سودانير تعود لملكية الدولة مقابل (125) مليون دولار
علي ميرغني
عادت شركة الخطوط الجوية إلى ملكية حكومة السودان أمس ،بعد نجاح الوفد الحكومي في التوصل لتسوية مع مجموعة عارف قضت لأيلولة سودانير للحكومة السودانية مقابل دفع مبلغ (125) مليون دولار لصالح مجموعة عارف الكويتية. وقاد وكيل وزارة المالية مصطفي الحولي، الوفد السوداني الذي دخل في اجتماعات مع مجموعة عارف بالكويت. وتشير متابعات التيّار أن موضوع استرجاع حق الهبوط في مطار هيثرو البريطاني كان ضمن الصفقة. إلى ذلك كشفت مصادر مطلعة عن تقدم أربع جهات أجنبية للدخول كشريك استراتيجي في شركة سودانير، خاصة وإن الاتجاه السائد داخل مراكز اتخاذ القرار في الخرطوم، ترجح الاستمرار في خصخصة سودانير على أًسس جديدة. وبحسب ذات المصادر تقدمت ثلاث شركات شرق أوسطية بالإضافة لشركة أوربية للمشاركة في سودانير. وكان الاتحاد الأروبي فرض حظراً على كل الطائرات المسجلة لدي هيئة الطيران المدني السودانية ،ومنع تحليقها فوق أراضي دول الاتحاد الأروبي. إلا أنّ مصدر مطلع بسودانير تحدث لـ(التيّار) أشار إلى أمكانية تشغيل خط الخرطوم لندن بواسطة طائرة مسجلة خارج السودان. وتستطيع (التيّار) تأكيد دخول طائرة أيربص للخدمة في سودانير خلال الفترة القريبة المقبلة، بعد نجاح الشركة في صيانتها. وكشفت متابعتنا عن أن شركة (برايت آند ويتني) الأمريكية تحتجز إحدي ماكينات طائرة الأيربص في تايوان بعد صيانتها هناك، بحجة أن صيانة الماكينة يعتبر خرق للعقوبات الأمريكية المفروضة على البلاد.
التيار
يعني تاني اذا اخو الرئيس ماشي لندن وما عندو حق التزكره ما حيكون عندو اى مشله —قال خط لندن قال
كم ربح الكيزان من وراء هذه الصفقة الوهمية…..القصاص و معاقبة لصوص الكيزان و استرداد اموال الشعب و اجب وطنى
والله الناس ديل حيرونا هم قبيل باعوها لشنو ولمنو . ماباعوها لانفسهم عبر الشريف بدر والان فاوضوا الشريف بدر ورجعوها تانى وثالثه الاسافى قالوا تانى حيخصخصوها على اسس جديده وتانى تدخل نمله وتاخد حبه وتخرج.
كم خسر السودان وسودانير جراء هذه التسويات المشبوهه
ياحليل صحافتنا النائمه فى العسل
اللهم ان الانقاذ فسدت وافسدت اللهم ارنا فيهم يوم كيوم عاد وثمود
اطرحوا اسهمها للمغتربين بسعر السهم 100 دولار للمساعدة فى عودتها سيرتها الاولى بعد تحديث اسطولها.
يا عطبراوى عليك الله خلى الموضوع بعيد عن المغتربين!!! كفاية عليهم سندس وغيرها
خليهم يطرحوا اسهمها داخليا على كل الشعب السودانى فهم احسن حالا من المغتربين
اول شي قبل ماتدخلو شركا التزمو بي مواعيدك وزعينو ميضيفين ومضيفات عندهم اخلا وبيعرفة يتعاملو مع الناس مش يقعدو يتزهجو في الناس الواحدها كانها مجبرة على الشغل مالت عليكم وعليهم
تاني وفرو بطاطين وخلو الطيارة نضيفة من جوة وصلحو اكلكم
بي صراحة سافرت بيها مرا ندمت تاخير في المواعيد اصطاف زبالة وماعنجه اتكيكت ريحة الحمامات فايحا
واكل منظرو مقرف ماعارفا
طعمو كيف ييييييييييييع
فضحتونا ولما تقول لمضيفة ابي ماي تقعد تصر في وجهها كانو حايباها من دمها
كشششششششششرة كشرة ومواعيد مافي
يا جماعة اسمها الناقل الوطني يعني بتعكس صورة السودان لما يكون المواعيد ماملتزمين بيها والا صطاف زي الزفت والوفت احسن دا معناه شنو
بالجد شي بزعل
الله يهديكم وتلتزمو بالمواعيد وتصلحو الطيارة من بار وجوا
واهم شي علمو المضيفات والمضيفين اسلوب التعامل ويحترمو البيبها والناس الكبار
والله فشلة لما تشوف كيف بيصرخو في الناس الكبار والاطفال عييييييييييييييييييييييييييييب
الله يصصلح حالكم
الشخص الوقع عقد البيع نيابة عن الشعب السودانى كمال عبداللطيف موظف امن سودانير السابق والوزير الحالى شوف جنس القفز الحر دة وعقبال ما يوقع الثانية علشان يبقى رئيس ;) ;) ;) ;) ;) ;) ;)
والله يا رناد اللغة يخلوها ليك وبرغم الألم ضحكت الله يفرحك !!!!!! دى لغة الخليج ما حقتنا ومعاها لجنة كمان الله يديك العافية
بعد ماركبنا على طائرات مختلف شركات الطيران العالمية وتمتعنا بالنظر إلى المضيفات الرشيقات اللآئى يبتسمن بمناسبة ودون مناسبة ! وقائمة الطعام التى تختار منها ما يناسب حميتك و(عقيدتك) قبل إقلاع الطائرة ! لن يستطيع أحداً فى هذا الكون إقناعى بركوب الطائرة السودانية ولم أستطع أن أفهم كيف يحترق الركاب فى الطائرة وهى جاثمة على أرض المطار ! السبب الوحيد الذى كان يجعلنى أختار السودانية ( زمان ) هو أنها الناقل الوطنى ويجب علينا دعمها , لكن الآن فأتها مرتع للكيزان وعائلاتهم فيجب الأبتعاد عنها ولأنه لايوجد الطياريين الأكفاء ولاحتى المضيفات المتدربات جيداً ( أعوذبالله ) ولا حتى الصيانة المضمونة !
اولاً حسن شئ، تعملوها بعد الخصخصة(والبلع)، ارفعوا اسم القصواء من الخرد (والاجسام الغريبة)الطائرة في السماء ، ويمكن للمعلقين ان يقترحوا لها اسم آخر ، بس القصواء بريئة مما راينا وطرنا بها والواحدل لم يصدق ال الآن انه حي يرزق!!!!!!!
يا ستهم يا ستهم ,,,, ربنا يكون في العون ;( ;( ;( ;( ;( ;( ;(
خجلتونا وكسرتو عينا الواحد بقي نفسو بقت زي السمسمايه لمن يقول انا سوداني شرطو عينا بي سياستكم وشحتفتكم لينا اقول شنو انا بس عايز اقول حاجه تخليني افتخر اني سوداني بجد ما لاقي محل ما اقبل فاضحننا .. من الاخر انا مع الفول السوداني عشان دي الحاجه الوحيدة الي بعتز بيها الحين ,,,, 125مليون دولار دولار ياخي خلوها جنية دي تسوية اوكي ماشي نرجع شوية وبسأل سؤال : لماذا تمت خصصة سودانير : ولماذا تم اسرجاع الصخصخه والقبول بتسوية فورية وبمبلغ زهيد في هذه الفترة بالتحديد ؟؟:rolleyes: