الحضري يطير لمصر فجر اليوم
غادر الخرطوم في الساعات الاولى من فجر اليوم عبر مصرللطيران حارس المريخ الدولي عصام الحضري للعاصمة المصرية القاهرة وذلك لظروف اسرية وسيلتحق اللاعب بمعسكر الفريق بفندق موفمبيك في السادس من اكتوبر.
مساء غد الاثنين بعثة المريخ تغادر الي مصر لاقامة معسكر تحضيري ب 6 أكتوبر
كشف سعادة اللواء مدني الحارث مدير الكرة بنادي المريخ في تصريحات خاصة لقوون بان بعثة الفريق ستغادر لجمهورية مصر العربية مساء غد الاثنين لاقامة معسكر تحضيري بمدينة 6 اكتوبر بمشاركة جميع اللاعبين بفندق موفمبيك 6 اكتوبر وذلك استعدادا لبقية استحقاقات الفريق في بطولة الممتاز ونهائي كاس السودان. هذا وستغادر البعثة برئاسة اللواء مدني الحارث علي ان يلحق به احد اعضاء المجلس في وقت سابق.
قوون
والله يا الحضري حيرتنا بعد كل كورة ماشي القاهرة اهو خلاص ناس المريخ عاوزين يعملو معسكرهم في القاهرة عشان ماتمشي وتجي وبالمرة حنقترح على الاتحاد العام نقل باقي المباريات من الخرطوم للقاهرة عشان توفرو قروش السفر دي
إدارة المريخ فشلت فى حسم وردع الحضرى
اول مرة نشوف لاعب يسافر ويجى على كيفو وطوالى يدخل المباريات لو دل على شى يدل على ان الإداريين منبطحين للحضرى
و انا يا المدثر بقترح للاتحاد المصري يسمح للمريخ باللعب في الدوري المصري …. وده كلو عشان خاطر عيون الحضري ……..
انتو يا جماعة ما عارفين البلد بقت طاردة.؟حر وغلاء وغيرو!ليهم حق
الحضري سافر الحضار جاء الحضر اتنيل بستين نيله الحضري انقرض ياخي كرهتونا زاتو يا ناس الحاصل شنو؟ مافي زول في الدنيا دي غير الحضري؟ حلبي مغرور عجوز ماسوره ماعنده اي نتيجة