أو كما قال كرتي..!ا

ياعزيزي عووضه
المحيرني شئ واحد الا وهو هل كرتي وكل الكروت المعاهو مقتنعين ولا لا
بسودانية حلايب؟
اذا الجواب اااي هم مقتنعين فمافي سبب واحد لكل اذا الذي قيل وسوف يقال واذا ما ما مقتنعين بسودانيتها كمان ندخل في مشروع فهلوة لبيع المي في حارة الساييين ونحاول نجعلها منطقة تعاون مشترك مع الجماعة يمكن يرضو

أستاذنا عووضة ياخ لا تكلف الناس شططا أهو عندك اب جاعورة في القطارف قريب من الفشقة ( أريتو بالتفشق ) سايب حقنا وشغال مغرزا في جيرانا المساكين ح نورم فشفاشكم ح نفقع مرارتكم بالله ده كلام راس دولة ولا ست انداية للجماعة الماعاوزين يدفعوا حق الهق هق 0

افهموا يا ناس حلايب تخلي عنها الكيزان فداء لنافع وعلي عثمان بعد فشل محاولة اغتيال مبارك في اديس ابابا وهو اتفاق مكتوب ما بين الحكومتين والترابي ملم بتفاصيل ذلك الاتفاق لانه كان من ضمن الموقعين عليه واحساسا بالحرج الان يتحاشي الكلام في موضوع حلايب..اما الفشقة فخلوها مستورة

عزيزى ود عووضه من الخير ان لا تستعجل فى ابداء رايك فى هكذا امور !! وربما انت ما شايف الشايفو (كرتى) 0 فالمعلومات التى ترشح بشده هذه الايام بأن مخطط الابليسه/غنداليزا رايس وزيرة الخاجيه الامريكيه السابقه قيد التنفيذ ،وربما سمعت أن ارض النوبه سوف تأخذ إستقلالها عما قريب ، ويافرحة كرتى وجماعته لانهم اصلا زهجانين مننا ومن نفسهم وكايسيين طريقه يتخلصوا بيها من هم فى نظرهم (عالم ما ليها لازمه !!) 00وما علاقة حلايب بأرض النوبه؟ فهذا سؤال وجيه!! طبعا الخريطه الجديده التى وضعتها الاداره الامريكيه تشترط ان يكون هناك منفذ ملاحى بحرى لكل دوله جديده كنوع من الاغراء وحتى لا يكون هناك عائق ومشاكل بين الجيران وهم عارفين المحنه الواقع فيها جنوب السودان!! قد تسأل مره اخره وما علاقة حلايب بأرض النوبه؟ سؤال اكثر من وجيه !! انت تعرف واحة سليم أنظر للخرطه جيدا سوف يكون هناك خط مستقيم حتى تخوم بورتسودان من الناحيه الشماليه وبدون اى تعرجات تفاديا لمشاكل قد تنشاء مستقبلا بين الاطراف00 والاداره الامريكيه نيتها ما سوده ذى الانجليز وناس حقانيين!!00وأنا ود عووضه مصلحتى شنو فى الكلام الدشيتو ده ؟ سؤال وجيه للغايه وجا فى وقته 00(الاجابه على لسان كرتى) مهندس التفتيت لا مؤاخذه00بما انك منتمى للنوبه وتظهر لينا نوبيتك وقرفتنا بيها!! وكل حاجه نعملا تجيب سيره واحد من اهلك وتقارنا بيه عشان كده نحن قررنا إعلاءا لشعيرة (كل حى يروح لدارو ) ويا دار ما دخلك شر00وكان كترتوا (الجنجويد والدفاع الشعبى) بالمرصاد و حينسوكم اسمكم 00ويومها ربما تكتب إسمك ود باعووضه واخير ليك تقصر الشر وأقعد اتفرج ساكت 00ويلا من دربك ده واتلم على اهلك لغاية يجى دوركم وتستلموا جمهورية النوبه بدون شق ولا طق كأحدث دوله فى العالم ومين عارف جائز يجوبوك رئيس تحرير فى اكبر صحفهم بدل الاضطهاد البتعانيهو فى بلاد الغربه!!او كما قال 0

انت يا صلاح عووضة ثاتشر لمن حاكم الارجنتين الجنرال احتل جزر الفوكلاند مش ثاتشر لقت ليه العذر و بعدين هى كانت مشغولة فى حرب داخلية ضد حزب العمال و اعداء الداخل و كانت بتطاردهم بالجيش البريطانى؟؟؟؟ ولا انا غلتان؟؟؟!!! و آآآآآآآخ يا وطن و وطنية!!! انتوا ناس الحركة الاسلاموية ديل من اين اتوا ؟؟ هل هم من صلب هذا الشعب ؟؟ ام هم سودانيين بماكينة حركة اسلاموية عالمية قذرة براقماتية ميكافيلية تاجرة دين لا اخلاق لها ولا فضيلة ولا تشبه اخلاق الرسول الكريم ولا الدين العظيم العادل الرحيم الذى اتى به سيد البشرية و اافضل الخلق؟؟؟؟