بيان هام من مجلس الصحوة الثوري السوداني-كمبالا
بيان هام من مجلس الصحوة الثوري السوداني-كمبالا
بخصوص مذكرة التفاهم مع الحركة الشعبية
جماهيرالشعب السوداني
نخاطبكم اليوم وبلادنا تعيش في واقع مرير يسوده الجهل والمرض والتخلف بالاضافة للازمات السياسية والاقتصادية والاجتماعية وذلك بفعل السياسة الغير رشيدة من قبل النظام الحاكم في الخرطوم، ومن هذا المنطلق لقد ظللنا دوما نتحدث عن الاصلاح الشامل لنظام الحكم وكيفية معالجة الازمة السودانية بشكل جذري وان تشارك كل قوى الهامش في السلطة وصنع القرار وان تكون المشاركة في ادارة الدولة مشاركة فعلية تستوعب كل الوان الطيف السوداني بعيدا عن المحسوبية والقبليه
وعليه نؤكد الاتي :-
1- نؤكد التزامنا التام بما تم التوقيع عليه مع الحركة الشعبية
2- الحوار الجاد مع كل القوي الراغبة في التغيير احزاب سياسية كانت ام حركات مسلحة
3- السلام الشامل والعادل هو الخيار الافضل لحل قضايا الوطن
احمد محمد بشاري
مكتب كمبالا
25 /1435/ هجري
الموافق 23/7/2014 م
يقطع دراعى إذا كان دة ما تمرد يبقى شنو؟ موسى هلال ظل يطبز المؤتمر الوطنى فى عينه بينما يقول المؤتمرجية والله الزول دة بيهظر سايت.
الله ينصر الحق ويهدى باقى المساكين الذين ماذالوا يشربون من كاس الفتنة الكيزانية .ومبروك ياشيخ موسى والله فعلا اصيل لانك رفضت الظلم
أمــــــــــــــــــــــــــــك موسي هلال داس بنزين !!!!!!!!!!!!!!!!!!!!!!!!!!!!!!
ههههه،،،
والله اتو ناس كضابين ساي،،، لا في توقيع ولا ديياولو،،،
ما تقدو رأسنا ساي،،،
بيان ما يصدر باسم وتوقيع موسي هلال نعتبرو كلام ساي ونفخ في قربة مقدودة ،
بعد احمد مشاري. ومكتب كمبالا،، موسي هلال ما عندو مكتب ولا حاجة في كمبالا،،ً ولا حتي اللواء الوقع الوثيقة بمثل موسي هلال
قوموا لفو كدة بلا صحوة وبلا نومة ،،،،
كفاية الصحوة السوتها في العراق لي الليلة ما مرقت ولا حتمرق،،،
اذا مكتب صحي صحي كان رديتي علي عبدالواحد محمد احمد النور حركة التحرير وعضو الجبهة الثورية الرحب بي التوقيع وقال المحاكمة لا تسقط،،، يعني عايز يحاكم ليكن شيخكن موسي هلال،،
قوموا لفو كدة ،، والله لا بتعرفو سياسة ولا شغل قتال للتغير
***حدث غدا…ياخوانا معليش…أنا ح أصرح ليكم انابة عن عن المهندس حامد صديق أمين أمانة الاتصال التنظيمى بحزب المؤتمر الوطنى..لأنو الراجل تعبان من الصيام وكدا…
***صرح القيادى بالمؤتمر الوطنى المهندس حامد صديق أمين أمانة الاتصال التنظيمى بالمؤتمر الوطنى…صرح تعليقا على ماتناولته المواقع الالكترونية مؤخرا حول المذكرة التى وقعها موسى هلال مع الحركة الشعبية قطاع الشمال قائلا…(…أن موسى هلال لازال عضوا قياديا بالمؤتمر الوطنى ولازال يشغل منصبا رفيعا فى الدولة وهو المستشار بديوان الحكم اللامركزى كما أنه عضو بالمجلس الوطنى ولم يبلغنا حتى الساعة رغبته فى الانسحاب من الحزب أو المواقع التى يشغلها…لذلك فان كل مايثار حول هذا الموضوع هو مجرد احاديث تفتقد المصداقية..اضافة الى أن موسى هلال حتى لو سلمنا جدلا بانه قام بالتوقيع على الاتفاقية…فان الاتفاقية فى جوهرها لاتخرج عن نطاق مايدعو له المؤتمر الوطنى من وقف الحرب وسيادة الحوار الوطنى والدعوة للسلام واعادة توزيع السلطات بين المركز والأطراف…كل ذلك نتفق عليه وهو ما سيطرح خلال الأيام القادمة داخل آلية 7+7…نتمنى أن يلحق موسى هلال بالحوار فالهدف واحد…)…
فترنا من الاتفاقيات الزائفة والتحالفات المصلحية والحركات الغير وطنية بل حركات من اجل السلطة وليس من اجل تحقيق رفاهية الشعب السوداني
أقول ليك نصيحة يا زعيم هلال الشهرة ليست مرتين خليك جنجويدي بس لحد م تحاسب من جرائمك الشنيعة التي ارتكبت في حق الإنسانية بدارفور
الان تتملص ارجل الانقاذ
صحوة ولا نوم انتم مجرمي حرب و مرتزقة نظام و بل انتم من نفذ الإبادة الجماعية و قلتم ان مت شهيد و ان حييت كسبان قروش و التوقيع مع عرمان و عقار لا يعني دارفور و العامش الذى تضرر منكم
يلا جنجودو فى الناس ديل بقو براهم يا كافى البلة ما عندهم وجيع وضربهم حلال للكافر والمسلم
كمونية جديدة تجدف بعيدا عن مشروع الحركة الشعبية الاصل بتاع الدكتور جون قرنق “التحرر من شنو والذي يمثله اتفاقية نيفاشا ودستور 2005
بعد انهيار اخر وجوه السودان القبيحة-الاخوان المسلمين- في بلد المنشا مصر في 30 يونيو 2013 اخذا الكثيرين يتخبطهم المس في لمركز والهامش
كان مفروض لو في ذرة ذكاء في ادمغةالكيزان ان يراهنو من 2005 على نيفاشا ودستورها لتجاوز الماضي المشين والموثق والمجلل بالعار وبناء السودان الجديد الذس يسع الجميع…ولكنهم راهنو على الحركة الاخوان المسلمين الماسونية الدولية- اسرار المعبد الدكتور ثروت الخروباوي- والاستمرار في كل ما هو مشين في المركز والهامش
واليوم نحن في 2014…نتاسف على الروح من الايام ونتحسر على ال50سنة الضاعت من السودان هدرا
ولازال البعض في متاهته بما في لك النسخة المضروبة من الحركة الشعبية القاشرين بيها ناس حركات دارفور ديل..بعد تفريغم حتى لكلمة الهامش والمهشمين من محتواها الفكري والثقافي والتنموي الذى قدمه د .جون بلغته البسيطة “ما تساولني داير تحرر السودان منو اسلوني داير تحرر السودان من شنو وذهبت مثلا”…
نفس التحالفات الغوغائية لاحزاب المركز انتقلت ايضا للحركات المسلحة ابتداء من لبجهة الثورية التي تحفظ منها الكثيرين حتى الان لا تجد لا اعتراف دولي ولا اقليمي ولا شعبي
موسى هلال البشير الترابى الميرغنى الصادق غندور مندور وفرفور امين حسن عمر مسار ومكوار ومختار قطبى المهدى والمهدى الكبير زاتو بلة جابر وبلة الغايب وشيخ الامين وشيخ تورو وشيخ الدين الكاردينال والارباب والى الخرطوم والوالى الرئيس طوالى الهلال والمريخ حسين خوجلى وحسين شندى وحسين الصادق الصيحة اليوم التالى اخبار اليوم واخبار بكرة قناة الشروق والنيل الازرق ونهر النيل والنيلين قناة قوون صحيفة اوت كمال ترباس وكمال شداد وكمال عبداللطيف كمال افرو معتصم والصافى جعفر . الراجل كلنا لو ختونا فى خلاط وعصرونا نطلع ولا حاجة
هم صحوا خلاص !! حرام عليكم قطعتوا ليهم نومتهم
نحن شباب الوطن
60 سنه ونحن فى نفس الحال من التخلف والجهل والظلام بسبب هزه القيادات التى ليست لها اى انتماء لهذا الوطن والمواطن المغلوب على امره الذى ضاقه الامرين من الساسه الذين يعملون لمصالحهم الشخصيه وانتماءتهم الضيقه وحقدهم وكيدهم لبعضهم مما ادى الى الذى نحن فيه الان من تخلف وجهل وصراعات وليس هنالك من هذه القيادات الواهيه منذ الاستقلال المقدره على ادارة هذا الوطن والمواطن لذا وجب عليكم ان تترجلوا وتتركونا نعمل من اجل رفعت ونهضت هذا الوطن والمواطن كلكم ومن غير فرز قيادات طائفيه ولا زعامات قبليه ولا احزاب دنيه نحن نريد ان نعمل وننتج ونطور بلدنا ليس هذا زمن المكايدات والمهاترات والتحالفات الشخصيه والناس والدول من حولنا نهضت وتقدمت ونحن 60 عاما فى نفس المكان بتفكيركم الرجعى والمصلحى والانانى….. دودايف