حديث المدينة
حكومة جديدة .. في الطريق.!!
عثمان ميرغني
حكومة جديدة ستعلن خلال الشهر القادم.. وزارات ستختفي .. وأخرى ستندمج.. ويقلص العدد إلى أقل من عشرين وزارة (فائض العمالة الوزارية سيكون 60 وزيراً بالتمام والكمال).. رئيس الجمهورية أعلن أن الذين أمضوا في العمل الوزاري أكثر من عشر سنوات لن يعاد تكليفهم.. وفي كواليس حزب المؤتمر الوطني بدأت عملية (استطلاع جوي) ومسح لاتجاهات التشكيل الوزاري القادم.. الترشيحات بدأت بأسلوبين . الأول المباشر.. بإعلان بعض مرامز القوى داخل الحزب دعم أسماء بعينها.. وغير مباشر.. بإعلان مواصفات وزارية تنطبق على من هم في البال. بعض الوزراء ? الجدد أو القدامى- تأتي بهم للمنصب موازنات عرقية أو جهوية أو قبلية.. ولا أعرف ما معنى أن يكون لكل قبيلة وزير.. هل الوزير الاتحادي ممثل لمصالح قبيلته أو خلفيته الجهوية التي أتت به للمنصب.. خاصة في بعض الوزارات المتخصصة التي تحتاج إلى الخبير المدرك لمهام الوزارة.. لكن مع ذلك فإن اتفاق السلام الذي غالباً سيوقع في الدوحة مع الفصائل الدارفورية.. يفرض حزمة حقائب ومناصب دستورية رفيعة للإقليم الذي استنزف كل النصاب القانوني المطلوب من الدماء خلال حرب استمرت لأكثر من ثماني سنوات عجاف.. وبدلاً من البحث عن موازنات عرقية أو سياسية للوزارة القادمة الأجدر أن يفكر حزب المؤتمر الوطني باتجاهين.. الأول.. إعادة تعريف الوصف الوظيفي للوزير. ويعيد للخدمة المدنية استقلالها بتوصيف (وكيل الوزارة) على أنه سنام العمل التنفيذي في الوزارة.. أما الوزير فهو مجرد الوجه السياسي. والثاني .. التعويل على وزارة كفاءات (تكنوقراط) في المرحلة المقبلة.. وبدلاً من أن يبحث المؤتمر الوطني عن تحالفات سياسية، الأجدر أن يتحالف مع (التغيير) .. فالوطني حالياً يأمل أن يوافق حزب الأمة على إسناد بعض الحقائب الوزارية إليه.. حتى يرتفع مدى الإحساس بالتعددية السياسية في الحكومة.. فبعد شراكة طويلة الأمد مع مجموعة أحزاب (مثل الاتحادي الديموقراطي مجموعة الدقير) يشعر المؤتمر الوطني بأن شراكتها لم تمنح الإحساس الحقيقي بالشراكة السياسية التعددية.. لأن هذه الأحزاب لم تنجح في استثمار دخولها في الحكومة لتطوير بنيتها التنظميمة وعضويتها بما يؤهلها للندّيّة مع شريكها المؤتمر الوطني. لكن قرار حزب الأمة ?دائماً- محفوف بمعضلة تردّد السيد الصادق المهدي.. ولن يكون متاحاً حتى بالنسبة للمؤتمر الوطني تأكيد الشراكة السياسية مع حزب الأمة إلا بعد إذاعة الحكومة الجديدة.. فكل شيء قابل للنقض أو التعديل حتى قبل دقيقة واحدة من إعلان الاتفاق. أما الحزب الاتحادي الديمقراطي (الأصل) .. فحزب المؤتمر الوطني يشعر بأنه في حاجة لقناع مولانا محمد عثمان الميرغني بدخول السودان.. قبل دخول الحكومة.. لو تخلى المؤتمر الوطني عن خبرته السابقة في تشكيل الحكومات.. وعول على حكومة كفاءات وطنية لا يشترط فيها الانتماء السياسي الحزبي. فإنه يحقق بذلك أول شروط (التغيير).. وعادة ينتظر الناس التغييرات الوزراية بشيء من متعة الدهشة والمفاجأة..
التيار
يا عثمان ميرغنى
أكيد الشمار ده جابو ليك صاحبك الذى لا يظلم عنده أحد…الما رجع للراجل الما إنتحر
كشكو ….وأولادو الطشو
هى أصلاً جاياكم ..جاياكم ..بحكومة جديدة بحكومة قديمة …قبلكم ..على عبدالله صالح …وقع واطة والجماعة لى هسه ..شغالين ..إرحل إرحل
ود الأسد كتل الوريين وقال مؤامرة خارجية ورفع حالة الطوارى ودخل الأجاويد والشعب ماوقف ترديد الشعب يريد إسقاط النظام.
بالمناسبة بعد إحتلال أبيي المسرح بقى جاهز لنسمع فى الخرطوم الموت لللإنقاذ
وإن غدا لناظره قريب
اولا لعل المانع خير في الغيبة القصيرة لا انت ولا الزول الكان سمح عموما ياشيخ عثمان في الباديه قلت بعد شهر وعلقت علي بعض التعينات مسبقا بانها قبلية وجهوية واخر المقال اديتنا احساس انك ما عارف حاجة ومنتظر مع الناس وكمان بتتمني يكون في وزرا خارج الموتر اللا وطني!!!!!!!عليك الله ياعثمان انت شايت علي وين. وبمناسبة التشكيل الجديد صاحبك ودالخضر المارجع للزول الماانتحر كشكو واولادو الطشو حيغيرو ولا موجود؟
طيب اخبار العصفور الطار شنو!! اوعي يكون مشي امريكا!!!مايرجعوا وزير بدل يحلبوا الامريكان!! والحكاية اضحت ليست ترضيات قبلية بل نفسية فالكل اضحي يحس بان الحكومة بتاعتو!!! ومش ممكن يخلعوا منها!! وهي للسلطة والجاه!!! والمال بغير العقائد!!!
صدقني لافرق بين احمد وحاج احمد يا بشمهندس
الزول الشالو كشكو الكان داير ينتحر واولاده طشوا عملته ليه شنو سيبك من التشكيل الوزاري الجديد رجعوللزول كشكو عشان اولاده الطشو وتتلم الاسره وتعيش في ثبات ونبات
الحمد لله اخيرا وصلتم للحقيقه المرة نحن لمسناها من قبلكم حين ابعدوا الكفاءت من خيره الاطباء الي الشارع الامر الذي ادي الي تدهور مسيوي الاطباء الجدد وقيس هذاعلي بقية الوزارات ربنا يزلهم كما اذلو الشعب السوداني;) :lool:
هذا المقال بمثابة نعى لما يسمى بالأحزاب الكرتونية ناس الدقير ومسار والزهاوي … ألخ وتمهيد لخلق أحزاب كرتونية أخرى ناس الصادق والميرغني. يعنى الكيزان فهمهم للتغيير تبديل الوجوه فقط وهذا الذي أدخل السودان في نفق التشرذم والتشتت. كل ما أقرأ لهذه الصحفى والهندي عز الدين وضياء الدين بلال ومن لف لفهم تأتي إلى ذهني مقولة الاستاذ محمود محمد طه والتي فيما معناها الأقلام ليست عند أهلها. انه زمان المهازل.
اولا انا اتعاطف و اتضامن ثم اسألك عن موضوع الكشك و صاحبه و صاحبك. يفترض ان تعير الناس بعضا من اهتمامك ان كنت تكتب للناس. المحاصصة الجهوية اختارتها الحركة الاسلامية واي حديث عن غيرها هو عبارة عن تلاعب بالكلمات. ما الذي يجعل الشايقية و الجعليين وهم اقل عددا من سكان كردفان الاكثر في مجلس الوزراء و تحتج انت على دخول حركات دارفور او الشرق. ما هي مبررات ان يكون شريط النيل هو الحاكم لمدة 50 عاما للسودان ويقودنا كل يوم من فشل الى فشل……. يا عثمان تذكر موضوع الكشك فاني اتضامن مع سائلك.
أخى أبو صالح
أنا أشكر تضامنك وأخوة آخرين معك على متابعتى اللايوقة مع الزول ده فى موضوع الراجل الما إنتحر..وأنا هنا أدعو كل الذين يشاركوننى ضل الراكوبة أن يتضامنوا مع ذاك الرجل ويضمنوا كافة تعليقاتهم فى مقالات عثمان ميرغنى .
ولن نتوقف حتى يبين لنا ماكان من قرار من الوالى هل رجع للراجل كشكو؟؟
عشان يلم أولادو الطشو؟؟؟واللا كسف صاحبو عثمان ملق وتمليس
وعندها فقط سوف نتوقف عن ملاحقة الموضوع
صحفى الجبهة الاسلاموية فاكريين ذاكرتنا ضعيفة
لك اللة ياوطنى
قلت لى اى وزير تم 10 سنوات
ماهم كلهم ليهم 22سنة انت عايز تضحك على مين
يحكى ان احد اليهود ذهب للخاخام وقال لة ان بيت صغير ولايسعة مع اسرتة
وهو فى ضيق وقرف شديد ويريد حلا من الخاخام .. سألة الخاخام عندك بقرة ؟ فقال نعم ..قال دخل البقرة معاك فى البيت وتعال بعد اسبوع…. وعندما اتى سالة اة كيف
البيت لسع ضيق عليكم ؟ قال لة اصبح اسوء…فقال لة الخاخام لوعندك كلب دخلة البيت وتعال بعد اسبوع ؟؟ وسالة نفس السوال حيث اجاب اليهودى بنفس الاجابة..ثم قال لة الخاخام لو عندك حصان دخة البيت معاكم وتعال بعد اسبوع؟؟؟ وعندما اتى بعد الاسبوع الثالث سألة نفس السوال والاجابة كانت ان الوضع سى جدا….. فقال لة الخاخام طلع برة الثلاث حيوانات وتعال بعد اسبوع…. وبع اسبوع عاد اليهودى فرحا مبتهجا الى الخاخام وقال لة الان فقط ارتحلت والبيت اصبح يسعنى واولادى
هذا مايفعلة معنا الجبهجية
آيات المنافق ثلاث إذا حدث كذب وإذا وعد اخلف وإذا أتمن خان?..
يا عصمان قال تكنقراط هع هع هع الحرامي لا يثق الا في الحرامي اي حكومة عضويتها ليست من الموتمر اللاوطني سوف تقلب الطاولة على الرؤس المدثرة بتلافيف العمائم المتسخة وسوف تظهر الصلع الخبيثة ذات النبت السرطاني
كسرة يسار حبة
اي وزير يعمل تحت حكومة على راسها الموتمر الوطني حتى ولوكان شيوعي يصنف من مرتكبي الجرائم ضد الانسانية في السودان
لاتوجد خدمة مدنية في السودان معناه لاتوجد حكومة
عمر البشير 22 سنه ضوئيه ولا شنو………..غير البشير وخلي الباقين انشاء الله ينصلح الحال
حكومة جديدة علي مين يا بابا؟ نحن دايرين ثورة تقتلع النظام من جذورو…. خلاص المسكنات ما عادت تنفع
هذا نوع من التخدير لفرملة الانتفاضة المتوقعة…. الثورة قادمة ان شاءالله وبدات بشائرها باعتصام الاطباء ومزارعى مشروع الجزيرة ومظاهرات اهل بري الاحرار
بدل اللف و الدوران و مضيعة الوكت و الكلام الفارغ الحاصل ده ما الناس يجتمعوا على اجندة وطنية تؤدى الى تحول ديمقراطى حقيقى مش مدغمس و يكونوا حكومة تصريف اعمال او انتقالية من التكنوقراط انشاء الله من وكلاء الوزارت!! و الزول العيز مصلحة البلد ما بيخالف الراى ده !!! و الزول النضيف الما فاسد و ما عامل عملة شينة و منكورة ما بيخاف تب!!! هى الرجالة قالوا ليكم رجالة العضل و السلاح و لحس الاكواع و الخ الخ الخ ما الرجالة الجد جد هى الحكمة و تغليب المصلحة العامة على المصلحة الخاصة!!! اسهل حاجة تشيل الحكم بالقوة و يكون عندك سلاح و تتراجل على الناس لكن اصعب حاجة انك تبنى وطن متحد ناسه عزاز احرار و مزدهر!!! قوموا كده جاكم بلا يخمكم و ما يفضل فيكم واحد انشاء الله!!!! والله حاجة تقهر!!! و الله يكون فى عون الاجيال الجاية!!!!
سبق وان علقت علي موضوع الحكومة الجديدة القديمةفي نفس الوقت لكن ما دعاني ان اعلق مرة اخري تعليق اخونا الزول الكان سمح بعد مداخلة ابي صالح والله يا اخوان انا ساكن في بيت سقفو ما اكتمل وهس نحن في الخريف وربنا كريم بس متاثر جدا بموضوع الزول صاحب الكشك واولادوه وداير اشوف نهاية ملق عثمان كشك دا حدهاوين يقول لينا والي مابتظلم عندو احد اها صاحب الكشك دا ما احد ولادا ما والي ؟ عشان كده متضامنين مع الزول الكان سمح وتاني اي مقال لعثمان كشك لازم اسال عن موضوع الكشك انشاالله يمشي يشتري ليهو كشك ويرجعو للزول الماانتحر!!!بس يعرف انو مداهن وصاحبو ودالخضر كضااااب
سيد الكشك يا عثمان ميرغني ….. سيد الكشك موضوعو وصل وين …