الخرطوم: محاسن أحمد عبد الله
أعلنت الناشطة في العمل الطوعي والإنساني السودانية المقيمة بدولة الإمارات رانيا الخضر عن تكفلها بالأسرة التي نشرت (الراكوبة) ظروفها وإضطرارها للتسول بسبب الحوجة.
وأصافت قائلة: “سأقوم بضم الاسرة للكفالة الشهرية بمبلغ مالي مضاعف نسبة لظروفهم المادية الصعبة.
الجدير ذكره ان (الراكوبة) كانت قد أوردت قبل يوميين خبر مفاده أن أسرة سودانية مكونة من أم ، مطلقة أربعينية ،خريجة في احدي الجامعات السودانية العريقة وأطفالها الخمسة الذين تتراوح أعمارهم مابين أثني عشر وعامينأضطرت للشحدة بسبب الظروف الاقتصادية الصعبة التي يعيشونها لتوفير الطعام ،وذلك بعد أن فشلت الام بالحصول علي وظيفة في مجال تخصصها لتبحث عن عمل في المصانع وغيرها من المهن الهامشية ولكن دون جدوي ، فيما غادر طليقها الي جهة غير معلومة.
أوضح والدة الأطفال التي فضلت حجم اسمها لـ(الراكوبة) أنها عملت كخادمة في المنازل مع أطفالها الذين تركوا الدراسة بسبب ظروفهم المادية السيئة، فيما أخترنا السكن في العمارات التي تكون تحت التشييد كخفراء، مشيرة الي ان الاجر الذي كانوا يتقاضونه مقابل العمل في المنازل ضئيل لايكفيهم الأمر الذي جعلها تتجه وأطفالها للشحدة في الشوارع والمساجد بدوام مختلف – بحسب تعبيرها.
دي حالة كل ناس السودان بعد امريكا نهبت قروشنا ووقفت الدعم من الدول علينا فكيف نقاضي امريكا لمنظمات حقوق الانسان انها ليس فقط 30سنة عملت لينا حصار جارئ بدون سبب بل لازالت تجري وراءنا وتدمرنا وحسبنا الله ونعم الوكيل
امريكا نهبت قروشك يا كوز يا منافق!
وين كرتي ابو 999 قطعة أرض في الخرطوم و وين ابو الجاز صاحب الفنادق و المنتجعات الترفيهية في ماليزيا و سنغافورة و و و
ربنا سبحانه و تعالي سلط عليكم امريكا حاصرتكم لأنه عالم بأجرامكم و عفنكم و نهبكم لأموال اليتامي و الأرامل.
ما تفقع مرارتنا ياخ اسرق سرقتك و انت ساكت، الله ينتقم منكم يا حرامية يا قتلة يا مجرمين.
بعدين ياخ تذكر الحديث لعن الله المتشبهين من الرجال بالنساء، انت لو باطل قولها عديل ما تكتب اسماء النساوين.
سبحان الله
لو اخوك ودام وابوك كل يوم الصباح يقوم يسبك ويلعنك ويشيل سكينه عايز يطعنك بتخليه
اها حكومة الحركات الإسلامية البغيضة كل ما يصبح صباح امريكا وروسيا قد دنا عذابهما عايزهم يقولوا ليك مرحب حبابك.
بطل استهبال
طبعا تجار المخدارت كلهم كيزان وهم من يوردونها بالكونتيرات بالبحر وايضا بالمطارات والطائرات الحربية، والفريق الكوز بتاع التصنيع الحربي هو اكبر مهربي المخدارت، بالمناسبة هو صديق للسجمان.
لست الشاى القديمه الكوزه العملوها فيك الكيزان وليس امريكا حقه تكونى صادقه وتقولى الحقيقه
دي مش ياها اللبست التيشرت بتاع شيخ الأمين و رسل ليها الدولارات و رفضت الظاهر دا كلو في إطار حملة شهرة
ياها ذاتها زي ما قال الغناي ود البنا …لو داير تظهر البس احمر وخلي شبخ الجكسي يبكي وراااك ما تجينا يا رانيا …ال….. دي الظاهر اسكيلها عالي من شيخ خليجي فما فوق حتي تركب الجمل البشاري عشان كده قروشك راحت عليك يا شيخنا ارحع للجان السفلي بتاعك شمهروش يغذي ليك الحساب
ست الشاي اعرف الناس بمن نهب قروشنا و خلى الاسر تتسول، و هي (او هو) ما دايرة تقول البغلة في الابريق (تشوف الفيل و تطعن في ضلو). طبعا اتهام وسب امريكا ببلاش من زمان و ما بكلف شي (من شاكلة امريكا روسيا دنا عذابها)، بينما هناك علاقات سمن و عسل خلف الكواليس.
الله يهديك و يهدي من في قلبه صمم.