السودان يخصص مليون هكتار لشركات سعودية

يا حرام عليكم بس اتنين مليون فدان كان تدوهم باقي المليون ميل مربع كله زيادة عليهو الكتلة البشرية العليهو خاصة وانو الجماعة ديل ما قصروا معانا ويمكن الفرج علي ايديهم..هسي كان استعبوا خريجي الزراعة الشغالين ليهم شغلة بلاها كان علي الاقل يقولوا عملنا شيتا نافع

هل ياتري الواحد حيلقي مكان يندفن فيهو في بلده؟؟؟؟

الكيزان حيبيعو حتى الاكسجين اللافي في البلد
سمعنا قبل فترة برضو باعو بيت السودان في لندن البيت كان من زمن عبود
الكيزان ما صدقوا باعوه بنص الثمن

ونسة
خصصوها كيف ؟
وين؟
لمنو؟
ده كلام مقصود بيه محمد أحمد القاعد في حواشتو … ولا مع غنمو … ولا قدام دكانو … أي واحد بعرف الحد الأدنى من

مع احترامي لآراء بعض المعلقين الا اني اعتقد ان مثل هذه “التخصيصات” هي جرائم في حق الوطن تجب عليها المحاسبة اذ انه ووفق القانون لابد ان يعرض الامر على البرلمان “برلمان النوام ده” بعدين موضوع تخصيص مساحة بهذا الحجم وهي بالمناسبة تعادل مساحة لبنان حوالي ثمنمائة مرة لايجوز اصلا ان يفتي فيها البرلمان بل يجب ان يستفتى فيها الشعب راسو عديل
لكن ماعلينا ما احنا ضيوف والبلد بلد المؤتمر الوطني والقانوني هو مايفعلوه لا ماينبغي ان يكون ، خلوني اقول هنا انو الفجوة الغذائية في الدول العربية لوحدها تقدر سنويا بحوالي 34 مليار دولار يمكن للسودان تغطيتها بامتياز “ده لو كان فيهو قياده بتفهم وتخطط وتفتح المجال لشعبها مش بتحاربو عشان توزع اراضي البلد يمين وشمال” وعندما تمنح الاراضي بهذه الكيفيه وبدون اي عقودات واضحة فان السودانيين لن يستفيدو من الميزة النسبية التي منحها الله لبلادهم وسيكونو تنازلو عنها “بغباء وجهل واجرام حكومتهم” ورضو بعشره خمسطاشر في المية وانهم يكون عماله طول عمرهم من عماله في دول الخليج لعماله داخل دولتهم لصالح دول الخليج ودقي يامزيكا، و الحكومه لانها فاشله ويديرها الجهلاء هي لاتعتقد اصلا ان هذا التصرف معيب ولا تعتقد اصلا ان السودان يمكن ان يكون دوله مهمه وتلعب دور في المنطقه ولا حتى ممكن تكون دوله غنية والعالم ” من حولنا ع الاقل ” هو المحتاج لينا مابتصورو انه ده ممكن امخاخهم اصلا ما بتمشي هنا وكأنو قدر السودان انو يكون تابع وعامل وبياخد حسنة نهاية الشهر ، وهنا عايز اقول كلام للناس الح تقول امكانيات مادية واحنا ماعندنا والكلام الفارغ ده لو احنا ابتدينا بما نملك فقط وغطينا بامكانياتنا عشره في المائة فقط من احتياج الدول العربية فان هذا يعني 3.4 مليار دولار وهو اعلى من دخل البترول “الكان معلن” ولو كانت خطتنا تنص على النمو 10 ٪ في السنه فاننا سنغطي حوجة العالم العربي في عشر سنين وهنا انا مابتكلم عن الحاجات التانية من تصنيع غذائي ولا استثمار حيواني متلازمات مع الزراعه انا بتكلم عن الزراعه فقط وعلى فكرة ابلد زول عارف انو في الاستثمار الزراعي الزياده مابتكون سنويا 10٪ بل بتكون اكتر بكتير لكن ده الحساب لو الزول متشاءم جدا جدا
واقول ليكم كلمة والحمدلله اولا على النعم انو بلدنا ممكن تقفز قفزات هائله في التنمية وممكن نكون دوله غنية وتتسدد ديونا وتتغير حالتنا تماما في فترة وجيزة لاتتعدى عقد من الزمان بس لو امتلكنا رؤية رؤية واضحه لما لدينا ومانستطيع ان نسهم فيه ونقدمة وطبعا هذا مستحيل في ظل وجود ادارة لا تفهم الا الضعة وبيع وتوزيع كل شئ حتى يبيعونا نحنا زاتنا
واتوقع للاستثمارات السعودية الفشل نسبه لان الاراضي الممنوحة تحتاج للبنية التحتية التي يفترض على حكومتنا تجهيزها وطبعا حكومتنا لن تقدر واحتمال تنهب السعوديين زاتهم زي مانهبو الوليد بن طلال في الاتفاقية الحصريه بتاعت صادر الماشية تتذكروها؟؟!!!