سيدة تفاجأ بعمارة مشيدة في أرضها بكافوري
بحري – ألجمت الدهشة سيدة عندما وجدت بناية من عدة طوابق مشيدة في قطعة أرض تخصها في ضاحية كافوري، عقب عودتها من خارج البلاد، وكانت المفاجأة أن قدم لها المالك الجديد أوراقا تثبت ملكيته لقطعة الأرض ما دفعها للجوء إلى القانون بدفع عريضة للنيابة، وبتدوين بلاغ وإجراء التحريات اللازمة أرشد المالك الجديد عن سماسرة باعوه قطعة بواسطة أوراق موثقة من محام ليتم القبض عليهم وبإخضاعهم للتحريات ومضاهاة الأوراق اتضح تزويرهم في أوراق البيع وتقليد إمضاء السيدة ووجهت النيابة لثلاثتهم تهمة التزوير والاحتيال، وقدمتهم للمحاكمة وتوصلت المحكمة الجنائية بحري لردعهم بعقوبة السجن (5) سنوات تحت طائلة المادة (21123178) من القانون الجنائي.
اليوم التالي
مافي طريقة يتحللوا؟؟؟؟؟؟؟؟؟؟ اسوة بحرامية مكتب الخضر؟؟؟؟؟؟؟؟؟؟؟؟
طبعا العماره حلالا بلالا للسيده ,, والله الله أداك
بختك ادفعى ليهو اى مبلغ لتمن المبانى او خليهو يجيب لورى ويشيل طوبو
عرفنا السماسرة حكموا عليهم بخمسة سنين سجن والمسكينة الشاكية بما ذا حكموا لها
هكذا حال المواطن السوداني
معقولة خمس سنوااااااااااااات بس ….!
وما زنب الرجل الذي باع وشيد تلك العمارة ويخوفي يكون مغترب وهذه تحوشة العمر لأنو من الصعب يكون من اتباع المؤتمر الوطني لأنهم لاتنطلي عليهم مثل هذه الحيلة
وهل في مؤتمر المغتربين البقولوا ده , ناقشوا مسألة الاعتداء المتكرر علي اراضي المغتربين لأنو كل سنة واحد من المغتربين بيفاجأ بأنو قطعته اتباعت بالتزوير ودايما بتكون بتوكيل مزور من محامي وموثق كمان !!
احتمال وعلي حسب القانون ان الارض تون لمن فلحها اي عمرها والمغشوشه المره وليس الراجل
ربنا اعطاك عمارة من مافي . انا عندي قطعة فى الوادي الاخضر مالاقي واحد يبنيها
على حسب خبرتى في هذه القضية يسلم المبنى كاملا للسيدة صاحبة الارض بعد عشرة سنين من استفادة صاحب البناية منها ..
ردود علي ابومرام
يتحللوا دي معناها شنو؟؟؟
تشد ليها حلة كمونية اول مرة اسمع بالكلمة دي فب عهد الجماعة ديل
هل هو تصريح لفعل كل شيىء تزني تسكر تسطل تسرق تنهب تكتل ورونا رسوم التصريح دا كم وبستخرج من وزارة المالية ولا وين مكاتبهم انا عمري ما عملت حاجة غلط لكن عايز استخرج التصريح يمكن واحدة تتحرش بي انا اصلي وسيم لامن غلط والواحد في حكم الانقاذ لازم يعمل حسابو
معظم المحاميين في الخرطوم وام درمان وبحرى مزورين ومتعاونيين مع سماسره لايقلون تزويرا وفسادا عنهم
حتي المحاميات بقن أكثر اجراما من المحاميين يعني مثلا وانت ماش علي محكمة أم درمان جنوب وعلي يدك اليمين يوجد أكثر من محاميه يحترفن تزوير التواكيل التي بسببها ضاعت حقوق وحصلت مشاكل والغريبه ان القضاه يعلمون ان التواكيل التي أمامهم مضروبه ومع ذلك يمضون في احكامهم طالما لم يظهر امامهم صاحب مصلحه متضرر من هذه التواكيل المضروبه… عموما كل شىء بايظ في بلدنا من كبارا وزمان قال نابليون اذا فسدت الرأس فسد الجسد.