نجل محمود عبدالعزيز : سنحاسب كل من أطلق كذبة أو إشاعة ولدينا إرشيف،، الدولة لم تدفع مليماً أحمراً.. ووالدي سفّرته زوجته
أيمن عبدالله صباح الخير
المكان الخرطوم بحري
الجو يبدو مزدحماً بالحركة«ناس داخلة وناس مارقة» الدعوات بصوت عالي والكل يبدو عليهم الحزن في العيون.. وإبتسامة يملؤها الأمل والتفاؤل إستقبلنا بها.. برحابة وكرم معروف عن أهل هذا البيت ومستقبلنا يجتهد ليبدو سعيداً .. الماء.. الحلاوة.. وكلمات الترحيب الإنتظام والنظام ظاهران في البيت الذي كانت نظافته ملفتة برغم كثرة الزوار والداخلين والخارجين.. وزحمة الأقدام.. جلسنا بهدوء وبدأنا الحديث مع مصعب نجل الفنان محمود عبدالعزيز فطمأننا على صحة والده وإستعد لأسئلتنا.
٭ كيف تتعايشون مع هذا الكم من الإشاعات الذي يُطلق على حياة الوالد؟
– نحن نعيش تحت ضغوطات نفسية شديدة وأنا شخصياً أُرهقت من هذه الإشاعات لأنها بتدخّل الزول في حالة نفسية سيئة ومتعبة وأنا أتصل يومياً بالأُردن لأطمئن على ابي أكثر من عشر مرات، وفعلاً إتصل أمامنا بعمه الذي طمأنه على صحة محمود، ونحن وصلنا مرحلة إنو اخواني الصغار بقوا ما بصدقوا كلامي لأنو الجرائد بتقول كلام«والإنترنت عموماً والفيس بوك خصوصاً بعيدان عن الحقيقة والواقع».
*هناك حديث عن أن الدولة تكفلت بعلاج محمود وسفره ما حقيقية هذا الكلام؟
– الرئيس قال متكفل بعلاج محمود في الداخل لكن مافي زول دفع لينا ولا مليم أحمر..و وزارة الثقافة ما إتحركت ولا إتحاد الفنانين.. وتكلفة الطائرة الخاصة دفعتها زوجة ابي«نفيسة العشّي.. والدة التيمان».
سكت مصعب وقال بتقدير واضح في عينيه.. والله أنا ما حأنسى لي اُمي «نفيسة» موقفها الجميل هذا ما حييت.
٭ ماذا عن مطلقي الشائعات؟
– نحن سبق وأنذرنا الناس .. وحننتظر إتخاذ إجراءات قانونية ضد أي زول كتب أو قال كذبة أو إشاعة في الوالد.. وحنرجع ليهم بس هسي ربنا يقوموا لينا بالسلامة من مرضو.
وأنا عندي جدي جاتو كومة بسبب خبر كاذب في صحيفة«….» سماها لنا بالإسم.
وأخرج النسخة ومجموعة كاملة لكل الصحف.. وما سماهو بإرشيف الإشاعات.
٭متى ستغادر إلى الأُردن؟
الساعة الثانية فجر اليوم..«قال هذا وهو يحدق في الحقيبة السوداء التي كانت عليها فيما يبدو أغراضه».
ونظر مصعب والدموع تنهمر بلطف على خده عايز أكون جمبو لمن يفتح عينيهو ويبقى طيب.
سكتنا لأن الحزن الذي سيطر على المكان فرض صمت مهيب على المكان فمصعب وإخوته حرارة دموعهم كانت أقوى من كل التعابير والكلمات.. فقال أنا أُطمئن كل محبي ومعجبي الفنان محمود عبدالعزيز أنه بخير.. شكراً لكل من سأل بالتلفون أو جاء للبيت«فأنا تأتيني في اليوم مئات المكالمات للإطمئنان علي صحته.
وإن شاء الله ربنا ما حيخيب أمل الناس دي كلها ويقوّموا لينا بالسلامة.
وشكراً لك صديقي أيمن لكل .
صحيح إن الحزن في البيت كان كبير وظاهر لكن الأمل كان يفرح في أرجاء المكان فصوت غناء محمود المنبعث من الكاسيت وإبتسامة مصعب وإخوته تمنحك إحساس فائض بالأمل والطمأنينة لتقول الحمد لله.. محمود بخير.
الوطن
ربنا يشفيه قيثارة زمانه هذا المبدع حتى النخاع وعمك البشير ماتواخذه عايش فى غيبوبه علما بان ولد وزير المالية قبل كده عالجوه فى الخارج بى طن دولارات من حق الشعب السودانى وطبعا الولد زول ظلنطحى ساى لابصد ولابرد لكن ربنا موجود لمحمود.
ما قالو حنان بلوبلو والبشير وطياره خاصه وكلام فاضي
الله اخليك يا بت العشي والله مره بالف راجل
اللهم اشفه بشفائك يا أرحم الراحمين يا شافي ياكافي
ديل ناس جريدة الدار الله يلعنهم … احمد البلال الكلب بكسب رزقه من مصائب الناس الله لا غزا فيه بركة الخروف الهطلة …
اللهم اشفه شفاءا عاجلا اللهم لا شفاء الا شفائك شفاء لا يغادر سقما
ربنا يشفية ويعافية ويرجع للوطن سالما معافا إنشاء الله ونسمع عنك كل خير ياحوت ياسطورة
والله ربنا يشفيه ويقوموا بالسلامة ويرجعوا لي أهلوا سليم معافى..
ربونا يشفيهو ويشفي جميع مرضانا
شفاه الله
يا ابنى ربنا يشفى والدك ويحفظكم
الرئيس اصلا قاعد يقول كلام ساكت
ما تزعل من الريس خدو قدر عقلو
أها دي وصية للشباب والواحد لم يتزوج يتزوج بت ناس مش أي كلام علشان تقيف معاك وقفة مثل هذه رغم الأرهاصات التي شابت خبر زواجه من بت العشى وربنا يشفي الحوت ويعافيه
اللهم رب الناس مزيل البأس.إشف عبدك محمود عبدالغزيز شفاء لا يقادر سقما
اللهم امين يارب العالمين
لك الله يا محمود
نسال الله ان يعجل بشفائك وتعود لاولادك سالماوتزرع الفرحة في القلوب التى احبتك وتعلقت بك
امين يا رب العالمين
دعا المريض:
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
امين
شفاك الله يامحمود
ربنا يعافيه و يعود بكامل الصحه والعافيه الى اهله معجبيه بأذن الله .
لكن يا مصعب القشير كذب و نافق على امه بحالها و ابوك واحد منهم و لعلمك بأن القشير اصبح الكذب و النفاق عادة و لو ما كذب و نافق تنسد شهيته عن الاكل ولا يستطيع تدبير مؤامرة او مخطط ابليسى لمصيبه تحدث فى البلد وهكذا هو الحال رئيس دوله للاسف افتح و ارقص والمطبلاتيه يهللو ويكبروا ويتقاطروا سير سير يا بشير وكمل التدمير .
ياولدى الحكومه بتعالج عبد الحى يوسف واحمد على الامام الله يرحمه بالاف الدولارات فى المانيا من حساب الشعب الفضل
نسأل الله له العافيه والصحه التامه فالرجل له اسره يعولها وايتام ينفق عليهم اللهم عافيه واعف عنه يارب العالميين
ربنا يشفيهو الشفاء العاجل ويكون في عوووون اسرته واولادو الصغال….بس بالجد حركه الشائعات دي عبييييييييييييييطه شديييييييييييد
اللهم أشفي عبدك محمود وعافه وامنن عليه بالصحة والعافية وتقبل دعوات أبنائه وكل السودانيين بشفائه ورده إلى أهله واحبابه وجمهوره العظيم بتمام الصحة والعافية
اللهم ياالله نسألك الشفاءالعاجل لمحمود
أولاً أختنا الفاضلة نفيسة العشى إنشاء الله قدمك للجنة , فأنت كنتى ولاتزالى خير مثال للمرأة السودانية الوفية ومواقفها الشجاعة عند المحن والشدائد , وكل الدعوات الصادقات للأخ المحبوب محمود عبالعزيز بعاجل الشفاء وأكمله , ولكم الصبر أيها الأبناء والإبتهال والتضرع بصدق النية إلى العلى القدير أن يمن على والدكم بالشفاء التام , صبراً ثم صبراً آل محمود فما لحوادث الدنيا من بقاء , أما عن هؤلاء المطبلاتية ممن جبلوا تسويق الأكاذيب نقول لهم ” أن الصدق يألفه الكريم المرتجى والكذب شيمة الدنئ الأخبث .
هههههههههه أول مرة تعرف صحف الدار وفنون صحف اشاعة وكذابة عملوها مع وردى وقتلوه قبل ما يموت عايزين ايه سبق صحفي انشاء ارواحكم تسبقكم الي جهنم وتعال شوف الفيس بوك والتويتر القاعدين وراهو ناس زعيط ومعيط اخبارهم من صحف الاشاعة واخواتهم حاجة مضحكة في السودان واحد يطلق اشاعة في صحيفة والصحيفة الثانيه تقول حسب ماورد في الصحف!!!!! والله اعلام زباله ومقرف لدرجة التغزز وتعال شوف النت الكل يهرف بما لايعرف الله يكون في عون الشعب السوداني!!!!!!!!
الموت حق بس نحن بقينا نخاف منه لانه اعمالنا زي اعمال الكيزان كذب وغش ونفاق و عدم عمل وماذا قدم محمود للامة الاسلامية حتي نتكلم عنه في كل مكان هذا يدل علي خواء هذا الشعب الذي يعشق الكورة وينتحر من اجل الغناء والطرب الامم اتحضرت اتركوا سفاسف الامور واخلصوا في العمل والرحمة لكل من مات فهذا سبيل الخلق والشفاء لمرضانا ومرضي المسلمين
محمود راجل طيب وفنان ومبدع، بس بكل أسف رفقة السوء وصحبة الأشرار أوصلته إلى ما هو عليه الآن.
نسأل الله له الشفاء العاجل وأن يتوب الله عليه ويهديه السبيل القويم ويبعده من سكة الأشرار والصعاليك.
عمر البشير الغنى ليه محمود في موضوع هجليج ما دفع ليه (ولا مليم احمر) ؟
ربنا يشفية ويعود لمحبية
ربنا ينسف مطلقى الاشاعات
وجتى يتم انهاء الاشاعات ياريت تكون تفاصيل المرض والاجراءات والمتوقع وطبعا كل بيد الله الذى نتمنى منه عاجل الشفاء
لا نملك الا ان ندعو الله له بعاجل الشفاء ليعود سليم ومعافى ام العلاج على حساب الدولة فهذا امر مشكوك فية ولا يشمل الا المحاسيب والكوادر العليا من اعضاء الجزب الحاكم وفي الحقيقة كلما زاد العدد قلت الفرص فكم عدد الوة والوزراء عندنا وكم اعضاء المجالس التشريعية الاتحادية والولائية كم عدد استاذة الجامعات كم عدد الفنانين وناس نجوم الغد وكم عدد لاعبي كرة القدم يا جماعة الحمل ثقيل على زمانا كان المواطن العادي يلقى فرصة العلاع في الخارج على نفقة الدولة والله جار الزمان علينا اللهم لا نسالك رد القضاء لكن نسالك اللطف فيه
يأخوانا إنتو ماعارفين البشير فهم الحديث كلكم راع وكلكم مسئول عن رعيتة ( دي تخص جماعتو ) وباقي الحديث المراة راعية في بيت زوجها ومسئولة عن رعيتها وكفاية الى هنا .
ليه الإشاعات وزيادة الكلام الفارغ في حق الغيرّ؟؟؟
المصيبه في شعب السودان الذي أدمن وبشراهة مفرطة
الكذب والقذف والنميمة, كيف سيغير الله حالكم؟
التضرع لله عز وجل بالدعاء أن يشفي جميع مرضي المسلمين
والمؤمنين في مشارق الارض ومغاربها, اللهم رده إلي أهله
سالمآ معافآ برحمتك ياذا العرش المجيد
ربنا يشفيه ويشفي كل مريض … الاشاعات وراها كلاب الحكومة لشغل الراي العام عن مايحدث علي الساحة… الشعب ربنا يفوقو من سباته العميق
ندعو الله له بالشفاء والامر الاخر وزير المالية سفر ولده علشان عنده التهاب في الاذن بالطائرة الرئاسية الي امريكا وقبل يومين صحا من النوم وفرض رسوم علي استيراد الادوبة وطبعا دي ادوية الغلابة واليوم فرض دمغة ب1جنيه على شرائح التلفونات وما عارفين الدغة دي كلما تتكلم ولا مرة في السنة او ال6 شهور او يوميا وباخي المواطن لا تستغرب لو طرق باب بيتك شخص في منتصف الليل ويقول لك يافلان منزلك رقم 15 في مربع 96 بام دوم وتكون اجابتك بنعم فيقول لك لقد اشتريت هذا البيت من الحكومة بالدولار وستدفع لك الحكومة القيمة بالجنيه وبالتقسيط المريح وستمنحك قطعة ارض في صحراء العتمور وستدفع لك مقدم 15% علشان تشيل جريد وحطب في القطعة الجديدة وربنا يعينك واعمل حسابك لما تقعد في الصينية للاكل لانو الوزير بيدرس مشروع استيراد عدادات تعد اللقم البتاكلها علشان يفرض الضريبة ويجد التصفيق من نواب البرلمان ناس النوم والبلع
زوجه صالحه
ربنا أشفى عبدك محمود ,اجعل مرضة فى ميزان حسناتة
وزير المالية بنته فى الصف السادس مدرسة كبس العالمية وزعت آلاف الجنيهات هدية لصاحباتها….ملعون ابوك بلد وزير ماليتها……..
اللهم انا نسألك الشفاء الذي لا يغادر سقما لعبدك محمود الانسان الطيب و ابعد عنه رفقاء السوء و اولاد ا ل ح ر ا م…. آمين
الله يجيب العواقب سليمه / ربنا يجيبو للوطن سالم /تسلم زوجت محمود لوقفتها معه الله يكثر من امثالك يابت العشى
بالرغم من اننى لا استمع الى الغناء الا نادرا او مجبرا وبالرغم من مقوله الكندى ( من لم يهذبه العود واوتاره والربيع وازهاره فهو فاسد المزاج ليس له علاج ) ونحن على ابواب السبعين من العمر . الا اننى ارى لهفه ابنائى وحزنهم على مرض الفنان محمود … وتضامنا معهم ومع الشباب ارفع يدى الى الخالق البارى . يا ودود يا ذى العرش المجيد .يا مبدىْ يا معيد . يا فعال لما يريد . اسألك بنور وجهك الذى ملاْ اركان عرشك . واسألك بقدرتك التى قدرت بها على خلقك . وبرحمتك التى وسعت كل شىْ . لا اله الا انت . يا مغيث . يا مغيث . يا مغيث . اغث عبدك محمود عبد العزيز . واشفيه مما فيه .. واحفظه لصغاره ومحبيه وصلى الله على سيدنا محمد وعلى اله وسلم .
لم اتمالك دموعي و انا اتصور مصعب و هو يتكلم متألما من الاشاعات…و وفاء زوجة أبيه المرأة المثالية بنت الأكرمينززهكذا هن نساء بلادي اللاتي عرفناهم عبر التاريخ…عفة و وفاء للزوج و تضحية بالغالي و النفيس…و بالرغم من عدم معرفتي الشخصية لاي من عائلته ..و بالرغم من اني لست من معجبي محمود و لكني انسان متسربل بالانسانية و مسلم يعشق الرحمة و يتمثلها و سودني تأسره المحنة و الحنية…سأدعو لك الله يا مجمود فدعوة المسلم لأخيه المسلم من وراء الغيب مجابة…شفاك الله و ردك سالما غانما لزوجتك العظيمة و لأسرتك و لكل محبيك…اللهم أشفه شفاءا لا يغادر سقما….أما دولة الظلم و قادتها فيا رب انسفهم نسفا و لا تذر منهم أحدا…لقد تنكروا لعلاج مجاهديهم رفاق الأمس و ما هذا عليهم بغريب…شلة أنذال و شذاذ آفاق تحكمنا…لكم يوم ايها الكيزان الصعاليك
نتمني لك بالشفاء العاجل وربنا يقومك بالسلامة يا الحوت ياحبيب الشعب وياناس الكذب خافوا الله في الحوت
بنت رجال
عشقتك موت عشقتك انت صورة وصوت يامحمود
تروح انت نروح بعدك ومن بعدك انحنا نموت
في ستين يروح المك يروح همك يروح مرضك ويمشي يفوت
وحاتك انت قيمة حب ولا بعدك حنبقي نكون ولا غيرك حيصبح حوت
عشقتك موت ،،،،
انا فيك بخاف خوف الوجع
ياغالي يانور العيون انا ظني فيك يوم مارجع
ياربي تشفي تقوم سريع وان شاء الله مرضك مارجع
ان شاء الله يوم ماتشيل جراح
وحتي القطار المرة فات يرجع يعود يصبح وطن يصبح براح
وحاتك مابتمر ايام ,ولا بعدك لهيب الشوق ولا دونك حنبقي نصاح
عشقتك موت ،،،،
يلا ارجع سيب عنادك ،،، يلا ارجع سيب بعادك
غني ياحوت مين شبيهك غني للقلب اللرادك
عارفو زمنك باقي خائن وخلي بالك ،،،،
اصلك من ماقمت طيب وبرتاح ليك وريدي بائن
عشقتك موت ،،،،
وانت كان زعلان ياحوته ماتزعل
ومرت الايام جواي لهيب الشوق ولسه فيني امل
ترجع تعود تاني يرجع يعود خاتم المني
ترجع تعود تاني ترجع دروب الشوق تلقاك معانا هنا
صدقني ياحوته معاك قضيتها احلي سنين
قضيتها وداد محبة وريد وعشت حنين
رغم بعدي برسل سلامي
ياحوته ليك انا إحترامي
إن شاء الله ترجع يوم تعود ترجع تباريح الهوي
وماتشيل وحاتك انت هم انت في جوانا دم
وعشان نغني انت ارجع وهو غيرك انت انا عندي كم
وعقلي انشغل بيك ياجميل وتسلم تعود يمشي الالم
وطروني ليك وعيوني ماتبكي ولا بعدك تشوف الهم
وياربي ترجع زي زمان ،،،،
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
نسال الله العظيم رب العرش العظيم ان يشفيك
معقولة بس زول لسه ما تماثل للشفاء يسجنوه في مدني .. وقبل ذلك اربعين سوط في الفاشر على جسده النحيل .. الكيزان ديل ناس كلاب .. اذا حصلت حاجة للحوت معناته من الكيزان .. وعلي الايمان جمهور الحوت دا براه يعمل ثورة شعبية
http://www.reverbnation.com/elhoot%D9%85%D8%AD%D9%85%D9%88%D8%AF%D8%B9%D8%A8%D8%AF%D8%A7%D9%84%D8%B9%D8%B2%D9%8A%D8%B2%D8%A7%D9%84%D8%AD%D9%88%D8%AA
والله شكراً ليك يا مصعب إنك طمنتنا على الوالد محمود عبد العزيز لأننا كنا قلقين من أن تكون الحكومة قد صرفت مليم واحد على هذا الهرم العملاق وكانت حا تكون فاجعة بالنسبة لينا لكن الحمد لله خليهم يصرفوا على الوزراء والحرامية من زمرتهم وربنا يخلي لينا محمود ويرجعه لينا ولأهله وجماهيره بالسلامة ومع السلامة مع السلامة مع السلامة ….. وعوداً حميداً إنشاء الله وزوجته بنت العشبي دي أسرة مشهورة ومعروفة وقروشها كلها بالحلال من زمان وما حرامية عشان كدة بيصرفوها في أعمال الخير ودي لفتة رائعة من عائلة عريقة ربنا يخليهم ويبعد عنهم أولاد الحرام ..
عاجل الشفاء للفنان القدير محمود عبد العذيذ الذي وقف بفنه في صف المهمشين و تغني للنضال و الثورة الحركة الشعبية من ثورة الي دولة و لم تستطع مؤسسة الجبهة النفاقية جره في قطيعها مثل القذم جمال فرفور
نسأل الله للفنان محمود عبد العزيز عاجل الشفاء وأن يعيده إلى أبنائه وأسرته ومحبيه وهو بخير وصحة وعافية
ربنا يشفيه!
اهم شئ انو ما سافر على نفقة الحكومة
دة يذكرتا بي ارجل راجل
.
.
.
.
نقد على سرير المرض حيث رفض مساعدة على عثمان لعلاجه .. رغم الظروف يا للرجالة والتعفف!!!
اللهم اشفى محمود وعافيه واعف عنه ،،،اللهم من عليه بالشفاء ورده الينا سالما غانما يا رحيم ،،، اللهم عافيه واعف عنه اللهم عافيه واعف عنه
نسأل الله للفنان محمود عبد العزيز عاجل الشفاء وأن يعيده إلى أبنائه وأسرته ومحبيه وهو بخير وصحة وعافية .,والله مره بت العشى فى ميزان حسناتك يارب
Mahmoud is a good man and graet singer. god bless him and becom in good helth setuation to his fans.
ربنا يشفيه
نفيسة العشي انتي فعلا حواء السودانية
كتر الله من أمثالك فالوفاء شيمة النبلاء
وربنا يأجرك بخير الجزاء
لا ننسي من ربوك فإن كنت فرعهم فهم جذورك
اعاده الله لكم و لنا معافاًان شاء الله
والله دموعى ما قادرة تقيف من موقف بت العشى الكريمة بنت الكرام والاصيلة بنت الاصلاء ولا أعرفها ولاأعرف اسرتها ولا أولادها …الله اخلف عليكى بألف ألف باب يابت الرجال وازيدك واصبرك يامصعب لقول الحق….