الخرطوم: الراكوبة
أفاد الأستاذ مجاهد علي مسؤول برنامج سلعتي على صفحته بفيسبوك أن اتفاقاً تم التوقيع عليه بين كل من الشركة السودانية للسلع الاستهلاكية
الوكالة الامريكية للتنمية الدولية (USAID) على اتفاقية شراء مصنع تعبئة و تغليف مواد غذائية للحكومة السودانية دعما لبرنامج سلعتي و مشاركة في احد اهم برامج الحكومة الانتقالية التي تستهدف معاش الناس.
وكشف مجاهد بان الاتفاق يأتي في اطار دعم برامج الانتقال الديمقراطي للسودان؛ وتم الوصول إليه بعد مجهودات عظيمة و مقدره من كافة الاطراف المعنية بدءاً من وزارة التجارة ممثله في قيادتها السابقه السيد مدني عباس مدني و الحالية السيد علي جدو ادم وطاقم مكتب السيد رئيس الوزراء الدكتور عبد الله حمدوك و مجهوداتهم المقدرة و الداعمة لانجاح المشروع بدء من طاقم القيادة السابق لمكتب سعادته و الحالي و بنفس الدعم و المتابعة حتي تكللت المساعي بالتوقيع اليوم علي العقد.
وأوضح مجاهد بأن الانتاج سيبدأ قريبا بعد اكتمال كافة الترتيبات لبدء العمل.
الجدير بالذكر ان المصنع سوف يعمل بطاقة انتاجية في مرحلته الاولي تصل الي (مائة طن) يوميا بكفاءة شهرية تصل الى (اثنين الف و خمسمائة طن)
مما يسهم في زيادة عالية في مستوي الخدمات و الكميات و الاسر المستفيدة مستصحبا اول خطوات التطوير باضافة الشعار الخاص بالشركة و الذي سوف يعكس هوية المنتج ( #سلعتي ) و جودته.
كلامك زى كلام الكيزان خلونا منوا ” سلعت زمضات بتين ؟ لان رمضان على الابواب” خلونا من حقنه امريكا المخدره
…. هل امريكا تترك قطاع البترول شفرن والبنيه التحتيه كتربلر وتثتثمر فى سلعتى “3000طن شهريا ” عدم تخطبط وكذب كيزان …وين اللواء البيرجع …فانون النظام العام … علما هذا القنوان قبل الكيزان والترابى المقبور لم يوجد … والبلد امنها متوفر وعسكريها محترم ومصان من اللف والدوران الاورثوه ليه الكيزان فى زمن الكيزان العسكرى يشوف بتاع اللجنه الشعبيه يهززهز زنبوا اليوم لايتعاون مع لجان الخدمات والتغير ودئما فى حرب لان ….الك ..لايعرف العيش بلاسيد ” جريه” ولكن يجى جيل هيعرف معنى الحريه”
هو دا مصنع ولا جنريتر الحا يشتغل طوالي دا وبعدين حا ينتج شنو .دا كلام الطير في الباقير
السودانيين مفتكرين الدنيا ما بتتعمل الا بالمشاريع العملاقه. كاتربلر وشيفرن وجنرال موتور. حرام عليكم. التوانسه بصدروا شطه لجميع أنحاء العالم (الهريس التونسيه) والتمر البلح طول السنه مقطي السوبرماركتات في أوربا جوده وتغليف على أعلى مستوي.(ما شاء الله) يوم من الايام السودانيين بشترو تمباك يماني من البقاله بربع دينار كويتي والتمباك السوداني يتبادلونه مجاني. اللبنانيه بصدروا علب فول لجميع أنحاء العالم و ما بزرعوه. مفروض نصدر كلاب لكوريا وحمير للصين وخنازير لأوروبا وبني ادمين لحرب اليمن
برنامج سلعتي هو مأكلة مدني العمل صاحبو مدير البرنامج الفاشل ده، الجمعيات التعاونية كانت بتوفر الجاز والسكر والزيت والدقيق وكل سلع المواطن وده كله من خلال دكاكين في وسط كل حي، انتو رمز للفشل يا متسلقي الثورة.
يا ابو جلمبوا انا زمان كنت شايفك كوز معفن ولكن مع الايام ثبت انك ممكن تكون اي حاجة الا كوز ، كذلك مدني عباس مدني تقول فيه اي حاجة الا الفساد ممكن ما يفهم او سكران حيران بس لاتقولي لي حرامي او فاسد او غير وطني ده كلام مستحيل.
لا مستحيل في السودان
الناس ديل ماشين بطرق عملية وعلمية … وتصنيع وتجويد يليق بالمواطن الغلبان بدل التغليف والشوالات واكياس النايلون المقطعة … والمعلق الفوق ده يقولك سلعة رمضان ((بتين)) بس دايره يجيبوها ليك في شوال فحم قديم داير تاكل بس والله دي عقلية م تتطور ولا تحترم نفسها.. ياخي على الاقل خل الحكومة دي تقدم ليك حاجة حتى لو قليلة في شكل محترم يليق بمقامك ..
صدقت و العينة دي اكثر من 60% من الشعب السوداني ديل الجابو لينا الكفوة والكيزان و سيدي وسيدك ديل كل البعرفه في الدينا واقصى ما يقدموه لوطنهم (تهيل وتكبير) الله اكبر الله اكبر ولو بيحكمهم الحزب الشيوعي نفس النغمة في النهاية يرجعو بيوتهم (يأكلوا ويبعروا ويناموا ويشخرو) هذي مجموعة ضحية الجهل والتخلف وثقافة مجتمعية زيرو ، ومثل هؤلاء لو دخلتهم جامعة اكسفورد يرجعوا ليك اسواء من ما ادخلتهم وبالعكس (تخلف ويزيد عليهم غرور المستعلم) ما عندهم علاج الا الزمن وعلى طول تواجههم بتخلفهم وما تجاملهم.