الجن المسلم بالسودان : في خدمة حزب البشير

اقسم بالذى خلق السماء بغير عمد تم الاتفاق بينى والاسرة على ان نقوم با عطاء اصواتنا لمرشح الاتحادى الاستاذ حاتم السر لانه حسب راى طرح بنامج اعجبنى ورايت فية النجاح والتمييز .لكن وبمجرد دوخولى لحجرة الاقتراع كانت المفجاة الداوية والتى لم اكن اتحسب لها وهى اننى لم ارى ان هناك من يستحق هذا الصوت سوى الشجرة رغم مابيننا من مسافات ومسافات وايضا فعلت زوجتى وقامت با عطاء الشجرة ولما تلاقينا فى النزل قلت لها ان هذه الصناديق فيها شى غريب وعجيب لو قلت ليك ادييت الشجرة مابصدقينى وهنا ضحكت وقالت لى نفس الشى وبدا احلل فى ذلك واكدت لها ان هولاء الناس يستخدمون السحر فى هذة الانتخابات وهذا ليس غريبا عليهم والى يومنا هذا تمنيت لو لم اسجل وا اذهب للاقتراع واصبحت احقر من نفسى اياما وايام الا بعد ظهور هذة الحقيقة الاليمة .وهذا ماحدث لمرشح الدائرة الشرقية مدنى حنتوب وهذا المرشح حقيقة لم يجد حتى صوتة وصوت زوجتية وابناوه من زوجتية وكان حدثا غريبا على انتخابات كان من المفترض ا ن تتم بصورة حضارية وشفافة

وبعدين الجن الظريف ده اصلو كان بقدر ما كان يخلي الفريق القومي ياخد كاس افريقيا وهو برضو من الانجازات
ويكتر الرغيف ……..ينضف المويه من الدود ……والسكر . ……..الخ
ممكن يسوي اي شي مش جن
وجن مسلم
وجبهه كمان بس السؤال المهم هنا
هل الجن ده من الاول مع البشير
ولاكان مع الترابي وبعدين قلب مع الجماعه
زي ناس فلان وفلان وفلان

يا أستاذ أحمد

طيب ما دام الناس ديل عندهم خاصية سيدنا سليمان والسيطرة على الجن المسلم!!

ما يدلوا عليهو وزير المالية ..عشان يحل لينا المشكلة المستعصية الحا تقابل الإقتصاد بعد التاسع من السابع على رأى أستاذنا البونى.بدل ما يفرضو ضرائب وجبايات ويرفعوا الدعم عن الأدوية والمواد الغذائية.

وأنا سمعت إنو فى جن مع الشيخ حسن بيمارس ممارسات غير عادية واشيخ حسن ما بفرط فيهو بالمرة..يعنى مازى البطلع البترول ويزور الإنتخابات ويحل الإمتحانات.

هو ما جن ديل شياطين عدل وهم ابو العفين والخال الرئاسي والشيطان البشري اسحق والله حتي ابليس يتعوذ منهم

الجن من المخلوقات التى ورد ذكرها فى القرءان الكريم ويجب الإيمان بها إذ أن الكفر بها يعنى الكفر بآت صريحة من القرءان الكريم ، لكن يا سيادة الرئيس البشير حينما قلت فى شأن متمردى دار فور ( لا أريد أسيراً ولا جريحاً أقتلوهم جميعاً ) أكان هذا جن أوكامبوا قد سمع هذة المقولة وذهب الى أوكامبوا وأخبر أوكامبوا بهذه المقولة ، يجب أن تعيد النظر فى بطانتك التى حولك ، ففيهم عملاء ، يا سيادةالرئيس أهل الرأى والحكمة من المعارضة ما بغدروك لكن بقوليك أنت صاح وأنت غلط فى وجهك ما بغشوك وما بطعنوك من الخلف لأن هذة من خصال النفاق أوعوذ الله .راجعوا بطانتكم

ثم إن وزير المالية يثور ويمتعض لأن الصحفى قد نشر صورة العقد ذو المخصصات التى هى ليست للرئيس البشير ، يغضب ويقول كيف وجد هذا الصحفى صورة العقد ، هلا سألت نفسك يا سيادة الوزير كيف خرجت صورة العقد هذه من وزارة المالية لتقع فى يد الصحفى ويقوم بنشرها لتكون مثار جدل لك وللنظام ، راجعوا بطانتكم
ثم إن علماء مجمع الفقه الإسلامى ما بقولوا النصيحة لو بقولوا النصيحة ما بحللوا الواقى الذكرى و الربا ، متخذين مجمع الفقه الإسلامى وسيلة للتقرب من السلطان ، وكمظهر إجتماعى رفيع فقط ، لكن لا يفتون بما قال الله وقال الرسول ، وكان أنت شالوك من رئاسة الجمهورية هم بشموا للرئيس الجديد ويطلبوا القرب منه ويطلعوا فتاوى تخدم أغراضوا ويطلعوك أنت الرئيس المخلوع وأنت الذى أجبرتهم على فتوى إباحة الربا ويقولوا ( من إشدة وطئته وجبت طاعته ، ونحن كنا مكرهين ) دا كلوا عشان مصالحهم ، وكان الرئيس الجديد قاليهم شوفوا فتوة تبيح فتح البارات وبيوت الدعارة كمورد من موارد الدولة عشان فقدنا بترول الجنوب بطلعوا ليهوا فتوة بحجة ( من اضطر غبر باغ ولا عاد فلا إثم عليه ) وبحجة درء المفاسد مقدم على جلب المصالح ، عشان كده أعمل حسابك منهم ، راجعوا بطانتكم

انتو عارفين ان الجن الحقيقي المسير الامور في العالم كله – هي امريكا لا البشير ولا اي حد اخر البشير بس طلع دلدول

"تيب"، وين الجن المسلم حارس الإنقاذيين والمتمرد على كبيرهم الذي علمهم السحر من المحافظة على وحدة السودان ووقف الحروب التي أثارها الإنقاذيون على الشعب السوداني في دارفور وجنوب النيل الأزرق؟ لماذا لم ينشق جزء من هذا الجن المسلم ويقف مع الشيخ الترابي مروض هذا الجن؟ لماذا لم يساعد الجن المسلم الإنقاذ في الإبقاء على البترول الذي ساعد فيه هذا الجن الشركات الصينية على اكتشافه؟ لماذا لم يحول هذا الجن المسلم حياة السودانيين إلى رخاء ونعمة لكي يحبوا الإنقاذيين؟ لماذا لم يدل هذا الجن جهابزة الإنقاذ على التخفيف من سرقتهم وتوفير مياه صالحة للشرب للشعب في العاصمة (ناس بره ليهم الله وعيشة السوق أصلهم ممنوعين من الصرف)؟ لماذا لم يسقط هذا الجن المسلم الطائرات الإسرائيلية التي تتدخل للضرب في ثغر السودان وتقتيل المواطنين الأبرياء؟ لماذا لم يوجه الجن المسلم صاروخ توماهوك الذي ضرب مصنع الشفا في بحري ليقع في النيل؟
ولنعد لأيام الإنقاذ الأولى، لماذا لم يحمي الجن المسلم الشيخ الترابي من لكمات ود بدر الدين الصاعقة في كندا التي أفقدت الشيخ جالب الجن الوعي؟
بالنظر للوضع الراهن وتمرد الجن المسلم على الشيخ العلامة الترابي صاحب التناقضات الشهيرة، يمكننا أن نتوقع أن يحكمنا هذا الجن قريبا، لأنه إذا انقلب على الشيخ فماذا يمنعه من الانقلاب على تلاميذه وينفرد بحكم البلاد كلها ويستعين "بالجن الكلكي" الذي ذكره الكاتب؟
الله المستعان

لكن هذا الجن لم يجاهد لارجاع حلايب و لا منع اسرائيل من ضرب الشرق و لاريح الحكومة بل هي في حالة لهاث دائم

هو الجن ده الا يكون عندو قرون وضنب … ما ديل الجن ذاااااااتو

مسئلة الجن هذه ليست غريبة ، فالأمريكان يستمدون سطوتهم من الجن .
يادوب أنا عرفت الإنقاذ ليها عشرين سنه مافي حزب قادر عليها ،والعجيب القطرسة وقلة الأدب أتاري الجماعة مالين إيديهم بالجن ، الجن الكلكي

ههههههههههههها:D
الجن المسلم دا ما قدر علي صناديق أختراع تحديد المصير وله شنو
الظاهر الجن المسلم دا مشي تاجنوب ولقي جن يهودي بيتعامل بي السحر الاسود (سحر الكابالا )
دا كلام فارغ :mad:
حتي الجن المسلم متورط

و الله أعلم

اخوى الضهلان .كان تقراء اية الكرسى والمعوذتين قبل الدخول الى مركز التصويت .كلام عريب جدا كيف اتوجة من البيت الى هدف معين ولمن اصل المركز يحصل شى مثل هذا ؟؟؟ لاحظ انو الاخ حلف يمين مغلظ وربك يستر على الجماعة البختوهم فى الراس يعنى الجن امشى الى فلان طيارتو حرقت .عشان كدة الصادق المهدى يوم الف والبعدو صفر ومبارك الفاضل ونقد ووووو .يعنى بااختصار بقى 500 سنة للمؤتمر الوطنى يالطيف …