الخرطوم : وجدان طلحة
رفضت نائب الأمين العام لحزب الأمة القومي حليمة البشير إرسال الحكومة وفدا سودانيا الى اسرائيل، وقالت إن قضية التطبيع مع اسرائيل أو علاقة الدين بالدولة ليست من مهام الفترة الانتقالية .
وقالت البشير في تصريح لـ(السوداني) إن موقف حزبها تجاه التطبيع ثابت ولن يتغير واذا مضت الحكومة في تطبيع علاقاتها مع اسرائيل فإن الخيارات مفتوحة أمام حزبها.
وأشارت حليمة الى أن المكون العسكري يتولى ملف التطبيع مع اسرائيل، ويريد أن يجعله أمرا واقعا، وقالت إن الحكومة الانتقالية هي حكومة تصريف اعمال الى حين قيام الانتخابات، وليس من مهامها التطبيع مع اسرائيل أو فصل الدين عن الدولة .
السوداني
Your party is free to do what ever it wants ,not even a single person gonna hold you back, what are you Waiting for.
YOU LOOSERs
انتو إسرائيل عندكم معاها شنو الفلسطنين مطبعين بس تحيز وعنصرية ساي مالكم على اولاد اسيا مالهم. ما بشر. نحن مع حقوق الشعب الفلسطيني لكن لمن السفارة تبقى في العمارة لازم نعيد التفكير استفيدوا من العمالة الجنبنا في علاقتكم مع العالم ولااموية مجانا
يا حليمه عليك الله روقى المنقه شويه. كدى فهمينا كلامك ده إنتى قلتى أنو موقف الحزب من التطبيع ثابت و ما بيتغير طيب الموضوع ده ما من امبارح شغال يعنى إنتى كنتى نايمه و صحيتى كده و شاركتى فى الحكومه دى بعدين بتهددى بخيارات مفتوحه لمواجهه الإستمرار فى التطبيع. خيارات شنو العندك دى يا حليمه يعنى بتهددى بالتحالف مع ثعالب الترابى أو تعملى شويه بلبله بالخروج من الحكومه و يا حلوم فى الحالتين فيه ضرر كبير بحالتكم المترنحه دى . ياخى حزبكم ده ما فيهو واحد عندو عقل شويه يطلع للشعب و يعترف بخطايا الحزب فى الماضى البعيد و القريب و يعلن القطيعه البتراء مع الاخوان المسلمين و ينهج نهج ديمقراطى فى إختيار كوادره و سياساته و يتقبل و يستمع و يناقش أفكار الغير داخل الحزب و بصراحه من غير جرعه كبيره من العلمانيه مصيركم الفناء كالعصف المأكول.
المقصود بتصريحك ده محاوله لكسب دور مهم فى رحله التطبيع مع إسرائيل و ليس رفضه و فى تفكيركم أن المشاركه الفعاله فى الموضوع ده بتعيد الروح للجنازه و بعد شويه سوف نسمع منكم كم آيه من القرآن و كم حديث من السنه الضعيفه و البخاريه تسمح بالتعاهد مع بنى يعقوب ده كله فى حاله إعطاءكم دور و مكانه فى الامر من الحكومه . فى حاله فشل المحاوله الطفيليه دى ده يكون سبب لخروج مريومه من الخارجية و بينى و بينك هى زاته الموضوع ده ما قادره عليه و بتجهز فى سيناريو الزوغه أو الدعم الكامل من الحكومه و إسرائيل. واضح ملامح التربيه السياسيه الفاشله للمرحوم الصادق المهدى و آخر الكلام نصيحه ليكم بالسودانى البسيط أصحوا يا وهم .
ماذا تمثلون انتم …… لمن تنتصروا فى النتخابات بعدين اضربوا اسرائيل ودمروها ام الان اتركوا السودان وحاله لان اليوم حديث الثوره
معقول تفوتوا لمريم المنصورة فسحة زي دي بعدين عايزينها تكتب في سيرتها الذاتية انها زارت كل دول العالم كوزيرة للخارجية ما عدا إسرائيل حرام عليكم أخروا قراركم ده شوية.
اكيد هذه الحليمه اكبر انتهازيه. نطبع مع أي دوله لمصالح السودان.
لا علاقه للدين في الدوله فهي تقف مع جميع الاديان مسافه واحده.
حزب الامه حزب انتهازي منذ نشاته. على كذب وغش البسطاء باسم الدين. ثم تم هذا التحالف بزواج الترابي من بيت المتمهدي الدجال الكذاب.
لا مجال لاستغلال الدين في السياسه مره اخرى بعد ذهاب الترابي نسيب المتمهدي الدجال.
علاقات متوازنه تراعي مصلحه السودان اولا واخيرا.
أحزاب منذ نشاتها مبنيه على استغلال الدين والجهل لن تفيد ولن تقدم السودان خطوه واحده الي الامام منذ العام ٥٦.
لن ننسى مشاركه حزب الامه في جريمه فض الاعتصام وقتل الصائمين غيله في رمضان.
اتلهوا وانطموا قبل تقديمك لمحاكمات المشاركه في قتل الشباب من تسلقتم على دمائهم السلطه