فتح خطا ساخنا مع اللاعب ورئيس النادي ..الهلال يتدخل بقوة لكسب سينجلوما نجم مازيمبي
قال مصدر هلالي كبير بان نجم مازيمبي الكنغولي سنجلوما اكد موافقته باللعب للهلال وربط ارتداء شعار النادي بنجاح عملية المفاوضات بين الهلال ونادي مازيمبي خاصة رئيس النادي الكنغولي
قطعت المفاوضات شوطا بعيدا:الهلال يفاوض المهاجم الارجنتيني تيفيز
اكد الدكتور علي قاقرين نائب رئيس لجنة تسيير نادي الهلال مفاوضة ناديه لمهاجم الهلال السعودي الارجنتيني الجنسية تيفيز للانتقال لصفوف الهلال خلال فترة التسجيلات الحالية بيد انه قال ان المفاوضات مع نادي الهلال السعودي لم تكتمل بالرغم من انها قطعت شوطا بعيدا.
قوون
لاعب الهلال السعودى برازيلى واسمه نيفيز وليس تيفيز الارجنتينى الذى يلعب لفريق المان سيتى الانجليزى
خبرين قنابل ____ الاول قدمت ليه عروض كثيرة وماأظن يفضل عقد الدلاقين
ولاعب الهلال السعودى برازيلى وليس ارجنتينى __ وبرضو من المستحيلات يلعب فى
( )_____ وماتحاولوا تعملوا ليهم شمارات __ مصدر هلالى كبير___
وعلى قاقارين _____ بالله عليكم ياناس (قون) مرة فى حياتكم قولوا خبر صحيح__
والله اليسمع يقول عندكم قروش ريحونا بالله:lool:
عشان تعرف ياضبعة انو الخبر مشتول ماهى دى جريدة الشتل
هذا خبر للاستهلاك ليس الا وكما هو معلوم فإن ادارة الهليييييييل داخله فى ازمه ماليه ، وحتى لو لم تكن تعيش ازمه ماليه فإنها بالتأكيد لا تستطيع ان تنافس الزعيم على لاعب اشار اليه الوالى لماذا ؟
لأن الكل يعلم انه لا يستطيع ان ينافس جمال الوالى الا الوالى جمال
اما خبر نيفيز هذا وليس تفيز كما قال ناس جريدة الوهم قوون فإننا لا نعلق عليه الا بإنه لاعب مهم عند الزعيم السعودى الهلال فهل يستطيع الهليييييييييييل السودانى ان ينتزع لاعب منه ؟ الاجابه متروكه لكم يا ناس قوون
انتو يا ناس قريعتي راحت مالكم والحارقكم شنو
خلو الخبر يكون فشنق
بترجفو مالكم هسة نحن قلنا حاجة عن مواسيركم بتاعة السنة الفاتت
ولا قلنا حاجة عن شلبويا ماسورة الطوارئ
ولا التاني داك الكان شالو ما بنشال وكان خلو خرب الدار
نحن الجريدة دي عاجبانا ومتكيفين منها انتو بتقروها ليييييييييييييه
ماتمشو تقرو لمزمز بتاعكم
عشان تنومو وانتو شايلين كاس الابطال
وتصحو بصفيحة مانديلا ولمن يجي الجد طيييييييييييييييييييييييييييييييييييييييش طوالي
والحمد لله السنة دي تاني ناس جيش النيجر في الابطال
بس المرة دي الحمامتين طايرين من الدور الاول يعني مافي مجموعات
بس والله عندي احساس واحدة حتقابل الزمالك من اول يوم
يعني ياهلالاب السنة دي بعد ماتطير الحمامة من الدور الاول شدو حيلكم للنقة والحسد