الخرطوم تفتتح أطول جسر بأفريقيا نهاية العام
أعلنت حكومة ولاية الخرطوم، أنَّها ستفتتح جسر الدباسين الذي سيربط المناطق الجنوبية الواقعة على ضفتي النيل الأبيض في مدينتي الخرطوم وأمدرمان نهاية العام،ويعد الجسر هو الأطول من نوعه بأفريقيا بطول 1670 متراً وعرض أكثر من 18 متراً.
وتبلغ كلفة الجسر حوالى 45 مليون دولار بعد إعادة تصميمه بمواصفات روعي فيها تحمل الجسر للأحمال الثقيلة.
وفرغت الجهات المختصة بإنشاء الجسر من العمل الخاص بالمنشآت الخرسانية، ويجري العمل حالياً في تركيب الأجزاء الحديدية التي سيكتمل العمل فيها بنهاية أبريل المقبل.
وعزا مسؤول الطرق والجسور بالولاية م. عبد لقادر همد للشروق، توقف العمل بالجسر لأكثر من مرة في السابق لأسباب فنية.
وقال إن هذا التوقف كان سانحة لإعادة تصميم الجسر من جديد بتدعيم القوائم الخرسانية لدواعي حركة النقل في السودان، إضافة إلى أنه تم توطين العمالة وسودنتها بعد توقف العمل فيه في السنوات الماضية.
وأوضح همد أنه تم توفير اللازم لربط الجسر بالشوارع الرئيسية غرباً وشرقاً، مشيراً إلى أن الجسر سيرتبط من الناحية الغربية بشارع المطار الجديد الذي يجري إنشاؤه في المناطق الجنوبية لمدينة أمدرمان وشرقاً بشارع محلية جبل أولياء عبر كبري طائر.
وأكد أن المشروع يمثل إضافة كبيرة لحركة النقل في ولاية الخرطوم، معتبراً أن الجسر سيكون متنفساً حقيقياً لوسط العاصمة.
شبكة الشروق
هذا الجسر عنوان صارخ للفساد واللامسئولية فقد زادت فترة انشائه عن عشرة اعوام…تنقلت فيها عقود الانشاء من شركة الي اخري والولاية بمسئوليها تحمل الف تبرير لكل انتقال…ضاعت فيها اموال الشعب دون حسبيب او رقيب…وكانت اخر تصريحات مسئولي الولاية ان الجسر سيفتتح في ابريل من هذا العام وهاهو موسم افراحه يرحل الي نهاية العام…تري كيف يطلبون منا ان نثق فيهم او نصدقم !!?? ولاية متسخة قذرة..ودعايات مسمومة تتحدث عن عبدالرحمن الخضر باعتباره (باعث نهضة العاصمة) ومعتمده نمر لايترك صفحة من جريدة او ملصق حائطي الا وضع عليه صورته !! هل هناك اكثر من انكم تديرون اقذر العواصم من سبب اخر يجعلكم تستحوا لتستقيلوا !!؟؟ …..ااااه كم يوجعني منظر الخرطوم……
يعني ناكل كباري
أطول جسر موجود في نيجريا ، طوله أكثر من 11 كيلو.
كده أخبار تفتح النفس ,, يلا عمروا البلد ,, كفايه شبعتوا عمارات ودولارات
الى الامام يابلادى
عاصمة قذرة عفنة وسخة وساخة الكيزان،،
المعلمة البريطانية بمدرسة الإتحاد التى إتهموها بالإساة للنبى (ص) زورا قالت أن الخرطوم عاصمة تنبعث منها روائح كريهة،،
الدبلوماسى البريطانى فى الأردن قال أن مطار الخرطوم أكثر مطار متخلف رآه فى حياته،،
بالله حاول إستعمال أى مرحاض فى مطار الخرطوم،، بطنك يقوم،،
عاصمة كاملة ما فيها مجارى صرف صحى و90 بالمائة من البيوت تستعمل الحفر،،
والخريف قرب،، والمجارى مقفولة وأعملوا حسابكم من الآن،، ويا ناس نفير إستعدوا والكويت والسعودية عليكم الله ما ترسلوا مواد الإغاثة للحكومة،، ناس المؤتمر البطنى وقفوا الصليب الأحمر وناوين نية بطالة للإغاثات القادمة،،
ربما يكون هذا الجسر عنوان صارخ للفساد كما قال الراصد!!!!!ولكننا نفرح لكل شي جميل في السودان،،،
تلاشت عبارات الرد الرد السد السد ..!!!
مطار صالحة الجديد ..!! متى ينتهي ؟
الانقاذ دي مكنات ساكت ..مكنات تحصد لا شئ
الله لاكسبكم دنيا وآخرة ياكيزان.
واللة يا ابو طارق براك البتشخبط من دون الة حاسبة
الكبري ما تامي 2 كيلو كيف يكون اطول جسر في افرقيا اتنو بتضحكو فينا
حلم في حلم: كضب في كضب :سرقه في سرقه :وهم في وهم
ايهم اكثر حوجة للمواطن مجاري و لا كبري المراكب مالها ما بتحل أي مشكلة و لا ما فيها مأكلة
هذه الفلوس كان ممكن توجه لعمل مجاري تعود بريع طيب للولاية بس الكسب السريع هو ديدنكم و دينكم
رد علي ابو طارق
ياشاطر اللى قدامك ده كم كيلو ……حول المترات الى كيلو مترات معك اله حاسبه …بس تشخبطو بدون ما تفكروا
يا فالح بقوليك يوجد جسر في نيجيريا طوله 11 كيلو متر يعني يساود 11000 متر
اما كوبري الدباسيين فهو اقل من 2 كيلو متر يعني 1670 متر
شفت كيف يا ابو طارق إنت بتفكر كيف وكمان بتنتقد في الناس
.
.
.
.
،
طبعآ اي واحد مشرف على اي كبري بيقولوا عمود يصب في النيل وثمن عمود في الجيب عشان كدا مركزين على الكباري ﻻن الكومشن بتاعها نصف التكلفة .طيب طريق الانقاذ الغربي 25 سنة ما تم ليه . مﻻحظة : هم عايزين يقولوا اطول من كاريكا فقالوا افريقيا فنعتذر للقراء عن هذا الخطأ.
اين هذا الجسر من جسور القاهرة عابرة الاحياء و المحافظات..مثلا الجسر الذي يبدأ من مدينة نصر بمحافظة القاهرة مرورا بالعباسية و رمسيس الي المهندسين بمحافظة الجيزة..
ده على وزن … جامع الخرطوم ثالث جامعة في العالم
كان ممكن يقول اطول جسر في شرق افريقيا
حكايه اطول جسر بافريقيا ارجو شاكرا اعاده النظر فيها ممكن يكون اطول جسر بالسودان بعد جسر كوستى مقبوله ومهضومه!!
كلامك صاح يا القريش. الكيزان ديل داقين سياج حول السودان و لامين في الناس كضب و شابكين الناس اطول بتاع في افريقيا, اجمل ما عارف شنو في افريقيا, اقدم فرتكان في افريقيا و وووو.
انتو افريقيا دي قايلنها شنو؟؟ طبعا اي زول ما مرق من حوش السودان بكون فاكر افريقيا عباره عن ادغال زي الكانو بجيبوها ناس العيدروس في برنامج ساحات الفداء, و عشان الشعب انطباعي و بموت في الصور النمطيه, الكيزان لقوها شماعه كل ما يصحي والي ولا رئيس من نومو يشبك ليك الجمهور ما عارف تم انشاء اكبر بتاع في افريقيا و الجماعه يشبكو ليك طرقرقرقرقرقرقرق!!!
يا اخوانا افريقيا دي فيها حاجه اسمها ساوث افريكا, و في حاجه اسمها كينيا و تنزانيا و غانا و و و و عييييييييك صحصحو معانا خشو قوقل و اجتهدو شويه ما تسمعوا كلام الفارات ديل بضيعوكم و الله.
طبعا تعليقي ده اجمل تعليق في افريقيا هههههههههههه!
يا جماعة الخير استبشروا خيرا واطلبوا المزيد عليكم بالنقد البناء ويوجداكبر مطار بافريقيا سوف يتم تنفيذه نشرت الخبر قناة العربية والبناء يبدا من طوبة وهلم جرا
دي علي وزن ( انا زمان شعري كان طويل)
كبرى طويل و سخيف و مافى داعى ليهو يصل الاماكن الفارغة فقط
ربنا يزيد ويبارك يارب