السر وراء زيارة الرئيس البشير للدوحة !ا
ثروت قاسم : تفاصيل الصفقة الثلاثية الجديدة ? القديمة بين ادارة اوباما ، وأمير قطر ، والرئيس البشير ! دارفور هي الضحية في الدوحة ، كما كانت في واشنطون في نوفمبر 2009 ! الرئيس البشير مزنوق زنقة …
ثروت قاسم
أشارة جائزة نوبل ؟
منحُ جائزة نوبل للسلام ( 2011 ) للناشطة اليمنية ، توكل كرمان ( 32 سنة ) ، ترسل إشارة مباشرة وبالغة الدقة للرئيس اليمني علي صالح أن يرحل ! وكذلك للرئيس البشير ، والرئيس بشار !
سوف يرحل الرئيس البشير في نهاية المطاف ! رغم أنه لا يريد قراءة الأحداث الماثلة قراءةً موضوعية ! الرئيس البشير دائما يعيش في وهم أو تصور افتراضي ، يغذيه مَن حوله من المنافقين والدجالين ، بالكذب والتدليس والمزايدة عليه !
الرئيس البشير يحاكي القدافي ، الذي طلب من الليبيين ( الجمعة 7 اكتوبر 2011 ) ، الخروج بالملايين في مظاهرة سلمية ضد قوات الناتو الغازية !
صدور مثل هذا النداء ، يؤكد أنه صدر من شخص غافل لا يعرف ما يدور حوله ، وظن الأشياء هي الأشياء ؟
وكذلك الرئيس البشير لا يعرف ما يدور حوله ، ويظن ان الأشياء هي الأشياء !
وهو تجسيد للاية 179 من سورة الاعراف :
… لَهُمْ قُلُوبٌ لَّا يَفْقَهُونَ بِهَا ! وَلَهُمْ أَعْيُنٌ لَّا يُبْصِرُونَ بِهَا ! وَلَهُمْ آذَانٌ لَّا يَسْمَعُونَ بِهَا ۚ ! أُولَـٰئِكَ كَالْأَنْعَامِ ! بَلْ هُمْ أَضَلُّ ! ۚ أُولَـٰئِكَ هُمُ الْغَافِلُونَ !
( 179 ? الاعراف )
رحلة الدوحة !
لم يحمل الرئيس البشير القرعة ، وهو يغادر الخرطوم علي عجل ، الي الدوحة ، وبعد القاء خطابه في المجلس التشريعي مباشرة ، يوم الاثنين 10 اكتوبر 2011 !
أستدعي أمير قطر الرئيس البشير ليحضر علي عجل ! وطمأنه ان الأستدعاء تم بطلب من أدارة اوباما ! وعليه يجب ان لا يتحرز الرئيس البشير من أختطاف طائرته في رحلته الي ومن الدوحة !
لم يحمل الرئيس البشير القرعة للدوحة ، ببساطة لان مجهودات مستشاره الدكتور مصطفي عثمان اسماعيل ، وقبله وزير ماليته السيد علي محمود ، ومحافظ بنك السودان المركزي ، الدكتور محمد خير الزبير ، في دول الخليج ، وحاليا وزير خارجيته السيد علي كرتي في السعودية ، مع الأمير الوليد بن طلال ! كل هذه المجهودات قد بات بفشل ذريع ، في أستقطاب أي دعم مالي ( حتي قروض ) ، أو أستثمارات ، أو ايداعات ، من دول الخليج !
لم يعط ملوك وأمراء وشيوخ الخليج لهؤلاء الكباتن غير القهوة العربية المركزة ، وسمح الكلام … سماحة جمل الطين !
الجامعة العربية !
أضطر الرئيس البشير ان يلغي مقابلة مهمة في الخرطوم ، مع الامين العام للجامعة العربية ، كان مبرمجا لها يوم الاثنين 10 اكتوبر 2011 ! كان الهدف من زيارة الامين العام للجامعة العربية ، العمل علي حشد الدعم لأنجاح مؤتمر المانحين الاقتصادي (تركيا – يناير 2012) ، لأنقاذ بلاد السودان من الأنهيار الأقتصادي المريع ، والمتوقع حدوثه بنهاية عام 2011 ! ذلك ان العجز في الميزانية ، الذي يقارب الستة مليار دولار ، لا يمكن ردمه من موارد السودان الذاتية !
الهدف من مؤتمر تركيا الاسعافي حث المشاركين فيه من الدول الغربية والعربية لملئ قرعة الرئيس البشير الفارغة ، بعد رحيل الجنوب ! بعد أن صرح السيد علي كرتي ، وزير الخارجية ، في باريس ، الأسبوع الماضي ، وعلي رؤوس الأشهاد ، بأن بلاد السودان تتدحرج نحو الهاوية الأقتصادية … وكرامة يا محسنين !
قربان دارفور ؟
أذن ، ماهو السر في استدعاء امير قطر للرئيس البشير ، وعلي عجل !
دعنا نرجع القهقري لنوفمبر 2009 ، عندما أعلنت هيلري كلنتون ، من واشنطون ، الأستراتيجية الأمريكية في السودان !
أحتوت هذه الأستراتيجية علي فصل أقليم دارفور
( decoupling )
من أي أتفاقات بين أدارة اوباما ونظام البشير بخصوص رفع العقوبات الأقتصادية الأمريكية ، ورفع اسم السودان من قائمة وزارة الخارجية الأمريكية للدول الداعمة للأرهاب ! مما يعطي نظام البشير الضؤ الأخضر لتعمل السبعة وذمتها في دارفور ، مقابل ضمان أستفتاء ، وأنفصال سلسين ، لدولة جنوب السودان !
في نوفمبر 2009 ، في واشنطون ، قدمت ادارة اوباما دارفور كقربان تأكله النار ، علي محراب الرئيس سلفاكير والقس فرانكلين جراهام !
وفي اكتوبر 2011 ، في الدوحة ، تواصل ادارة اوباما تقديم دارفور كضحية علي محراب القس فرانكلين جراهام ، والأنتخابات الرئاسية الأمريكية علي الأبواب ، كما سوف نبين أدناه :
صفقة الدوحة !
اذا تاوقت في مدونة سمانتا باور ، مستشارة الرئيس اوباما ، فسوف تعرف أن أدارة اوباما قد طلبت من أمير قطر عقد صفقة جديدة مع الرئيس البشير ، فحواها كما يلي :
أولا :
+ تلتزم أدارة أوباما بمحاولة أقناع حركات دارفور الحاملة للسلاح ، في أجتماع واشنطون ( الخميس 27 أكتوبر 2011 ) ، بنزع سلاحها ، والأنضمام الي ركب الدوحة ، مع حركة السيسي ؛
+ تلتزم أدارة اوباما بمحاولة أنجاح مؤتمر المانحين الأسعافي ( تركيا ? يناير 2012 ) ، لنصرة نظام البشير ماليأ ؛
+ تلتزم ادارة اوباما بالنظر في رفع نظام البشير من قائمة الدول الداعمة للارهاب ، ورفع العقوبات الامريكية الاقتصادية عن كاهل نظام البشير ، وبالقطاعي ؛
+ وبيت القصيد ، تلتزم أدارة اوباما بالنظر في محاولة تجميد أم قبض الرئيس البشير لمدة عام ، قابل للتجديد !
ثانيأ :
+ يلتزم أمير دولة قطر بدفع ملياري دولار لأقامة بنك دارفورالانمائي ، لتمويل تأهيل البني التحتية في دارفور ؛
+ يلتزم أمير دولة قطر بالنظر في أمكانية تاهيل البني التحتية في ولايتي جنوب كردفان والنيل ألأزرق !
ثالثأ :
+ يلتزم الرئيس البشير بالأسراع في حل جميع المشاكل العالقة بين نظامه ، ودولة جنوب السودان ، بالأخص حول أقليم أبيي ، وفورأ ؛
+ يلتزم الرئيس البشير بوقف أي دعم للمليشيات الجنوبية ، التي تحارب دولة جنوب السودان ؛
+ يلتزم الرئيس البشير بالتوقيع علي اتفاقية اديس ابابا الاطارية ( أديس ابابا ? يونيو 2011 ) ، ووقف الحرب ، فورأ ، في ولايتي جنوب كردفان والنيل الأزرق ، ووقف تداعياتها علي دولة جنوب السودان !
+ يلتزم الرئيس البشير بقطع العلاقات الدبلوماسية مع ايران ، وعلاقات التعاون مع منظمة حماس ، ومع حزب الله اللبناني !
هل ينجح امير دولة قطر في اقناع الرئيس البشير بقبول هذه الصفقة الجديدة ? القديمة ؟ خصوصأ والرئيس البشير مزنوق زنقة ترزي في يوم الوقفة ! والمشاكل ، من صنع نفسه ، تحيط به من كل جانب !
موعدنا الصبح لنري !
اليس الصبح بقريب ؟
سودان الجن ؟
ذكرنا أعلاه ، وكذلك في مقالة سابقة :
+ أعترف الرئيس البشير ، وهو يخاطب المجلس التشريعي ، ( الخرطوم ? الأثنين 10 اكتوبر 2011 ) ، بأن السودان سوف يواجه أزمة أقتصادية طاحنة ، في مقبل الأيام ؛
+ أن السيد علي كرتي ، وزير الخارجية ، قد صرح في باريس ، بقرب انهيار الاقتصاد الوطني ، أذا لم يتم أسعافه ، وفورأ !
+ العجز في الميزانية العامة ( أس الداء ) ، يقارب الستة مليار دولار ، ولا يمكن تغطيته ، من الموارد الذاتية ، في المستقبل المنظور !
+ احتياطي بنك السودان المركزي الآن لا يغطي استيراد أسبوع واحد ، حسب المعطيات المتوفرة !
ثم ماذا بعد الاسبوع ؟
يرد عنقالي من نواحي الحوش :
ولا حاجة !
ويستميحك العنقالي ، يا هذا ، في سرد هذه الحكاية الواقعية ، لنستلهم منها الدروس والعبر !
حكاية !
تحكي العصفورة ، أنه في زمن الهالك نميري ، وصلت الي الخرطوم خبيرة أقتصادية من البنك الدولي ، لتدرس حالة البلاد الأقتصادية الخانقة ، وتقترح الحلول الاسعافية المناسبة !
امضت الخبيرة اسبوعا مزدحمأ ، قابلت فيه المسئولين في كل الوزارات المعنية ، وقرات الاف التقارير الأقتصادية !
وصلت الخبيرة الاممية الي قناعة راسخة ، بان بلاد السودان تتدحرج بسرعة الصاروخ نحو الهاوية ! وأنه لا امل في علاجها ، فقد تعدت طور قبول والاستفادة من اي علاج !
أيقنت الخبيرة بان بلاد السودان سوف تدق الدلجة في ظرف اسبوع واحد ، علي الأكثر ! وسوف تتوقف ، خلاله ، المصارف والبنوك عن العمل ! وسوف تصبح خزائن بنك السودان خاوية علي عروشها ! وسوف تقفل المحال التجارية ! وتتوقف العربات من السير في شوارع العاصمة والولايات !
في كلمة … سوف تقع بلاد السودان !
دخلت الخبيرة الي غرفتها في فندق الهيلتون ! وقفلت عليها الباب بالمفتاح ! وقررت عدم الخروج من غرفتها ، خلال اسبوع ، حتي لا تري بلاد السودان وهي تقع ! وتتجنب القرب من الثورات الشعبية ، والحرائق ، والسلب والنهب ، بل القتل العشوائي الذي سوف يعم البلاد من اقصاها الي اقصاها … كما في حرائق روما !
خرجت الخبيرة من غرفتها بعد اسبوع من سجنها الطوعي !
أستغربت عندما رأت الاسانسير يعمل ، وموظف الأستقبال في مكانه ! التفت علي يسارها ، فرأت الكافتيريا تعمل كالعادة ! ورات بعض الناس يتكلمون ويقهقون في اللوبي !
صرخت :
ياااالهي ! البلد لسه واقفة علي حيلها ! ماذا حدث ؟ هذه معجزة من معجزات النبي موسي !
رجعت الخبيرة الي غرفتها ، ولملمت حاجاتها الشخصية ، ودوغري علي مطار الخرطوم !
ولم تعد الخبيرة الاممية الي بلاد الجن بعدها !
توبة يا حبوبة !
انتهت الحكاية !
ولا يزال السودان واقفأ كالتبلدية ، من وقتها !
ولكن هذه المرة … الأمر مختلف جدأ !
سبعة أختلافات جوهرية ، من بين عشرات :
+ بلاد السودان مقسومة الي قسمين متعادين ، بقسم جنوبي تدعمه أدارة اوباما ( المجتمع الدولي ) ؛
+ دولتي السودان اصبحتا حصاني رهان في الانتخابات الرئاسية الامريكية … المسالة دخلت اللحم الحي ؛
+ بلاد السودان تفور بالحروب الاهلية والابادات الجماعية الغير مقبولة دوليأ ؛
+ رئيس الدولة مطلوب للعدالة الدولية ؛
+ لا تملك دولة السودان علي اي موارد طبيعية ذات شأن ، تغري المجتمع الدولي بحل مشاكلها ؛
+ لا صليح لنظام البشير … لا داخليأ ، ولا أقليميأ ، ولا دوليأ ؛ بل أعداء علي قفا من يشيل ؛
+ ذيل الكلب ( اسرائيل ) ، الذي يهز الكلب ( ادارة اوباما والمجتمع الدولي ) ، صارت مغروسة في خاصرة بلاد السودان !
وجع … و. ج .ع !
نواصل …
يا ثروت المويه المويه المويه اكان جارية ولا صابة ولا مخزونة تحت الارض وهى بالمناسبة اغلى من النفط بمراحل الناس ديل(الغرب و بنى قريظة ) رامين لى قدام!! صحيح الآن السودان ما عنده حاجة واضحة تؤثر على الاقتصاد العالمى لكن عنده موارد كبيرة مخزونة و بتاثر فى المستقبل سواء اقليميا او دوليا!!! الناس ديل بيرموا لى شيتا بعييييييد و ما بينتظروا لمن تحصل المشكلة بيخططوا ليها من هسه ديل ناس اولاد لذين يا اخ ثروت قاسم و الحرب الجايه حرب مياه و اراضى صالحة للزراعة و اراضى تحتها معادن ثمينة شديد!!! بعدين مشكلة الانقاذ انها بتحاول حل مشاكل البلد مع الاجانب اكان عرب ولا عجم و ده فتح ليهم صندوق باندورا!! و اصبح الامر ما بيد اهل السودان براهم و دى غلطة الشاطر مع انهم لا شطار و لا الشطارة جات بى جنبهم هم قايلين انهم بذكائهم و شطارتهم و قوتهم قدروا يقعدوا فى السلطة لكن هم ما عارفين انه الاجندة الاجنبية للسودان ما ممكن تتنفذ فى ظل وضع ديمقراطى حقيقى عشان كده انا حبيتو!!! اى ناس اليانكى و بنى قريظة حبوا الانقاذ و يمكن تحت تحت انهم بيساعدوا على عدم سقوطها عشان الجنوب ينفصل و دارفور لسه و لحقوها ناسا تانين و حقوق الانسان و دموع التماسيح تشتغل و خططهم مأأأأأِشة لى قدام!!! انتو الانقاذ دى ما فيها زولا بيعرف سياسة خالص خالص؟؟؟!!! دايما يا جماعة عزك و كرامتك و امنك عند اهلك ما عند الاجانب اكان عرب و لا عجم احترم اهالك و خليهم احرار و عزاز ما بتجيك عوجة تب لانه الاعداء ما ح يلقوا مدخل دت!!! انتو ناس الانقاذ ديل ما نصيحين ولا شنو؟؟؟؟!!!
وتيب يا ودقاسم ..
التزامات (الجنرال) تجاه (اليانكي) تفيد اوباما و صاحبه فراكلين شنو ؟؟؟ لانها التزمات لاتهم هؤلاء في شئ ، وما قدر الجزرة ..
يا قسم .. (السر) في (القرعه) ..
موعدنا الصبح يا …..
بقيت عامل زي إسحاق فانتازيا
خيالات الروائيين و شيطان التفاصيل الغير واضحة !
هسا عليك الله كلامك ده جاب جديد ؟ اي زول (متابع ) عارف المعلومات دي ! يعني إنت لازم تكتب و السلام !
ياخ إحترم عقول الناس دي ، و ترقى بمستوى كتاباتك لتكون اكثر واقعية من كلامات " الجن " … من اين لك هذا ؟ أوع تقول لي من الجن برضو
شكراً برضو على الاهتمام !
يا ثروت يا قاسم
الناس بيتمنوا الخير ويقولوا يارب انتو مالكم ماتقولوا كلام يفرح في يوم !
وبعدين اناعايز أسال انتو حتعملوا شنو لو ده كلو حصل ؟
I suggest the writer chamges his style.. As it is, his writing style is at times repulsive .. and at best annoying to read..Respect for readers dictates that if what he writes is an outcome of his reading of current events or his analysis of the situation he should say so. When he presents something that is sheer specualtion this should be presented as such and should be clearly mentioned that this specualtion and NOT be presented as facts. When some behind the scenes events really take place and he has got exclusive access, he should say that that these are from source that requested not to be identified. Mr Tharawat your analysis is like Hassan Maki’s " A WADDA’IA PROPHECIES" and am sure niether you nor rakoba would accept that. s
النميري لم يهلك وانما توفي فقد كان مسلماً ومن كفر مسلماً فقد باء به أحدهما اعمل حسابك يا ثروت لأنك ما ماانت البتحكم على الناس فالنميري عبدالله ان شاء أدخله الجنه وان شاء عذبه
يارب تنتقم لينا من كل ظالم ومن كل زول اكل حق المساكين
سماحة جَبَن الطين يا سيد العارفين.
أتمنى لك الإفاقة السريعة من هذا الهذيان. أنت تملك قدرة على الإغاظة أكثر من الإنقاذ لدرجة أنك ………………. النملة.
كلمة هالك لا تستخدم بالضرورة لوصف الكافر الميت ,بل تستخدم في كتب علم المواريث بكثرة فيقال "هلك هالك عن زوجة …..الخ"
ووردت في القرءان على لسان مؤمن ءال فرعون في وصف يوسف عليه السلام
الغريب أن هذا العلم يجهله الكثير من الباس في السودان و نادرا ما يقوم الناس بتطبيقه مع أهميته ووجوب العمل به و الله المستعان
يا مدحت عروة اى موية تتكلم عنها انت باين عليك فى كوكب تانى انا فى وسط الخرطوم مش لاقى موية اشرب ولا اغزك الله استحم يبدو الموية قافل عليها البشير فى خزاينو وحارم منها المواطن لانو حقير لا يستحق شربة موية اما الغالبية العظمى فمصابة بالكلى البلهارسيا والتايفويد بسبب شربهم من الانها والترع الابار المخلوطة بمخلفات البشر والحيوان ولان الحكومة اكلت فلوس البترول لما كان عندها ولم تنشىء للناس المجارى ومصارف المياه الراكدة واستبدلتها بمخصصات المؤسسة الرئاسية والمستشارين والوزراء الاتحاديين والولائيين وما خفى اعظم .
الاخ قاسم
الننميرى توفى وكان رجل دولة ورئيس حقيقى وليس رئيس منظر.
نحيك يا استاذ ثروت على مجهودك الجبار وتحليلك في محله , وللاسف هذه هي الحقيقة والبشير اصبح دميه وملطشه في يد امريكا والله معاك يا سودان …
حاول ناقش المكتوب امامك وبين نقاط اختلافك او اتفاقك حتى يستفيد المتابع من افكارك
thanks my friend you lough me to much you are right
كلااااااااااااااااااااا م الطيرررررررررررر فى الباقيرررررررررررررررر
اللهم انانعوذ بك من مرض الزهايمر ومن الخرف ومن الهلوسه.
والله ما عارفين نعمل شنو الواحد من يصبح يلقى نفسو بين مطرقه زبانيه الانقاذ وبين هضربه المعارضين الروائين.
قطر شنو واوباما شنو واسرائيل شنو وجنوب شنو بطيخ شنو
الناس ديل راكبنه بالرجاله وكان مابقين رجال يستاهل البيعملو فينا عليكم الله اسكتو ساااى شعب جبان واغلب الشعب باع مبادئه وقيم السودانين وصوتوا للمؤتمر الوطنى استلموا قروشهم بالجد حاجه مؤسفه لا ترابى لامهدى لامرغنى نافع كلهم زى بعض مرتشيين وعايزين سلطه الشعب السودانى اثبت ان شعب جبان وسير سير يالبشير ننحن جنودك للتدمير اقصد التعمير حتفضل نسمعها الى زمن بعيد وشكرا
ملاحظه المظاهرات الطلعت امس للاسف قامت بتكسير عربات المواطنيين وزجاج المحلات التجاريه دا شنو ياوهم اتعلموا المظاهرت السلميه ياطير ذنبو شنو الكسرته عربتو ولا كسرته دكانه شعب متخلف ورائيسكم صلعته كبيرة ومكتوب فيها (ميد ان شاينه) عايزينو يفهم هاهاهاهاهاهاها:mad: :mad: :mad: :mad: :mad: :mad: :mad: :mad: :mad: :mad:
لو ده كلامك الخير جاي دى اتفاقيه في صالح الشعب السودانى قبل حكومة البشير انشاءالله تتحقق في احسن من وقف الحرب والاقتتال
بالتاكيد سفر البشير الى كلب الامريكان فى الخليج كان لاملاء شروط امريكا لدعم نظام المؤتمر الوطنى وللشحدة…
وعلى عثمان ذهب الى مصر حتى يدعم حرامية الاخوان المسلين للاستيلاء على الدولة المصرية….
والان الجيش السودانى يقاتل فى سرت بدلا عن المنهزمين حرماية المجلس الوطنى الانتقالى … حتى مراسل الجزيرة اصبح السودانى اسامة سيد احمد كادر المؤتمر الوطنى… يقينى ان الانقاذ تلفظ فى انفاسها الاخيرة… وكل هذا ما هو الا خراج روح
ثروت تحليلك زى كلام الوداعية اسمك معرفناة انثى ام زكر ماعرفناك شايت على وين
التحيه ليك سرد منطقي وموضوعي والبشير ذاهب لا محاله والتحيه لاهلي الغبش
نحن انتهينا لو كان الكلام دة حقيقة واقعة الرماد كال حماد وانا افضل البشير يتخارج يمشي النجيبر والثورة قادمة قادمة
أخونا العميل الشاطر
و الله كرهتنا الراكوبة من تشائومك
و كتاباتاتك دائما ضد السودان
نحن نختلف مع الكيزان و لكن لم نتمني كما تقوله انت
الدنيا بخير و السودان بخير :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool:
بتحلم وبصدق أحلامك ، مصيرك تندهش مثل الخبيرة الاجنبية ، بس المشكلة ما تصحوا من حلمك عشان تطلع .:lool: :lool: :lool:
يا أخي اتقي الله فيما تكتب انت راجل فارغ ومتشائم
وبنقول ليك السودان بخير وان شاء الله في تقدم ورخاء
سوا كان البشير موجود أو ما موجود (بكرة ياسودانا تكبر وتبقي أنضر)
;( :mad: عوذ بالله من الشيطان الرجيم ……. بلاد النيلين وارض الحضارات والذهب ماذا يريد هذا المتشائم … المتخازل …. كلامك ولا احلام زلوط يا ……..