يوم الجمعة بدء استخراج الجواز الالكتروني بالدمام

عايز جواز الكتروني وعندي رقم وطني وجواز ليه شاهدين
انتو بتستهبلوا علينا

مأكلة جديدة وحيلة لإستنزاف المغترب المغلوب علي أمره رقم وطني آيه ؟؟؟!!! و البلاد ملأى بالأجانب السايبين بدون أي إثباتات يصولون و يجولون في ماتبقي من البلاد بطولها و عرضها بعاداتهم و تقاليدهم و أخلاقهم التي يختلف بعضها عنا كسودانين حتي أضحينا جالية في أرضنا . كل من لفظته بلادة إحتوتة حكومة المتأسلمين . وبدلاً من إستيراد ماينفع الناس إستوردنا القتل علي طريقة داعش وليش محاولة نحر المهندس قرشي بالحصاحيصا ببعيد بلاد فقد ( ضم الفاء وكسر القاف ) فيها أسباب العيش الكريم . وتقولو رقم وطني .. قاتل الله المتأسلمين أين ماحلو و حسبنا الله و نعم الوكيل .

سعر الجواز 530 ريال سعودى يعنى مليون وماتين جنيه سودانى مع انو فى السودان سعر الجواز 400 جنيه سوداني سفارات الكيزان الحرميه معظم مرتبات العملين فى السعودية 1500 ريال انتو قايلين المغتريبن ديل بجيبو القروش دى من الواطه ينصابين ي حراميه حسبنا الله ونعم الوكيل فيكم ي كيزان #ارحل

الله لايوفقكم

هل يتم التسليم فى نفس اليوم او الاسبوع ولا فيها شهور مثل ماتم فى الرياض؟

لحس جد فرصة للانتهازيين

باي اكل جديد

تماسييييييييييييييييح

بالله عليك شوف الجواز دا شكله كيف = ومطبوع كيف – ولونه كيف (تقول ورقة كرتون وقعت في حلة ملوخية) واول من يهين الجواز السوداني هم ناس الجوازات – إذا قدمت الجواز لأي معاملة سواء في المطار أو أروقة مكاتب الجوازات التي تشبه سوق الموية زمان أو السوق الشعبي حالياً يرجع ليك الجواز كلو دبابيس ولصاق وملوث ببقايا الفول المصري والزيت الراجع والدكوة وبصمات الأصابع المغموسة في الملاح – كما تكون جوازاتكم تكونون انتم – الدول التي تحترم نفسها تحترم جوازها ولا تسمح لأي أجنبي أو جهة اجنبية حتى بلمسه قبل أن يتسلمه حامله – نحن نصممه بره ونطبعه بره وشريحته من بره ولا ندري عنها أي شيء وفي عصر الشرائح بالطريقة حتى رئيس بلدنا أو أكبر راس في مخابراته يكون حامل شريحة في جوازها وما عارف هي بتسوي في شنو ولا على اتصال بي منو – ياخي بدل الضخ والجخ الاشتر دا أرجعوا إلى التاريخ الإسلامي القديتو لينا راسنا بيهو – ولما تكونوا عايزين تعملوا جوازات عندكم عضام الكتوف بالكوم في الجزر والجلود فالجواز السوداني ليس بأفضل من القرآن.96

حرام عليكم والله يعني الجواز في الخرطوم بي 400جنية فقط انتو هنا بي530 ×2.30=1020
مليون ومئة وعشرين جنيه حسبنا الله ونعم الوكيل فيكم

جوازي ينتهي في شهر مارس هل يمكن تمديده حتى نوفمبر 2015 لأتمكن من إصدار الجواز بالسودان

إلى متى استنزاف المغترب المغلوب على أمره، يكفي ما يعيشه من سوء معاملة، ماذا فعلتم و قدمتم له، كل يوم يمر و انتم تبتكرون اساليب جديدة في جمع القروش ليه الجشع الزائد ده؟ حرام و الله حرام ( و ما حدث من عداء و سوء معاملة في القبول للجامعات ببعيد عن الأذهان ) الظلم ظلمات يوم القيامة.

المنطقة الجنوبية ابها خميس مشيط نجران الظهران ينتشر فيها مايقرب من نصف الشعب السوداني الباحث عن الهوية .. متى سياتي الوفد لتمليكه وثيقة هوية سارية

انا ما عارف انا كيف ماسك نفسي من انو اكسر الكيبورد واانا بكتب كلمات قراءتها لا تخف وطئا من سماعها من شده ما هي وسخه زي الناس المسؤولين عننا كسودانين , وع كل حال دعوه وحده من مظلوم (كل المغتربين ف حالتنا دي ) احسن من مليون كلمه مسبة من كل واحد من الشعب .. خربانه خربانه من يومها وحسبي الله على كل من كانت له مساهمه صغيره ف التعامل والقرارات الزبالة دي