كشف مصدر مطلع عن موافقة (16) عضو من مجلس الوزراء على توقيع اتفاقية سيداو مع التحفظ، ورفض (11) عضواً للتحفظ، مؤكداً أن وزير المالية د. جبريل إبراهيم أتى كأبرز المؤيدين على التوقيع بتحفظ، فيما أتت وزيرة الخارجية مريم المهدي، ووزيرة العمل تيسير النوراني بقائمة الرافضين للتحفظ.
وأوضح المصدر لـ(السوداني) أن مجلس الوزراء خرج بتحفظات على المادة 12 و29 المتعلقتين بالاتفاقية وقوانين الأحوال الشخصية، مشيراً إلى أن الاجتماع المشترك لمجلسي السيداة والوزراء سيتضمن التصويت ثم اتخاذ القرار.
وأضاف المصدر: “كان قد تم تأجيل الاجتماع حول الأمر إلى أجل غير مسمى، بسبب مفاوضات الحركة الشعبية مع الحكومة”.
صحيفة السوداني
امشي في دولتك دارفور وبعدين ان شاء الله ترفض الاتفاقية كلها
انحنا في دولة وادى النيل مع توقيعها بالكامل بدون تحفظ عشان تانى ماتتكرر مأسي الثلاثينية السوداء في بلدنا ويتم استهداف المرأة فقط لارهاب الشعب للرضوخ للامر الواقع
الانفصال سمح
دولة وادى النيل راجعة تانى
مافى حاجة اسمها تحفظ, يا تقبل الاتفاقية بكاملها أو ترفض بكاملها الامساك بألعصاية من النصف لا يفيد, والعالم يترقب.
ده كلو واري اللو… ركزو في القضايا المهمة، عندكم مشاكل كهرباء موية وقود غاز طبخ وشهر اتناشر مستنيكم تنفيذ روشتة البنك الدولي برفع الدعم عن الغاز وعن الكهرباء البيت الكان بدفع في الشهر ٣ الف حيدفع خمسين ألف ، عندكم مشاكل بتاعت مرتبات في قطاعات حكومية كتيرة وشرائح مهمة في التعليم والصحة حتوقف شغل وتغادر البلاد، إكمال هياكل السلطة القضائية اقلاهو عشان يتم حسم قضايا الأموال المستردة بعد ما تكتمل كل مراحل التقاضي تخش خزينة الدوله وتساهم في دفع عجلة الإنتاج، واكثرو عشان يتم تنفيذ القصاص في اقلية من الكتلو فقط بعض الشهداء… دي كلها قضايا ملحة… سيداو دي كل الدولة العربية وافقت عليها بتحفظ لأنها بتتعارض مع قوانين الأحوال الشخصية في كل الدول ذات الاغلبية المسلمة ودي قضية قتلت بحثا بعدين انتو مع حتجيب جديد حولها ولو وافقت عليها جملة وتفصيلا مشاكلكم الملحة موجودة وبتكبر كل يوم ركزو يا اخوانا في المهم وسيبو النروطة والوكوكة. احرمونا وارحمو نفسكم.