وسطاء أفارقة يضغطون على السودان وجنوب السودان لانهاء المواجهة
أديس أبابا (رويترز) – سعى الاتحاد الافريقي يوم الاثنين الى نزع فتيل العداوة بين السودان وجنوب السودان التي وضعتهما على شفا الحرب العام الماضي والى إنهاء تجميد لصادرات النفط يهدد بتدمير اقتصاديهما.
وانفصل جنوب السودان عن الشمال في 2011 بعد عقود من الحروب لكن النزاعات الحدودية والخلافات بشأن رسوم خط انابيب النفط استمرت مما أخر التنمية الاقتصادية التي ستجلب الامل لشعبيهما اللذين أنهكتهما الحروب.
وأوقف الجنوب انتاجه النفطي الذي يبلغ 350 ألف برميل يوميا منذ عام في محاولة لفرض خفض في الرسوم التي يدفعها للشمال مقابل نقل الخام الجنوبي عبر انبوب الى مرفأ ساحلي لتصديره.
ونظرا لان النفط يمثل عصب الاقتصادين تسبب هذا الاجراء في ارهاق ميزانيتي البلدين وأضعف عملتيهما وأدى الى ارتفاع معدل التضخم وزيادة المصاعب الاقتصادية.
وجمع الاتحاد الافريقي الرئيس السوداني عمر حسن البشير ورئيس جنوب السودان سلفا كير قبل اسبوع في اجتماع بالعاصمة الاثيوبية اديس ابابا للضغط عليهما للوفاء بتعهدات قطعاها في سبتمبر ايلول بسحب القوات من الحدود بين الشمال والجنوب.
وسيساعد إنشاء منطقة عازلة على الحدود في تهدئة التوترات ربما بدرجة كافية لاستئناف تدفق النفط.
وبعد ذلك الاجتماع قال وسيط الاتحاد الافريقي ثابو مبيكي ان الجانبين وافقا على إنشاء المنطقة العازلة. وخطط الاتحاد لنشر إطار زمني يوم الاحد الموعد المفترض لاستئناف المحادثات. لكن كلا الوفدين وصل متأخرا مما أرجأ بدء المحادثات يوما.
وقال مسؤولون من الاتحاد الافريقي في اديس ابابا ان جلسة يوم الاثنين التي حضرها وزير الدفاع السوداني عبد الرحيم محمد حسين ونظيره الجنوبي جون كونج نيون ركزت مجددا على كيفية إنشاء المنطقة العازلة.
وقال عاطف كير المتحدث باسم وفد جنوب السودان ان المحادثات ستركز على تنفيذ الاتفاقات. ولم يتوفر على الفور تعليق من السودان.
ويسود العداء بين حكومة البشير في الخرطوم وخصومه السابقين في جوبا.
وقتل نحو مليوني شخص في الحرب الاهلية بين الشمال والجنوب التي تركت جنوب السودان مدمرا اقتصاديا وتعج اراضيه بالاسلحة.
وتتهم الخرطوم الان الجنوب بدعم تمرد داخل السودان من جانب اعضاء سابقين في جيش التمرد الجنوبي وجدوا انفسهم شمالي حدود التقسيم.
ونفى جنوب السودان دعم المتمردين.
وقال وزير الدفاع السوداني الشهر الماضي ان الجانبين سيتعاملان مع القضية الحساسة للمرة الاولى في أحدث جولة من المحادثات
ليس هنالك جديد يذكر لما إتفقوا عليها.
سوف تحتاج إلى مساعدة السودان من دول أخرى
[img]http://s07.flagcounter.com/mini/DymW/bg_FFFFFF/txt_FFFFFC/border_FFFFFF/flags_0/.jpg[/img][img]http://s05.flagcounter.com/mini/MECnk/bg_FFFFFF/txt_FFFFFC/border_FFFFFF/flags_0/.jpg[/img]
الثقة معدومة بين الجانبين، كل واحد يريد أن يتغدى بالآخر قبل أن يتعشى به. لذلك لا نتوقع أن تسفر هذه الضغوط عن شئ خاصة وأن قبيل كل محادثات تتفرقع قنبلة أمنية هنا وهناك. كذلك فإن شياطين الإنقاذ يلعبون على مد أجل الأزمة لتأزيم الوضع السيء في الجنوب وبالتالي زعزعة الحكومة في جوبا. وفي نفس الوقت من الصعب لرفاق سلاح الأمس في الجيش الشعبي نسيان إخوتهم الذين قاتلوا لجنبهم أكثر من عقدين من الزمان وطالما تدعم الخرطوم المتمردين الجنوبيين فإن جوبا تستخدم نفس السلاح، بما تدين تدان.
هذه الأزمة المتجددة تؤثر على الشعبين في الجنوب والشمال وطالما ليس هنالك ثقة بين الجانبين الذين يلعبان توم آند جيري فإن الأزمة ستطول والمآسي ستستمر. خسرنا الوحدة والسلام معا بسبب الإنقاذ وفي نفس الوقت نخسر المزيد من الأرواح في الحروب العبثية التي يقودها مصاصو الدماء في دارفور وجنوب كردفان وجنوب النيل الأزرق.
قال الراوي
خلف الله تاجر خردوات يتاجر في كل شيء، لالوب وقدور النحاس وبنابر وكور، وخراطيش ويايات السيارات. القصة بدأت عندما زاره ذات مرة جاره جون واستدان منه اردب لالوب على ان يدفع له لاحقا. بعد عدة أيام عاد جون حاملا اللالوب معه وطلب من خلف الله أن يستبدله له بياي لسيارته المتوقفة. وافق خلف الله وأعطاه ياي مقابل اللالوب. عندما هم جون بمغادرة المكان، طالبه خلف الله بالثمن قائلا (تعال هنا با جون ادفع لي قروش الياي)، فقال له جون (أنا ما بدفع ليك ولا مليم احمر)، فقال له خلف الله (ليه ما تدفع؟)، قال جون (أنا ما بدفع قروش الياي لأني بدلتوا منك باللالوب)، فقال خلف الله (لكن أنت ما دفعت لي حق اللالوب ذاتو)، فقال جون (لالوبك ياهو في يدك و أنا ما مصيتو، ادفع ليك تمنه كيف؟). استمر النقاش بين خلف الله وجون على هذا المنوال لفترة طويلة من الزمن، كل منهم يحاول إقناع الثاني برأيه، حتى مر بهم شرطي وسألهم عن سبب (جوطتهما) قائلا لهما (شنو انتو عاملين لينا زيطة وزمبليطة في نص السوق؟!). قال خلف الله للشرطي (بالله شوف الزول ده، أخد مني ياي وما داير يديني قروشي)، فطلب الشرطي من جون أن يدفع سعر الياي فقال جون وهو يشير بيده (اسمع يا بوليس أنا الياي ده بدلته بي اللالوب داك)، فقال الشرطي لخلف الله (الكلام ده صحي يا زول؟)، فقال خلف الله (ايوه صحيح هو بدل مني الياي باللالوب)، فقال له الشرطي (طيب مالك عامل نقه ما دام هو بدلو منك باللالوب؟!)، فقال خلف الله (لكن يا جنابو اللالوب ذاتو حقي، هو شالو مني بالدين ورجعو لي بعد كم يوم وقال لي ابدلو ليهو بالياي)، هنا سأل الشرطي جون (يا زول، انت شلت اللالوب ده من الزول ده بالدين؟) فرد جون (ايوه، انا شلت منه اللالوب بالدين)، فقال الشرطي لجون (طيب ما تدفع للزول ده قروشوا)، فقال جون (قروش شنو؟)، فقال الشرطي (ما قروش اللالوب!!)، فقال له جون (لكن يا جنابو انا ما مصيت اللالوب ادفع لي حاجة أنا ما أكلتها). احتار الشرطي ولم يتمكن من حسم هذه (الغلوتية)، فاضطر بعد حكة خفيفة على رأسه للانسحاب ناصحا لهم بان يذهبوا إلي المحكمة لحل خلافهما هناك. وافق جون على مقترح الشرطي و فنجط خلف الله ورفض هذا الاقتراح جملة وتفصيلا. قدم جون (عرضحال) طويل للمحكمة، وبعد أن درست المحكمة الشكوى جيدا استدعت خلف الله وجون وطلبت منهما أن يتفاوضا فيما بينهما لحل هذه المشكلة بمساعدة الجيران وإلا فان العقوبات تنتظرهما. وبالفعل، فقد عاد خلف الله وجون إلي نقاشهما السابق تحت رعاية الجيران برئاسة المبعوث القضائي (تاو تن تيكي).
قال الراوي أن جون على وشك حسم الصراع لصالحه بإثبات ملكيته للياي، ولكن قبل أن يتنفس الجيران الصعداء، بدأ جون (الصلبته) مرة أخرى وقدم حيثيات جديد ادعى فيها أن اللالوب وقدرة النحاس وبنبر روضة أيضا ملك له. هذا وقد عقد خلف الله مؤتمر صحفي فسأله احد الصحفيين إن كان قد تمكن من إثبات ملكيته للياي فرد عليه خلف الله قائلا (ياي شنو يا زول، جون ده شال مني الياي حقي وأنا وافقت عشان اتخارج منو بس. اها تاني قام اتصلبط لي في اردب اللالوب وقدرة النحاس وبنبر روضة حقاتي، قال برضو حقاتو، يعني معقولة أنا اخسر حاجاتي كلهم!). فسأله الصحفي مرة أخرى (طيب ممكن توضح لينا أنت ليه ما قادر تمنطق الزول ده) فصاح خلف الله في الصحفي وهو يمسح ريالته بمنديل كلنكس (منطق شنو ياخ، جون ده كلامو كلو ما منطقي، اجيهو بي هني يطلع لي بي هناك، امشي ليهو بهناك يجيني بي هني. ياخ ده حيرني ذاتو، قدر ما حاولت امسكوا ما قدرت، الزول ده التقول ممسح بي زيت سمسم… غايتو بي طريقتو دي حياخد مني لالوبي وقدرة نحاسي وبنبري) ثم أردف، وهو يمسك بلغاليغه (انا خايفو تاني يقوم يتصلبت لي في حاجة تانية كمان، الله يحلنا منو غايتو، الزول ده لو استمر بي طريقتو دي ممكن بكرة القريبة دي ياخد مني الخرطوش ذاتو).
هذا، وما زالت (الشمطة والبطبطة) محتدمة بين خلف الله وجون ولم يصلا بعد لحل مرضي للطرفين.
وين الضغوط دي ما ظاهرة في الخبر لكن اقولكم ما مضغوطين الا نحن شعبي الجنوب والسودن
إلى متى سظل الشعب السوداني والشمالي في هذه الدوامة هولاء العسكر لا يصلحون ( البشير وسلفاكير ) هولاء مكانهم ميدان الحرب وليس كرسي الرئاسة والساسة والسياسين تباً لهم فهم لا يشعون بمعانة المواطن الشمالي والجنوبي في كل الذي يحدث ،،،
أي مواجهة وأي ضغوط؟ هي تمثيلية يقوم بها نظام البشير قبل تقديم كل التنازلات التي يطلبها برنستون ليمان ومن ورائه إسرائيل! البشير الآن يمثل خطراً على الدولة لأنه مستعد لبيع السودان بكامله كي ينجو من المحكمة الجنائية الدولية، أما مفاوضيه ونائبه على طه وبقية الفاشلين فهم مستعدون لبيع السودان من قبل صدور قرار الجنائية! أمبيكي القمئ هو أكبر عميل صهيوني والوسطاء الأفارقة، زعماء كانوا أم أقل، فهم عملاء صهاينة وبامتياز ومستعدون لبيع القارة الأفريقية كلها بأي مبلغ معقول بالدولار
احيك ابو سكسك يا خيالك واسع وقصتك ظريفة جدا وياهو زاتو الحاصل
حسب رأي الشخصي بقول سلفاكير والبشير ووزيري الدفاع الجنوب والشمال بلعبوا شطرنج فاذا فاز البشير على سلفاكير حيمرروا ليهم النفط ويعطوهم ابيي، وفي حالة فوز سلفاكير كذلك سوف يمرروا ليهو النفط مقابل ابيي للجنوب ويا ترى من سوف يفوز والغلبة في لعبة الشطرنج للأذكياء .
ياجماعة كدا نكون ناس واقعين ومنطقين فسؤال بطرح نفسه هل مقاتلي النوبة والنيل الازرق سودانين ام لا ؟وهل من حقهم ان يستمتعوا بحقوق المواطنة اما لا ؟ والله العظيم دي اسمعوها مني وبي حليفتها لو دا تفكيركم ؟ فك ارتباط وغيره والله السودان حاتقسم لاكثر من خمسة دويلات . واي زول بفتكر انو الحركة الشعبية شمال بتنتهي بما ينادي به الوطني من فك ارتباط فانه واهم الحركة الشعبية الام سنة 83 لما اندلعت كانت قوامها كتيبتين وتسليحهم كان متواضع جداتوصلوا بيه الى انفصال الجنوب ومال بالك الان جبال النوبة والنيل الازرق بها ما يقدر بفرقتين وهي اكبر من ذلك بكثير يعني ما يساوى اكثر من20 كتيبة يا ناس اصحو وشغلوا عقولكم ان كانت لكم عقول
هذا جزاء ان تترك التفاصيل وتعتقد انك تستحق جائزة نوبل للسلام الاتفاقيه عموما صممت علي اساس البقاء علي الكراسي دون النظر الي مقومات هذا البقاء فصلوا الجنوب و خلقوا جنوب جديد ادمنو الفشل في المفاوضات حتي صرنا لا نتعجب من اضافه مناطق وبنود اخري كل يوم ومع ذلك يتمشدقون فينا صباح مساء انهم كسبوا نقاطا جديده لقد اضاعوا السودان بنظرتهم المتخلفه وأفقهم الضيق وادخلوه في نفق ضيق فليحفظ الله ما تبقي مما يسمي بالسودان
يا سيد الرئيس وانت ماشى جوبا ما تنسى تنزل فى كاودا تصلىى ركعتين كدة عشان امورك يمشى سيلفاكير