كرم الله يدعو إلى حوار مع المثقفين اليهود لإزالة المفاهيم الخاطئة
الخرطوم ـ عزمي – حسن
رجح كرم الله عباس الشيخ والي القضارف السابق القيادي بالمؤتمر الوطني سابقا، القيادي بحزب الإصلاح الآن، أن يتمخض الحوار الوطني عن تأجيل الانتخابات، وعودة الحكم إلى نظام الأقاليم الأربعة، ووصف الحوار الوطني الذي يقوده رئيس الجمهورية حاليا بالجاد، وقال إن البشير عازم على إجراء تغييرات حقيقية في شكل الدولة السودانية، داعيا إلى تبني حوار بين المثقفين اليهود والمثقفين والمفكرين السودانيين لإزالة المفاهيم الخاطئة والترسبات التاريخية، وطالب الشيخ بإجراء تعديلات جذرية في العلاقات الخارجية للبلاد من واقع المستجدات التي طرأت على الساحة، وقال: “علينا أن نوازن في ذلك فلم يعد هناك شيء يقاس إلا بالمصالح والمنافع المتبادلة”.
اليوم التالي
ما المغزي في تبني السودان لحوار بين المثقفين اليهود ونظرائهم من السودانيين وهي ليست من دول الجوار الاقليمي وليس في منظومة الاتحاد الافريقي او العربي وتبعد عن السودان اميال واميال يبدو يا استاذ ان فيروس الوثبة اصابك وطلعت الحمي في راسك لدرجة القفزة الماروثونية التي اوصلتك الى اسرائيل ودونك دول الجوار التي في حوجة لحوار جدي صادق
والله يا كرم الله حيرتنا انت شكلك داير الجنسيه اليهودية اراءك غريبة نحنا هسي دايرين نتفك من يهود البلد دي
انتوا خايفين من التشيع؟….اها جاكم بتاع التهويد
ع الاقل كلامو واضح
رجل مثقف فاهم للسياسه وخباياها نتمنى له التقدم
نموذج جيد للأخوان والأهواء والمصالح الشخصية والهبوبية والتحرك حسب اتجاه الرياح حرب حرب سلام سلام وثبة وثبة دون ثوابت مرئية بيع في الكلام والشعارات والهدف تحقيق مكاسب شخصية ضيقة.
يا زول أنتا خايف من الطيران ألإسرائيلي الحائم فوقكم دة و لاشنو كوز واعى ما عايذ يعتمد على الدفاع بالنظر.
الزول ده عندو كاااك في راسو اسمو السيهود واسرائيل!!!!!!!!!ياخي كدي اتفاهموا مع الشعب السوداني بعدين تعالوا اتفاهموا مع باقي شعوب الكرة الارضية
يااااااء كرمالله مااااااا جننتنا .
يا جماعة الخير الزول ده ما تفهموا غلط… الزول ده ما جاب حاجة من عندو…
عايز اسال الاخوة الراكوبجية سوال…. الترابي علاقتو بالدين شنو..؟؟؟
اجاوب ليكم… الترابي عندو دكتوراة في القانون… وعلاقتو بالدين بس انو قاري حاجة كده اسمها حورار اديان اقول تاني حوااااار اديان …..
وهذا الكوز كرم الله عارف انو الترابي راجع الحكومة تاني وداير يكسر ليهو لوح تلج للترابي .. ما اقل ولا اكتر من كده…
اتمنى اكون صاح في التحليل الوهمي ده
((داعيا إلى تبني حوار بين المثقفين اليهود والمثقفين والمفكرين السودانيين))!!!!!
وين هم المفكرين السودانيين؟؟ لو عندنا مفكرين دة ما كان حال البلد.
يعنى كرم الله ده بتكلم جد ؟ هو من شكلتوا مع ناس البشير كان بقول كلام زى كده وافتكرته يا اما تهويش على الحكومة او منسوب ليه للتشويش عليه اكان بجده يبقى ده حالة خاصة الزول ده يكون هو البجيب الطائرات الاسرائيلية طافية لمبة او الغارات الاسرائيلية على البحر الاحمر؟ بالله انا رحلت من منطقة لمجرد انها تجمعنى بالقنصلية الاسرائيلية ما خوف لكن كراهية نحن تربيتنا كده يجى مسيو كرم الله يدعو للحوار معاهم بكرة نشوفوا بالقبعة او طاقية الحاخامات المقنقنة فى وسط الراس
ما ينط لى واحد من بتوع تل ابيب يتعارض لى فىحلقى وللعلم السواق عندى يهودى دينا وليس صهيونيا تم اختياره لانه شاب مهذب لا يشرب خمر لا ياكل لحم خنزير وياكل الذبيح الحلال
اعوذ بالله من غضب الله
القصة شنو..؟
اي والي يجي القضارف تلقاهو يهضرب !!!
ان الدعوة الى حوار مع اليهود لابد له من شروط خاصه اذا كانت الدعوة من مسلمين …قبل عدة سنوات تم اقامه مؤتمر حوار الاديان العالمى بهدف توحيد الدعوة الى الله فى الانسانية لكن توقفت توصياته بعد ذلك….. الاسلام يحث على التعامل مع الاديان السماويه ومنهم اليهود بشروط ومقيده بتعاليم………فماهى النتائج المترتبه فى حوار المثقفين اليهود….وماذا عن قضيه المسجد الاقصى وفلسطين….واين موقغ الدين والوطن من ذلك.
حوار مع اليهود عديل كدة ،،، كدي انتهوا لينا من قصة الـ 60 حزب عمم فاخرة الاجتمعوا في قاعة الصداقة عشان يتحاوروا في مشكلة السودان والحوار لسع ما بان ،، ركز يا كرمة الله على سمسم القضارف امكن يهود طعموا ما عارف عشان تصدروا ليهم ونستفيد ،،
والغريب شنو قريت قبل 3 يوم في شريط الاخبار لقناة ال بي بي سي علي ما اعتقد تصريح للوزير الاسرائيلي ليبرمان بان هناك محادثات سرية مع عدة دول عربية .. اكرر .. مع عدة دول عربية … نحنا مالنا .. نحن مصلحة بلدنا فوق كل شي .. السودان .. اولا وثانيا وثالثا والدين رابعا. من اجل مصلحة السودان كل شي مباح في الدنيا ..
يا كرم الله داير تقول انك افهم من دكتور عزمى بشاره يا اخونا كرم الله كل المخدرات الجايه من اثيوبيا بتمر بوسط مشاريعك الزراعيه المتاخمه لاثيوبيا فارجوك ناقش تجار المخدرات الحولك ويعد ذلك تعال ناقش اليهود
تأكدوا هل كرم الله مشارك في تهريب اليهودالفلاشا ام لا?
يا اخوانا جايطين مالكم الزول دا يقصد يهود الحركة الاسلامية وهم (الكيزان) ومثقفي ومفكري السودان وهم العطالة والمغتربين والمعارضة والا انتو بافتكروا انكم مسلمين ف نظر الكيزااااان…انا شخصيآ حوار مع يهود حوار مع لا دينيين حوار مع شيطان ممكن اتقبلو .بس الا حوار مع اخوان مسلمين وكيزااان وترابي وميرغني ..لا اليهود اكيد لو قبلوا بكون مصلحة عااامة public interst مش خااصة وغش
..واللي بثبت لي التعامل مع اليهود فيه لبس فلياتيني بدليل من الكتاب والسنننة فقط لاغير..
كل الدول العربية عندها علاقات مع اسرائيل , ايش معنى نحن ماعندنا ولو عايزين ترقصو اولاد بمبة الكنداكة افتحو لينا علاقات عديل مع اسرائيل ومرحب بيهم كمستثمرين وخاصة انه عندهم تقنيات زراعية رائعة . مافي سبب بخلينا نعاديهم هل هم احتلو حلايب اذا كان الفلسطينين والاردنيين والمصريين فاتحين ليهم سفارات وعلاقاتهم التجارية معاهم مية مية .
صدقوني اول ما تفتحو علاقة مع اسرائيل بكرة المصريين ديل يعرفو معنى الاحترام وحينسحبو من حلايب . ياجماعة عالم اليوم لايعرف العنتريات والدول الكنا تاكلين ضهرنا عليها بدأت تتامر علينا وكل يوم تقلل من احترامها لنا .
انا والله لو كنت وزير خارجية كان بنيت خط علاقات دولية جديد اسرائيل – اثيوبيا – جنوب السودان – كينيا – تشاد – يوغندا – امريكا – واوربا الغربية- بالاضافة للنمور الاسيوية دا المحور المفروض نشتغل عليه
سؤال ايه نحن مشكلتنا مع اسرائل اذا كان الفلسطينين نفسهم متبنين السلام وبيتفاضو مع اسارائيل والجامعه العربيه متبنيه مشروع السلام طيب نحن السعوديه والخليج و مصر والاردن الدول الاقرب لى فلسطين ما معاديه اسرائيل نحن معادينها لى شنو ياخى انت شعبك جعان والبلد اتمزقت والوضع الاقتصادي من سيئ لى اسواء ياخى لو انت مخالف الناس دى كلها عايز تدعم القتال ضد اسرائيل ياخى ادعم بالسر الشعب السودانى ده ذنبو شنو يتبهدل بعدين انت جهز نفسك وابنى بلدك بعدين تعال حارب وعادي اسرائيل انت ما قادر تدير بلدك ونفسك مادرى رجلينك اكبر من لحافك لم تكون بقيت قدر اسرائيل تعال حارب اسرائيل وانتو فى نفسكم فسادكم اذكم النفوس ومليتو البلد فساد ودمرتو التعليم والصحه والاقتصاد والخدمه المدنيه وكل شى ده حال زول عايز يجاهد اسرائيل ابدا من نفسك واصلح حال البلد ربنا بسالك من شعبك وانت ولى امرهم
لو داير تظهر ألبس أصفر
ياكرم الله ماعذبتنا…..
لا تربطنا بإسرائيل أي صلات لا دبلوماسية و لا تجارية و بما إننا في العمق الإفريقي فهي ليست جارة بالتأكيد و حسب معلوماتي لا يوجد أي تقارب وجهات نظر أيديولوجية او ثقافية تربط مثقفينا باقرانهم في إسرائيل و زمان في الجواز القديم مكتوب كل الدول عدا إسرائيل و اعتقد مواقفنا واضحة تجاه القضية الفلسطينية و الصهاينة أو اليهود بغض النظر عن علاقتها مع بقية الدول العربية ….. و بعد هذه المقدمة أتساءل ما الجديد يا كرم الله الذي دعاك لتصرح بهذه الدعوة الخطيرة فما هو الباعث لهذه الفكره و لا ( السلام بجيب كلام و البطيخ ما نجض ) …..
ليه نحارب اسرائيل ؟؟؟؟؟؟؟؟؟
with you support your Idea