أحزاب سياسية تطالب بالوحدة بين السودان ودولة الجنوب
الخرطوم: صبري جبور
أعلنت عدد من القوى السياسية السودانية دعمها للمطالبة بالوحدة بين دولتي السودان وجنوب السودان، وأشارت إلى أن تحقيق الوحدة هدفها، وأكدت أن شعبي البلدين تواقون للوحدة للارتباط التاريخي والعلاقات الأزلية التي تربط بينهما.
وقال أبو بكر عبد الرازق القيادي بالمؤتمر الشعبي- أمين أمانة الفكر والثقافة بالحزب إن الوحدة بين شطري السودان هدف إستراتيجي للحزب يعمل لتحقيقه لأنه لم يوافق أصلاً على الانفصال، وتابع نحن مع أي مبادرة تدعو للوحدة، مبيناً أن الوحدة ضمن البرنامج السياسي الذي تمت إجازته من قبل أجهزة الحزب الآن. ومن جانبه أكد صديق يوسف عضو اللجنة المركزية بالحزب الشيوعي أن الوحدة مطروحة في برنامج البديل الديمقراطي للمعارضة، واستدرك لكن في ظل النظام الحالي الذي تسبب في الانفصال لن تتحقق الوحدة. وفي السياق اتفق بشارة جمعة أرور الأمين السياسي لحزب العدالة مع ما ذهب إليه عبد الرازق في أن الوحدة هدفهم الإستراتيجي، وأكد أن الخطوة ستحقق في المستقبل، داعياً الحكومتين والشعبين ومنظمات المجتمع المدني للعمل من أجل إعادة الوحدة بين البلدين. ومن جهة أكد القيادي بالحزب الاتحادي الديمقراطي (الأصل) علي نايل دعم حزبه للوحدة بين السودان وجنوب السودان، وأضاف لكننا لا نريد الوحدة التي تسبب المشاكل إنما نتطلع لوحدة صادقة يتفق عليها الجنوبيون والشماليون وليس بعضهم.
اخر لحظة
هذه الأمور يجب ان تترك للشعب السوداني في. استفتاء نزيه و شفاف ، الأحزاب ليس لها حق في ذلك ، والجبهة الاسلامية هي المسؤولة عن فصل الجنوب و هي التي تدير الأمور ألن و لسوف تذهب الي مذبحة التاريخ قريبا ،،،،انتهي ،،،،
انتو مجانين ولا شنو،بلا وحدة بلا بطيخ،ديل ناس روحم محرقاهم،همهم في الدنيا سيكروا ويشوفوا ليهم اي حاجة ماشة عشان يطلق عليها الرصاص
مافي شمال بدون جنوب
شنو الجدل الكتير دا يا جماع؟ القال لكم نحن دايرين وحدة مع الشمال منو؟ القوى السياسية الشمالية هم الدايرين وحدة السودان, بلبساطة كلموا مع السياسين بتاعكم.
الخروف البتكلم … عن الموتمر الشعبي دا دي كلها عبارة عن مزايدات ليس الا بعدين الشعب السودانى خلاص طرفو من الخروف الكبير الترابي لانو عارف الترابي هو الشيطان والعراب لنظام الانقاز السوقي شان كدا عمرو العود الاعوج ما بقبل انو يبقى عديل تماما كالترابي اللوطى … انتهى
لا شمال بلا جنوب ولا جنوب بلا شمال
ومن قال لكم ان الجنوبيين يرغبون في الوحدة وهم الذين قرروا باراتهم الحرة الانفصال ابحثو عن السبل والحلول الناجعة من اجل توحد بقايا اطرافه وحمايتها بالطرق السلمية العادلة وحمايته من الانفصال وهذا هو المطلوب في الوقت الراهن
كدة وحدو دارفور وجنوب كردفان والنيل الارزق الاول, واخيراء ما تفكرو انو الجنوب ممكن يتوحد مع الشمال, دة من سابع المستحيلات, الحكابة ما كلام وبس
اين كنتم زمن اعلان الجهاد ودفع المواطنين المدينين لحمل السلاح وقتل اكثر من 3مليون جنوبي في اطول حرب في الغارة وبدون اي تعاطف من كل الشماليين
وكنتم يقتلون حتى الاسرى والطرف الاخر الحركة الشعبية كانت لها اسري حرب لانها كانت تعمل من وحدة السودان وأخيرا قتل صاحب مشروع الوحدة (قرنق) برضا تام من الحكومه السودانية بدليل سكوته .ولا تحقيق وﻻ يحزنون طبعا الحكومه السودانية شاطره في اخفاء الأدلة ودائما ما يقتل مسئولي الحكومة وهم ساكتين سكوت القبور ألم يقتلون النواب الأوائل
1-الزبير محمد صالح ورفاقه
2-جون قرنق
3-شمش الدين ورفاقه
من قتل هولاء؟ ؟؟من قتل اخوتنا الشماليين في بانتيو وهل هولاء جبهة ثورية؟ ؟؟من الذي يدعم الحرب في جنوب السودان؟ ؟؟وقفوا الحرب أولا شمال السودان (جبال النوبة) (النيل الازرق)( ودار فور)ووحده السودان الشمالي واتركوا الحرب وفكرة الجهاد في حرب الاخوة واعملوا تنمية في الدولتين واعملوا ديموقراطية و.حتى مظاهرات الأطفال السلمية يقتلون فيها أكثر
من300طفلا ياجماعه نحن قلنا الروب عديييييييييييل كده اتركونا وشاننا كنتوا وين زمن الوحدة الجاذبة؟ قروش البترول؟ ما فائدة الوحدة بدون تنمية؟ ؟؟
خلاص عملتونا شعب تواقين للوحدة؟
انتو طواااااااااالي كده راكبين في رأس الشعب عشان تمرروا بيهو متاجراتكم بالسياسة؟
قال تواقين قال.
تفصلوهو بمزاجكم وترجعوهو بمزاجكم؟؟
أصلاً فصل الجنوب بإستفتاء الجنوب فقط دون الشمال كان غلطة كبيرة لأنو الجنوب ده ما كان حقهم براهم، ده كان حق السودانيين كلهم.
الان لو دايرين ترجعوه لازم تعلموا إستفتاء للجنوبيين ولينا نحن الشماليين كمان وبعد داك اليحصل يحصل.
وقبل ده أقنعو سلفاكير اللي قال قبل يومين (مافي عودة للشمال أبداً)!!!!!!!!!!!
بلاش تواقين معاكم!
الوحدة ممكنة بقرارات بسيطة تقودها الخرطوم تتمثل في منح الجنسية والحقوق المتساوية للمواطن الجنوبي في السودان واستيعاب ابناء ابيي من دينكا نقوك في مؤسسات الدولة المركزية الاتحادية – قيادة مشروع مارشال لاقناع الدول العربية لتنمية دولة جنوب السودان ( المؤلفة قلوبهم) واقناع الدول الغربية التي التزمت بتقديم الدعم لجنوب السودان بتنفيذ وعودها — الاهتمام بجنوب السودان الجديد وهو مناطق كردفان ودارفور والنيل الازرق وجعل مناطقها الحدودية مناطق تكامل مع حدود دولة جنوب السودان —- كل ذلك ممكن عمليا بشرط واحد هو ان يكون علي راس السودان رئيس اخر خلاف البشير لان قيادة اقتصاد اي بلد تعتمد علي حنكة راس الدولة والبشير تنقصه تلك .
ان الوحدة ممكنة في حالةواحدة هي إذا ما كان الشمال يقبل رئيساً جنوبياً منتخباً ز فهل اهل الشمال وسياسييه على استعداد بتقبل ذلك بصدر رحب؟؟؟