فتاة تلجأ للمحكمة للزواج من حبيبها
تقدمت فتاة في العقد الثاني من العمر بدعوى للمحكمة الشرعية تطلب الزواج من شاب بعد رفض أهلها الزواج به .
وجاءت أقوال الفتاة أمام قاضي المحكمة الشرعية بأن هنالك علاقة ترتبطها مع الشاب الذي ذهب لمنزل أهلها لخطبتها بيد أن أسرتها رفضت طلبه ، وألحت على أهلها وعند إصرارهم على الرفض اتفقت مع الشاب بأن يتم زواجهما بواسطة المحكمة ، فتقدمت بدعوى شرعية تطلب الزواج من الشاب ، وبعد سماع القاضي لأقوالها ، استمعت المحكمة لوالدتها ، وطلب منها القاضي إحضار والدها في الجلسة القادمة لسماع رأيه في الدعوى .
الأهرام اليوم
رضاء الوالدين يدخل الجنة يابنتى
الزول الصور الصورة دي أحول ولا قزم ؟؟
لكن يا اختى بكره لو قام طلع شواطينو فيكى تقبلى وين وانتى فقدتى اهلك
تخسري أهلك عشان حتة راجل … خليكي عارفة دا دين وبعدين ربنا حيوريكي في بتك … وحتعرفي أنوا كلام الاهل صح أم غلط .. أهتدي بالله يابت الناس ..تودي والدينك لحدي المحكمة …إستغفري ربك …. البنات ديل مالن جنهم بقوا رجال كدا؟؟؟ بسم الله الرحمن الرحيم ..
اي انسان حر في اختيار شريك حياته و مادام بالحلال مافي مشكله
ما تعاينو لنفسكم انتم الاثنين.. شوف لبكرة لمان تجيبوا اولاد.. ابسط حاجة في الشارع يقولوا ليهو امك اتزوجت بالمحكمة.. وبتصير دي عقدة واشكالية ثانية للابناء. تظل تلازمهم إلى جنا جناهم
طالما تم رفضه من الاهل فهو ليس برجل مسئولية.. وانت عشرينية مازالت يافعة مندفعة بالحب ومفتكرة الحياة دي كلها نضم جوالات وصفحات فيسبوك.. وكلام حب وغزل..
دائما البنت أو الولد اللي يسوي هذه العمايل بكون في فراغ اسري كبير بين البنت وابوها وامها وفي البيت عموما بكون في جفاف ودف عائلي.. عشان كدا البنت بالذات لو تقابل اول واحد وتعيش اللحظة المفقودة بتبقى ما بتعرف عدوها من صليحها.. وبالذات لو تشوف فيه كل اللي فاقده في البيت لان المراة بطبعها عاطفية وبتبحث عن الامان والحب..
وبعدين غير كدا هذه كلها افرازات الافلام الهندية والافلام المكسيكية باللهجات العربية المدبلجة.
المسالة بالنسبة للبنت اظنه تحاول باي طريقة الخلاص من جو هذه الاسرة.. حتى تصرفاتها وجراءتها بتقدمها هي للقاضي بالطلب وليس الولد اللي بسموه في بمصطلحات الشبابية كما ذكر في التقرير السابق (جلكين) والجلكين ساكت ما نضم والبت تقدمت تتطلب الجلكين لانو الجلكين شايفه فيه الحنان والامان.. بعكس جلكينها (الوالد) التي لم ترعي لمقامه ولا وضعه الاجتماعي ولا إلى ما يسمه وفي النهاية برضو ببقى ابوك وهو سبب وجودك في الحياة لحدي ما طلعت وعرفتي تحبي وتتقوزي بالمحكمة وشكلها كدا (القوازة دي حا تم) على قولة المصرييين
العريس ده أنصار سنة؟
والعرسان الفي الصورة ديل مالم كده ؟ العروس مكلوجه والعريس بنطلونو باب حمام !!!!
ما يكون العريس بتاع البت دي برضو كده ،،،،، تبقي كارثة ههههههههه
اذا لم يزوجها لمن ارادت الزواج منه فستكون فتنة كبيرة خاصة اذا كان ليس هناك ما يعيب الشاب من ناحية الدين واوجه القبول والرضا الاخرى التي نصت عليها الآية الكريمة الفتنة والمصيبة موجودة في الموضوع حيث ارتبطت البنت بعلاقة حب مع الشاب ومعروف ما يصاحب علاقة الحب في هذا الزمن المفتوح وتمكن الشباب من الاختلاء ببعضهم البعض وحدث ولا حرج وقد وقع الكثير من الشباب في مشاكل لا داعي لذكرها نتيجة الخلوة غير الشرعية قبل الزواج واحسنهم من يتقدم لاتمام الزواج بالفتاة التي اختلى بها ناهيك عن من يتنكر لها او يتهرب منها ويتركها تواجه مصيرها بنفسها بعد ما يكون اخذ منها ما أخذ…….
الشئ الملاحظ ان عدد الاولاد للبنات المواليد تقريباً بنسبة 1/3 وقد يأتي الولد في آخر العنقود كما ان نوع البنات ينتج موديلين في العام الواحد وهناك نساء الشهداء والارامل والمطلقات والعوانس اللائي فاتهن قطار الزواج بعد اضافة هذا الكم ترتفع النسبة الكلية بين النساء والرجال لتصل الى 1/6 وفي ظل الوفرة في العرض وقله الطلب تحدث احداث كثيرة ينتهي بعضها بمرتكبيها الى ساحات القضاء او ربما الى الاسوأ في حالات الإنتحار او الانتقام الوحشي او ارتكاب جرائم الشرف المعروفة في البلاد العربية لذلك فالزواج هو المخرج الوحيد لعلاج الكثير من المشاكل التي تطيح بالشباب من الجنسين. زواج اليوم وطلاق غدا افضل من معاشرة تحدث في الظلام…….
يا شباب خلو البنية دي ف حالها ع خاطر المحبة اكيييد اهلها حيتراجعوا بس انا ف شئ محيرني والله السودانيات بقن يحبن الرجال حب بس نفسي ف راجل مادايرة شئ تاني خلوني اتستر والحياة نعيش بالموجود شفتو الشفتنة دي كيف بس قالو الروب دي كلها ع بقن كتار ف المجتمع الروب بس
العريس انصار سنة
عموما المحكمه لم تستدعي والد الفتاه للجلسه الجايه الا للتوفيق بينه وبين بته وحتي يكون له دور وموقف في الموضوع حفظا لماء وجهه والقاضي كان حكيم في دعوة والد الفتاة الذى سيكون حمار بضنب لو ركب راسو ورفض يروح المحكمه او اذا شدد موقفه ورفض الزيجه في المحكمه.
مفروض اى شاب يطرق الباب والاسرة تتاكد من اخلاقة توافق دون شرط هى البنات شوية ولايام دى كمان جابت ليها زواج عرفى وكلام كبير يعنى احسن تتزوج والاسرة تتفك من قصة دى