قالوا إنه السبب الرئيسي للزيادات الأخيرة.. حرائق مزارع التمباك تثير قلق التجار و(المتعاطين)!
الخرطوم:
أثارت الحرائق المتكررة التي تشهدها مزارع التمباك بولايات دارفور وجزء من الولايات الأخرى؛ قلق التجار والذين أكد عدد منهم عن هواجسهم في هذا الصدد، وعن مخاوفهم الشديدة بتراجع تجارتهم وانهيارها في أي لحظة. وألمح عدد منهم لـ(فلاشات) إلى أن تلك الحرائق التي التهمت الكثير من المزارع خلال الأيام الماضية ربما تكون هي السبب الرئيسي في زيادة أسعار (التمباك) -ذلك الخبر الذي انفردت فلاشات خلال الاسبوع الماضي بنشر كافة تفاصيله.
في ذات السياق أبدى مجموعة كبيرة من متعاطين التمباك عن قلقهم المستمر من الزيادات الأخيرة، بينما أكدوا صعوبة الإقلاع عن تناول التمباك إذا ما اضطرتهم الظروف لذلك، هذا وستشهد الأيام القادمة المزيد من المعلومات حول هذا الموضوع.
السوداني
عافي منو البيحرق مزارع التمباك وان شاء الله ما بيفضل في السودان ولا مزرعة تمباك ده شنو القرف ده في زول يخت في خشمو حاجة زي دي هههههههههه
مع اني ضد التمباك —لكن السوداني بتلف وتدور ليه–وفروا زمنكم ووركم وحبر الطباعه بهذا الخبر القصير (قوات الجنجويد (اسم الدلع الدعم السريع) احرقت الاخضر واليابس في دارفور خصوصا شمالها هذه الايام ومن ضمن ما احرقت وقتلت مزارع التمباك=قل الصادر الي الخرطوم=ارتفاع اسعاره والسلام).
يبدو انو محمد احمد لما تجي في سفتو حيحس بآلام دارفور
اخبار منتقصه
الذى وردنا فعلا تم حرق مساحات شاسعه من مزراع التمباك
لكن البديل والذى نتمنا ان لا يكون صادقاً
هو زراعه البنغو بديلاً له ….لزياده المستخدمين
الشغله جايطه ………..الله يعين
يعني تاني ابوس مطميثنه ياجدعان
ان شاء الله يا رب تحرق كلها وتنتهي من هذا العفن والمرض والقرف
كل حاجة ولا شلاليفنا من هي الجهة المتأمرة هل هم اعداء القباب ام غيرهم ام راديكالين جدد
التمباك
المحيرني البنات الواقفات ديل مرسلنهم والا متعاطيات
شكله ردت فعل انتقامية مقصودمنهااللمبي
يا ناس التمباك أرفعوا سعرو السماء ناس محمد أحمد ديل قايلين الشغلة كضب كضب و الزول بتاع بشو البرسلو للكيس طوالي ده قولو ليه مافي عديل كده إحتمال يوقف جماعتو ديل من الحريق شوية
يا عباس نحنا عشان عفانتو دي بنسفها!!!!!
الاتنين يا شندقاوي
انتوا بت قضيم دي بتسف ولا شنو زعلانة من الناس المؤيدين لحرق التمباك ولا معرسها تاجر تمباك ؟؟ لأنو المعروف انو البنات والحريم عموماً بكرهوا التمباك … ولا يكون عندها محل عماري … شكلها بت قضيم دي واحدة اسنانها بارزة ومصفرة وريالتها سايلة … اعوذ بالله .