وصول الفنانات من نيجيريا واشتباكات بمطار الخرطوم..!
وصلت بعثة الفنانات والفنانين من نيجيريا بعد أن قاموا بإحياء حفلات جماهيرية بولاية مايدوغري تلبية لدعوة الشريف حاكم الولاية، وفي مطار الخرطوم عند وصول البعثة لصالة الوصول اشتبكت مجموعة من مرافقي الفنان سامي المغربي مع مصور لصحيفة فنون (سعيد عباس) وحاولوا انتزاع الكاميرا منه لمسح الصور التي التقطها لهم وتكالبوا عليه بالضرب وألحقوا به إصابات متفاوتة رد عليها في الحال، ولولا تدخل الشرطة الحاسم لحدث ما لا يحمد عقباه.
ورفض أعضاء الفرقة الموسيقية التي ترافق الفنانة فهيمة عبدالله الحديث للصحيفة التي كانت أول من ظهر من صالة الوصول. ثم ظهر بعد ذلك الفنان سامي المغربي الذي بادر بمخاطبة طاقم الصحيفة : الليلة كمان جيتونا بالثابتة؟
في الوقت الذي ظهر فيه الخجل على بعض المغنيات عند خروجهن من صالة الوصول آثر البعض الآخر تكميم وجوههن خوفا من الكاميرا وانسحبن بهدوء تام من المطار.
صحيفة فنون
حمد الله علي السلامة وبركة الجيتو سالمين والسفر متعب شديد كان بي طيارة اوقظار
لا استطيع ان اكتب قول سفيه في حق اي انسان لماذا لانني ايضا خطاء فارجوا من الاخوة المعلقين ان يدعو لهم ولانفسهم بالهداية لانهن كاخوتنا واخوننا لا ابري نفسي ان النفس لامارة بالسوة والكمال لله وحده
كده الشريف كمل فنانات البلد والله انا خايف يقول داير فنانات الدورة المدرسية:D
حمدا لله ع السلامه وربنا يهديكم
قال تعالى (لولا اذ سمعتموه ظن المؤمنون والمؤمنات بانفسهم خيرا وقالو هذا افك مبين ) صدق الله العظيم ولا حول ولا قوة ال بالله
If this is the major concern in sudan, Then god help us.
والله انا كنت متني المواطن السوداني يمزق جوازاتهن يقفل شارع المطار وان لا يسمح لهن بالدخول ………يمشن يشفن ليهن وطن تاني ما دام مرمطن سمعتنا وشهون صورتنا ……….الشريف قال دا شريف ولا خبيث عليكم الله ……..وين اخوان البنات
يا فنانات ويا فنانين سافروا عادي
كل انسان مسئول من تصرفاته وليس هنالك انسان وصي على انسان
وا وعى تتابعوا افكار القرن الـ13 ديل والله ديل لو عليهم ما تكون في إمرأة زاتو في الدنيا
العقلية متحجرة والتخلف حاصل وهذا هو همهم
فلانة دخنوها وفلانة حننوها وما شفتو ديك الليلة يوم قطع رحطها وما عارفة شنو
والناس وصلت القمر وصنعوا الانترنت وكل جديد من اجل راحة البشر وناس قريعتي راحت ديل لهسع بيستوردوا التوم من الصين والنبق من ايران
يا مها عبدالله كيف يعني كل انسان مسؤول من تصرفاته …الناس السافرت دي مش بتمثل دولة وبتمثل شعب والحاجات البنسمعها دي ما بتأثر على سمعتنا ؟؟… يعني لو واحدة من اخواتك أو بناتك مشت لمكان يكثر حولها اللغط والقيل والقال وقال ليك أن مسؤولة من تصرفاتي حتسكتي وتعايني ليها ولا حتقولي ليها الحاجة دي بتأثر على سمعتنا وسمعة العائلة وباقي أخواتك قدام الناس …؟؟؟
حريتك الشخصية لها حدود تتقاطع مع حريات الآخرين ويجب أن يكون للمجتمع عرف ونظام يحكمه فمشاركات الفنانات والفنانين عادة بتتم بتقديم دعوات بصورة رسمية ومن خلال أجهزنهم المعروفة …أما الخروج خلسة والعودة خلسة والإختباء من الكاميرات وضرب المصورين فمعناها أن الموضوع فيه شيء مخجل يخاف منه هؤلاء من الظهور أمام الناس والكاميرات !!!!!!!
هذا عبط وتخلف وليس فيه مثقال ذرة من غيرة ( فدعوا الفنانات في حالهم ) .
لماذا ماتكتبوه عن سفر الفنانات لا تكتبوه عن الانحلال في شوارع الخرطوم .
عالم وهم فهذا الرجل لو مبتلي بالنسوان – فهناك نساء اشبه بالخيل الجامحة .عائز شنو في باقي الملاريات دي ياناس خليكم عاقليين . وبطلوا العبط البتعملوا فيه دا .
على هدا الوفد الفني ان يدافع عن نفسه و يعقد مؤتمراً ويوضح لنا بالضبط ما هي القصة ،،، ويفندوا ما دهب إليه الجماعة من إتهامات ،،
وهدا من حقهم
ياايتها المفترية مها عبدالله الناس وصلت القمر بالعلم والوصلوا القمر وصلوا باخلاقهم الحسنة وحبهم لوطنهم وسمعتة وكرامته لذلك سهروا الليالي ليس طربا وتبرجا وبيع شرفهم بالمال وانما سهروا لتحصيل العلم والبحوث حتي تمكنوا من الوصول الي القمر وهم يهدون انحازاتهم لوطنهم. كما اننا اخت مها سودانيين لنا عاداتنا وتقاليدنا السمحة والتي ليس لنا في الدينا شيء غيرها فلماذا كل شيء يعلق في شماعة الحريات الخاصة ممكن تمشي عريانه في الشارع او خلينا نقول في بيتكم وتقولي هذه حرية خاصة اين المجتمع ونحنا السودانيين عندنا مثل من قديم بقول كل ما يعجبك والبس ما يعجب ويرضي الناس ليش لان احترام المجتمع واجب ولاننسي اننا مسلمين وكلامك هذا يذكرني عندما طلع فناننا التشكيلي راشد في قناة العربية مدافع عن الحريات الخاصة وبقولوا ليس كافيا ان نحاكم واحدة لمجرد انها لابسة لبس خليع ومشين اذا لم تقصد فيه سوء نية ياللعجب ايها الفنان التشكيلي العلماني أترضي لامك أواختك او خالتك واوعماتك بالخروج الي الشارع بلس خليع ومخل بالآاداب ؟ والملفت للنطر هذه الايام كل مايجري من انحلال ودعارة وتبرج وسفر للخارج من اجل حمع الاموال الطائلة بالطرق الغير شريفة يعزي للانقاذ لو كانت الانقاذ كذلك اين البيت اين النخوة السودانية والمثل اقول الحرة لاتأكل من ثدييها فلعمري اقول ان الانقاذ لاعلاقة لها والشريف شريف مها كانت الظروف فالانقاذ هلي احد الاسباب ولكن السبب الرئيس هجر هؤلاء للقرآن الكريم والصلاة وسنة نبيناء محمد صلي الله عليه وسلم فماذا تتوقع من امثال هؤلاء . فالتقوي التقوي ياايها السودانيين هي المخرج من كلما نراه ونسمعه مما هو دخيل علينا ويا حليل زمان .
الفنانات يستاهلوا كل البيحصل ليهم من اشانة سمعة ومطاردة صحفية واشاعات ….لانهم يعلمون جيدا ما وراء فعلتهم هذه والمثل زمان قال الباب البيجك منو الريح سدوا واستريح وكان بالامكان اعاد المبالغ التى استلموها من الوسيط والاعتذار عن السفر بدلا من كل هذه المشاكل والشائعات و الظنون ….باختصار شديد يستاهلو كل البيحصل ليهم
هل صوت المرأة عورة ؟
كدي يا جماعة احسموا هذا السؤال اولاً ؟
ثانيا هل يحق لها ان تغني ام لا ؟
وخليكم من قصة شريف نيجيريا وسفر والذي منو
اقعدوا ناقشوا النقطة دي اولا
احسموها عشان تعرفوا انتوا وين والدنيا دي وين
واظن مها عبدالله قصدها سليم ..فعلا نحن ابو الخلف مش متخلفين وبس
عالم لسع بتنضرب بالسوط في الحفلات لغاية الدم يتدفق عشان تثبت رجولتها..!
أجي يابنات أمي …!!!
كل من يتهم الفنانين والفنانات اعلاه يجب ان يتقدم الي القضاء ويثبت دعواه حتي الصحف التي تتناول المر بلمز أو غمز لا تستثني ومن لا يملك دليلا لاتهامه يجلد حد القذف مش دي الشريعة طبقوها بالله
الفنانات بقن مهزله اتمني من الدوله ان تدخل تمنع هذه الظاهره لانها فيها كثير من الشبهات
انا شايف انو بيقولو الجنوب حاينفصل عشان الشريعة هو انحنا هسه ما زي الجنوب بس الجنوب بيجوه الفنانين من بره ………..؟؟؟؟ونحن فناناتنا بمشو بره ؟؟؟ سؤال صحي هن فنانات جد جد:lool: :lool: :lool:
اأيد كلامك ياكِشه وازيد عليه البييييينه لمن أدعى واليميييييييين على من أنكر انو ما دام الغناء مباح في السودان وليس هناك ما يمنع الغناء لا (قانون) ولا (دستور) فمن حق اي من شاء ان يغني وفي اي مكان شاء طالما هو غناء ولو كان غير ذلك ………..زي ما قال كِشه. وزي ما قالو أهلنا زمان الكلام في الاعراض زي خرشة الكبريت وطلقة المسدس.
ياعالم الناس العندها غيرة على بنات بلدنا يشوفوا الظواهر السالبةالحاصلة فى العاصمة
ومايرموا الناس فى اعراضهم . والفنانات ديل مشوا لنيجريا وعلى رؤوس الاشهاد
ثم ان هذا الشريف اذا اراد النساء فلماذا السودانيات وفى مقدوره جلب ملكات جمال العالم
كما ان فناناتنا بيسافرن الى كل دول الخليج وغيرها فلماذا الضجة حول نيجريا
اهذه عنصرية ام لان الشريف اسود . فالامر حلال عند السفر شرقا وحرام غربا.
هذا ومانك يا مهازل فأمرحي :mad: :mad: :mad: :mad: :mad: :mad: :mad: :mad: :mad: :mad: :mad: :mad:
الشريف مبسوط مني عشان أنا بريد فني.
شكرا أخي القدال والله لو الناس كلها بتفكر ذيك كدا وعندها أخلاق شبهك كنا نقدل في العالم ورأسنا فوق …لكن في ناس بيعجبها الإنحلال وضياع الشرف…وقايتو لو سفر الفنانات المشبوه هذا يعني لرفع إسم السودان فنيا ماعايزين نرفعوا أحسن ينوم في محليته وحاضن شرف بناتو..
بعدين الفن بقي عند الشريف وحده وصار الشريف وولايته مسرح لنشر الفن السوداني…ما خلاص أختنا ندوية نشرتو عند الشريف دا مرتين وشرت توبا ولبست كط…مش كفاية
اللهم لانسألك رد القضاء ولكن اللطف فيه…
يا أخت مها إستغفرالله انتي إنسانة مسلمة وبغض النظر عن كونك ملتزمة او غير ملتزمة لا يجوز لك الدفاع عن الباطل والحرية البتتكلمي عنها دي لاتعني الإضرار بسمعتنا وسمعة البلد ونحن ما ناقصين ما كفاية الكيزان المسحوا بسمعتنا الوأطة كمان جايين أشباه الفنايين والفنانات يتموا الناقصة
مونيكا دى بابور كارب ما بيقدر عليها الشريف
سؤالي وبعفوية حتى صدور الإجابة عليه هو: الفنانات ديل أهلهم وين؟؟
خلاص نسمى الاستاذ حسين شندى حسين مادغرى وسامى المغربى سامى مادغرى بدل المغرب وشندى وماشاء الله كانو نعم الرجال المحرمين لبناتنا
وغايتو ياشندى ثانى مااشوفك شغال فينا اغانى تراث وعرضة وحماسة اما عن مغربى ده يانسوان اكثرو من الولادة وطهير البنات عشان القعدات من مغربى تكثر ويقلل من سفر نيجيريا
الاخت الاسمها مها دي قالت ( وا وعى تتابعوا افكار القرن الـ13 ديل والله ديل لو عليهم ما تكون في إمرأة زاتو في الدنيا )
بس اتمنى تورينا تقصد شنو بالقرن الثالث عشر
هل هو قرن النور والوحي والرسالة التى اسعدت البشرية ام تقصد القرن الثالث عشر الميلادي .
يااخوانا فنانات شنو وشريف بتا ع شنو بطلوا الفارغة نحن في أهم مرحلة في تاريخ السودان وعقبال الإشتباكات الحتحصل بعد الإنفصال وكل سنة وإنتوا طيبين
ياجماعة لاتصنعوا اشياء من مافى الموضوع لا يستاهل دا كلو
الخراب حاصل من الداخل لو نظرتم الشارع السودانى لا سيما الخرطوم
اما البنات ديل شطحن شوية بذهابهن الى نيجيريا بطلب من حاكم ولاية
و الله انا اموت بالغيرة فى شوارع الخرطوم حرام و الله
يا اخوانا قبل كام يوم مش فى بروفسير من جامعة السودان المفتوحة وجه رسالة للبشير والشعب السودانى كشف فيهو الفساد الادارى والمالى والاخلاقى اللى فى الجامعة دى وكلامو مدعوم بالوثائق –طيب نحن ليه ما نتناول القضية وبالذات التحرش الجنسى اللى حصل من الاساتذة على الطالبات والموظفات بالله عليكم اخطر الموضوع ده ام سفر فنانات الى نيجريا — وللمعلومية ربنا ما خلق شعب رقاص وشعب اخر محترم بس الحوجة والوضع الاقتصادى هو اللى بيشكل اخلاق الامم
انتوا فى والحسانية فى شنو شوفوا الكارثة الجاية شهر واحد .
البنات ديل اهلهم وين يا اخوانا والله مصيبة كبيرة دي يخلوهم يسافروا مع الرجال كده الحكاية شنو . يا رجال السودان وينكم والا الرجال ماتوا فى كرري
البعثات الفنية للفنانات شىء طبيعى وعادى منذ عهد الفلاتية 00الغريب شنو الان فى سفر الفنانين والفنانات الى نيجيريا؟؟؟؟؟موضوع مابيستحق كل هذه الضجة المفتعلة 00يمشوا يغنوا فى ولاية الشريف ولاأى ولاية تانية المشكلة شنو؟؟؟
ياعالم شوفوا ليكم موضوع مفيد واتكلموا فيه بدل تضييع الوقت فى الكلام الفارغ00
قبل سنوات اكلتوا لحم ندى القلعة والايامات دى ناس فهيمة وزميلاتها 00عالم ماعندها شغلة 00
هههههههه الناس في شنو والحسانية فى شنو ,, السودان يمر بمرحلة خطرة جدا ونحن لسه فنانة مرقت وفنانة طلعت … طالما طلعوا وجوا ومافي شيء مثبت يبقي رحلتهم طيبة وتلافوا عيوب الرحلات السابقة ان وجدت (؟) .
طيب عندي اقتراح كل مايكون فى فنان أو فنانة طالعين خارج السودان نرسل معاهم دفار النظام العام .
إختشوا وأسألوا الله الهداية والتوفيق لنا ولكم
خلاص يعنى فهيمة يقت (فنانة)00سبحان الله !!!!1عارفين السبب شنو ؟؟؟دموع محمد سليمان فى آخر حلقة فى برنامج نجوم الغد عندما تفاعل مع الاغنية التى أدتها فهيمة وطبعا عارفين عاطفة السودانيين وتصويتهم (للفنانة)فهيمة 00ومن اليوم داك اصبجت تحمل لقب (فنانة)00
ياجماعة هسي دي مشكلتنا .لاحظو كمية التعليقات على الموضوع دا مقارنة بباقي المواضيع الحساسة