جهاز الأمن يعتقل الاستاذ الفاتح جبرا من المحكمة – صورة
اعتقلت اجهزة أمن حزب البشير الاستاذ الفاتح جبرا والناشطة ” بنت وراق ” من محكمة الخرطوم التي تنظر في قضية النفايات والتي يكتب تفاصيلها عبر عموده المقروء [URL=http://www.alrakoba.net/articles-action-listarticles-id-12.htm] ” ساخر سبيل ” [/URL]، وجاء الاعتقال قبل بداية الجلسة الثالثة المخصصة للنظر في القضية ، وعلمت الراكوبة ان اعتقال الاستاذ الفاتح جبرا يعود الى عدم رغبة اجهزة نظام حزب البشير في اي تجمهر ولا لافتات تندد بسياسات الحكومة ، ولاحقا تم اطلاق الاستاذ الفاتح جبرا الذي لم ينسى ان يقول لافراد جهاز الامن : برضو ما حأدفع رسوم النفايات ولا اي رسوم غيرها ما لم تحصل باورنيك 15 لاضمن دخولها لخزينة الدوله.
[url]http://www.alrakoba.net/articles-action-listarticles-id-12.htm[/url]
[CENTER]
صورة لبوكس جهاز الامن وهو يعتقل الفاتح جبرا وبنت وراق – شبكة رصد -[/CENTER]
ألا كان الله في عون هذه البلد المنكوبة ( بحراسها ) ونصرك الله أبوي الفاتح…
هذه بلادٌ علمتنا أن من يخاف عليها منبوذٌ مكروهٌ مقبوض .. ومن يسرقها محبوبٌ مبسوطٌ محروس …
لا حول ولا قوة إلا بالله .. وكان الله في عونك يا سودان ..
اها ياجبرا عاجبك كده ما قلنا الناس دي ما عندها دين
كان يستفسر منهم عن خط هيثرو برضو بالمرة.
يا عمك ما قلنا ليك قانون شنو ديل طلعوا ابليس من السودان_
عفيت منك وياريت كل الناس تعمل مثلك ولا تعطي للصوص أكثر مما أخذوه
بالله كلبشو…..ماقنا ليك… الحب صعيب….. من اولو….
” اعتقلت اجهزة أمن حزب البشير ”
تعليق :هذه اجهزة غبن و لا علاقة لها بامن الوطن او المواطنين
شوفو بالله الوجه الصبوح الناير دا وشوفو نافع وعلي عثمان شوفو الفرق بين من اكل السحت ومن اكل الحلال حفظك الله يا احد انزه الصحفيين في عهد الضلال وتغييب الوعي انت ومثلك الكبار محجوب محمد صالح ومحجوب عثمان وحيدر المكاشفي وعووضة والطاهر ساتي اما ناس اب جضوم كمال بخيت ودقش وتيتاوي وضياء البلال والهندي اب جضوم فديل والله لو وصفناهم بالزبالة نكون اسئنا للزبالة وللرمة فديل اسؤا من الرمة ومن الزبالة وصدقني الناس عارفة كل شيء استاذي العزيز باقي كيف الناس تتحرك للخروج لقلع شجرة الزقوم المعرفو ان خلعها سهل جدا
ما تضحكوا عليكم خلق الله يا ناس الامن .. و دعوا القانون يأخذ مجراه بمحكمة النفايااااااااا ت .
طوبي لمن اهدي الي عيوبي ….. و جبرا خط أحمر .. فهو البسمة الوحيدة الباقية لنا في هذا الزمان الاغبر …
شخص يقول بانه سوف يدفع عن طريق ارونيك 15 يجب تكريمه ام اعتقاله هذه صور مقلوبة
والله يامن السودان الاختشوا ماتو جهارا نهارا يتم اختطاف الاطفال و تجارة البشر وانتم كل همكم
ومتابعاتكم ااقضايا التافهة كان من الافضل لكم الوقوف مع جبرا اذا كنتم فعلا امن عدم الدفع
الابارونيك 15 يحفظ حقوق الشعب السودانى وهذا الاقتصاد المنهار الذين يتحصلون بغير ارونيك 15
يجب محاكمتهم وليس جبرا هذا هو المال المجنب الذى يتفسح فيه المسؤلين الفاسدين ومازال الشعب السودانى المغلوب على امره يكتوى بنار الغلاء
الأجدر بكم تكريم الفاتح جبرا لا اعتقاله .. بعد ان فتح لكم بؤرة تساؤل عن فوضي جبايات النفايات
تسلم البطن الجابتك يا أبوالجبابر .. كلنا لن ندفع الا باورنيك 15 نع إنو في النهاية ح يشيلو القروش يعالجو بيها أضان ود الوزير
ههههههههههه ماقلنا ليييييييييييييييك
الجاتك فى النفايات سامحتك
هكذا يريدون تكميم الأفواه وكل من صاح في وجه الظلم لا … التحية للأستاذ جبره .. والله يعطيك الصحة والعافة وإن شاء الله ما تشوف شر.
صوره مقلوبه المفروض جهاز الامن يعتقل من يسرقون البلد والمواطن بأيصلات وهميه لامن اراد ان يدلهم على الحراميه . يعني المفروض يسلم لاخونا جبرا على راسو لانه مواطن صالح ربنا يكثر من امثاله .
بالله عليكم هل رأيتم في حياتكم اجبن من هذا النظام
مجرد لافتات دعم للاستاذ جبرا في قضية تهم الشعب تجعلهم يرتجفون
يومكم قرب يا كلاب
…يبدو نهاية النظام ده بدأت بالاتنين جنية بتاعتك يا أستاذ,,,
ويعني يا (جبرا) .. اورنيك 15 ده بدخل خزينه الدوله .. والله ما عهدناك (كيشه) .. وياتو خزينه وكمان ياتو دوله . الحاجات دي ما اتفرتكت زماااان ؟؟
يازول الناس ديل مادايرين زول يتكلم ليهم عن الفساد ؟!!! عشان كدة زعلوا !!!! قبضوك خليك صحفى منتفع وطبل ياخ زى الهندى عزالدين ياهو داك جضوموا كبار ومنديات ما احسن ليك من بهدلة المحاكم وبيوت الاشباح ؟؟؟؟؟؟؟؟؟؟؟؟
اين الاغبياء الذين اتهموا جبرة بأنه مؤتمر وطني
فاليعتذروا اذا كانوا رجال و انا اشك في ذلك
شوفته الناس ديل قمامة وشفوت كيف يا جبرة.. نبحت في خط هيثرو ما اشتغلو بيك دلوقت حيقولو اعتقلناهاه عشان بتاع قمامه… جبرة ما تلعبوا مع الكيزان دول اقذر ما خلق الله
اموال النفايات هى جبل الفساد فى هذه البلد . والعصابات المستفيده من هذه الغنيمه كبيره جدا ..وهذه منطقه محظورة تمس مصالح دقون كبيره وكروش اكبر ووجوه تحمل علامة الصلاه بالطبع ..بكره حيوجهوا ليك تهمة الحرب ضد الدولة والخيانة العظمى والخروج عن طاعة ولى الامر ..
يا سلام على الثبات فى الحق.. كنت بقول لى نفسى يا ربى موضوع جبرا والنفايات حيصل لى وين.. بس لغاية الآن كل الامور فى صالحك يا ابو الفتوح.. يا ريت لو كل المواطنين يرفضوا يدفعوا اى رسوم بدون اورنيك 15.. وشوية شوية يبدأ العصيان المدنى ورفض سياسات الحكومة جملة وتفصيل.. وتنتهى القصة بانتفاضة عارمة تشيل الحرامية الفاسدين المفسدين الى حيث المصير المعلوم..
الناس دى جنت وللا شنو يعنى جبرا الله يجبر بخاطره ماسك فى حكاية اورنيك 15 وما ادراك ما 15 انتو فارقه معاكم شنو بيه بعدمه عدمتو البلد الحبه
استاذ الفاتح …… كان قلت ليك اخبار ملف خط هيثرو ….. بتدفع وللا يفتح الله ؟
الغريب في هذه القصة ان الاخ الفاتح لم يفعل غير ان ان يتبع القانون و التوجيه الرئاسي لدفع الغرامات و الرسوم و المكوس و الدقنية و الشهيد و الجريح و كنانة و الرهد وغيرها كثر باوريك 15 لتدخل خزينة الدولة التي تحرك ضمن ما تحرك هؤلاء الذين يعتقلون و ذلك البوكس ، ولولاها لظلوا رواكداً كلهم جميعاً. الفاتح يساعدكم لضخ الدماء و الطاقه في شرايينكم و انتم تدسون المحافير….الله!!!!!!!
عزيزنا/ جبرة كفارة وسلامات لكن هؤلاء جبناء وحرامية وعاوزين يسرقوا أموال الناس بالباطل لكن موقفك موقف أبطال وأتمنى كل مواطن يرفض هذه الأتاوات اللعينة التى لا يستفيد منها الوطن بل تذهب لبطون الحاكمين لعنة الله عليهم دنيا واخرة.
تسلم يا أستاذ من كل شر، وأحييك وانت تقود حملة تعليم4 الشعب السوداني هذا السهل الممتنع من أساليب العصيان المدني بعدم التعاون مع سارقي قوت الشعب الذين امتلأت أوداجهم وكروشهم من حر مالنا، ولو فعل كل أبناء هذا الشعب مثلما فعلت، ورفضوا عملياً الاذعان والتعاون مع هذا النظام الظالم لسقط في أسبوع واحد. فلينظروا إلى أهالي بورسعيد الذين رفضوا حظر التجول وشلوا يد حكومة البطش التي وقفت عاجزة أمام قوة وحدتهم، وليسيروا خلفك وخلفهم في درب العصيان المدني وسوف نرى كيف سينهار هذا النظام الغاشم.
اللة ستر ما حكمو عليك بالردة
لو كل زول بقي راجل وتتمسك بحقه في السودان ده ما كان الكيزان طلعوا لينا في رأسنا يلا نرفع شعار لن ندفع لأي شئ وخليهن يموتوا من الجوع
أما حكاية !!! الجماعة أصبحوا يخافون من كشكشة الهواء و بلاوي النفايات !! عله شروق فجرنا الجديد قد اقترب …
حسبنا الله ونعم الوكيل 0 حسنا الله ونعـــــــــــــم الوكيل0
الصفحة الرئيسية منبر الرأي ضياء الدين بلال (محمية من فوق)!!! .. بقلم: ضياء الدين بلال
(محمية من فوق)!!! .. بقلم: ضياء الدين بلال
الإثنين, 04 آذار/مارس 2013 19:10
[email protected]
استيقظت من النوم وكنت أتوقع ردود فعل عاصفة لخبر نشرته (السوداني) بالمانشيت الأحمر صباح أمس، جاء فيه (البحوث الجنائية: لا نستطيع تفتيش مصانع اللحوم لأنها “محمية من فوق”)!!
الخبر منسوب للفريق محمد أحمد أونور الذي أكد عدم وجود رقابة وتفتيش لمصانع اللحوم (المصنعة) بالخرطوم!
يتبادر للذهن في الوهلة الاولى من قراءة الجزء الاول من المانشيت، أن سبب العجز عن التفتيش وحماية أرواح المواطنين من جشع التجار هو ضعف الإمكانيات أو وهن القانون أو عدم وجود (حق المواصلات)!
كان عليك عزيزي القارئ حتى لا تسقط بهاء السكت، الاستعداد بربط حزام الدهشة للإطلاع على بقية العنوان، الذي يوضح سبب عجز السلطات عن التفتيش واقتحام أبواب المتجاوزين!
وقبل ذلك كان عليك ألا تذهب بعيداً في تصور هؤلاء المتجاوزين بأنهم من مرتكبي الكبائر!
هؤلاء المتجاوزون لم يجلسوا مع ستات الشاي على شارع النيل ولم يتعاطوا الشيشة في الخفاء ولم يفترشوا الارض بدون تصاديق في السوق المركزي!
كل ما يفعله المتجاوزون الذين لا تستطيع الشرطة دخول مزارعهم حتى بعد (الإحم والدستور) ، أنهم يحقنون الفراخ بمادة الاسترويدس !
وما أدراك ما مادة الاسترويدس؟..وهي المادة التي يستخدمها بعض الشباب في وقتنا الحالي لنمو العضلات، والتبرج بها أمام أنظار الحسان !
المصيبة أن العلم يقول إنها تجعلهم عرضة للإصابة بمرض القلب وأمراض الكبد المزمنة وتتسبب لهم أيضا بمشاكل بدنية وعقلية على المدى الطويل!
والأخطر من ذلك أنها تنسف البنية التحتية للرجال!
المادة التي تحقن بها الفراخ في بعض مزارع الخرطوم، تحتوي على منشطات تؤثر على هرمون التستوستيرون، مما يؤدي لتداخل المنشطات تلك مع الغدد الصماء وبالتالي تفرز هرمونات تسبب تقلص الخصيتين وانخفاض عدد الحيوانات المنوية وتضخم الثدي وضعف الرغبة الجنسية والعقم عند الذكور.
واذا كان الهرمون يُخرج الرجال من شبكة الفحولة، فإنه يفعل العكس مع الإناث، حيث يتسبب في خشونة الصوت وظهور الشعر على البطن وأعلى الظهر مع الاصابة بالصلع وعدم انتظام الدورة الشهرية أو انقطاعها التام!!
وبعد كل ذلك يقول سعادة الفريق – دون شعور بالحرج أمام السامعين- إن فرق التفتيش عن مخالفات المزارع (من البوابة ما بتقدر تدخل، لأنها محمية من فوق)!
ويضيف على ذلك مؤكدا وجود القوانين واللوائح التي تهتم بالثروة الحيوانية ولكنها غير مفعلة!
والغريب لحد الصدمة، أنه قال إن دائرة المباحث الجنائية القومية لديها احصائية بعدد المصانع العاملة بالخرطوم ومعرفة المصنع الجيد والرديء ولكن لا تستطيع أن تقوم بالتفتيش لأن المصانع محمية من نافذين، لم يذكرهم بالاسم!
حديث الفريق لا يحتمل التأويل ولا يقود إلا لمعنى واحد فقط..وهو وجود جهات نافذة في الدولة السودانية تمتلك مزارع دواجن لا تخضع للتفتيش، والسبب في ذلك انها فوق القانون!!
رغم وجود نص الحديث (صورة وصوت) ، كنت أتوقع تصحيحا للخبر، أو نفيا له، أو صدور بيان من أعلى سلطة في الدولة يطالب سعادة الفريق بكشف هؤلاء الذين يدعون أنهم فوق القانون أو أن القانون تحت أحذيتهم الأنيقة، أو على الفريق مواجهة اتهام بإشانة سمعة الدولة!
وعلى قيادة الشرطة السودانية الخروج للعلن لتؤكد أو تنفي وجود (خيار
وفقوس) في تطبيق القانون..نريد أن نعرف من هؤلاء اخوة المرأة المخزومية، الذين يجلسون فوق القانون ويتبولون على رؤوسنا ولا يجرؤ أحد أن يقول لهم
: (جر)!
مصاصى الدماء ماكلى قوت الشعبوالله كرهتونا السودان والواحدطالع نازل بسخط عليكموالايام دى مكرهنناعتبعتب(عنب البيت )تقول نحن ماسودانين الله اكبرعليكم ياحكومت المؤتمراللازطنى
الحق يقال, أحسن ناس بشتغلوا في السودان ناس النفيات, حرامية ما حرامية برضو بأدو عملهم بإخلاص. لو كانت كل الوزارات والمصالح الحكومية تعمل بمستوي ناس النفايات كان الوضع يكون أحسن بكثير من ما علية الآن.
من اين جاؤ هولائ من افقر الاسر والارياف ومجاهيل المدن انها الصدمة من كل شئ والخوف من الرجوع الي الاحياء القديمة بعد هجران وتنكر ! ليكم يوم تحسبوة بعيدا ونراة قريبا .
تابعت تعليقاتكم جميعا وليقف الجميع معه بعدم دفع رسوم النفايات الا باورنيك 15 كل السودان مع حبيب السودان
لانه البلد حاكمها قمامة
وحزبها اكياس قذارة من القمامة والفساد
الحكومة بقت زي الزول اللابس له جلابية وانهردت يربطها من هنا يتعرى من الناحية الثانية
ربنا دا يمهل ولا يهمل ونهايتكم قبيحة
وقربت
ضيقها عليكم وسلط عليكم الجراد والفئران
انشاء الله الفئران تجيكم في بيوتكم ياناس الحكومة وتجي القيادة العامة ومجلس الوزراء ومجلس الشعب
الله يفضحكم في الدنيا والاخرة وينتقم منكم اليوم قبل بكرة
دكتور الفاتح جبرا حتى لو دفعت الرسوم فى حساب بنكى لوزارة المالية
لن يستفيد منها الشعب السودانى انما المستفيد لص اكبر من القائمين
على هيئة النظافة انا هنا لا ادعوك ان تدفع فقط . ولكن اخشى عليك ان تختفى
فى ظروف غامضة كما اختفى البروفيسور عمر هارون وغيره ممن علق اختفاؤهم
على الاسباب النفسية فعليك من الان الاحتياط لنفسك
الفاتح جبرا الله يفتح عليه… وهو الآن فتح ليكم باب كبير … ما فيش دفع للنفايات إلا بأورنيك 15
يجب أن تناصروه وتقفوا معه وتمتنعوا عن الدفع إلا أن يكون إيصال الدفع هو الأورنيك المالي ( 15 )
كل المشاكل بتاعت السودان دي طلعت من وراء مؤتمر الخريجين الذي أخطأ بطلب الإستقلال ولو كان الإنجليز موجودين كنا اليوم مثل جنوب أفريقيا أو هولندا والله يرحم الدكتورة التي طالبت بعودة الإستعمار
إذاكان الكلام في تطبيق القانون في قروش الزبالة ركبوك البوكس عشان كده أحسن خليك في خط هيثرو
كلنا الفاتح جبرا
ود جبرا يإ إنقاذي خطاً احمر
هو لسان الغلابة العشانهم شمر
يا قادة الفساد بلدنا كله أتدمر
ما تفرحوا وتقولوا المواطن اتسمر
المواطن يا البشير بالغضب اتعبّ
قرب ينفجر وقريب ح تبدا اللعبة
بتهدد وتوعد كل يوم في كضبة
وعود وخداع بلدنا خشى في نكبة
ود جبرا البيسأل اورنيكا معاهو حكاية
والامن البقبض تكنو سوى جناية
مالا مجنب ماليةً بالفلس شكاية
وزيرا مرطب ساكن في أعلى بناية
خط هيثرو يا جبرا عايزنو يرجع بكره
وتواصل كمان تزيد عليه الكسرة
والفاسد بخاف قاصد الطناش والنكرة
اكشفولو الفساد طيرلو باقي السكرة
ود جبرا الـ بـيحكي بلسان حمد وبشارة
ودجبرا البهبشو نبقالوا نحن شرارة
راجنو الشباب تجينا حتى إشارة
ود جبرا بنفكو خلاص شبعنا حقارة
يا اخوانا عملتو شنو فى العصيان المدنى؟
الاستاذ الفاتح جبرا يمثلنا كلنا ( المغلوبين على امرهم ) وارى ان ماقام به الاستاذ جبرا يجب ان نقوم به كلنا ونمتنع عن الدفع لأي جهة حكومية لاتستخدم اورنيك 15 مالي . وحقيقة ياجبرا الله يجبر بي خاطرك ويقويك لكن نحنا بجد مقصرين .
يا جهاز الامن شيلوا الفاتح جبرا لكن رجعوا لينا خط هيثروا العند النائب العام
الله معاك ياود جبرة وماتدفع
وحق الذبالة أخباره شنوووووووووووووووو؟
[الزين]
دي شغلانية رجال ..دي شغلانية وسخة نسوان ما يعملوها كل مرة مغير إسمك وتطعن في الراجل .. هسه عينك للبوكس والراجل مركبنو تقول مفبركة .. إنتا غايتو ……….. وعاوز ليك وناس الراكوبه ما فاضين ليك .. كان ماسكاك أم هل هلا أمشي اقيف في شارع الإنقاذ غايو بتطلع ليك بى حاجه يا باطل يا ما بتشبه الرجال
[الزين]
يا خوي انا متابعاك وكل مقال للأستاذتقول في كلامك ده يا خوي ملينا من كلامك القاعد تكرر فيهو ده .. شغلانيتك دي ما شغلانية رجال والله النسوان ما يشتغلنها .. الشعب ده كلو عارف الفاتح جبرا هو شنو؟ انتا عايز تقنعنا بي شنو؟ انو الاستاذ كوز وناس الامن قبضوهو ؟ ياخوي سويتا شينة خلاس .. القروش البيدوك ليها الجماعة ديل بديك اكتر منها تعال غسل ليا الحلل وروق ليا المطبخ ده وما تنسي تغرف البلاعة
يا جماعة مش النفايات براها اى جبايات او رسوم مفروض الناس ما تدفعها وخليهم يسجنوا ليهم ملايين السودانيين!!!
انتوا عارفين انه مش جبايات حتى الضرايب لا تدفع اذا لم يكن هناك تمثيل حقيقى وحر للمواطن فى المجلس التشريعى(البرلمان)!!يعنى لا ضرايب فى ظل وضع ديكتاتورى برلمانه يغنى للحكومة دخلوها وصقيرها حام ومافى احسن مما كان!!!
NO TAXASION WITHOUT REPRESENTAION !!!!!!!!!!!!!!!
معلمنا الجليل الفاتح جبرا:
لقد أسمعت لو ناديت حيـا
ولكن لا حياة لمـن تنـادي
ولو نارٌ نفخت بها أضاءت
ولكن أنت تنفخ في الرمـادِ
لقد قلنا منذ اول تعليق بأننا نعيش في دولة اللَّا قانون والمافيا. دولة على راس الدول الفاسدة لأكثر من عقد من الزمان ..؟!
والعسكر والشرطة والامن والقضاء، جاهزين لحماية الفساد والتمكين ..؟!
يمكنك ان تكتب عن خط هيثروووووووووووووو…..؟!. وتضيف إليها من الواوات، ما يحلو لك، ولكن في اول خطوة جادة لتقفي اثر الفساد وعن بؤره المستشرية،والتي تزكم الانوف، سيتم القاء القبض عليك وإعتقالك ..؟!
لأنها إلههم الذي ظلوا عليه عاكفين ..؟!
Trash collection money is used for the daily activities of the local councils in the various neighborhoods which includes trash collection,cleaning equipment,gas, spare parts,and incentives of the workers.If the money is collected by receipt 15 and sent to the Head quarter,it will never come back to the local council and hence the money should always be in
. a separate account at the local council .Mamoun Elmalik