محلل اقتصادى يدعو السلطة السياسية لرفع يدها عن ادارة الاقتصاد وتركه لجهة الاختصاص
(سونا) دعا المحلل الاقتصادى المعروف بروفيسور عصام الدين عبد الوهاب بوب السلطة السياسية فى البلاد لرفع يدها عن ادارة الاقتصاد وترك الامر لجهة الاختصاص .
وطالب بوب القائمين على أمر تشكيل الحكومة المقبلة بمراعاة هذا الجانب بجعل وزراء القطاع الاقتصادى من التكنوقراط الوطنيين الذين تزخر بهم البلاد فى مرافق الدولة المختلفة
واعتبر البوب مسألة تشكيل الحكومة الجديدة فرصة لحسم الامر لصالح هذه الفئة باعتبار انها ستلتزم فى تخطيطها وقراراتها بالنظريات الاقتصادية بعيدا عن السياسة .
وقال بوب على مدى السنوات الماضية تولى العديد من الوزراء بمختلف تخصصاتهم ادارة هذا القطاع ولم يكن هنالك تحسنا ملحوظا فى الاداء الاقتصادى وذلك لغياب الرؤية المبصرة والتخطيط السليم الامر الذى يحتم ادخال خبرات وطنية لوقف التدهور والنهوض بهذا القطاع الهام الذى يشكل العمود الفقرى للأمة .
يرفعوا يدهم من الاقتصاد؟ ديل استلموا السلطة مخصوص عشان يؤجروا السودان و امكانياته للسودانيين و ادخال الريع الى جيوبهم حتى يغتنوا من المال الحرام الذي يعبدونه اولاد الصرم.
يرفعوا يدهم من الاقتصاد؟ ديل استلموا السلطة مخصوص عشان يؤجروا السودان و امكانياته للسودانيين و ادخال الريع الى جيوبهم حتى يغتنوا من المال الحرام الذي يعبدونه اولاد الصرم.
يعني قصدك ما يسرقوا ولا يفسدوا ولا يدمروا ولا يخلفوا السودان
ياخي بااااااااالغت ده طلب قاسي شديد جدا وبتكون عصرت على الجماعة ديل شديد بطلبك ده ، كدي راجع نفسك الناس ديل كلهم باقي مرض يقوم واحد يقع ولا تحصل ليه صدمه ولا حاجه ونحنا ما بنرضى فيهم
عايزين ليهم نهاية لكن كمان ما قاسية كده
كيف يكون الاقتصاد بعيد عن السياسة وهو مرتبط بها ارتباطا وثيقا لان عدم الاستقرار والحروب والصرف على الاجهزة الامنية من جيش وقوات دعم سريع ودفاع شعبى وشرطة واستخبارات الخ الخ بيؤثر على التعليم والصحة البينتجوا مواطنين متعلمين فى جميع المهن واصحاء وعلى البنية التحتية للانتاج فى الريف والمدن والخدمات والطاقة الخ الخ الخ!!!
ليصح البدن السودانى ويتعافى لابد من القضاء على الجرثومة البتسبب المرض وهى هنا فى هذه الحالة حكومة الاسلامويين او الانقاذ يا زول انت بتتكلم كيف؟؟؟؟
حل المعضلة السياسية والاستقرار والسلام والامن والتداول السلمى للسلطة فى دولة الحرية وسيادة القانون هو الحل لجميع مشاكل السودان ومن بينها الاقتصاد وكل مختص بعد داك يشتغل فى شغله ويدلوا بدلوه لحل المشاكل فى مجال اختصاصه !!!!
والله انحنا زمااااان لما درسونا الاقتصاد دا _واذا ما بقت دراستنا ديك دقة قديمة_ قالوا لينا انو الاقتصاد والسياسة ديل وجهان لعملة واحدة ولا انفصام بينهما…وعشان كدا انحنا يا بروف وبفهمنا القديم دا نرى ان الحل هو في الحل فقط ولا شئ غير الحل