كشف قيادي بالجبهة الثورية عن جهات وأحزاب سياسية قامت بارسال ناشطين لتأجيج الاوضاع في دارفور.
وقال القيادي بحركة العدل والمساواة محمد زكريا والجبهة الثورية في حديثه لبرنامج (حديث الناس) بقناة النيل الأزرق أن قوى الحرية والتغيير شهدت تشظي وانقسام وقامت بممارسات وضعت وحدة البلاد على المحك بالاضافة لتعثر عملية السلام وانسداد افق الشراكة وكانت من ابرز الاسباب التي ادت الى قرارات 25 أكتوبر.
وأشار الى أن الحرية والتغيير لاتمثل كل الشعب السوداني، موضحا ان القوى السياسية فشلت خلال سنتين في إكمال موسسات الفترة الانتقالية وإعداد قانون للانتخابات وإنشاء المفوضيات وتكوين المجلس التشريعي.
وطالب زكريا بضرورة الالتزام بماورد في اتفاق سلام جوبا مؤكدا ان عدم تتفيذ واكمال الترتيبات الامنية يمثل احد الاسباب التي ادت للتفلتات الامنية في دارفور مشيرا الى تحركات تمت من قبل الحركات المسلحة والقوات النظامية لحقن الدماء في جبل مون وكرينك.
وأبان ان التفويض الشرعي للقوى السياسيّة لايكون إلا عبر الانتخابات، مؤكدا ان ثورة ديسمبر المجيدة ملك لكل الشعب السوداني وشاركت فيها جميع مكونا الشعب
وأوضح زكريا أن ماتم في 25 اكتوبر ليس انقلاب لأن الانقلاب يكون على الحكومة المنتخبة ورأس الدولة قبل الانقلاب هو ذات نفسه بعد الانقلاب مؤكدا أن القوات المسلحة جزء من الثورة وانحازت للشعب السوداني ولايمكن استبعادها من المشهد الحالي.
ودعا الجميع بضرورة التواضع على حوار يجمع الكل دون النظر للمصالح الحزبية الضيقة واوضح ان قوى الكفاح المسلح ستعمل على الضغط لاستكمال عملية السلام وقال انهم حملوا السلاح من أجل الديموقراطية.
اي ديمقراطية نعني ( الحركات المدمرة ) اين انتم من القتل في دارفور
وانت وغيرك في الخرطوم ونسيتم اهلكم يتقاتلون
الحركات نفسها تتسسبب في قتل الناس. الان في كرينك وجدت جثث اشخاص من قوات خميس ابكر الوالي بتاع الجنينه. ما صدقو رجعوا بالسلاح بتاعم وقالو ننتخم من الارب
اكيد احزاب من الشريت النيلي او نخبة الشريت النيلي هههههههههه رمتنى بدائها وانسلت (She threw it at me and slipped away) ما شفت واحد يحمل الكيزان المسؤولية كلهم الشريت النيلي لماذا ؟؟؟؟ لانه دارفور هي داركوز
قوم لف….. أنتم تمثلون الجناح العسكرى للكيزان, ولم يكن لكم أى دور فى ثورة ديسمبر بل العكس انتم تناصبون الثورة العداء و تنادون بازالة ما تنادى به الثورة من تفكيك تمكين النظام, وحتى شعوب دارفور لفظتكم.
لانكم انتم هربتم من مسؤوليتكم في دارفور واصبح همكم السلطة والثروة في المركز وطعنتم من اتي بكم في ظهرهم والنتيجة دارفور مازالت تنزف مما زاد التساولات من جدوي اتفاق جوبا الذي لم يثمر شي لدارفور المسكينة ! مني زامر جبريل دارفور اخر مرةً؟
نساعدكم شوية طالما طلعتوا المرة دي الشريت النيلي من الموضوع ونحصر الاتهام في الاحزاب كما تقولون طبعا لاشعال الفتنة لازم من يفتن ويشعلهها يكون له كلمة في المنطقة ويعرف ويفهم طبيعة المنطقة والناس هناك يعني يكون من المنطقة نفسها طيب الاحزاب الاتحادية ما فيها دارفوريين والبعثيين كما تقولون منذ زمن لا يملاءون بص الوالي اذا الدارفوريين إن وجدو فهم بالعشرات لا اكثر وفي الحزب الشيوعي لا اعرف دارفوري شيوعي وان وجدو فهم بعدد اصابع اليد وحزب الامة هو الحزب السوداني الوحيد الذي لديه ثقل في دارفور مع الكيزان وتعتبر دارفور مركز ثقل بالنسبة لهم والاستقرار في دارفور في مصلحتهم للانتخابات القادمة طيب من من الاحزاب لديها قدرة لاشعال الفتنة في دارفور
منطق قوي بس الواضح اتفاق جوبا من الزقاوه هو اس اللاء دارفور لن تستقر مع محصاصة جوبا المسكوت عنها.
🤣🤣🤣🤣🤣🤣🤣
خلاص نسيتو الفلول ومنهم د.جبريل وركبتم الموجه الحرية والتغيير التحليل الخاطي هذا يقودكم الي التهلكه الواضح انتم من وقعتم علي اتفاق وبا لاتملكون الشارع في دارفور والان النفلات الامني منك والجيش والدعم السرع بطلوا مرواغه وتتهربوا من الذب بكم كرونا سياسيه سوف تقود دارفور الي المحرقه ان لم تعترفوا بان اتفاقيه جوبا هي عين المحاصصه بالنسبة لدارفور عدم التحليل الصاح هو من تروا شي والوقع شي اخر.
انتو قاعدين في الخرطوم وتبرطعوا في القنوات الفضائية بتعملوا في شنو لماذا لا ترابطون مع جماعتكم لحل مشاكلهم الان الشعب السوداني واهلنا في دارفور كشفوا بأنكم حركات ارتزاق كيزانية خبيثة الان الشعب السوداني يرغب في فصلكم وامشوا تداوسوا في بعضكم بلا شريت نيلي بلا جلابة وكلام تحججكم بالهامش والمركز انتهى صلاحيته!
انتم ناس بسطاء ومساكين لاعبين بيكم سياسة وتامين بيكم شغل والماعنده خير في اهله وبني جلدته وناسو ما عنده خير لاهل السودان انت السلاح شلته حققت بيهو شنو غير اشعلت بيهو حرب ضريت اهلك وناسك وجاري وراء وهم انك تحكم
غايتو اسخف كلام اسمعه
انت عبيط يا مرتزق العدل والمساواة ؟؟ احزاب شنو البترسل ناشيطين يمشوا بحرضوا؟؟ خلاص نسيتوا الشريت النيلي؟؟ كل مرة بتفتشوا ليكم عن شماعة بعيدا عن الكيزان والعسكر والجنجويد ومخابرات مصر والامارات وغيرهم؟؟ نهايتكم بشعة يا مرتزقة
إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ
انتم تجار حرب فقط ..وتعملوا..لمصلحنكم الخاصة….
اركو وجبريل واردول..وزكرور…كلكم كرور…
شغالين لمصلحتكم بس..
الله ينتقم منكم ي ارزال..ومن معكم..
ياسلام يا فيلسوف عصرة ايها الكويز ليس ليكم اي قاعدة شعبية لعنة تغشاكم ياكيزان الشعب رافضكم
الكوز لا يستحي
ليس كل الناس شاركوا في ثورة ديسمبر
هناك من قال “نحن مع الانقاذ لما تقع رب”
هناك من سماهم الثوار ” يا الساكتين سكاتكم شين”
هناك ثعالب الثورات
اى قتل احتراي تجد الحركات جزء اصيل فيه وبل لديها قتلى “حركه والى غرب دارفور خميس وقتلاهم فىكرينك”
تقول السنتكم بما ليس في قلوبكم، سلام جوبا الذي لا يلامس قضايا الاقليم.
اخجلوا ايها الارزقية من حروب دارفور
0للاسف اهل دارفور لايحسون بالامن والامان الا خارج دارفور بدول الجوار او بالخرطوم
المؤتمرالسوداني وتجمع الاتحادي والبعث هم القادة الحقيقيين لهذه الثورة وهي الاحزاب الت ستقود السودان مستقبلا فقط تحتاج العمل علي مستوي الريف