الشرطة تداهم فندقاً مشهوراً في الخرطوم وتضبط ممثلة وفتيات يدخنَّ الـ (شيشة)
الخرطوم
داهمت قوة من شرطة أمن المجتمع فندقاً مشهوراً بالخرطوم وألقت القبض على (6) فتيات، ثلاث منهن يدخن الـ (شيشة)، وثلاث ترتدين أزياء فاضحة، ومن بينهن ممثلة معروفة. وقدمت الشرطة الموقوفات إلى محكمة النظام العام بالخرطوم شرق، فقضت على الفتيات بالغرامة (100) جنيه، وعلى (عامل الشيشة) في الفندق بالغرامة (500) جنيه، وفي حالة عدم الدفع السجن أسبوعاً.
وعلمت (المجهر) من مصدر قانوني أن شرطة أمن المجتمع سبق أن استدعت مدير الفندق ونبهته إلى أن الفندق تواجدت فيه فتيات لديهن ملفات فى جرائم الآداب، ويجب عليه طردهن، ألا أنه لم يستجب، مما دفع الشرطة إلى مداهمة الفندق وتوقيف المتهمات.
المجهر
ما يشربوا شيشه فيها شنو !!!!!
مالبلد دي ملانه محلات شيشه و لا حلال للرجأل و حرام علي النسوان ؟
بعدين يعني شنو لبس فاضح ؟
و علي اي مقياس بتم تحديد اللبس ألفاضح من الما فاضح ؟
و اهم حاجه منو البحدد اذأ كان دا لبس فاضح و لا لا ؟
فكونا من الكلام الفارغ دا البلد حتضيع و الكيزأن شأغلننا بالتفاهات .
china great wall
زين عالم جميل ( والبيب بلاشارة يفهم)
اولا لماذا اغلب الصحفيين يكتبون عن الجرائم والغريبة بعض الصحف السودانية متخصصة فى هذا المجال ومن المفترض الصحف فى المقام الاول تعكس الاحوال المعيشية والحياة اليومية للحكام وتعكس ردهم للشعب ومواضيع كثيرة وقصص وعبر فوائدها تربى الناس وووو بدل كل يوم اخبار عن ( اغتصاب – تحرش جنسى – قتل – ووو ) .
ثانيا ليس عيبا ان يسأل السادة كتاب المقالات اصاب الخبرة والمتضلعين فى اللغة بدل نشر مواضيعهم بأخطاء املائية ونحوية وهنا فى هذا المقال وردت كلمة ( ترتدين ) فلا تكتب هكذا وذلك لوجود تاء التأنيت فى بداية الكلمة وياء التأنيث فى نهاية الكلمة والصحيح ( يرتدين )
بنات يشربن الشيشة ومالو؟ هل الشيشة حلال للرجال وحرام للنساء ؟وهل ورد ذلك فى الدين؟وان شرطة امن المجتمع طلبت من صاحب الفندق طرد بنات لديهن ملفات اجرام -طيب يطردهن لوين؟الى مكان اخر؟ والمكان يطردهن من مكان لمكان؟يا اخى الشخص المقترف جريمة يعاقب بالسجن او الجلد فاذا انتهت العقوبة فهو حر طليق ولاحجر لحريته-ثم ان البنات مهما تعرن فلن يصلن لجريمة اكل نساء المؤتمر الوطنى لاموال السحت والحرام والائى لايصل دعاءهن للسماء فى حين ان دعاء المتبرجات يصل السماء
وبتقولوا عاوزين سياحة *** والله امركم محير
لم تتعدى مخالفاتهن ( حسب منظوركم ) تدخين الشيشة و لبس ما تسمونه فاضح … فهل الفضح و التشهير يأتى من المحاكمات و التشهير فى الصحف ، أم فى جلوس فتيات مع بعضهن على الحال الذى وصفتم ؟؟؟؟!! إن المحاكمة و التشهير فضحاً و إشانة للسمعة أكثر من فضح المفاتن بالزى ؟؟؟ أستروا الناس و لا تنسوا بلدوزركم .
الفندق ده في الخرطوم ولا في أبوكرشولا؟ هيييييييي يكاااااا
عساكر باطلين فلاحتهم في البنات والطلبة العزّل بس!
البلد ضايعة و ناس امن الزفت في كلامم الفارغ ده
اللي اسمو امن مجتمع ده احسن يتلغي و يحال من فيه إلى الصالح العام ……
حتى نخلص من هكذا تفاهات
الغرامة على الفتيات الائي يدخن الشيشة مع اللبس الفاضح مية جنيه وعامل الشيشة خمسمية جنيه يا جماعة ده حكم شنو ده ؟
سبق وقلنا ان مسأله اللبس دى ثقافه وزوق ويختلف من شخص الي آخر ومن الحضرى للقروي ومن جيل لي جيل فأنا مثلا والى عليه الرحمه لم يلبس بنطلونا في حياته ولو قلت ليه هاك البس البنطلون ده يعتبره من الكبائر ولايكن يغفرها لك
حبوبتى عليها الرحمه كانت لاتخرج من الحمام الا بعد ان تلبس الثوب السوداني فوق للجلابيه وهي اصلا حدها الكفوف وتستغرب كيف النسوان ديل حايمات داخل حيشانن بالفساتين
وزي ماقلتلكم المسأله بالمزاج ولاعلاقه لها
These acts are for one purpose and one purpose only, since they were put in place the first time ever:
اذلال الانسان و ارساء عقدة الذنب لتمكين قلة قذرة منحطة من الحكم
الكوفيرات فيهابلاوى متلتله سجاير وشيشه وصعوض واشياء اخرى مافى داعى نقولامراعاه للقراء
اها ناس الشرطة الانتهكو الخصوصية حقتهم وداهمتهم داخل الغرفة ديل حكمهم شنو فى الدين؟؟؟؟؟ يعنى شافوهم با اللباس والسوتيانة مثلا؟؟؟؟ والا حلال عليهم عشان هم شرطة؟؟؟؟؟ هى الشرطة حقتنا دى مهذبة فى نفسها؟؟ والاعارفة الدين؟؟؟؟ تف عليك يا دنيا……….
في قانون بحرم التدخين للبنات ؟ ولو في بيسمحوا بدخول الشيشة والمعسل وباخدوا ضرايب ليه ؟ ولا كل واحد عنو قانون خاص به ؟ وشنو حكاية لبس فاضح دي ولا قلة شغلة وعدم موضوع بالنسبة للشرطة الماعندها شغلة غير متابعة البنات وفض المظاهرات ؟ يجب تغيير هذا النظام باي وسيلة كانت حتي يرتاح ماتبقي من الشعب السوداني .
البنات ديل كانوا قاعدين في الشارع بيشربوا شيشة ولابسين فاضح ديل قاعدين في غرفة داخل فندق يعملوا اي حاجة هما عاوزينها حتى لو مالابسين هدوم …وناس النظام العام ديل ماعندهم موضوع الجرائم مالية البلد مخدرات ودعارة واحيانا عصابات منتصف النهار , ناس الشرطة بمختلف مسمياتها نظام عام ولا غيروا خلوا كل الاماكن التي تمارس فيها الجريمة و الرذيلة ويعرفها القاصي والداني وقبلوا على ناس الفنادق .
والله عجايب يعنى الواحد فى غرفتو او فى بيتو او فى فندقو ما يرتاح يعنى.اسوأ حاجة تكون مهجس وخايف جوه بيتك وسكنك.فعلا بلد معفنة.
الخبر دا ذكرني بحبوبتي كان بتقول لي انت بقيت تشرب سجاير بعد شوية حتسف كمان
الكلام دا اكيد في فندق المريديان , اصلو محل الشيشه هناك بيئه جيده لتجارة الدعاره منذ الف وخمسمائه عام.
لاكين موظف الفندق المسكين زنبو شنو ؟
ما كان يقبضو مدير المطاعم والله يعلقو من بيضو حتي ؟
بالله حمير النظام العام ديل ما يمشو ام روابة ولا يحرروا ام كرشولا و يبطلو المرجلة على الحريم هنا فى العاصمة
منتخب البنات ال6 ****3 يلعبن الشيشة و3 يلعبن لعبة الزي فاضح *** هل معهن رجالة وانتم تحاكمون بشرع الله هل يجوز دخول الرجال**(فرقة حسب الله)** علي النساء في خلوتهن ومن قام بالمداهمة شرطة نسائية ام رجالية (فرقة حسب الله) عشان كده انا بطالب بعلمانية الدولة عدييييييييييييييل كده خوفا علي الدين من امثال هؤلاء نريد حكومة تسن قوانين تربية الدقن والزبيبة والجلباب القصير والعباية تكون مواد ثابته في الدستور والقانون جناية وطظ في حسب الله وغيره
وفيها اية ياشرطة مااغلب تجار المخدرات منكم خليكم جادين شنو مرة حلا قين ومرة مداهمة شيشة ومرة ست شاى اللة يرحم الشرطة والجيش بلد اة يابلد قال لبس فاضح افضحك وافضحم اللة هسى عليك اللة ايهما افضح السرقة ولا لبس البنطلون ناس الحكومة سرقوا البلد كلها وعاملين فيها عندكم دين العندو دين مابتاجر فى قوت المسلمين زى ماقال محجوب شريف
مجموعة من الحثالة تحت مسمى وملابس الشرطة تحركهم مجموعة اخرى من تجار الدين يعانون عقد نفسية وصراع عميق من كل ما هو انثوى ومتمدن.هل الشيشه حرام على المرأه وحلال على الرجل.يا أخى حتى المدافع عن التقاليد كلوا نفاق فى نفاق.للاسف نحن محتاجين للجبهة الثورية كمرحلة فى تاريخ السودان الحديث