أخبار السودان
ضبط خمور بلدية في مكتب المدير الفني بالبرلمان السوداني
علمت ” الراكوبة” من مصدر موثوق ضبط خمور بلدية بحوزة المدير الفني بالمجلس الوطني في مكتبه بمباني البرلمان الاسبوع المنصرم .
و أكد المصدر ان سلطات الأمن بالبرلمان ظلت تراقب هذا الموظف منذ مدة الى أن ضبطته داخل مكتبه وبحوزته زجاجتي خمور بلدية (عرقي).
قال المصدر ان أمر محاسبته تأخر نسبة لتواجد رئيس المجلس خارج البلاد الاسبوع المنصرم، موضحاً بأن يوم الخميس الماضي تمت مناقشة الامر في اجتماع الشؤون المجلسية الذي خرج بتشكيل لجنة للتحقيق مع الموظف مطلع الاسبوع المقبل، و لجنة لتقصي الحقائق و كيفية دخول الخمور الى داخل البرلمان.
ما قلتو (بار لامان )ده فاضي وما نافع !!
أهو لقوا حاجة مفيدة
الزول لازم يلغي مخه عشان يعرف يشتغل في جو كله نفاق و كذب و تطبيل
شكله انسان شريف لقى نفسه في المكان الخطاب.
المعيشه جبارة.
وانا اقول النواب ديل ماطبيعين اتعرف السبب بخدروهم قبل الجلسات
يا جماعة ما تسيئوا الظن احتمال الموظف ده عضو في مجلس الحلال و جابوا ليه العرقي عشان يتأكد هل هو عرقي حلال ام حرام
كل الكيزان بيشربو ما يعملو لينا فيها الشريف الرضى ؟
اخبار معفنة مافيها اي فائده لان الحاصل في حكومة الكيزان مقارنة بالعرقي نقطة في بحر والناس ديل في الفساد والوسخ مابحتاج الناس تكتب فيهو معروفين ومشهورين في اي شارع وذقاق
عالم لسع متأخرة لسع فى ده سكر وديك لابسة كيف وده ظعط فلانة طالما لم يتناولها اثناء ساعات الدوام فلا تثريب عليه يمكن داير يشربها فى بيتو بالليل لكن يجب محاسبته ان تناولها اثناء الدوام الرسمى وكذلك لجلبه الخمور داخل المكتب كان يخليها فى عربيتو برة، عندنا هنا فى اوربا البيرة دى الناس بشربوها زى الموية والويسكى والفودكا فى اخر الاسبوع لكن ممنوع منعا باتا تشرب فى الدوام الرسمى والاماكن العامة والحياة ماشة زى العسل دى حاجات شخصية طالما قفلت بيتك عليك مفترض مايجيك زول متلب زى ناس النظام العام
هذا سوف يرفعونه درجات ويصبح اعلي من ابراهيم احمد عمر سوي اليوم او في قادم الايام
عادى جدا والله يا كيزان إنتوا تحيروا إبليس زاتو
عرقي في المجلس الوطني كم قزازة ؟؟؟؟ اذا ما مؤتمر وطني يكون شعبي . سمعنا دعارة سمعنا لواط بقت على العرقي ياناس التوجه الحضاري
دا راجل وطني وبيتعامل مع الواردات بعقلانية لكن الفودكا لو بيعرف ارخص ومتوفرة ومابتتعرف يعني ممكن تتطشم وتصلي بالناس ومافي زول بجيب خبرك
ههههههههههههههههههههههههه لكن
هؤلاء يعملون اكثر من ذلك هؤلاء قادمين من فقر مدقع جميعا معظم الوزراء والبرلمانيين جعانين شافوا العز بعد تقلدهم وزارات في عهد الظالمين البشير وزمرته :
حسبنا الله ونعم الوكيل فيهم :-
إذا سرق فيهم (الكوز) تركوه و (تحلّل) ، وإذا اخطأ فيهم (الضعيف) أقاموا عليه الحد وشهروا به و حاكموه !!!!!
وشنو الغريب يعني ..ما هو البرلمان ذاته .. إنداية ونسة .. فاقدة الراية والدلوكة ..!
هههههههه اوعى تكون تهمه ملفقه له ..قولتو عرقي شى بائس والفوق ديل طبعا جون المشاي!
“نشرب مما نصنع” ..البرتكول في رئاسة الجمهورية وفي الوزارات والمجلس اللاوطمي دعا لإعتماد الفول والمُدمّس والبلح والكركدي كمشروب للضيافة .. ما فيها حاجة لو الموظف ده جاب ليهو قزازتين عرقي يصلح بيهم رأسو الجائط ويعدل مزاجو لتسيير جلطات أبراهيم أحمد عمر وغلطات بدرية الترزية .. بعدين ممكن نعرف الموظف ده “مدير فني” في شنو؟ .. ويا ريت يا سيادة المدير الفني لو شلت قزازك ومشيت طرف البلد زي ما عمل شاعرنا الراحل المقيم والجميل عمر الطيب الدوش:
دقّت الدلوكة
قلنا الدنيا ما زالت بخير
اهو ناس تعرس و تنبسط
تكّكتَ في الراكوبة بالحنقوقة سروالي الطويل
سويتلو رقعات في الوسط
في خشمي عضيت القميص
اجري و ازبّد شوق و انُط
لامِنْ دخلت الحفلة فجّيتْ الخلوق
و ركزت
شان البت سعاد
اصلي عارف جنها في زولا بيركز و ينستر
لكني عارف انها
لو كل زول في الحلة بالسترة انجلد ياني الاذاها و جنها
برضي عارف اظنها
ديمة في صرة وشيها
يلفحني شوق نافر لبد
و ركزت للحرقة المشت فوق الضلوع
تحت الجلد
طبّيت قزازتي مرقت عِنْ طرف البلد
و سكرت جد
و انا جاي راجع منتهي
لاقتني هي
قات لي ” تعال ”
كبرت كراعي من الفرح
نص في الارض نص في النعال
اتلخبط الشوق بالزعل
اتحاورو الخوف و الكلام
هَيْ يا سعاد
علي ود سكينة الكِلْتِي في خشمو الرماد
علي ود سكينة المات أسي
و انا بت بلاك منعول هواي ان كنت ارضي اعرّسها
و انا يا سعاد
وكتين تطلي سحابة رقصت للدعاش
بفرش علي روحي و اجيك
زولا هلك تعبان و طاش
و انا يا سعاد
وكتين اشوفك ببقي زول
فرشولو فرش الموت و عاش
قالت سعاد:
( بطل كلام الجرسة انجض يا ولد )
طبّيت قزازتي مرقت عن طرف البلد
و سكرت جد
اذّنت في الشوق و السلم
و سرحت بالناس و الغنم
و ركعت للعرقي البكر
و رقدت في الالم الحِكِر
و حلمت زي شايلني وسط الزحمة نبي الله الخضر
صحاني صوت العمدة قال
( مسئول كبير زاير البلد
قبال يهل قبال يصل
لازم تقيفوا صفوف صفوف
و تهيجوا الخلا بالكفوف
و تقولوا عاش .. يحيا البطل )
صلحت طاقيتي الحرير
و ضراعي زي داير يجن
و الجوف يطقطق بالكلام
و رميتو من حلقي الوصل
قت ليهو يا عمدة اختشي، مسئول كبير في الحلة غير الله انعدم
ما شفنا زول سكّت جهال
ما شفنا زول رضع بهم
ما شفنا زول لطخ تيابو
و جانا من طرف البلد
ما شفنا زول لملم رمم
لا صحينا عاجبنا الصباح
و لا نمنا عاجبنا العشم
و الحلة من كل الجهات محروسة
بالخوف و الوهم
و مضينا من زمنا قديم ? يا عمدة ? مرسوم انتحار
الموت مباح
و الحب نطاح
و الصدق من جنس الزنا
و العافية مولودة سفاح
و الرغبة مكسورة جناح
و الحلم و الوعد النبيل
و الطفلة و الام، النخيل
الرنة في الوتر الاصيل
تلقاها في قاموس نكاح
يا يمة واح.. يا حلة واح
يا سعاد تعالي و لمّي من كل البيوت
عدة السفر الطويل
زخرفي الفجر النهار
شخبطي الضحي و الاصيل
المغرب
الفجر
النجوم،
في صرة و ارميها البحر
خلّينا فوق الشك نعوم
و العمدة فاض
و العمدة صار مليون عُمَد
و العمدة فيل
جبلا تقيل
لبوة و أسد
حسنة و غصب
جمعة و أحد
بقّيت قزازتي
مرَقتَ عِنْ طرف البلد
ووترت جد
و انا جاي راجع اجهجهو
لاقاني هو
سايق العساكر و الكلاب
رامي بين عيني و عينو
كلِب و تكشيرة و حُراب
ضاقت نعالي من الزعل
من تحتها اتململ تراب
الغيب سكب ضُلو و مشي
و الدنيا غيما سراب سراب
و الحلة زي بلدا بعيد
زوّد بعاد و قرّب سعاد
اتجمعت كل البيوت في راحتا
زي بت لعاب
مجنونة تصرخ في الزوال
ممزوجة في الدم و اللعاب
عيني ضاقت نظرتها
و الجوف يطقطق بالكلام
قبال يقولوا لي سلام اتلموا حولي بلا نظام
شال و عمة
توب و غُمّة
فاس و طورية و حزام
شالوني بي كل احترام
و رموني في قعر السجن
حصلني قبل اليوم يتم
جارنا المدرس ود خدوم
قال ليّا
لا زولاَ هتف
و لا كف مشت بتلاقي كف
و العمدة زي همبول وقف
يا صمتُ اف
يا دنيا تف
و انا يا سعاد للشوق نغم
للهم علف
شـئ طـبـيـعـى وما الـغـرابـة فى ذلك ؟
ياهو دا اذا عرف السبب بطل العجب ناس نايمة و ناس تكورك و تبرطع بسبب و بدونو
سؤالنا البريء دي فيها تحلل ولا لا افتونا يا مجلس السلطان الواطي
سؤالنا التاني الاكتر براءة لقو قزازتين لكن الاتوزعو كم ؟
و البار دا شغال للدورة دي ولا كان فاتح في الدورات الفاتت برضو
المهم المفروض:
– تغيير الاسم الى الانداية القومية
– مساءلة محمد عطا عشان جريواتو ما شايفين شغلهم و لولا تسيبهم ناس البوليس ما كانو عرفو
البتغلبو مرتو يادب حماته انتوا المليارات المنهوبه
والفساد ما,,,ظبطوهوا تظبطوا قزازة عرقي ولا,,,ست شاي .
وانا اقول النواب
ديل مرخيمين
ليه؟اتاريهو !!!
شكلوا ما لقي ويسكي لانو الكبار ما فضلوا ليه حاجه قال احسن نشوف البلدي
ما مشروب اقصد مشروع حضاري و كده
عشان كدا بدرية سليمان كلو ماتضرب قزازة من الزول دا تعدل مادة فى الدستور !!
(ان صحت الروايه من اساسا ولو انها ما مستبعده ورغم ان بقض الظن اثم) محاسبة المدير الفنى لسش ما تمت رغم تقادم الزمن وبس ..يعنى الزمن الكابلى قال بيغيّر الملامح والناس بتبقى ما ياها.. المحاسبه ما تمت لسّ لأن رئيس المجلس مسافر! طيب عاملين ليهو نوّاب ذكور و”ذوات ثدى” ليه ؟
*ويوم الخميس “الفااات” الشؤون المجلسيه نضمت فى الموضوع (هل الشؤون المجلسيه جاها توجيه.. اخدت اذن.. ولآ براها شلاقه منها) والشؤون المجلسيه مرقت بالقِرار كم بعد المداوله بتشكيل لجنة تحقيق فى الاسبوع المقبل..فى اي الاسابيع المقبله! سيتم تشكيل اللجنه وفى ايها ستقوم اللجنه بالتحقيق..! الحكايه عاوزه اجراءات وطبعن لاكو انتظار رجوع رئيس المجلس بالسلامه؟
*وكمان لجنه تانيه لتَقَصّى أم لتُقْصى الحقائق (“لتبعدها”)! ومهما بكن الامر ان كان اقصاء او قص الاثر لمعرفة هوية الموضوع بكامل ابعادو.. فأن الليالى من الزمان حبالى!
* بالمرّه كمان لو تمكنت اللجنتين مع بعض يشوفن حكاية النواب اللى جابتم التصويره هم نايمين.. هل من صلة بين المضبوطات و السبات العميق!
بس ياجماعه فى ناس بيكتبو زيقولو “الثبات” بالثاء المضمومه” ودى غلط!
اكتبو اسمه عشان العالم كله يعرف ….والا فلن نصدق هذه الكذبة.
امممممك دى قوية اههههها الدبلوماسيين واقعيين تحرش و قبيض نسوان و ناس البرلمان عرقى و سكر تقيل طيب بتقبضوا فى المساكين و راس السنة داخل على الابواب اذا كان الدستوريين ما مقصرين و لا يكونوا مدستريين و دى طلبات اولا لولى الحبشية
يا جماعة دي عينات عشان يعملو بيها تيست لمجلس الحلال.
ضبطت سلطات امن المجلس الوطني مدير الادارة العامة للشؤون الهندسية و الفنية طارق ميرغني وبحوزته عدد اثنين زجاجة حجم 2 لتر خمور بلدية في مكتبه بمباني البرلمان قبل اسبوع عند تفتيش المكتب.واكدت المصادر ان سلطات الامن بالمجلس الوطني ظلت تراقب الموظف منذ فترة الى ان تم ضبطه متلبسا داخل مكتبه وبحوزته زجاجات الخمور البلدية …وذكرت المصادر بان رئيس المجلس الوطني اصدر قرارا بوقف الموظف عن العمل وتشكيل لجنة تحقيق وتقصي للحقائق قبل يومين. يذكر بان الموظف تحوم حوله شبهات فساد مالي ايضا منذ فترة وتقوم جهات امنيه بمراقبته داخل وخارج مباني البرلمان ويعمل طارق في هذه الوظيفة قبل عامان ونصف حيث عينه الامين العام للمجلس الوطني عبدالقادر عبدالله بالتعاقد في هذه الوظيفة بدرجة كبيرة تعادل مخصصات وامتيازات وكيل وزارة. نسبة لبلوغه سن المعاش حيث كان يعمل خارج البرلمان . وعزا المراقبون الى تعيين عبدالقادر هذا الموظف لصداقته القديمه معه وارتباطه بعلاقات اسرية.يذكر بان الامانة العامة للمجلس الوطني امتلات باشخاص تم تعينهم بمسمى التعاقد الشخصي لفترات يتم تجديها لحقا ويتم تعينهم بمخصصات ورواتب فلكية بوظائف تعادل وزراء دولة و وكلاء وزارات. حيث نصت لائحة خدمة العاملين بالامانة العامة للمجلس الوطني لسنة 2014 على انه يجوز للامين العام بعد موافقة رئيس المجلس الوطني تعيين اي شخص بالبرلمان تحت مسمى تعاقد شخصي من دون شهادات علمية معينه او خبرات سابقة.
ما قلتو (بار لامان )ده فاضي وما نافع !!
أهو لقوا حاجة مفيدة
الزول لازم يلغي مخه عشان يعرف يشتغل في جو كله نفاق و كذب و تطبيل
شكله انسان شريف لقى نفسه في المكان الخطاب.
المعيشه جبارة.
وانا اقول النواب ديل ماطبيعين اتعرف السبب بخدروهم قبل الجلسات
يا جماعة ما تسيئوا الظن احتمال الموظف ده عضو في مجلس الحلال و جابوا ليه العرقي عشان يتأكد هل هو عرقي حلال ام حرام
كل الكيزان بيشربو ما يعملو لينا فيها الشريف الرضى ؟
اخبار معفنة مافيها اي فائده لان الحاصل في حكومة الكيزان مقارنة بالعرقي نقطة في بحر والناس ديل في الفساد والوسخ مابحتاج الناس تكتب فيهو معروفين ومشهورين في اي شارع وذقاق
عالم لسع متأخرة لسع فى ده سكر وديك لابسة كيف وده ظعط فلانة طالما لم يتناولها اثناء ساعات الدوام فلا تثريب عليه يمكن داير يشربها فى بيتو بالليل لكن يجب محاسبته ان تناولها اثناء الدوام الرسمى وكذلك لجلبه الخمور داخل المكتب كان يخليها فى عربيتو برة، عندنا هنا فى اوربا البيرة دى الناس بشربوها زى الموية والويسكى والفودكا فى اخر الاسبوع لكن ممنوع منعا باتا تشرب فى الدوام الرسمى والاماكن العامة والحياة ماشة زى العسل دى حاجات شخصية طالما قفلت بيتك عليك مفترض مايجيك زول متلب زى ناس النظام العام
هذا سوف يرفعونه درجات ويصبح اعلي من ابراهيم احمد عمر سوي اليوم او في قادم الايام
عادى جدا والله يا كيزان إنتوا تحيروا إبليس زاتو
عرقي في المجلس الوطني كم قزازة ؟؟؟؟ اذا ما مؤتمر وطني يكون شعبي . سمعنا دعارة سمعنا لواط بقت على العرقي ياناس التوجه الحضاري
دا راجل وطني وبيتعامل مع الواردات بعقلانية لكن الفودكا لو بيعرف ارخص ومتوفرة ومابتتعرف يعني ممكن تتطشم وتصلي بالناس ومافي زول بجيب خبرك
ههههههههههههههههههههههههه لكن
هؤلاء يعملون اكثر من ذلك هؤلاء قادمين من فقر مدقع جميعا معظم الوزراء والبرلمانيين جعانين شافوا العز بعد تقلدهم وزارات في عهد الظالمين البشير وزمرته :
حسبنا الله ونعم الوكيل فيهم :-
إذا سرق فيهم (الكوز) تركوه و (تحلّل) ، وإذا اخطأ فيهم (الضعيف) أقاموا عليه الحد وشهروا به و حاكموه !!!!!
وشنو الغريب يعني ..ما هو البرلمان ذاته .. إنداية ونسة .. فاقدة الراية والدلوكة ..!
هههههههه اوعى تكون تهمه ملفقه له ..قولتو عرقي شى بائس والفوق ديل طبعا جون المشاي!
“نشرب مما نصنع” ..البرتكول في رئاسة الجمهورية وفي الوزارات والمجلس اللاوطمي دعا لإعتماد الفول والمُدمّس والبلح والكركدي كمشروب للضيافة .. ما فيها حاجة لو الموظف ده جاب ليهو قزازتين عرقي يصلح بيهم رأسو الجائط ويعدل مزاجو لتسيير جلطات أبراهيم أحمد عمر وغلطات بدرية الترزية .. بعدين ممكن نعرف الموظف ده “مدير فني” في شنو؟ .. ويا ريت يا سيادة المدير الفني لو شلت قزازك ومشيت طرف البلد زي ما عمل شاعرنا الراحل المقيم والجميل عمر الطيب الدوش:
دقّت الدلوكة
قلنا الدنيا ما زالت بخير
اهو ناس تعرس و تنبسط
تكّكتَ في الراكوبة بالحنقوقة سروالي الطويل
سويتلو رقعات في الوسط
في خشمي عضيت القميص
اجري و ازبّد شوق و انُط
لامِنْ دخلت الحفلة فجّيتْ الخلوق
و ركزت
شان البت سعاد
اصلي عارف جنها في زولا بيركز و ينستر
لكني عارف انها
لو كل زول في الحلة بالسترة انجلد ياني الاذاها و جنها
برضي عارف اظنها
ديمة في صرة وشيها
يلفحني شوق نافر لبد
و ركزت للحرقة المشت فوق الضلوع
تحت الجلد
طبّيت قزازتي مرقت عِنْ طرف البلد
و سكرت جد
و انا جاي راجع منتهي
لاقتني هي
قات لي ” تعال ”
كبرت كراعي من الفرح
نص في الارض نص في النعال
اتلخبط الشوق بالزعل
اتحاورو الخوف و الكلام
هَيْ يا سعاد
علي ود سكينة الكِلْتِي في خشمو الرماد
علي ود سكينة المات أسي
و انا بت بلاك منعول هواي ان كنت ارضي اعرّسها
و انا يا سعاد
وكتين تطلي سحابة رقصت للدعاش
بفرش علي روحي و اجيك
زولا هلك تعبان و طاش
و انا يا سعاد
وكتين اشوفك ببقي زول
فرشولو فرش الموت و عاش
قالت سعاد:
( بطل كلام الجرسة انجض يا ولد )
طبّيت قزازتي مرقت عن طرف البلد
و سكرت جد
اذّنت في الشوق و السلم
و سرحت بالناس و الغنم
و ركعت للعرقي البكر
و رقدت في الالم الحِكِر
و حلمت زي شايلني وسط الزحمة نبي الله الخضر
صحاني صوت العمدة قال
( مسئول كبير زاير البلد
قبال يهل قبال يصل
لازم تقيفوا صفوف صفوف
و تهيجوا الخلا بالكفوف
و تقولوا عاش .. يحيا البطل )
صلحت طاقيتي الحرير
و ضراعي زي داير يجن
و الجوف يطقطق بالكلام
و رميتو من حلقي الوصل
قت ليهو يا عمدة اختشي، مسئول كبير في الحلة غير الله انعدم
ما شفنا زول سكّت جهال
ما شفنا زول رضع بهم
ما شفنا زول لطخ تيابو
و جانا من طرف البلد
ما شفنا زول لملم رمم
لا صحينا عاجبنا الصباح
و لا نمنا عاجبنا العشم
و الحلة من كل الجهات محروسة
بالخوف و الوهم
و مضينا من زمنا قديم ? يا عمدة ? مرسوم انتحار
الموت مباح
و الحب نطاح
و الصدق من جنس الزنا
و العافية مولودة سفاح
و الرغبة مكسورة جناح
و الحلم و الوعد النبيل
و الطفلة و الام، النخيل
الرنة في الوتر الاصيل
تلقاها في قاموس نكاح
يا يمة واح.. يا حلة واح
يا سعاد تعالي و لمّي من كل البيوت
عدة السفر الطويل
زخرفي الفجر النهار
شخبطي الضحي و الاصيل
المغرب
الفجر
النجوم،
في صرة و ارميها البحر
خلّينا فوق الشك نعوم
و العمدة فاض
و العمدة صار مليون عُمَد
و العمدة فيل
جبلا تقيل
لبوة و أسد
حسنة و غصب
جمعة و أحد
بقّيت قزازتي
مرَقتَ عِنْ طرف البلد
ووترت جد
و انا جاي راجع اجهجهو
لاقاني هو
سايق العساكر و الكلاب
رامي بين عيني و عينو
كلِب و تكشيرة و حُراب
ضاقت نعالي من الزعل
من تحتها اتململ تراب
الغيب سكب ضُلو و مشي
و الدنيا غيما سراب سراب
و الحلة زي بلدا بعيد
زوّد بعاد و قرّب سعاد
اتجمعت كل البيوت في راحتا
زي بت لعاب
مجنونة تصرخ في الزوال
ممزوجة في الدم و اللعاب
عيني ضاقت نظرتها
و الجوف يطقطق بالكلام
قبال يقولوا لي سلام اتلموا حولي بلا نظام
شال و عمة
توب و غُمّة
فاس و طورية و حزام
شالوني بي كل احترام
و رموني في قعر السجن
حصلني قبل اليوم يتم
جارنا المدرس ود خدوم
قال ليّا
لا زولاَ هتف
و لا كف مشت بتلاقي كف
و العمدة زي همبول وقف
يا صمتُ اف
يا دنيا تف
و انا يا سعاد للشوق نغم
للهم علف
شـئ طـبـيـعـى وما الـغـرابـة فى ذلك ؟
ياهو دا اذا عرف السبب بطل العجب ناس نايمة و ناس تكورك و تبرطع بسبب و بدونو
سؤالنا البريء دي فيها تحلل ولا لا افتونا يا مجلس السلطان الواطي
سؤالنا التاني الاكتر براءة لقو قزازتين لكن الاتوزعو كم ؟
و البار دا شغال للدورة دي ولا كان فاتح في الدورات الفاتت برضو
المهم المفروض:
– تغيير الاسم الى الانداية القومية
– مساءلة محمد عطا عشان جريواتو ما شايفين شغلهم و لولا تسيبهم ناس البوليس ما كانو عرفو
البتغلبو مرتو يادب حماته انتوا المليارات المنهوبه
والفساد ما,,,ظبطوهوا تظبطوا قزازة عرقي ولا,,,ست شاي .
وانا اقول النواب
ديل مرخيمين
ليه؟اتاريهو !!!
شكلوا ما لقي ويسكي لانو الكبار ما فضلوا ليه حاجه قال احسن نشوف البلدي
ما مشروب اقصد مشروع حضاري و كده
عشان كدا بدرية سليمان كلو ماتضرب قزازة من الزول دا تعدل مادة فى الدستور !!
(ان صحت الروايه من اساسا ولو انها ما مستبعده ورغم ان بقض الظن اثم) محاسبة المدير الفنى لسش ما تمت رغم تقادم الزمن وبس ..يعنى الزمن الكابلى قال بيغيّر الملامح والناس بتبقى ما ياها.. المحاسبه ما تمت لسّ لأن رئيس المجلس مسافر! طيب عاملين ليهو نوّاب ذكور و”ذوات ثدى” ليه ؟
*ويوم الخميس “الفااات” الشؤون المجلسيه نضمت فى الموضوع (هل الشؤون المجلسيه جاها توجيه.. اخدت اذن.. ولآ براها شلاقه منها) والشؤون المجلسيه مرقت بالقِرار كم بعد المداوله بتشكيل لجنة تحقيق فى الاسبوع المقبل..فى اي الاسابيع المقبله! سيتم تشكيل اللجنه وفى ايها ستقوم اللجنه بالتحقيق..! الحكايه عاوزه اجراءات وطبعن لاكو انتظار رجوع رئيس المجلس بالسلامه؟
*وكمان لجنه تانيه لتَقَصّى أم لتُقْصى الحقائق (“لتبعدها”)! ومهما بكن الامر ان كان اقصاء او قص الاثر لمعرفة هوية الموضوع بكامل ابعادو.. فأن الليالى من الزمان حبالى!
* بالمرّه كمان لو تمكنت اللجنتين مع بعض يشوفن حكاية النواب اللى جابتم التصويره هم نايمين.. هل من صلة بين المضبوطات و السبات العميق!
بس ياجماعه فى ناس بيكتبو زيقولو “الثبات” بالثاء المضمومه” ودى غلط!
اكتبو اسمه عشان العالم كله يعرف ….والا فلن نصدق هذه الكذبة.
امممممك دى قوية اههههها الدبلوماسيين واقعيين تحرش و قبيض نسوان و ناس البرلمان عرقى و سكر تقيل طيب بتقبضوا فى المساكين و راس السنة داخل على الابواب اذا كان الدستوريين ما مقصرين و لا يكونوا مدستريين و دى طلبات اولا لولى الحبشية
يا جماعة دي عينات عشان يعملو بيها تيست لمجلس الحلال.
ضبطت سلطات امن المجلس الوطني مدير الادارة العامة للشؤون الهندسية و الفنية طارق ميرغني وبحوزته عدد اثنين زجاجة حجم 2 لتر خمور بلدية في مكتبه بمباني البرلمان قبل اسبوع عند تفتيش المكتب.واكدت المصادر ان سلطات الامن بالمجلس الوطني ظلت تراقب الموظف منذ فترة الى ان تم ضبطه متلبسا داخل مكتبه وبحوزته زجاجات الخمور البلدية …وذكرت المصادر بان رئيس المجلس الوطني اصدر قرارا بوقف الموظف عن العمل وتشكيل لجنة تحقيق وتقصي للحقائق قبل يومين. يذكر بان الموظف تحوم حوله شبهات فساد مالي ايضا منذ فترة وتقوم جهات امنيه بمراقبته داخل وخارج مباني البرلمان ويعمل طارق في هذه الوظيفة قبل عامان ونصف حيث عينه الامين العام للمجلس الوطني عبدالقادر عبدالله بالتعاقد في هذه الوظيفة بدرجة كبيرة تعادل مخصصات وامتيازات وكيل وزارة. نسبة لبلوغه سن المعاش حيث كان يعمل خارج البرلمان . وعزا المراقبون الى تعيين عبدالقادر هذا الموظف لصداقته القديمه معه وارتباطه بعلاقات اسرية.يذكر بان الامانة العامة للمجلس الوطني امتلات باشخاص تم تعينهم بمسمى التعاقد الشخصي لفترات يتم تجديها لحقا ويتم تعينهم بمخصصات ورواتب فلكية بوظائف تعادل وزراء دولة و وكلاء وزارات. حيث نصت لائحة خدمة العاملين بالامانة العامة للمجلس الوطني لسنة 2014 على انه يجوز للامين العام بعد موافقة رئيس المجلس الوطني تعيين اي شخص بالبرلمان تحت مسمى تعاقد شخصي من دون شهادات علمية معينه او خبرات سابقة.
لا جديد ولا اندهاش
ورينوا الاسم وبس
شماااته ساي
** الله يخيبك .. يا خيبان ..الجماعة الفاهمين غيرك .. متهمين بي .. عمارتين .. برادو
اتنين .. مزرعتين .. قروش مليارين .. من السمحات مرتين .. و انت يا مدير فن ..
( الهنا ) .. خمرة .. و في الخمرة .. عرقي .. وفي العرقي .. قزازتين بس ..
** بتجيبو من وين ؟؟ عايزين نسنسن .. عشان ننسى مغايس اندايتكم دي .. والسكارى
النايمين.. و الحيارى المصفقين .. و ما عارفين شيئ .
.. اكلونا البراغيث .. يلقوهو في حشاهم .. أأأأأأأأأأأأأأأأأأأأأأأأأأأأأمين .
يا ساتر ده برلمان والا انداية الله يقرفكم
يا حماعة بطلو استهداف وحسادة وغيرة سياسية
الراجل وطني وفي المؤتمر الوطني لذا بيجيب خمور بلدية دعما للاقتصاد وكده
يعني بدل يشرب كونياك او اي خمور تستورد بالدولار فالافضل خمور بلدية
ولو كانت مريسة يكون افضل لانه المريسة اكتر وطنية وعلامة خاصة بنا
يا ناس الرطوبة إخبارية الإثارة لزوم الكسب المادي؟؟؟؟؟؟؟؟
شكلو كان عايز يوقف ناس البرلمان دامشليلكا
مع انه حيازة ( المسكر ) في القانون السوداني واضحة ولا تحتاج اخذ الاذن من ايا كان .. والطبيعي ان تباشر الموضوع الاجهزة العدلية ( شرطة نيابة قضاء ) دون تدخل اي طرف ..
لكن السودان هو دائما بلد ( العجائب واللامعقول )..
اعتقد انه من الان ستتغير النظرة لنواب البرلمان في تفسير كل تصرفاتهم غير المنطقية و سنبرر اسباب (غياب وعيهم وعقولهم ) ..
السلام عليكم
انت عارفين ناس البرلمان باجروا عربات من شركة مهاجر وبياخدوا 10% للاشخاص الذين ياجروا العربات و كمان تخصم من نصيب المغتربين اصحاب السيارات ويقوا ليك دى حوافز يقسموها بين موظفين مهاجر وموظفين البرلمان ز ويكذبون على المغتربين . يامغتربين ابعدوا من مهاجر العصابة
أنت مليارات ما يقبض .. . عرقي يقبض
يا اخونا ما تظلمو الشاب ده ساى . المدير ده ما بشرب ولا حاجه هو تاجر بجيب العرقى والجماعه بيشترو منو ، والقزازتين ديل آخر ايدو ، بس زى ما قالو شقى الحال يقع فى القيد .
برطلمان بدرية خايس من يومو لاخير فيهم …..
القاضي سال تاجر المخدرات شنو شغلك ؟ قاله :فني تكيييف
اللهم كتر الفنيين لبدرية الترزية
خمور بلدية وفيران وجقور ونوام وبدرية وإبراهيم وبرطمان مخلل وبوفيه مفتوح. يا ترى أيه النتيجة؟ سير سير يا البشكير.
وناس الدعم السريع حيجوا يشربوه الخمرة دي زي ما عملوا مع المسكينة بائعة العرقي (التي لا تنتمي إلى الحزب الحاكم) أم أن هذا الرجل زميلهم وسيغضوا الطرف عن كل ما يرتكبه من أخطاء وجرائم
Aburuz
بكتبوها بالاجليزي bullshit
shit …. shit …. shit
ياخي لو ما عارف انجليزي ولا الكيبورد عندك ما فيه عربي ولا جهازك اضيف اللغة ولا اتستعمل الكيبورد الافتراضي VIRTUAL KEYBOARD
والله العظيم انا كنت حاسي من زمان اعمامك الفي البرلمان ديل ماطبيعيين …. في غيبوبة طوأأأأأأأألي .
هذاالرجل معذور و جاب الحاجة دي عشان يقدر يتحمل مصاقرة الهبل و الأرزقية بتاعين البرلمان طول النهار و بعض الليل
لا جديد ولا اندهاش
ورينوا الاسم وبس
شماااته ساي
** الله يخيبك .. يا خيبان ..الجماعة الفاهمين غيرك .. متهمين بي .. عمارتين .. برادو
اتنين .. مزرعتين .. قروش مليارين .. من السمحات مرتين .. و انت يا مدير فن ..
( الهنا ) .. خمرة .. و في الخمرة .. عرقي .. وفي العرقي .. قزازتين بس ..
** بتجيبو من وين ؟؟ عايزين نسنسن .. عشان ننسى مغايس اندايتكم دي .. والسكارى
النايمين.. و الحيارى المصفقين .. و ما عارفين شيئ .
.. اكلونا البراغيث .. يلقوهو في حشاهم .. أأأأأأأأأأأأأأأأأأأأأأأأأأأأأمين .
يا ساتر ده برلمان والا انداية الله يقرفكم
يا حماعة بطلو استهداف وحسادة وغيرة سياسية
الراجل وطني وفي المؤتمر الوطني لذا بيجيب خمور بلدية دعما للاقتصاد وكده
يعني بدل يشرب كونياك او اي خمور تستورد بالدولار فالافضل خمور بلدية
ولو كانت مريسة يكون افضل لانه المريسة اكتر وطنية وعلامة خاصة بنا
يا ناس الرطوبة إخبارية الإثارة لزوم الكسب المادي؟؟؟؟؟؟؟؟
شكلو كان عايز يوقف ناس البرلمان دامشليلكا
مع انه حيازة ( المسكر ) في القانون السوداني واضحة ولا تحتاج اخذ الاذن من ايا كان .. والطبيعي ان تباشر الموضوع الاجهزة العدلية ( شرطة نيابة قضاء ) دون تدخل اي طرف ..
لكن السودان هو دائما بلد ( العجائب واللامعقول )..
اعتقد انه من الان ستتغير النظرة لنواب البرلمان في تفسير كل تصرفاتهم غير المنطقية و سنبرر اسباب (غياب وعيهم وعقولهم ) ..
السلام عليكم
انت عارفين ناس البرلمان باجروا عربات من شركة مهاجر وبياخدوا 10% للاشخاص الذين ياجروا العربات و كمان تخصم من نصيب المغتربين اصحاب السيارات ويقوا ليك دى حوافز يقسموها بين موظفين مهاجر وموظفين البرلمان ز ويكذبون على المغتربين . يامغتربين ابعدوا من مهاجر العصابة
أنت مليارات ما يقبض .. . عرقي يقبض
يا اخونا ما تظلمو الشاب ده ساى . المدير ده ما بشرب ولا حاجه هو تاجر بجيب العرقى والجماعه بيشترو منو ، والقزازتين ديل آخر ايدو ، بس زى ما قالو شقى الحال يقع فى القيد .
برطلمان بدرية خايس من يومو لاخير فيهم …..
القاضي سال تاجر المخدرات شنو شغلك ؟ قاله :فني تكيييف
اللهم كتر الفنيين لبدرية الترزية
خمور بلدية وفيران وجقور ونوام وبدرية وإبراهيم وبرطمان مخلل وبوفيه مفتوح. يا ترى أيه النتيجة؟ سير سير يا البشكير.
وناس الدعم السريع حيجوا يشربوه الخمرة دي زي ما عملوا مع المسكينة بائعة العرقي (التي لا تنتمي إلى الحزب الحاكم) أم أن هذا الرجل زميلهم وسيغضوا الطرف عن كل ما يرتكبه من أخطاء وجرائم
Aburuz
بكتبوها بالاجليزي bullshit
shit …. shit …. shit
ياخي لو ما عارف انجليزي ولا الكيبورد عندك ما فيه عربي ولا جهازك اضيف اللغة ولا اتستعمل الكيبورد الافتراضي VIRTUAL KEYBOARD
والله العظيم انا كنت حاسي من زمان اعمامك الفي البرلمان ديل ماطبيعيين …. في غيبوبة طوأأأأأأأألي .
هذاالرجل معذور و جاب الحاجة دي عشان يقدر يتحمل مصاقرة الهبل و الأرزقية بتاعين البرلمان طول النهار و بعض الليل