الكشف عن « 17» جهة تتحصل رسوماً غير قانونية

وقفوا العساكر النهابين ديل البياكلوا اموال الناس باالباطل

طيب كان اقولوا لينا ال17 جهة دي واكشفوا لينا عن اسمائها عشان لمن نلقاهم وجها لوجه في اي محل نقوليهم ما بندفع ليكم عديل كده وانتو جهات غير قانونيه واعلي ما في خيلكم اركبوا وانا عندي ليكم سئ ، لاكن بعدم الكشف هذا اعتقد انه الفساد بأم عينه ودي دغمسه ساكت

اللف و الدوران لزومو شنو ؟ اول مرة اسمع بدولة تشكل لجنة اتحادية و لجان ولائية لمنع التحصيل
غير القانوني . ( توفير المعينات اللازمة لها ) دا هو زاتو ما تحصيل بي طريقة تانية .
السودان دا من زمان فيهو قوانين هي الكانت بتمنع التحصيل دا . بس فعلو القوانين دي .
ما عملتو حاجة يا السيد النائب لانو لو اللجان دي وقفت التحصيل دا المواطن هو زاتو الحيدفع
حوافز و معينات اللجان دي . يعني المواطن في الحالتين دافع دافع . الله المسسسسسسسسسسستعان .
مجدي المسكين اتشنق لانو لقو قروش في خزنته في بيته . طيب المانع شنو تشنقو ليكم واحد من
تماسيح الاختلاسات و اللغف و اللهف و بيع الاراضي الاستثمارية و شوفوا اكان تاني و احد يتحصل
جنيه و احد بدون اورنيك 15 .

اذا لم تحتوي لستة ال 17 على الجهات التالية ارجو اضافتها وبعد اضافتها ليس هذا كل التحصيل غير القانوني وبالطبع ليس كل الفساد:
1- كل المحليات تقوم بجباية الايرادات خارج اورنيك 15 او بنموذج منه لزوم التمويه
2- شرطة المرور تحصل الغرامات خارج اورنيك 15
3- النفايات تحصل خارج اورنيك 15
4- العوائد تحصل خارج اورنيك 15
5- رسوم دخول المستشفيات تحصل خارج اورنيك 15
6- ترخيص السيارات باكثر من 900 جنيه لا يحصل منها الا 250 جنيه باورنيك 15 الباقي بدون اورنيك 15
وهذا ما يسمى بتجنيب المال العام وهو من موارد الفساد الرئيسية

نكتب شنو .كيف يا شباب.