عبدالرحمن المهدي يطالب بمكافحة الفساد
طالب مساعد الرئيس، عبدالرحمن الصادق المهدي، بمكافحة الفساد وامن خلال لقائه بالقصر الجمهوري امس رئيس آلية مكافحة الفساد الطيب ابوقناية، على الاهداف والمقاصد التى قامت عليها آلية محاربة الفساد.
وقال رئيس آلية مكافحة الفساد إنه أطلع مساعد الرئيس على المهام والأولويات والاجراءات التى تعمل في رحابها الآلية، وشدد على أن المجتمع بجميع مكوناته يدعم أهداف الآلية.
الى ذالك، إمتدح مساعد الرئيس العلاقات التى تربط بين السودان الكويت وما تشهده من تطورات في المجالات كافة، وبحث لدى لقائه بمكتبه سفير دولة الكويت لدى السودان سليمان عبدالله الحربي، أوجه التعاون القائم بين البلدين، معربا عن تطلعه لمزيد من التعاون خاصة فى المجالات الإقتصادية.
وقال السفيرالكويتي في تصريحات صحفية إنه أطلع مساعد الرئيس على الخطوات والترتيبات التى اتخذها صندوق التنمية الكويتي لإنزال مخرجات مؤتمر المانحين لدعم اعمار وتنمية الشرق الذي عقد بالكويت الى ارض الواقع.
وأضاف أن اللقاء تطرق الى رغبة الكويت في الاستثمار في السودان خاصة في مجال صناعة النفط.
الصحافة
هوى يا ود المهدى اقعد ساى و اخير ليك تنجر طرف قبل ما الجماعة يكسرو ليك القنابيه فى راسك.
يا ود اقعد ساى واشرب شاى
لو انك تسعى لمحاربة الفساد عليك بحمل اللاح بدلا عن الجلوس فى القصر
تعيينــــــــــــــــــــك فى وظيفة مساعد رئيس انت وجعفر الصادق شان ابهاتكم هو اول واكبر انواع الفساد لانو محسوبيه والمحسوبيه هى الضيعة البلد وخلت اختك رباح تقول فى 11مليون عاطل فى السودان انت اسى ماسك وظيفتين عقيد فى الجيش ومساعد رئيس كيف وملايين العاطلين من الاطباء والمهندسين والمفكرين الاقدر منك فى المنصب ده قاعدين عطالة :crazy: :crazy: :crazy:
الآن يرتجف الفساد من الرعب و الخوف فقد جاء عبدالرحمن الصادق الصديق ليحارب الفساد يالفساد يومك حان قد جاء مبعوث العناية الإلهية لكن يا أخوانا هو السودان فيهو فساد و لا الكلام ده إشاعات مغرضة في حق النظام الحاكم الرئيس زماااااااااان قال هم إختاروا الناس النضاف يا ربي يكون الرئيس ما عارف معنى الكلمة و لا ما عارف الناس الجابهم و لا يكون ما عارف حاجة زي عبد الرحمن و لا يكون عااااااررررف كله حاجة بس مدكن زي سعيد صالح في مدرسة المشاغبين
سبحان الله هذا زمانك يامهازل فأسرحي وامرحي قال فساد قال ماانتم اول من علمتم الشعب السوداني الفساد وبند الفساد والدك اول مااستلم السلطه عام 80 طلب بتعويضات ال المهدي ومن اين اتي ال المهدي بهذه الممتلكات كلها من عرق الشعب السوداني ؟
شاور الحمار الثعلب في قصيدة شوقي الخفيفة الدم الحكيمة لاولادنا وبناتنا في مرحلة الاساس
في موكب الامس لما
سرنا وسار الكبار
طرحت مولاي ارضا
فهل بذلك عار
وهل اتيت عظيما
فقال لا يا حمار
فياسيدي ! هل تريد ان تطرح من يركب علي ظهرك ارضا وتنتظر من العالمين ان ينعتوك بغير لقب الحمار ؟ !
انت جادي ولا كلام جرايد ساكت؟
واحد من ملازم اصبح عقيد ،،
واحد عشان انه ابن الصادق المهدي دخل القصر الجمهوري ،،،، في فساد اكثر من كده في كلمة غير فساد وارتده
كافح ابوك اولا ..في واحد من تعريفات الفساد انت نفسك وتعينك نفسه اسواء انواع الفساد وهو طواطوء من يحسب من المعارضه والاصلاح مع النظام الفاسد مقابل المال كحال الامام او السلطه كحالكم..ابداء بنفسك ..يا زعييييييييم
يا عبدالرحمن .. يا وليد الصادق .. انقرع واسكت واصرف ملياراتك .. من عرق الغلابه .. ولو انت اصلا ابوك الصادق .. سليل محمد احمد المهدي .. وناوي تحارب الفساد .. فالفساد بالقرب من مكتبك بالقصر .. واكبر الفاسدين في السودان .. البشير واخوان البشير ومرت البشير وداد .. اما تبقي راجل وتمشي في طريق الرجال .. او تصم خشمك .. والسؤال المهم .. هل تعينك هذا ودون رضي جميع الانضار ودون رضي الشعب السوداني .. الا يعد فساد .. مقارنة بكبر مسئوليات المنصب الوطنيه .. مع ضحالة عقلك وضحالة خبرتك السياسية .. فارحم الشعب السوداني واترك التصريحات المستفذه لهذا الشعب العظيم الذي يفهمها طايره ..
يا راااااااااااااااااااااااااااااااااااااااااااااااااااااجل !!!!!!!!!!!!!!!!!!!!!!!!!!!!!
احنا من غير فساد بقينا ما بنقدر نعيش والما عندو فساد سجم خشمو الا يمشى يجيب ليهو فساد من الصيدلية وياخد قبل النوم جرعة واثناء النوم جرعة وبعد النوم جرعة وقبل الفطور وبعده وقبل الغداء وبعده وقبل اى حاجة لازم كمان تكون شايلو فى جيبك زى البخاخ كل مرة تاخد ليك بخة (ممكن الجرعة القبل الوجبات تاخدا لكن البعدها بيتوقف على اخذ الوجبة )ياخى دا مرض متعايشين معاهو لينا 22 سنة جايى تعالجوا انت احسن تشوف شغلة تانية !!! ممكن تزرع الشوارع كلها زهور لان دا الشى الوحيد الناقصنا بعد الاكتفاء الزاتى العشناهو من 89
ونقول ليك سعيكم مشكوووووووووووووووووووووووووووووور