جامعة كامبريدج تمنح بروفيسور سوداني الدكتوراة الفخرية
– منحت جامعة كامبريدج البريطانية العريقة في يوم 21/3/2014 الدكتوراة الفخرية للبروفيسور عبدالرحمن حامد نور تقديرا لجهود بحثه في مجال الطاقة وسلامة البيئة , حيث قدم ورقة علمية في المعرض البريطاني للابتكار (BIS) تحت عنوان الماء كطاقة بديلة (WATER AS AN ALTERNATIVE ENERGY), حازت على ميدالية افضل بحث قدم في المعرض(بلاتينويم).
جامعت كامبريج البريطانية العريقة وكتقدير لجهود البروفيسور عبدالرحمن في مجال البحث العلمي بصورة عامة , وتقييم لكل مسيرته الاكاديمية الثرة قررت منحه الدكتوراة الفخرية تكريما له.
*من جامعة كامبريدج:
NEWS RELEASE FOR FAVOUR OF
PUBLICATION AND/OR BROADCAST
The International Biographical Centre of Cambridge, England has pleasure in announcing that
Professor Abdurahman Hamid Nour HonDL
Lebuhraya Tun Razak, 26300, Gambang Kuatan
Faculty of Chemical and Natural Resources Eng
University Malaysia Pahang, Malaysia
is a recipient of the IBC Honorary Doctorate of Letters. Professor Nour won 2 Gold Medals and Platinum in British Invention Show (BIS2014) 23rd – 26th October 2013.
ماشاء الله وربنا يزيد ويبارك . لانك دارفوري حكومة المؤتمر الاثني ما اهتمت بيك وضايقتك وما ادتك وظيفة حتي اضطريت للهجرة الي ماليزيا ,زي كل اهل دارفور مع هؤلاء العنصريين , فابدعت وتفوقت. {وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لا يَعْلَمُونَ)يوسف 21
الف مبروك يا بروف ومزيدا من التقدم والعطاء ورفع اسم السودانيين عاليا ،،، هذا شرف كبير لنا وللسودان ،،
مبروك للبروف عبدالرحمن حامد ومبروك للسودان لهذا الانجاز المتميز وكل يوم تشرق فيه الشمس تشرق علينا عبقريات السودانيين ولكن للاسف خارج حدود القطر لان علماوءنا هنا السودان مشغولون بانبوبة الاز وصحن السلطه واخبار الدمار والكوارث اليوميه فنرجو من كل من مارس الفشل ان يترجل ويبترك الامر لغيره حينها سينعم السودانيون بالحياة الكريمة ويرون الفرق ويقولون كما قالت الجن حينما علمت بموت سليمان ( لو كنا نعلم الغيب ما كنا شعنا في العذاب المهين)
دي الاخبار البتفرح جد
والله مبرووووووووووووووووووووووك .. رفعت راس البلد الحزين ده
********** الف مبروك دكتور ******** مزيد من التقدم و الازدهار ***********
ألف مبروك… أيها السوداني الأصيل…
والله لو في انصاف في البلد دي…. تبقى انت وزير البحث العلمي في السودان….
عرافك ما محتاج وظيفة…. بل حا تشغلك عن أبحاثك…. لكن ستفيد البلد جداً….
المشكلة إنك ما حا تقدر تعمل حاجة…. مع جوقة الجربندية ديل….
يا الحكومة القادمة بعد الكيزان…. هاكم ده وزير جاهز للبحث العلمي….
وبالمرة كدة…. افصلوا لينا البحث العلمي عن التعليم العالي…..
وزارة البحث العلمي…. يمكن تقوم بدل وزارة العلوم والتقانة…. الماشايف ليها أي مردود…
تحياتي
لا أود أن أفسد على أحد البهجة وأشارك في التهنئة ، لكني أسال ما علاقة الجهة المانحة ، وهيThe International Biographical Centre of Cambridge ، بجامعة كامبريدج العريقة كما يشير الخبر ؟؟ أرجو أن نتحرى الدقة في اخبارنا
التحية للجندي المجهول
رد على محمد احمد
الناس في شنو وانت في شنو نحن نتكلم عن بلد باكمله وانت حاصر نفسك في القبلية اخي محمد احمد يجب ان ننبذ القبلية والجهوية والحزبية ونؤكد ان ماحل بالسودان من هذا الكابوس لم يدع جهة او قبيلة والا نفث فيه من سمومه فاليكن همنا السودان مع احترامنا وتقديرنا للتنوع واحترام الاخرين
قال تعالى( وجعلناكم شعوبا وقبائل لتعارفوا ان اكرمكم عند الله اتقاكم) هذه هي المباديء التي بها الاسلام وليس الترابيين
تسلم البطن الجابتك يا بروف.
شرفت العلم، شرفت نفسك وأهلك واسرتك،
شرفت شعبك وبلدك،
شرفت ماليزيا وتجربة ماليزيا،
شرفت التقاليد والقيم النبيلة في حب العلم والبحث.
شرفت كامبريدج ذات نفسها.
______________________
أكتب لنا قليلأ، إذا سمحت، عن انجازك الذي أهلك لما استحقيت.
قدم لنا خارطة طريق حولها وحول آفاق دولة العلم التي نتطلع إليه في سودان بكرة، كيف تكون؟
______________________
لك الشكرن حفظك الله.
عرفتو الفرق وين !.
مبروك يا بروف وصدقت والله يا محمد أحمد
انا يادوب عرفت ناس كامبردج ديل ناس عنصريين وبتاعين محاباة 000بس يلقوا زول ناااااجح براهو وهم ولا ساعدوه بي اي حاجة يقوموا يدوهو ليك دكتوراة فخرية000ناس عمر البشير ديل هسي في زول في الدنيا مجتهد اكتر منهم 25 سنة خبرة وتجارب في الجنوب ،دارفور،جبال النوبة،النيل الازرق والشرق وجرائم سبتمبرورمضان000000الخ 00000دي كلها ما إنجازات00؟؟0وبعد دا كلو لسع ما لاقين زول واعي يديهم دكتوراة فخرية في الفشل….مبروك يابروف وعقبال نوبل000000إنت بقيت بروف وناس تانيين قايلين الزول دا بقى يسكن ابوروف…..
Congralulations on this great achievment. We are proud of you .
مليييييييار مبروك يا دكتور رفعت راسنا وربنا يعلى مراتبك زيادة … ويا محمد احمد لا دارفورى ولا غيرو سودانى وبس هدانا الله واياك …
دار بين وبين احد اعمامنا الكبار من دارفور وهو من اوئل من تلقوا تعليم عالي في دارفور وسياسي عمل في كل الحكومات التي مرت علي السودان انتهى به المطاف ﻻجئا في
برطانيه والحديت كان عن النغمه التي حلت باهل دارفور قال لي يا ولدي ما حل بدارفور نعمة واي نعمه وسوف تتسفيد منها اﻻجيال القادمه .فاوضح وقال لي زمان الناس كانوا عايشين عشيه ساهله ومعتدين علي الزراعة والرعي والواحد بيقضي عمره كله في الجبل من الوالده وحتي الممات بدون يكون زار الفاشر حاضره وﻻيه دارفور والناس ﻻ لم تكن تعلم شي عن العالم الخارجي وحتي القله التي تعلمت نعلمت بمجهود زاتي .فبعث الله لهم عمر البشير لينزلهم من الجبل ويشردهم من ديارهم وهو ﻻيعلم سيكولوجية الانسان السودني كان يعتقد ان اهل دارفور سيلجؤ الي الدول اﻻفريقيه المجاوره ولكنهم كما الجنوبين سابقا ﻻجؤ الي الداخل حتي اصبحوا اكثريه في اغلب وﻻيات السودان الشماليه وامتلكوا البيوت والمزارع وادخلوا ابنائهم المدارس حتي ان اغلب طﻻب الجامعات السودانية هم من ابناء الغرب .والذين هاجروا الي اروبا وأمريكا واستراليا وإسرائيل اتجهوا الي نهل العلم واﻻستفاده من الامكانيات العلمية المتوفر وضرب لي مثل طالب من دارفور جاء الي برطانيه بشهاده متوسطة من الفاشر هو اﻻن طبيب في لندن ولو بقي هذا الشاب في دارفور لكان اﻻن مساعد وﻻ راعي وﻻ عسكري نفر .وما ينطبق علي اهل دارفور ينطبق علي اهل جنوب كردفان و النيل الأزرق .فيجب علي أهل تلك المناطق ان يعملوا تمثال لعمر البشير للخدمة التي قدمها لهم وهو ﻻ يعلم .سوف يذهب البشير الي مزبله التاريخ وسيعود اهل دارفور الي وطنهم بعد ان تلقوا العلم ونالوا اعلي الدرجات العلميه ليعمروا ارض أجدادهم .فان المستقبل كله لدارفور .هذه نظره وتقيم رجل من الزمن الجميل لكارثة دارفور
نهدى النجاح لواحد عجيب وغريب نائم في جامعة السودان اسمو ايدي
قدانا قبل ايام بمقال اسمو تسويق الشهادات الجامعية واشار للبيع والشراء بجامعة السودان للعلوم والتكنولوجيا ماجستير اللغة الانجليزية
الف مبروك يابروفسور عبدالرحمن والى الامام رفعت راس السودان عاليا هكذا ديدن السودانيين في كل مكان
شكرا للبرفسور/ عبد الرحمن حامد نور على جهوده وتفوقه العلمي.
بكل أسف وحسب النظام التراتبي القبلي الحاكم في بلادنا منذ 1956 م، فليس هناك مكان للكفاءات الوطنية، من أمثال البرفسور عبد الرحمن نور من الكفاءات العلمية الحقيقية. بينما الفرص تبهل لحملة الشهادات المضروبة التي تباع في محلات التحف والهدايا التزكارية في أروبا وأمريكا، إلى جانب، حملة الشهادات الفالصوا، التي أصبح بيعهها من أهم موارد بعض جامعاتنا المسيسة.
أخبار تفرح فى زمن الإحباط،، هذا البروفسور والدكتورة اللى فازت الأسبوع الماضى بجائزة عالمية فى مجال الطب وهى محاضرة فى جامعة الأحفاد والدكتورة السودانية الأخرى اللى فازت بجائزة دولية فى النمسا قبل أسبوعين،، وجعل الله أيامنا كلها أفراح.
بالمناسبة هل هذا البروفسير شقيق المهندس أبوبكر حامد نور القيادى بحركة العدل والمساوة؟؟
هناك الآلاف من السودانيين المبرزين في شتى المجالات ولديهم الكثير من الافكار لاخاراج السودان من نفق التخلف والتخبط السياسي بخطط ودراسات لتدبير موارد البلاد حتى تعود النفع للجميع هجروا قسرا بالرغم من وطنيتهم التى تجري في دمائهم وجردوا منها في ظل الانظمة الاستبدادية والشمولية التى تمهد الطريق للوصوليين والمتسلقين وتقطع الطريق لمن يسكنون الوطن وتسكنهم الوطن واجبروا على مغادرة الوطن ليستفيد من خبراتهم من يؤمنون بالمقولة المأثورة خذوا الحكمة حتى ولو من افواه المجانبن ….غادروا الوطن بعد ان اصبحت المواطنة تقاس بمدى الولاء للحزب الحاكم وليست بالانتماء الى الرقعة الجغرافية التى تسمى بالسودان ؟
الف الف مبروك دمت رمزا من رموز الوطن الغالي وربنا يوفقك على مسيرة حياتك واطال الله في عمرك …
التحية لك ولالاف الجنود المجهولين ونتمنى لك المزيد مت التقدم والازدهار
تحية واحترام للبروف
يا فخرنا
رفعت راسنا
ربنا يسعدك
مبرووووووووووووك-ولكل-متفوق-ومتفوقة-اينما-حطوا-عصاالترحال-واجتهدواالتحيةلكل-المعلقين-الاصحاء-من-مرض-العنسرية
كما قال الاهل هوني هذا المعهد لا علاقةله بجامعة Cambridge University وان كان هذا لا يقلل من قيمة الاخ / عبد الرحمن ولكن الحقائق يجب ان تقال . ومن ثم ما هو رأي الاخ / عبد الرحمن حامد فيما يقوم به اخوهو ابو بكر حامد نور ، ضابط جهاز الامن السابق من قتل وتشريد في اهلنا في شمال دارفور من قبايل القمر والبرتي.