أنباء عن حشود للقوات الحكومية المسلحة باتجاه الكرمك..الجيش الشعبى يصد هجوما للقوات الحكومية المسلحة على منطقة دندرو بالنيل الازرق
قالت جماعة مراقبة أميركية الجمعة إن صورا جديدة عبر الأقمار الاصطناعية تظهر حشودا عسكرية ضخمة للقوات الحكومية المسلحة " جيش حكومي + مليشيات حزب البشير من دفاع شعبي ودبابين وخلافه" متجهة إلى أحد معاقل الحركة الشعبية لتحرير السودان?قطاع الشمال، في النيل الأزرق.
ووفق "مشروع سنتينل للأقمار الصناعية" فإن الصور -التي التقطت بالـ21 من الجاري- تظهر معدات عسكرية "مموهة بشكل كبير" وعدة آلاف من القوات تتحرك جنوبا من الدمازين باتجاه معقل المتمردين بالكرمك بولاية النيل الأزرق.
وأضافت الجماعة أن تلك الحشود، التي كانت بذلك التاريخ على بعد أربعين كيلو مترا من الكرمك "يبدو أنها" مجهزة بالدبابات والمدفعية وعربات القتال للمشاة.
وفي الأثناء، أعلنت مصادر أممية ومتمردون أن المعارك تكثفت الجمعة بين الجيش السوداني والمتمردين بولاية جنوب كردفان.
وكالات
[COLOR=blue]الجيش الشعبى يصد هجوما للقوات الحكومية المسلحة على منطقة دندرو بالنيل الازرق[/COLOR]جوبا : فيصل سعد
صدت قوات الجيش الشعبى هجوما من القوات المسلحة على منطقة دندرو جنوبى الدمازين بولاية النيل الازرق التى اندلعت فيها اشتباكات منذ الاول من الشهر الجارى ، وقال الناطق الرسمى باسم الحركة الشعبية والجيش الشعبى لتحرير السودان ارنو نقولتو لودى فى تصريح صحفى ظهر اليوم ان القوات المسلحة قامت بهجوم على الجيش الشعبى فى المنطقة صبيحة اليوم الجمعة
موضحا ان القوات المسلحة قد شنت هجوما على منطقة دندرو بعد ان سيطر عليها الجيش الشعبى سيطرة تامة فى الايام الماضية . مضيفا ان المعركة التى دارت بين الجيش الشعبى والقوات المسلحة صباح اليوم الجمعة استمرت لخمس ساعات منذ الساعة الخامسة وحتى الساعة العاشرة من صباح الجمعة الموافق 23 92011 وكانت النتيجة النهائية هى فرار القوات المسلحة كما هو معتاد مخلفة ورائه كم هائل من العتاد العسكرى والاسلحة الخفيفة التى تم الاسيتلاء عليها من قبل قوات الجيش الشعبى ،واضاف ارنو ان هنالك عملية لحصر الغنائم والخسائر تجرى الان عملية حصرها وسيكشف عنها لاحقا ونفى ارنو ان تكون القوات المسلحة قد سيطرت على المنطقة. وكانت الخرطوم قد قالت على لسان الناطق الرسمى باسم القوات المسلحة ان الجيش قد سيطر على دندرو بعد فر الجيش الشعبى من المنطقة .
هذه هى البطولة وهذه هى الوطنية يا قادة وثوار الحركة الشعبية بارك الله فيكم فقد اثلجتم صدورنا0 فالى الامام لدك حصون الطغاة ولا نامت اعين الجبناء
الأخ "ترس" لو كنت معتمد على سيطرة الجيش على أخبار قناة الشروق، فهي بوق من ابواق المؤتمر الوطني، وهي قناة فاقدة للمصداقية والحيادية خاصة فيما يتعلق بحروب المؤتمر الوطني مع الحركة الشعــبية. أنا مثلك شاهدت نشرة قناة الشروق قبل قليل وشاهدنا مقاطع الصور للقادة العسكرين يحتفلون مع الجنود بجانب قرية صغيرة لا تشبه مدينة دندرو التي عرضتها قناة الجزيرة الأسبوع الماضي. قناة الشروق لم تبرز أي دليل لصور من المدنية ومباني حكومية –الخ، وهو ما يشكك في خبر قناة الشروق. من تجاربنا السابقة مع بيانات الناطق الرسمي الصوارمي خالد، أرجح صحة بيان الحركة بعالية بأنهم صدوا الهجوم ودندروا ما زالت تحت سيطرة الجيش الشــعــبي.
الجيش الحكومي وعــبر بوقه قناة الشروق ربما أرادوا تقديم تمثيلة سمجة لرفع الروح المعنوية لمقاتليتهم وللمواطنيين في ظل الهزائم التي تتوالى على الجيش الحكومي في تلودي وخور الدليب ورشاد بجنوب كردفان.
سيطره كامله ياشيخ رجال القوات المسلحه السودانيه الباسله حاليا خالفين رجل فوق رجل في دندرو
ما عارفين نصدقكم كيف بعد ما شفنا العتاد والدبابات فى التلفزيون السودانى والجماهير واسترداد بالنصر وسقوط منطقة دندرو من ايدى المتمردين ولا صور مدبلجة
كفايه كذب وخداااااااااااااااع للشعب السوداني … الجيش السوداني داخل دندرو وقبل قليل قام وفد من القوات المسلحه بزياره المنطقه وشاهدنا المدينه في التلفاز بأم اعيننا في يد القوات المسلحه وهي تحتفل بتحريرها…فالمرجو من المتحدث باسم الحركه ارنو بان يحدثنا ميدانياً من المواقع التي يحتلونها بالصوره وليس بالمراسلات والكتابات.. وقريباً سوف يتم تحرير الكرمك باذن الله
الجيش السوداني الباسل استلم دندرو بالكامل وناس الحركه الشعبيه فروا من المنطقه وتركوا سلاحهم الثقيل ومدفعياتهم في جبل مرافعه (5دبابات و2 مدفع هاوتزر عيار 122ملم )ومستائين شديد من مالك عقار للورطه التي ادخلهم فيه ولانشعال سلفاكير عنهم بشبح المجاعه في دولته الوليده واحتمال كبير جدا انو يبيعهم مع الجبهجيه بمعاهدة الامن مقابل الغذاء .والجبهحيه وناس المؤتمر الوطني وحسب معلومات عملائهم ناس كرمنو وشيخ حسين يس متاكدين تماما وواثقين انو الكرمك فاضيه بعد ان فرت منها قوات الحركه الشعبيه يااخي اصحي ناس النيل الازرق ماصدقوا اتخلصوا من عقار عشان كده يتم بيعه بابخس الاثمان وممكن يااخي تتاكد من مصادرك من صحة هذه الاقوال وتسال عن مكان الجندي سليمان والتوم هجو الما لعبها مع الكيزان صاح واصبح طريدا .دي الحقائق والعالم اصبح قريه ارجو ان تسال عن المسافه المتيقيه للكرمك كم؟ وعن سالي والبركه والكرمك الزريبه في المره القادمه وقبل ان تكتب عن انتصارات وهميه االمحيرني المنبطحين والمفنقسين في المؤتمر الوثني غالبهم ناهيك عن ان يعلنوا الجهاد غالبهم يرجعوا برنامج في ساحات الفداء علي الاقل المواطنين يشوفوا الحاصل شنو في النيل الازرق بالمناسبه الاستاذه الوزيره سناء اختفت .والله انا مستعد وموافق اشتغل وزير محلها ومقري يكون في كيلو 6 وانت داخل علي سالي,
الم تتابعوا الاخباار … ؟؟ لقد شاهد الكل مراسل قناة الشروق النشطه وهو يرسل
تقريره المدعوم بالصور الحيه من دااااااااخل منطقه دندرو بولايه النيل الازرق والدى تم
عرض الدبابات والعربات المسلحه الصالحه منها والمدمره ومكتوب عليهاا ( s . p .l .a )
وكلنا رايناا كيف استقبل مواطنى المنطقه بجميع طوائفهم قوات الشعب الباااااااااسله
باهاااازيج وزغاريد الفرح …. ثم هل زاع صيت الدباابين الى ان وصل الى جمعيه
المراقبه الامريكيه المزعومه وكيف عرفوا انهم دباابين و مليشيات تابعه للبشير ؟؟؟
رجااء لا تستخفوا بعقولناا يرحمكم الله
واللة جريتو ياخوارج وخليتو وراكم خمسة دبابات وعربات (الليلة سلفا بطلع زيتكم) والكرمك قربت بتمشو وين؟
أسأل الله العلي القدير أن ينصر جيش الحركة الشعبية المدافع الوحيد عن شعب السودان ضد كتائب البشير
اللهم إنا شعب السودان مظلمون فانتصر
اللهم إجعل الحرب التي أوقدها بشيرهم من مسجد والده الذي بناه بمال السحت وبعرق جبين شعبنا وبالاً عليه وعلى زبانيته
اللهم إجعلها آخر أيام عمر البشير وخاله
إنك القادر على ذلك وإليك المصير
الموتمرجية سيبو الكذب واللعب بعقول الشعب السوداني الي متي تلعبوا قبل كم ايام قلتوا ان الجيش الشعبي في شريط ضيق وانتم تسيطرون علي 80% في ولاية دندرو شنو تسقطوا وناس قناة الشروق خليهم يجيبو ارئاسة الحامية لو كان الحقيقة حاولتو الدخول لكن خسرتوا جد جد والان انتم محسورين في الدمازين ورصيرص لو ما كده جيبوا القناوات العالمية من طرفكم وخليوا يجيبوا وبعدين طاردين مراسل الجزيرة من الدمازين لاي سبب يوكم قرب ودايرين الصوارمي يصرح بالنسبة الي خور دليب بجنوب كردفان بدلا من المعتمد الحارب من المنطقة ونقول لكم النصر قريب SPLA OYYYYI:lool: :lool: :lool: :lool: :lool: :lool:
جيش بلا عقيدة وطنية يعتبر محرش، والمحرش ما بكاتل كما يقول المثل. هذا إنحطاط أخلاقي لجيش المؤتمر الوطني الذي لم يعد جيشا قوميا. كيف يوجه الجندي رصاصته على من ينبغي عليه حمايته. كفاية هزيمة بعد انفصال جنوبنا الحبيب. وصيتي لما تبقى من أفراد الجيش الوطنيين الذين لم تمتد لهم يد الإنقاذ بالتشريد والإحالة للمعاش بأن ينشقوا ويعلنوا ولاءهم للوطن بدلا من الحزب ويقاتلوا فلول هذا النظام الغاشم ليغسلوا العار الذي توشحت به هذه المؤسسة
جيش مرتزقة ومغتصبين وعصابات ومليشيات وشبيحة فاقو جنود هتلر في العنصرية وبشاعة اعمال الخمير الحمر في كمبوديا قتلة ماجورين وسفلة مستعدين يغتصبو اخوات الشعب دا كلو من اجل البشير ومصطفى دلوكة وياللي بتقولو جيش بواسل والله لو وقفت قدامهم بيغتصبوك انتا زاتك كما اغتصبو غيرك في بيوت الاشباح
من يشك في اخبار النصر والهزيمة ليسال نفسه لماذا منعت الحكومة الاعلام الدولي في مكان الحرب اوالحروب في النيل الازرق وجبال النوبة ؟ حكومة التضليل وتمثيل الصحاف لا غير ذلك وقريبا سيتحدثون خلف الستائر كالقذافي فالي المشجعين ان يجهزوا عتادهم للغوص مع الفارين خارج الحلبة
والله البسمعكم ياناس الحركة الشعبية بقول بكره الخرطوم بتكون في ايدكم والناس بالمناسبة بتتابع كويس هو الزول شايف الجيش السوداني في دندرو وانتو تقولو لا ماهي طيب علي الاقل اثبتو العكس خلي الناطق السكرن بتاعكم يتحدث من ارض الواقع ولا معليش انتو طبعا ناس الخيال الواسع لمن بكره تفك منكم الصباح بصبح ليكم بعيد. هي الاقمار الصناعية بتقول حشود عسكرية مدججة بالقرب من الكرمك وانتو تقولو بكره الخرطوم وفي زول قال الي الامام ياابطال الحرة الشعبية الي الامام دي ماعرفناها علي الجنوب ولاشنو
اصحوا ياوهم وشوفو ليكم مخرج من الكرمك والله قالوا الموتمر الوطني حشد فيها كل مايملك من (دبابين – سلاخين -طرادين -طيارين وووووووووووو )عووووك جوكم يالفارين من الدمازين وكادقلي وغيرها
وانا بستقرب لواحد قال الحشود دي كتيرة والجيش السوداني عندو نية تطهير طيب يارفيق انت كنت عاوز يجوك كم مثلا عشان ندعو منظمات الامم الملتخمة ليخفضوهم بالله ياجيش شيلو معاكم زهور وفشار والوكسيد ار للذين خرجو وماعارفين العاقبة والناس بقولوا البدور الدواس مابيابا الطعن:lool: :lool: :lool: :lool: :lool: :lool: :lool: