مطار جديد بنهر النيل بكلفة عشرة ملايين دولار بديلاً لمطار عطبرة القديم
عطبرة:
بدأت هيئة الطيران المدني، تشييد مطار دولي حديث في ولاية نهر النيل بكلفة عشرة ملايين دولار بديلاً لمطار عطبرة القديم الذي أكدت عدم صلاحية موقعه الحالي لخدمات الملاحة الجوية، وشرعت اللجان الفنية من الهيئة والولاية بإجراء دراسات على الموقع المقترح من حيث الاشتراطات الفنية والهندسية والجدوى الاقتصادية،
وينتظر أن تفرغ منها في غضون ستين يوماً لبدء التنفيذ الذي توافر له التمويل اللازم. ووصف الفريق ركن الهادي عبد الله والي نهر النيل، المشروع بالكبير، وتوقع إنجازه مطلع العام 2014م. وقال محمد عبد العزيز مدير هيئة الطيران المدني حسب (الشروق) امس، إن المطار الجديد سيلبي الطفرة الاستثمارية بالولاية خاصة الزراعة والأنشطة الأخرى، فيما يلي تسهيل حركة الصادر والمواطنين. من جانبه، أوضح زين العابدين عمر وزير التخطيط العمراني والمرافق العامة بنهر النيل، أن المطار القديم غير ملائم لأنه أصبح وسط المناطق السكنية. وأفاد بأن المطار الجديد يقع في الحدود الشرقية لنهر النيل مع ولاية البحر الأحمر قرب طريق (هياـ عطبرة.)
الرأي العام:
يعي خلاص من كترت الطيارات في السودان
اشهدوا ياقراء الراكوبه قالوا التمويل جاهز يعني الجهه المموله دفعت !!!!!! ياربي العشره مليون دولار دي البلغفه منو حيقسمه مع منو.
اها قمتو على الفارغة .. ومطار لشنو لي طياراتكم البتقع اكتر من ما بتطير دي ولا حاجة تانية
و في عطبرة كمان .. دا مطار عجلات ولا شنو … خلاص بدل مقاعد الطيارات ختوا سروج عشان العطبراويين
ما يتضايقوا
هوي يا العطبراويين ما تزعلوا لاكين والله انتو لا محتاجين لي مطار ولا حاجة تلقى واحد من اولادكم ديل
لقى ليهو فيها لبعة
اقرع ونزهي. يا ناس مافي زول يبصر ناس دوله المشروع الاسلامي ديل بفقه الاولويات. عطبره ياتا الدايره ليها مطار جديد هو المطار القديم قاعد ينزل فيهو شنو غير السنبريه وكمان قال “إن المطار الجديد سيلبي الطفرة الاستثمارية بالولاية خاصة الزراعة والأنشطة الأخرى” استغفرتك يا مالك روحي كسره اخبار مطار الخرطوم الجديد شنو
ههههههه والله ضحكتوني لكن قال مطار جديد قال
ده يكون مطار سرقة الدهب الجديد من مناجم الدهب العشوائية والي خارج السودان عديل مش قالوا الانشطة الاخري(ن المطار الجديد سيلبي الطفرة الاستثمارية بالولاية خاصة الزراعة والأنشطة الأخرى)
والله يا جماعة الناس ديل اصلهم ما بيختشوا عيني عينك كده
لماذا مطار فى عطبرة التى لا يغيب عنها الغبار
ثم ماذا استفاد السودان من مطار مروى
با ناس استحو انتو العجنتوه غرب الجموعيه ده ما خبزتوه كمان ماشين عطبرة
والله الناس في شنو والكيزان في شنو؟ياخي ديل حراميةوكل مرة يجيبوا بند جديد للسرقة ,مرة سد مروي ومرة خزان الروصيرص,ومرة ومرة ووووووووووو يعني ما حيغلبواحيلة في ايجاد ابواب للسرقة والمساكين العندهم سكة قطر جاهزة وقفوا قطرهم والان عايزين يرقوهم وينقلوهم بي فوق ,والله مهازل يا حكومة الكجر ,لم ارى في حياتي خبثا مثل ما في هذه الفئة الظالمة,فهي معاول هدم لا معاول بناء,هدفهم الاساسي تدمير بلدنا والسيطرة على الاموال بأي شكل كان حتى تتم السيطرة لهم على كل شيء,ولكن لابد لليل أن ينجلي ولابد للصبح أن ينتصر
التحيه للراكوبه
الاخوه فى الراكوبه هل يمكنكم افادتى كم عدد سكان هذه الولايه التى يشيد لها مطار بمبلغ عشره مليون دولار لا غير ؟
هل تستحق هذا الا ستثمار ؟ وما مسهمتها فى الدخل القومى ؟ اما الحديث عن أؤلويه فى الإنفاق امتنع عن الاجابه والسلام
يا ناس ده القاعده الجويه المصريه الايرانيه يا هبل بتمويل ايراني بحت قال مطار مدني مظاهرات ما بتطلعوا سياسه ما بتفهموا الله يعينك يا سودان
للاسف اصبح الاستثمار متجهاً صوب ولاية نهر النيل فقفط دون سائر الولايات ؟؟؟
فقد ظهر الانتماء وظهرت العنصرية بكل قبح والسبب هؤلاء التعساء اللصوص !!
فايهما اولى ان يقام المطار في اي من ولايات دارفور ام في عطبرة ؟؟
ام ايهما اولى ان يقام بها المطار ؟؟ الجزيرة ؟ النيل الازرق ؟ جنوب كردفان ؟؟
لهذا التوجه العنصري البغيض لن تتوقف الحروب عن السودان وقد اصبح كل السودان
محصوراً ( في نهر النيل ) التي استحوزت على القدر الكببر من الاستثمارات رغم الضعف
الواضح في الاراضي وقلة ا لناتج المحلي الذي يغذي الخزينة العامة .
حديثي هذا اتمنى ان لا يفهم منه انه ضد التنمية في ولاية نهر النيل لكن يشهد الله
ان السودان اصبح ينظر الى نهر النيل وكانها الطفل المدلل لهؤلاء المدمرين للنسيج
الاجتماعي الذي كان قبل الانقاذ .اولى بهذا المبلغ توسيع طريق الموت الذي يحصد سنوياً
العشرات من ابناؤ بلدي الطيبين ،واولى به تعمير مشروع الجزيرة الذي اصبحت تنعق فيه
الغربان والسبب التفرقة الواضحة في التنمية ومحاولة تعمير وطن الاجداد على الوطن
الكبير .
هذا ما أدى إلى إنفصال الجنوب وسوف يؤدي إلى إنفصال دارفور وجبال النوبة والأنقسنا.
وبصراحة كده دي حقارة عديل (وزودتوها كتير يا ناس مثلث حمدي).فالناس في كُردفان ما لاقيه موية تشرب، والطلاب يجلسون على الأرض، والملاريا تفتك بهم، ومع ذلك يخدعوننا بأن كُردفان ولاية الشهداء والجهاد.
انا جعان وأعيان تركبني طيارة
عطبره الحديد والنار برضو فكرة كويسه نتخارج من مطار الملك خالد الدولي لمطار عطبره الدولي تحياتي لحكومة اللهط الله يلهطكم دنيا وآخرة
انتو صدقتوا انو يكون المطار دا عشان خاطر عيون مواطن نهر النيل، المواطن في نهر النيل تنفصه أبسط الخدمات ، أمشوا شوفوا مستشفى عطبرة ، عبارة عن مستنقع كبير، ماذا سيستفيد المواطن في نهر النيل من تشييد مطار، بينما تنقصهم ابسط الضروريات… الموضوع دا اذا كان صحيح لازم وراءه سر لا نعرف وتعرفه الحكومة فقط ، لابد انه يخدم اغراضهم الخاصة وسرقاتهم، ربما كما قال احد المعلقين لسرقة الدهب أو لخدمة مصالح اصدقائه من ايران وحماس …. والله اعلم … ويا خبر بفلوس ……
الناس في شنو وناس قريعتي راحت ديل في شنو؟ عليكم الله هسع العشرة مليون دي كان عمرتوا بيها السكة حديد ما كان أحسن من ,,,,,,,, البتسووا فيها دي؟
اها المره دي قرض من وين
هههههههههههههههههههههههههههههههههه
هههههههههههههههههههه
هههههههههه
والله انا في حياتي ما شفت حكومه ثعالب زي ديل يا دي اكبر وهمه وكذبه كل ما الناس يفكرو في مظاهرات
يقومو يطلعو ليهم كذبه يشتتو بيها افكار الناس يعني انتو صدقتو الوهمه دي طيب وين مطار الخرطوم شوفو مشروع الصند فيهو كام عماره
وبتاعه منو ديل بيفكو فيكم جلكسات كده يلخبطو حنانكم زاو عليكم الله ما تصدقو الوهمات دي
ولثوره قادمه لا محال وحته النصر بس حتكون مسلحه المره دي وبشرانا بالفجر الجديد ويوم الملاحك لينا عيد
المفروض يعملوا طيران مدنى الخرطوم عشان يريحوا الناس من الموت والشارع يكون للشاحنات, طبعا ممكن الكلام يكون مضحك بس لو فكرتو فيها حيكون ممكن
الطيارة التشيلكم بركة جاه النبي …. نحنا دايرين مستشفي ومدرسة وقفة الملاح تقولي مطار ؟؟؟