حي يرزق
عندما وقعت وزارة المعادن السودانية ذلك العقد الملياردولاري مع شركة ?سيبيريا للتعدين? الروسية في يوم الأربعاء 29 يوليو 2015 وأعلن وزير المعادن السوداني أحمد محمد صادق الكاروري حينها خلال مراسم توقيع العقد في القصر الجمهوري، أن ?سيبيريا للتعدين? اكتشفت أكبر احتياطات من الذهب الخام في السودان في ولايتي البحر الأحمر ونهر النيل ولم يكتف (الوزير) بذلك فقد صرح بعد توقيع العقد بأن الشركة المذكورة قد قامت بالتنقيب عن الذهب في موقعين بولايتي البحر الأحمر ونهر النيل بمعدات حديثة استطاعت بها تحديد كميات بلغت 46 ألف طن من الذهب تمثل كنزا في باطن الأرض مضيفاً أن القيمة السوقية لهذه الكميات من الذهب تقدر بنحو 298 مليار دولار .
عندما وقعت الوزارة ذلك العقد وسمع العبدلله وشاهد تصريحات الوزير بدأ في التجهيز لما بعد الطفرة وأي طفرة
? دي شنو يا راجل الجلاليب الما عندها ياقات دي ؟ بقيت ختمي وللا شنو؟
? إنتي من زمن ختمي وأنصاري؟ .. دي جلاليب الطفرة !
ولما رأيت علامات الإندهاش على عينيها أوضحت لها الأمر لكنها إبتسمت وقالت لي :
? بالله إنتا بتصدق كلام ذي ده؟
ما بصدق ليه؟ إنتي قايلا الحكومة دي حكومة كضابين؟ ديل ناس (هي لله) يعني الكلام البيقولوهو لا فيهو شق لا طق ..
? أها عايزة العربية ياتو ماركة وياتو موديل؟ شفروليه كابريس وللا مارسيديس وللا كاديلاك و ?.
? والله إنتا ما براك ؟ أنحنا ركوب الركشات والخافلات جاب لينا قطايع وفلايت تقول ليا كاديلاك وشنو ما بعرف
? إنتي بس إختاري الموديل وإتخيليها كده في القراش بتاع الفيلا؟
? (معاها ضحكة) : كمان جابت ليها فلل ؟
? ده كلامك .. وكمان فيها (حوض سباحة)
? والله إنتا الليلة ما براك .. يا أستاذ شوف ليك كيسين أسمنت للسقف ده الخريف قرب
? (الطفرة) ذاااتا قربت .. الوزير قال ستة شهور بس ? قولي سنة .. السنة دي بتجري جري بكرة نقبض نصيبنا والترطيب يحصل
? (في تهكم) : تقبض شنووو؟ هو إنتا قبضتا من الحكومة دي شنو قبل كده
? آآي البترول ما شفنا ليهو حاجه وقروشو محل مشت ما إتعرفت لكن الدهب ده كلامو تاني
? يعني شنو ؟ ح توزعو ليكم الأمم المتحدة ؟
? بي مناسبة الأمم المتحدة دي عايزة أجيب ليك الشغالة من ياتو دولة؟ ممكن الفلبيين ممكن أندونيسيا ممكن تايلاند .. بنغالية .. إنتي بس إختاري الجنسية وخلى الباقي عليا !
? والله (الجماعة) ديل ح يجننوك .. إنتا بتصدقهم؟
? ما أصدقهم ليه؟ الوزير ذات نفسو قال لو الكلام ده طلع ما صاح الرئيس اليعدمني في ميدان عام !
كسرة :
كان ذلك في العام 2015 .. والآن نحن في منتصف 2017 تقريبا .. جلاليب (الطفرة) التي
قمت بتفصيلها (ضاقت) .. لا زالت (ام الأولاد) تذكرني بالعربية الكاديلاك والفيلا (أم حوض سباحة) والشغالة (الفلبينية) وقضاء العطلة في جزر الكاريبي .. والمشكلة أن وزير المعادن لا زال حي يرزق !
? كسرة ثابتة (قديمة) :
أخبار ملف خط هيثرو العند النائب العام شنو (وووووووووووو)+وووووووووووو)+ (وووووووووووو)+(وووووووووووو)+(وووووووووووو)+ (وووووووووووو)+(وووووووووووو) +و+و+و+و+و+و+و
? كسرة ثابتة (جديدة)
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووووووو) +(وووووووووووو)+و+و+و+(و)+و+(و)+و+و+و+و+و+و+و+و
? كسرة جديدة لنج :
أخبار (أجهزة التصنت عالية الدقة) التي إستخدمت في غش إمتحانات الشهادة السودانية لسنة 2016 يا وزيرة التربية شنو (وووو)+(وووو) +و+و+و+و+و+و
أم القنابل ترمى في الوقت المناسب.والمكان المناسب
انت من زمن الراجل البقول الكلمه وابقى قدرها ياحليل ابوعاج كان اعدموا ديل النسوان ارجل منهم
استاذنا الساخر جبره
اجمل مافي الموضوع عنوانه (حي يرزق )
واللبيب بالاشارة يفهم
يا ولـد جـيب الحـبوب .
كان ذلك في العام 2015 .. والآن نحن في منتصف 2017 تقريبا .. جلاليب (الطفرة) التي
قمت بتفصيلها (ضاقت)
كويس معناها سمنت انتظر كمان وكمان عشان تقبض الدهب و تسافر لندن وتنزل مطار هيثرو بعد عودة الخط لسودانير انتظر اااااخوي
زير المعادن ما زال حي يرزق … طبعا رزقهم بالمليارات الدولارية ما زي رزقنا …
الكضب واحد من المبادئ الاساسية لنظام الانقاذ بجانب الفساد طبعا
مش قالوا الرد بالسد و انهم حيكفونا كهربا و يصدروا الباقي؟
مش امريكا روسيا دنا عذابها علي ان لاقيتها ضرابها .. و يا الامريكان ليكم تسلحنا؟
مش الشركة الروسية بتاعت الدهب طلعت سودانية؟!
مابصدق ليه؟
انتي قايلة الحكومة ده حكومة كضابين ديل ناس هي لله) انت مبدع ومفرح وساخر حد الامتاع شكرا أستاذي لهذا الفن السلس من تسليطك الضوء
علي مشاكلنا وهمومنا بطريقة ظريفة لافيها طق) ولاشق)
اولا التحية لك ول ام العيال ومتعكما الله بالصحة والعافية
ونسأل الله ان يحقق احلامنا واحلامك وجميع الشعب السوداني برحيل هذه الطغمة الفاسدة المفسدة
لكن تلك الاحلام في ظل وجود تلك الطغمة تكون احلام يقظة ليس الا
(فتك بعافية)
بعد موضوع شركة سيرين الروسية بتاعت الذهب
قلنا خلاص شبعنا من الهوت دوغ تب نساعد لكنتاكي وهارديز ومكدونالدز وومبي
لكن الحمدلله ما فصلت جلاليب الطفرة لكن كان عندي نية اشتري جلابية بيضاء وعمة وشال مؤتمر وطني مزركشة وجزمة بيضاء وعصاية لكن الظروف المالية ماسمحت واجلنا الحكاية لامن تصل دولارات الذهب وما زلت انتظر لامن قلبوها منح اراضي للمستثمرين لمدة 99 سنة حتى عرفت انه موضوع الذهب ده طرشق وكمان لامن قالوا الجماعة اكلوا دولارات الدواء والصين دايرة تشيل اراضي مشروع الجزيرة مقابل الديون عرفت ان الكلام ده ما مظبوط وما راكب عدله فيلم هندي ساكت
اها لامن طلع واحد من الجماعة وقال الجنة ما بدخلها الى الفقراء اتاكدت انه نحن ناس جنة عديل والحمدلله ولكن النار معنى كده بيدخلها الاغنياء
والله يا استاذ نامن تخلص واوات اللغة العربية وواوات لاعب المريخ باسكال واوا وبعدين تقبل علي الواو الضكر تكملو مع كل الحشاشين ما حيرد زول منهم علي اي واو الا الواو الضكر صاحبك في القصر اذا انبسط!!!!! اها املاك علامات تعجب !!!!!!! ابو الرش ذاتو
أم القنابل ترمى في الوقت المناسب.والمكان المناسب
انت من زمن الراجل البقول الكلمه وابقى قدرها ياحليل ابوعاج كان اعدموا ديل النسوان ارجل منهم
استاذنا الساخر جبره
اجمل مافي الموضوع عنوانه (حي يرزق )
واللبيب بالاشارة يفهم
يا ولـد جـيب الحـبوب .
كان ذلك في العام 2015 .. والآن نحن في منتصف 2017 تقريبا .. جلاليب (الطفرة) التي
قمت بتفصيلها (ضاقت)
كويس معناها سمنت انتظر كمان وكمان عشان تقبض الدهب و تسافر لندن وتنزل مطار هيثرو بعد عودة الخط لسودانير انتظر اااااخوي
زير المعادن ما زال حي يرزق … طبعا رزقهم بالمليارات الدولارية ما زي رزقنا …
الكضب واحد من المبادئ الاساسية لنظام الانقاذ بجانب الفساد طبعا
مش قالوا الرد بالسد و انهم حيكفونا كهربا و يصدروا الباقي؟
مش امريكا روسيا دنا عذابها علي ان لاقيتها ضرابها .. و يا الامريكان ليكم تسلحنا؟
مش الشركة الروسية بتاعت الدهب طلعت سودانية؟!
مابصدق ليه؟
انتي قايلة الحكومة ده حكومة كضابين ديل ناس هي لله) انت مبدع ومفرح وساخر حد الامتاع شكرا أستاذي لهذا الفن السلس من تسليطك الضوء
علي مشاكلنا وهمومنا بطريقة ظريفة لافيها طق) ولاشق)
اولا التحية لك ول ام العيال ومتعكما الله بالصحة والعافية
ونسأل الله ان يحقق احلامنا واحلامك وجميع الشعب السوداني برحيل هذه الطغمة الفاسدة المفسدة
لكن تلك الاحلام في ظل وجود تلك الطغمة تكون احلام يقظة ليس الا
(فتك بعافية)
بعد موضوع شركة سيرين الروسية بتاعت الذهب
قلنا خلاص شبعنا من الهوت دوغ تب نساعد لكنتاكي وهارديز ومكدونالدز وومبي
لكن الحمدلله ما فصلت جلاليب الطفرة لكن كان عندي نية اشتري جلابية بيضاء وعمة وشال مؤتمر وطني مزركشة وجزمة بيضاء وعصاية لكن الظروف المالية ماسمحت واجلنا الحكاية لامن تصل دولارات الذهب وما زلت انتظر لامن قلبوها منح اراضي للمستثمرين لمدة 99 سنة حتى عرفت انه موضوع الذهب ده طرشق وكمان لامن قالوا الجماعة اكلوا دولارات الدواء والصين دايرة تشيل اراضي مشروع الجزيرة مقابل الديون عرفت ان الكلام ده ما مظبوط وما راكب عدله فيلم هندي ساكت
اها لامن طلع واحد من الجماعة وقال الجنة ما بدخلها الى الفقراء اتاكدت انه نحن ناس جنة عديل والحمدلله ولكن النار معنى كده بيدخلها الاغنياء
والله يا استاذ نامن تخلص واوات اللغة العربية وواوات لاعب المريخ باسكال واوا وبعدين تقبل علي الواو الضكر تكملو مع كل الحشاشين ما حيرد زول منهم علي اي واو الا الواو الضكر صاحبك في القصر اذا انبسط!!!!! اها املاك علامات تعجب !!!!!!! ابو الرش ذاتو
معلّم تربيه اسلاميه عراقى الجنسيه من كبار المؤيدين للانقاذ والمؤمنين بالشيخ الترابى يعمل فى مدرسة اسلامية فى الولايات المتحدة ايام دنو عذابها افتى بشأن الكذبه الترابيه البلقاء بذهابه الى السجن حبيسا والبشير الى القصر رئيسا! بقوله (فُضّ فوه)”انه ذكاء من الشيخ ودهاء العلماء والمفكرين ..فالحرب خِدْعَه”!
حضرتك يا استاذ جبرة لما المهدي كذب وقال أنه المهدي المنتظر صدقته وبوستة ليه يده ؟؟؟ ولما الميرغني كذب وققال انه جده النبي صدقته وركعت وبوستة أيده ؟؟؟ يعني بشة لما يكذب خلاص تزعلوا منه والا عشان جاي من حوش بانقة ؟؟؟
الحمد لله ماخشيت ليك فى ديون وسلفيات كبيرة على امل الطفرة – كان تكون الان فى سجن امدرمان الى حين السداد من الزمن داك – احمد ربك مااستعجلت – لكن ممكن ويمكن واظن (ويجوز مع الكراهية) حلوه دى ياجبرا الشغلة لحقت البترول – ايام الجرايد تكتب الانتاج اليومى 150 الف برميل 200 الف برميل 325 الف برميل 400 الف برميل – كنت عاوز اشترى رقشة بالدين – الحمد لله خليتا – كنت اكون مع ناس ( الى حين السداد )
يااستاذ جبرا شوفت ليك كوز عندو دين واخلاق ديل ماتربية شوارع كذب ونفاق وفساد . قال عايز يجيب خدامة ويركب الكامري والفورد …. احلام ظعوط قبل ذلك كان البترول يتدفق ويصدر لاكثر من عشر سنوات وكانت الايرادات مئات المليارات من الدولارات فماذا جنى منها المواطن !!!؟؟؟ هل تعالج منها ؟؟ هل تعلم منها ؟؟ هل وجد مشايع زراعية او صناعية ترضي طموحه ؟؟؟؟ أين ذهبت الاموال والملييارات ؟؟؟؟؟؟؟؟؟ عصابة فاسدة نهبت الثروات وباعت ما تبقى من موجودات الوطن والجاي فيظيع وخطييييير .
معلّم تربيه اسلاميه عراقى الجنسيه من كبار المؤيدين للانقاذ والمؤمنين بالشيخ الترابى يعمل فى مدرسة اسلامية فى الولايات المتحدة ايام دنو عذابها افتى بشأن الكذبه الترابيه البلقاء بذهابه الى السجن حبيسا والبشير الى القصر رئيسا! بقوله (فُضّ فوه)”انه ذكاء من الشيخ ودهاء العلماء والمفكرين ..فالحرب خِدْعَه”!
حضرتك يا استاذ جبرة لما المهدي كذب وقال أنه المهدي المنتظر صدقته وبوستة ليه يده ؟؟؟ ولما الميرغني كذب وققال انه جده النبي صدقته وركعت وبوستة أيده ؟؟؟ يعني بشة لما يكذب خلاص تزعلوا منه والا عشان جاي من حوش بانقة ؟؟؟
الحمد لله ماخشيت ليك فى ديون وسلفيات كبيرة على امل الطفرة – كان تكون الان فى سجن امدرمان الى حين السداد من الزمن داك – احمد ربك مااستعجلت – لكن ممكن ويمكن واظن (ويجوز مع الكراهية) حلوه دى ياجبرا الشغلة لحقت البترول – ايام الجرايد تكتب الانتاج اليومى 150 الف برميل 200 الف برميل 325 الف برميل 400 الف برميل – كنت عاوز اشترى رقشة بالدين – الحمد لله خليتا – كنت اكون مع ناس ( الى حين السداد )
يااستاذ جبرا شوفت ليك كوز عندو دين واخلاق ديل ماتربية شوارع كذب ونفاق وفساد . قال عايز يجيب خدامة ويركب الكامري والفورد …. احلام ظعوط قبل ذلك كان البترول يتدفق ويصدر لاكثر من عشر سنوات وكانت الايرادات مئات المليارات من الدولارات فماذا جنى منها المواطن !!!؟؟؟ هل تعالج منها ؟؟ هل تعلم منها ؟؟ هل وجد مشايع زراعية او صناعية ترضي طموحه ؟؟؟؟ أين ذهبت الاموال والملييارات ؟؟؟؟؟؟؟؟؟ عصابة فاسدة نهبت الثروات وباعت ما تبقى من موجودات الوطن والجاي فيظيع وخطييييير .