عقوبات صارمة وتوجيهات مشددة في استخدام التبغ
الخرطوم: أماني إسماعيل:
حدّدت وزارة الصحة ولاية الخرطوم، يوليو المقبل كآخر موعد للشركات المصنعة والمستوردة للتبغ لتنفيذ توجيهات الوزارة ووضع صور إصابات بالسرطان بمساحة لا تقل عن (30%) من مساحة أغلفة وعلب وصناديق السجائر، وتصل الغرامة إلى (100) ألف جنيه حال عدم الالتزام وفقاً لقانون مكافحة التبغ للعام 2012م
فيما أعلنت عن تدشين حملة المكافحة صباح اليوم بفندق السلام روتانا. وقال د. محمود القائم مسؤول تعزيز الصحة بالوزارة في تصريحات أمس، إنّ القانون وضع شروطاً مشددة للشركات المصنعة والمستوردة لضمان نجاح المكافحة، وأضاف بأن الوزارة أجازت عقوبات صارمة وحددت اللوائح مسافة ألف متر في أماكن بيع (التمباك والشيشة) عن المرافق الصحية والمساجد والمدارس وألف متر في أماكن بيع الأطعمة كحد أدنى، مع إلزام محلات الشيشة بوضع صور لإصابات بالسرطان وعلى أكياس التمباك وعدم تشجيع الاستخدام في لافتات المحلات ووضع عبارة محذرة (ضار بالصحة). وكشف عن عقوبات على المؤسسات والمصانع والشركات بما فيها المواصلات العامة والخاصة (يمنع في حالة وجود أكثر من شخص) وتصل العقوبة لمبلغ (50) جنيهاً.
الراي العام
بلد كل ناسها بسفوا وبسجرو عاوزين تمنعوهم كيف ؟ وانتو مستنفعين في مال التنباك والسجائر عاوزين
اصلية
الجايب السرطان التبغ بس؟؟؟؟؟؟ مشروع جبايات وإيرادات جديد….. أكثر حكومة على وجه الأرض حريصة على صحة المواطن الله يقلعكم
مبروك قرار شجاع آمل المتابعة من المواطنين والتجاوب مع المسؤولين
حبذا ان يوضح رقم مثل الدوريات 999 للإتصال والإبلاغ والتدخل السريع ورفع الغرامة خاصة الذين يدخنون في الأماكن العامة مع الجلد إضافة إلى مخالفة مرورية 150 جنيه لمن يدخن داخل البص لأن التدخين السلبي أضر من التدخين نفسه وكذلك آمل من الجميع التجاوب والإبلاغ عن عدم تطبيق أي من تلك الإشتراطات منعاً لإنتشار السرطان حمانا الله وأعفى المصابين
والغريب في الأمر انه رغم وجود تحذير إلا أن المواطن يدخن ويستعمل التمباك وهو يعلم ذلك بالإضافة إلى الرائحة الكريهة وكذلك سد الشهية للأكل.
سرطان أكتر منكم مافي
عليكم الله يا ناس الحكومة … أضعوا على قميص عمر البشير ونافع على نافع .. وزوجة الرئيس وداد بابكر ……………. (ضارين بالبلاد فاسدين سرقوا البلد ) تكون بخط كبير وواضح … هي هسي واضحه بس عايزين تشهير
البسف التمباك بسف بى قروشو وبهرد شلاليفو..والبسف المال العام بسف قروشناوبهرد لحمنا
فالنكونوا واقعيون ونترك التعليقات السلبية
التدخين ضاااااار جدا بالصحة
التمباك ضار جدا بالصحة وغير حضاري
التدخين في الاماكن العامة يضر بالمدخن وغير المدخن
وجود محلات الصعوت في اماكن تواجد الناس والاطعمة ضاااار
وحقوا ندعم الشغلة ده
والموية الملوثة بى معقمات مسرطنه وسامة دى حلها شنووو.
القانون ده ناقص مفروض يكون كمان ابعاد الكيزان عن الخزينه العامه الف كيلومترانا مع هذا القانون لكن كلامي البديت بيهو ده محرقني ياخي ديل حيروناوتاكدوا بكره لامن ينقلب ضهر الخشنه تلاقيهم اتلونوا مع متغيرات الزمن مواكبه وكده
لاول مره منذ دخول الشيطان للسودان يصيب بقرار واحد لصالح الجماهير
يعني خلااااااااص يا مامون حميدة المستشفيات مؤهلة والادوية رااااااااااقدة في كل مكان واسعارها في متناول يد اي مواطن والكوادر الصحية المؤهلة متوفرة ومرتاحين ومرتباتم مكفياهم والحالة الصحية في البلد مية المية بس خلاص يعني بقت المشكلة الوحيدة هي السجائر والتمباك
يا راجل ما تختشي وتدي الامور اولوياتها بطلو شغل اللف والدوران بتاعكم وتفاهاتكم دي
والله اكيييد مامون حميدة يكون عندو مشكلة قديييمة مع ناس حجار عشان كدا بس عمل الحركات دي من متين صحة المواطن قاعد تهم اي زفت وزير صحة مرة على البلد دي في العهد الكيزان العلوق ديل
غايتو الله يلهمنا الصبر
هو البدخن دا ولا بسف ليه تنباك اقل ضرررا على المواطن و الوطن ؟
الكلام شوفوا البســفو فى المال العام و الاراضى والجروف و الميادين و الساحات و الاراضى الزراعيه واملاك الدولة ؟
نحن ما ســافين التراب و قاعدين نعاين بعيونا ديل !!!!!!!!!!
سرطان التمباك والسجاير مقدور عليه بنتركه
لكن سرطان الكيزان دهـ يعالجوهو بشنو؟؟؟؟؟؟؟؟؟؟؟؟؟؟؟؟؟؟؟؟؟؟
ما هو الأخطر على حياة الإنسان … الدخان … أم الكيزان؟
واناًً بكتب في الرسالة دي، خاتي لي سفة دقار لوري!! والسلام عليكم!
والله الكلام دا ميه الميه بس منو البطبقوا لكن مع ذلك يعتبر قرار غير شجاع لان القرار الشجاع هو منعه نهائي ان استطاعوا نحو ذلك سبيله
لكن كدا الجمارك ايرادها بقل اكبر دخل للجمارك في رسوم الانتاج مصانع السجائر. يحلوها كيف؟؟ الدخل يقل ولا صحة المواطن….. افيدونا
والله انتوا سذج وحكومتكم وادارييكم ساذجين
عشان الشركات دي تنفذ القرار ده مفروض انوا بيكونوا بيطبعوا صناديق التبغ وعبواته في البلد لكن اذا كانت حتى مستلزمات طباعة كراسات الدراسة تاتي من الخارج كم من الوقت تحتاجه هذه الشركات لاستجلاب ماكينات كباعة اغلفة للتبغ بصور ملونة ؟؟ من احبار وغيره؟؟
وكم ستكون تلك التكلفة التي سيتحملها المشتري؟؟ وحتى ان كان ذلك سيصب في اتجاه منع التدخين فماهي الاجراءات التي وضعت لمنع تحول المدخنيين للصعوط او غيره من المتعاطيات الاخرى الاقل تكلفة؟؟
المستفيد الوحيد هنا هم مهربي التبغ الاجنبي الذي تحوي عبواته تلك الصور التحذيرية
يعني بالواضح القرار ده اقطع دراعي لو ما مستفيده منه تلك العصابات
كدة شوفو لينا طريقة لترجيع فلوس البترول الهربوها للخارج دي بعدين اننشوف قصة السجاير و التنباك ..
برغم التردى الفظيع فى هذا البلد المتخلف عن كثير من الدول ؟ قبل تركيب اعلاناتكم عن مضار التدخين والتمباك يجب صدور قرار ملزم بعدم التدخين فى الاماكن العامه والوزارات والمطاعم والمستشفيات يارجل انا شاهدت طبيب بدخن داخل العياده؟؟؟ وقس على ذلك كثير من الحاجات البتفرم المصارين؟ بلد ماشه بالبركه .
والله العظيم مكافحة الملاريه اهم من البتسو فيه ده …كم معدل الوفيات من الملاريه وكم معدل الوفيات من سرطانات التبغ …اتقوالله…
الله يحرق يومكم.. شعب غبي
بدل البهدلة والعوارة دي الحكومة تسن قانون تمنع صناعة التبغ ..مش العلماء حرموه ليه يا دولة الشريعة ما منعتو صناعتو طبعا السبب معروف لو حكومة الشريعة منعت صناعة التبغ حتقفل على نفسها شلال من الجبايات ..اصلا المدخن عارف اضرار التدخين لو 30 % من مساحة العلبة ولا 100% كلها قانون هبلة لا تؤدي اي غرض …اما تمنعو صناعة التبغ للحفاظ على صحة وسلامة الناس ودي صعبة عليكم او تسيبو الامور زي ماهي ..بلا 30 % بلا عوارة معاكم
التبغ ضار بالصحة قرار مية المية مافي كلام ….. لكن اين القرارات الخاصة بالمنتجات الفاسدة والاطعمة المعالجة كيميائيا والتي تفوق في الضرر التبغ وبكثير والتي يكتب عليها طبيعي ميه في المية ….. اين القرارات الخاصة بالمجاري الطافحه في وسط الخرطوم والتي تقع قبالة المطاعم مياشرة ان لم تكن داخله اين القرارات الخاصة بنظافة المستشفيات التي تجد فيها بقع الدما علي النقالات والارضيات بصورة واضحة للعيان خليك من الذباب والباعوض الذي يشارك المواطنين غذائهم… خليك من الافران المعروفة في الخرطوم والتي تستخدم بروميد البوتاسيوم في الخبز وبصورة علنية ويتم التعرف عليها من شكل الخبز ……
ووضع عبارة (ضار بالصحه) !!!!!!!!!!! كان الاولي تكتبوا علي دار المؤتمر الوثني ( ضار بالانسانيه)
حكومة كان تنصلحي
كان تعرفي عيشي وملحي
كان تشوفي البي تزحي
ماتباري القول تلحي
كان تعرفي
والله ديل ما فاضين يعرفو اي حاجة غير كروشهم الكبيرة
الله ينعلكم في القبل الاربعة …. ياخ
تفووووووووووووووووووووو
عمر البشير جاتو سرطان في الحلق/بلعوم هو بيدخن ولا بسف ولا ببلع طوالي؟