرقتوها والان تهدد انت ياعبد الرازق تعال اتقدم الصفوف واتحرك على وجدى شوفو الحيقابلكم منو وشوفو الحيفضل فيكم ومنكم منو بس البشير ب التو العسكريه وكيزانو وكل الحراميه المعاه ليش هربو واندحرو خالفو على المسروقات اكتر من ارواح الشعب لعنة الله عليكم يامرزقه ياعبدة المال والد ولار تفو عليكم
لجنة التمكين أقل واذل ..خلاص امشوا دار المؤتمر المحلول..بعدين افطار ذكرى بدر الكبرى أساسي وثابت عند الأنصار وحزب الأمة لانو يوافق يوم اول معركة انتصر فيها المهدي..وحتى عدد الشهداء متقارب وتفاصيل أخرى كثيرة..انتو رمضان يوافق قتلكم لشهداء حركة رمضان..ولفلولكم قتل شهداء الاعتصام….وبعدين ياخ ما تطلعوا الشارع دون حكاية افطار ولف ود وران..ولو بتفهم ..عبد الحي سمحوا ليو يعمل افطار جنب القصر الجمهوري في ايام الاعتصام ذاتو..وسمحوا بمسيرات للفلول ..مرتين واكتر ..وسمح ليهم الوالي العسكري بالوصول للقيادة..اما حكاية وعد توعد وكلام فارغ دا مكانو المحكمة والراجل.. الراجل جد جد يطلع منكم ويتوعد ناس التمكين صورة وصوت..باي شكل …ابقوا مارقين.
ماف حاجة اسمها اسلاميين في السودان ..في حاجة اسمها كيزان وفلول …الإسلاميين دي حاجة بتاعت سبعينات وثمانينات القرن الماضي..ناس جبهة الميثاق وما أشبه….الانقلاب قام بيهو الكيزان ..اسمهم كدا ومعروف كيزان ..كيزان..انشق الكيزان لمؤتمر شعبي و وطني و عدل ومساواة وإصلاح الآن و كل اللمة دي تصنف حاليا كيزان منهزمين و تلقب بالفلول.
دفع ثمن شنو..مصادرة الأموال ولا رمي المخلوع وزمرته في كوبر وكنس الزبالة..ياخ انتو علي الحاج بتاعكم قال جنسيتو الماني سوداني..دا رئيس حزبكم..قالها من خلف القضبان….بعدين لغة التهديد والوعيد ودراما الافلام القديمة دي احسن تسيبوها. .ولو داير تزامل الألماني..غالي والطلب رخيص..بس ما يطلع واحد يقول ..اكلوك الضباع يا صقر من غير جناح..او يقول .. يا ترى انت فين يا زكريا..يا ناس بطلوا دراما..ولو مش قدر الاكشن..روق في علبك.