مساعد الرئيس يقف على عمليات صيانة طائرتي سودانير
الخرطوم – وقف عبد الرحمن الصادق المهدي، مساعد رئيس الجمهورية، برفقة وزير النقل والطرق والجسور، مكاوي محمد أحمد، على سير الأعمال في صيانة طائرتي إيربص (320 ? 300) آخر ما تبقى من أسطول طائرات سودانير. وقال وزير النقل والطرق والجسور، أمس (السبت)، إن عمليات الصيانة ستساعد في النهوض بالناقل الوطني، وإعادته إلى سيرته الأولى. وأشار مكاوي، إلى أن الطائرتين ستسهمان في دعم الاقتصاد الوطني، مبيناً أن التطوير والصيانة سيشملان كل النقل الجوي والبري والبحري والسكة الحديد. إلى ذلك، امتدح مساعد الرئيس جهود وزارة النقل في سبيل النهوض بالناقل الوطني، وتعهد بأن المرحلة المقبلة ستشهد تطوراً في مجال النقل الجوي والبحري والسكة الحديد، لافتاً إلى أن حكومته تعمل على توفير الخدمات في مجالاتها المختلفة.
اليوم التالي
مساعد الرئيس قاعد يحضر صيانة طيارات والله دي مساعد حلة ما بيعملها بس يكون مساعد داقس لو قالوا ليه أركب نجرب الطيارة بعد الصيانة ….
طيارتين يدعموا الاقتصاد ؟!؟!؟!؟!
سبحان الله
مساعد الرئيس يقف على عمليات صيانة طائرتي سودانير……….مسخرة!!
هههههه كيزان كملوا البلد
* يا خسارة يا ود “المهدى”!..الكيزان عملوك “فورمان” ميكانيكى!!
انتو قايلنو بيت جالوص بزبلو و الحيركبا ليكم منو يا شذاذ
وعبد الرحمن الصادق شغلو شنو في عملية الصيانة ، أو يمكن يكون جايب معاهو ندى القلعة للحفل.
في ذمتك يا ودالصادق دي شغله ليك ما تختشي يا راجل
مكاوي وعبد الرحمن الصادق بتفرجو علي الصيانة للطائرة
ودي الحيركبها بعد الصيانة منو ؟؟؟
عبد الرحمن دا احسن يشوف ليهو بيت بكا يدي الفاتحة
نصحيتى ليكم أوعاكم تقربوا هذه الطائرات فهي حوانيت جاهزة أفضل منها التونسية.
أعمال صيانة ؟ ولا شفنا صورة طيارة واقفة ..الجماعة قاعدين يلهطوا فى الطيبات والعصائر الملونة .. صيانة شنو ؟
والله يا truth ضحكتنا فعلا بيت جالوص يا دوب صحيتوا النقل الجوى هو دخل للدوله اجروا امشوا اثيوبيا شوفهم شغالين كيف الاثيوبيه بدت بى طائره واحده شفوا منو الاعطاهم الطائره باعتراف من الاثيوبين
الناس دي حقوا يجيبوهم يقيلوا في مطار دبي ويشوفوا أسطول الاماراتية وبعد داك يقيلوا بيهم البوم التاني في شارع الشيخ زايد عشان ينبكموا ويشيفوا بيهم فواتح ولا اي حاجة تانية يقضوها. مكاوي بعلمه بقي يباري في الجداد. حسبنا الله ونعم الوكيل
من وين جابو قطع الغيار ؟ اوع تقول لي من جياد .
ديل بلعبواعلى منو ياجماعة وبعدين ود الصادق ده طالع زي ابوه عاوز يظهر وبس
والله فعلا مسخرة واخر زمن
يا راااااااااااااااااااااااااااااااجل .. طيارتين بس يدعمو الإقتصاد الوطنى ..؟ طيب لو كانو عشرة حيعملوا شنو ؟؟ ندعم أمريكا ؟؟
عاوز يصينها عشان يجيبوا بيها أبوهو
وانتم نفسكم محتاجين لصيانة كيف تصينوا طائرات والله ركشة ماتصينوها,,,,أسنغفر الله العظيم ..
واقعين في الاكل كده بس غتماية فكوها من الزريبة للاكل صيانة شنو وين البلتين بتاع الطيارة واللديتر والجربوكس قاعدين تاكلو الله ناكلو السم اليحشش مصارينكم
هو اصلو دخلو شنو بصيانة الطائرات يكون سمع بخبر الرمرمة وجاء يرمرم….. بالله عليكم وجوده داخل الحكومة وابوه عامل شيخ معارضة مش برضو رمرمة…. ناس ديمة مواقفها مائعة
ههه والله شر البلية ما يضحك !!!
صيانة طائرة ؟ وهل صيانة الطائرة شيء بالنسبة إلى دولة وحكومة ؟ وماذا تساوي الطائرة حتى يأتي مساعد الرئيس لمعاينة صيانتها؟ ؟؟ هؤلاء مجموعة من الصغار المعفنين يتلاعبون بكرامة الدولة وهيبتها؟؟؟
عليكم اللعنة إلى يوم الدين ؟ صيانة طائرة؟
عبدالرحمن ومكاوي بفهموا شنو في الصيانه عشان يراقبوها او حتي يحضروها!!! ديل ناس عواطليه ما عندهم شغله جالسين يتسلوا باجر شهري مدفوع من مصارين الشعب الفارغه
الهند الاستقلت قبل السودان بتسع سنوات ح يكون عندها اكبر اسطول طائرات ركاب ونقل جوى فى آسيا بحلول 2020 وتعاقدت بعشرات مليارات الدولارات مع شركة بوينغ والسودان باتباعه انظمة الانقلابات والعقائديين يا دوب بيعمل صبانة لطائرتين فقط هم المتبقيتين من اسطوله بالمناسبة الهند عندها اكثر من مطار دولى فى الولايات الهندية المختلفة وطبعا كلكم عارفين الهند وجيشها المجترف العظيم الذى لم يعمل انقلاب فى تاريخه وتحكم بالنظام الديمقراطى البرلمانى مثل بريطانيا وبنكهة هندية وهى ماضية وبقوة فى محاربة الفقر والتطور بالتعليم الممتاز والصرف على الابحاث صرف من لا يخشى الفقر وتكون المهرجانات السياسية فى ايام الانتخابات فقط وبعد ذلك ينصرف الكل للانتاج والابحاث والتعليم الخ الخ مع وجود برلمان قوى وقضاء مستقل وسيادة قانون وسلم لى على مصر وسوريا والسودان والعراق وليبيا واليمن وهلم جرا ناس الرئيس القائد والحزب الرائد والحلاقيم الكبيرة والاحزاب الاسلاموية بالعشرات وهاك يا عهر ودعارة سياسية وفساد وكذب وقذارة ووساخة اعوذ بالله يا حثالة الامم!!!!
الفترة المقبلة ستشهدتطورا” متي الفترة المقبلة ….. دق الخبايز يا عمك وبرد جوفك بالعصير
ههه.. غايتو عدم الموضوع بولد موضوع
صيانة شنو يامساعد انت.. صحي ما ﻻقي ليك ملف تمسكو