انشاء حديقة حيوانات على بعد 40 كلم من الخرطوم
وقعت ولاية الخرطوم ممثلة في المجلس الأعلى للثقافة والإعلام والسياحة امس مذكرة تفاهم مع شركة جولدن سفاري للاستثمار في المشروعات السياحية وهي إحدى شركات مجموعة محمد بن عبد الله العتيبة الإماراتية وشركة مزايا السودانية لإنشاء مشروع سياحي بيئي يضم حديقة حيوان مفتوحة بنظام السفاري ومنتزة ترفيهي يضم مدينة العاب ومجموعة من الخدمات الملحقة تضم فندقاً علي الطريقة الافريقية ومجموعة من الشاليهات ومدرسة للاطفال لتعلم سلوكيات الحيوانات ومتحف بيئي للحياة البرية والنباتية ومركز لاكثار وتربية الحيوانات البرية المهددة وذلك بولاية الخرطوم .
وقرر والي الخرطوم د. عبد الرحمن الخضر تخصيص قطعة ارض بمساحة 100 فدان ليقام عليها مشروع انشاء حديقة حيوانات على بعد 40كلم من الخرطوم والمجمع البيئي الترفيهي والخدمات الملحقة بها وذلك في المنطقة المحورية لمطار الخرطوم الدولي الجديد بمنطقة الصالحة بأم درمان علي بعد 40 كيلوا من قلب العاصمة وبالقرب من جبل الاولياء وبمحازاة النيل ، معلنا ان حكومته ستوفر كل ما من شأنه إنجاح المشروع الذي يهدف الى توفير وجهة سياحية وترفيهية لسكان الولاية .
وستكون حديقة الحيوانات عبارة عن محميات طبيعية عامة، تعيش الحيوانات في أماكن فسيحة تحيطها المسطحات المائية والجداول، وبفضل هذه الشبكة من المجارى المائية يتمتع الزائرون بالرؤية والاتصال المباشرين لمراقبة الحيوانات والتمتع بمشاهدتها كما لو كانت في بيئاتها الطبيعية
آخر لحظة
عليك الله !!! الكلام ده سنه 2099 ؟؟
دي تغطية على فشل المطار الجديد ولا شنو؟
دة بصراحة يدل على سؤ ادارة وتخطيط من زمان ماكان فى حديقة حيوانات وكانت فى غاية الروعة من موقع ومن عتاقة اشجار اللبخ وكانت وجة لسياحة — قمتو اتسلطو عليها وبعتو الارض للغزافى واستلمتو قروشا بترول والحيونات وين مشت ماعارفين
عيش يا حمــــــــــــــــــــار
واقترح يبدو من أسي يشترو سلحفاة للحديقة ويشوفو حيفتو أول ولا حتموت السلحفاة
اذا كان هذا المشروع مفيد لماذا التركيز فقط على ولاية الخرطوم في كل المشروعات؟! لماذا لا يقام في النيل الأزرق أو جبال النوبة أو دارفور؟! على الأقل كان سيخلق موارد لتلك الولايات تساعد في تقليل عدم التوازن بين الولايات.
ليه رحلتوها من مسقط راس نائب الرئيس على عثمان طه عشان يعملها متحف مكان الميلاد حديقه حيوانات الخرطوم ؟ عشان كده يسرق ويستثمر فى تركيا حمامات طين وبارات النبيز والشمبانيا ربنا ينتقم منكم يامن ترفعون كلمه الله لتقطيه فسادكم
الناس فس شنو والحسانية في شنو!!!!!!!!!!!!قال حديقة حيوان قال……… قوم لف قطر يخمكم!!!!
هو الكلام بقروش
زوايا اخوان الرئيس يعني لبع الارض وقروش الاماراتيه
نريد حديقة لحيوانات ومجرمى المؤتمر الوثنى
الحيوانات حيجبوها من وين
والله شى جميل لو الفكره فيها شفافيه ما مشروع لهف لانه الخضر ده جنه وجن الما بتدخل جيبه , وبالمناسبه دى شاور ود اخته على عثمان ولا نسى انه موضوع حديقة الحيوانات دى بعمل لعلى ارتكاريا وبذكره بعمل ابوه فى حديقه الحيوانات السابقه وسرقة لحم الاسد كما ذكر شيخه الترابى فى احدى ندواته بالاقاليم.
المدينة المحورية حلم انتظره مواطني جبل أوليا ونتمني ان نري بداية جادة في القريب العاجل