إفلاس وزير.. (السقوط المجلجل)..!

يا استاذ عثمان ارجو ان تترك كلمات او تعبير نتوجع به فلا يمكن ان تكون انانيا و تعبر بكل الاحاسيس و التعابير وحدك و تتركنا بوجع دون تعبير الله يخليك و يغطى عليك …

هو ح يرفع قبل ما يدفع ولا يدفع وبعد كده يرفع ولا يرفع ويدفع سوا ومع بعض وطيب لما يرفع نحن من وين نقدر ندفع….ونحن لما ما نقدر ندفع هو مصر برضو يرفع وطيب لو هو رفع واصر على الرفع والشعب ابى الرفع ومرقت الحشود ضد الرفع وجاءت مليشيات الجنجويد وكتلت المتظاهرين ضد الرفع مين يقدر يرفع الجثث ويمشى للمقابر رافع عدة الحفر وطيب لو ظهر حجر جو حفرة ود اللحد مين يقدر يرفع الحجر وطيب لو شافوه ناس الجنجويد رافع الحجر وكيلو له رصاص فى راسه قبل ما يكمل الحفر طيب مين يرفع الجنازة الجديده الواقعه جوه حفرة القبر…………..
عشان كده نطلب من نوابنا الجابتهم مفوضية الاصم لاعمال الخج والحفر والرفع ان يحنسو وزير ماليتنا المصر على الرفع ان يبطل شغلانة الرفع ويخلى الامور من سكات براها بتترفع وهو براه شايف الدولار كل يوم بترفع وبيبقر منه ربع البصل وتجاريه انبوبة الغاز…………وعيك كلهم دايرين الرفع
الجماعة ديل فهمونا من زمان (ما لدنيا قد عملنا نبتغى رفع اللواء….) يعنى قرابة السبعه وعشرين سنه هم مشغولين برفع لواءهم ده وما جابو سيره لرفع الدعم عن المحروقات الحارقانا فى حشانا وما هبشو رفع دعم الدقيق وكهربة السد الرد الطلع ماسورة ومكب……يعنى بس ظبيط لواء وتصليح حال ونحن وزى ما قال ايمن ابو الشعر
من يوم خلقت فقيرا والرجل الفيل على صدرى
فوق الفيل تقوس كرش دبى وفوق الدب تمدد تمساحا
فوق التمساح تقافز قردا يحمل ديكاوانا من تحت الجبل الجاثم فوق صدرى اصرخ انى انسحق………………………..

وهكذا دوما ديدن الحكومة تطلق التصريحات الاستفزازية وتريد ان تجس نبض الشعب ولكن الشعب الذي اصبح يعيش بنظري جوع كلبك يتبعك اصبح ساكنا ومهما حصل فلن يثور الشعب لانه بعد الاحداث الاخير التي استشهد فيها من اسشتهد اصبح الشعب خائفا فتبا لنا كشعب رضينا ان يحكمنا الجوع والخوف وهنيئا لهم فلقد عرفو ان يلعبوها صح

“لم يتبق للحكومة غير رفع الدعم عن السلع المؤثرة في حياة الناس؛ بمعنى أن وزير المالية (الفاشل) لن يجد عملاً يصرف بموجبه (الراتب) غير رفع الدعم..!”

إنت يا شبونة مُصدق في (دعم) ليتم رفعه…

بصراحة في دي بالغت..

عفارم عليك يا شبونة .. لو لم تكتب أبدآ غير هذا المقال لكفاك ..

ربنا يحفظك وأمثالك قليلون .. يا من نلتوا إحترام الشعب وسيسجل التاريخ بطولاتكم ..

الشعب غير منتج وطلبته يخرجون من مدارسهم ليحملوا جركانات المويه(برد)عشان اصرفوا على اسرهم وليس على انفسهم الشعب غير منتج واطفاله يؤجرون الدرداقات من المحليه ب 15 جنيه وتلاحقهم المحليه لتدفعهم غرامه عليها وهى ملك لها (اغرمك حاجه حقتو) ما كان ايقول الشعب غير منتج كان ايقول الاستعباد العلى الشعب ده شويه ومافاضل ليكم غير تبيعونا علنى فالبيع المخفى موجود وتعملون فيه كمثتثمرين يا قوادين العصر ياوساخة البشريه الشعب من هنا وصاعدا سيكون انتاجه فى التخلص منكم وباى سعر يااصحاب الوجوه الكريهه وليس كما يقول قواديكم ان الشعب يخافكم اقسم بالله لن نخاف او حتى نفكر فى الخوف منكم فنحن نعلم مع من نتعامل مجموعه من المجرمين ومنتمى عصابات المافيه العالميه ولا تملكون ما يملكه الانسان العادى وانما عباره عن مسوخ ونحن لا نخشى المسوخ بل سنخرج لكم خروج لم تسمعوا عنه فى الاساطير ولا فى طلاسم دجاليكم لن تستطيعوا فعل شى لاقاف التدهور وليس عندكم حل للاقتصاد وقد مل منكم كل العالم ومن ما تنتجونه من مصائب تضر البشريه كلها فلنا موعد معكم ليحدد نهاية مأسينا باى طريقه اما نصر نحاسبكم بعده بمزاجنا وليس بالقانون واما موت فى سبيل الوطن ليزفنا شهداء

اديلو يا معلم