(صباع أمير) لقطبي المهدي!
د.حرم الرشيد شداد ..
أعلن المؤتمر الوطني أنه تحصل على معلومات دقيقة تفيد بأنه هنالك مخطط من المعارضة والاحزاب والحركات المسلحة بتخريب الاقتصاد على لسان أكبر قيادات الإنقاذ السيد قطبي المهدي ؛ اذن مازال أهل الانقاذ يفترضوا السذاجة والغباء في الشعب السوداني، الذي ظل طيلة الاربعة وعشرون عاما في انتظار أن تنزل شعارات الانقاذ على أرض الواقع، ليس غباء منه، ولكن ثقة منه في شعارت اسلامية ولم يظنوا أن كل ما يلمع ليس ذهبا … وهذا السخف من الكلام لا يستطيع أهل الانقاذ أن يغيروا به حقيقة الخراب الذي أصبح ظاهرا كضوء النهار، ولا يحتاج الى معلومات دقيقة أو غيرها، فالخراب حدث ومازال يحدث، والمعارضة ليس لها دور في خراب البلد بتقسيمها الى اثنين، ولم يكن لهم دور في خراب الخدمة المدنية تحت ما يسمى بالصالح العام، وتشريد الكفاءت المؤهلة التي كانت تديرها على أحسن وجه، ولم تفتح أبواب البنوك لأعضائها لأخذ القروض والتمويلات وانشاء الشركات الوهمية أو المتهربة بشهادة المراجع العام من الضرائب.. أما الفساد الذي حصل فحدث ولا حرج فالداني يعلم به والقاصي,.. ومن الذي دمر أكبر المشاريع الانتاجية والزراعية يعلم به حتى أطفال الروضة … و الذي دمر مشروع الجزيرة يعلمه حتى رعاة الشاة في الخلاء. و الذي جعل البلد في اشتعال وحروب من الجهات الأربعة معلوم داخليا وخارجيا… السيد قطبي المهدي هل تعلم أكبر قيادات المعارضة لا تملك ربع ما اختفى من بيتك من أموال بالعملة الأجنبية، فالشعب السوداني ليس ذلك الشعب منذ أربعة وعشرون عاما، فقد تغيرت مفاهيمه التي بنيت على الطيبة والبساطة والسذاجة، فان كان بعض التنفيذيين يحتاجون الى إبرة وخيط بتصريحاتهم الاستفزازية فأنت يا سيدي تحتاج إلى «صباع أمير» أو سوبر قلوو..
صحيفة الوطن
صباع امير دة صغير ما بيعمل حاجة للسد
د / حرم شداد بارك الله فيك أيتها الشامخة كنخلات بلادى التى كانت فقد ألقمتى المعتوه/ قطبى الحرامى الذى لا زال يرى فى الشعب السودانى الغباء والبلاهة,هؤلاء يادكتورة عايشين فى قصورهم وكل شىء جاهز لهم من غير معاناة وكروشهم تسبق أرجلهم فى المشى وأوداجهم منتفخة وريالاتهم سائلة ولهم فى قصورهم بنوك داخلية بكل العملات ولازالوا يعيشون وهم أستغفال الشعب ولكن لهم يوم لن يخلفوه وعموما أحى قلمك البارع الذى لقن الكاذب المعتوه/قطبى الدرس الذى لن ينساه,مع خالص التحايا لك.
بت ناس شداد دي قالت في الكيزان ما عجز عن قوله ابو شنب اقول نصه، والله الكيزان ارعبوا السودانيين حتي الشجاعة اصبحت من مهن النساء .. حسبنا الله
برافو يا ركابية يا حرة يا اصيلة ولازال هؤلاء الاوغاد تحت تاثير سكرة السلطة وصاحب الصرافة المنزلية هذا هو اشدهم غلوا وتنطعا وعجرفة ولامثيل له سوى خال الرقاص عليهم اللعنة اجمعين .
حلوة “صباع امير” وسوبر قلوو..
صباع امير له استعمالات اخري . وخصوصاً لتزوير حاجات تانية حامياني زي ما بقول الدكتور . سؤال العارف استعمالات صباع امير يجاوب والمابعرفش يقرأ فقط . قيمة الجائزة آد فلوس قطبي المهدي العارفاهم الدكتورة حرم شداد
وفّيتي وكفيتي ، وبرّدتي المغصة الفي جوفي ، شكرا إليك
ههههههههاي سوبر قلو اقفل بيهو شنو؟؟؟
ههههههاي اقفل بيهو عينو الفي الضهر ولا اقفل بيهو خشمو التحت
ده كضااااااب ساااااااااااي
لولا جبن و تفاهة ضباط القوات المسلحة في حمايتهم للمجرمين تجار الدين لما تجرا امثال قطبي المهدي الحديث لثانية في الشان السوداني .. يكفي ما نهبه من اموال تحت حماية قواتنا الباسلة
الى متى ترهن القوات المسلحة الشعب لهؤلاء المجرمين الحثالة ؟!!
يعنى بعدين نحاسبهم كتابة لا شفاهةً ؟ وإلا الحساب ولد ؟
ياجماعةصباع امير ده هوزاتو ولا واحد تانى ده تلصقو بيهو خشوم الكيزان عملية ماتفكو خذو الحكمة من افواه النساء
صباع امير ده هو زاتو داك ولا واحد تانى ده تلصقو بيهو خشوم الكيزان ديل الا عمليةيلا تفكووالله النسوان ديل كلامهم حكم
خير الكلام ما قّل و دّل , شكراً يا دكتورة . هؤلاء الحاكمين لا يستحون ولا يخافون الله , ولا يحترمون عقول البشر , مفتكرين ان صمت هذا الشعب الكريم هو غباء ولكن سوف يريهم قريباً بأن سكوته لحكمة عندما يقتلعهم من جزورهم و يأتى بهم فرداَ فردا للمسائلة و للقصاص . وإن غداَ لناظره قريب ..
هذا ال قطبى المغرور يحتاج ليس فقط «صباع أمير» بل إلى صباع أوسط مرفوعاً فى وجهه الممتلئ شحماً بعملات المواطن السودانى المنهوبة .. بل ان ما ينتظره هو خابور القذافى رحمه الله .
تسلمي يا واعية
واللهي مرات الحقائق تكون امامك ولا تستطيع ان تجاوب علي اوغاد النظام الانقاذي
ياخي خلونا بالتي هي احسن ما دايرنكم
طلقونا خلاص
24 سنة تعبنا فيهم انحنا ما ماملكت ايمانكم
والله باين عليكي يا دكتورة انتي بت ناس – غلبك تقولي (صباع حمير)..
ياكوز بعد ده جنتكم انتهت وحقت الله ما بدخلوها حراميه باناشيد امريكا روسيا قد دنا عزابها الروس البضربوا الفودكا للجليد يمكن يغفروا ليهم والامريكان البجيبو عيش ريغان وينجدونا يمكن ربنا يحسن اليهم وفرعون عندو راحه لانو كان كريم وانتو اكلتو حق الغبش ورديتو البعض عن دينهم وكتلتو واغتصبتو ووووو واخيرا اكلتو قروش الجوامع يعني معقول الله مايجيب ليكم امريكا القرش الحوت عشان تجيهكم وتريحنا بعده ده فكروا في الجنه الا يكون فيها محسوبيه وتزكيه وحلوه التزكيه دي قال نحن لانولي الامانة لمن يطلبها ونختار القوي الامين ويينو سيدنا عمر بن عبد العزيز ده مش لو عثرت غنمايه في ابو عشرين بشلعوها الخوالده دا لو صحا من بيت المدام الثانيه ووجد جبال النوبه انقرضت بيقول العطاءبتاع ردم الجثث ده لازم ياخدو وزير الدفاع ومعاه معاويه البرير ودا بالنيه طبعا
والله كنت قايل الشي ده ما صاح لكن الكلام دخل الحوش ( صباع امير )
ياسادة بهداوة كدا فهمونا الموضوع ، ماهي علاقة الابرة والخيط مع صباع اللصيق داك ؟ وانا شايف الموضوع حيجيب الزيت ( البترول وكدا ) .
قايتو ما عارف اقول ولكن مع صباع امير ايضاً محتاج لصباع القذافى
جزاك الله خير يادكتوره
و ابورياله يركبوا ليهو اولويز في خشمو ؟؟!!
عفيت منك – بس كتار منهم العايزين سوبر قلو
عشان كده أنا ختيت حرف ( دال ) قدام إسمى .. معقولة دى مقالة لدكتورة فى الشأن السودانى المتأزم فهى لاتزيد عن (ونسة) ناس عاديين فى دفار .. وبعدين صباع أمير بتاع شنو ياولية .. !
يا دكتورة هذه العصابة أدركتها نبؤة ونزارة الاستاذ محمود محمد طه فيما عرف بحديث (السوفات) فى عام 77 الذى قال فيه لاشك أنه من المفيد جدا للشعب السودانى ان يمر بتجربة حكم جماعة الاخوان المسلمون و هذه الجماعة (سوف) تسيطر على السودان سياسيا وأقتصاديا ولو بالوسائل العسكرية ( وسوف) يزيغون هذا الشعب الامرين (وسوف) يحيلون نهار هذه البلاد الى ليل (وسوف)ينقسمون الى فئتين كخطى السكة الحديد تلعن كل فئة أختها وتحرض عليها (وسوف) تسيل دماء كثيرةثم ينزع الله الحكم منهم ولايعودوا اليه ابدا