البشير مهاتفا الطيب الراعى لاستثمار أمانته!!
لاعجب أن (الطيب) أصيب بالدهشة للحفاوة التى وجدها تصرفه الذى هو بالنسبة اليه عادى وخلق نشأ وتربى عليه،لكن للذين أحتفوا به لهو شىء خارق ومعجزة يندر وجودها فى مثل هذا الزمن الأغبر،والحمد لله أن الطيب الراعى البسيط أعاد لنا شىء مما فقدناها فى السنوات الأخيرة،خصوصا فى تلك الأراضى والتى كان لشعب السودان فى يوم من الأيام وضعا غير الذى آل اليه فى السنوات العشرين الأخيرة ،وذلك بفضل ولاية القوى الأمين وبقية عقده الفريد من عصابة تجار الدين التى التئم شملها مؤخرا بعودة عرابها ،والذى ان صحت رواية اعتذاره فهى غير مقبولة شكلا ومضمونا،وبما أننا أصبحنا نجيد النكتة والسخرية فى عهد مافيا الاسلامجية التى أودت بنا فى الدرك الأسفل بين الأمم وجعلتنا شعبا متشردا يبحث عن الستر فى بلاد الغير رغم ما تملكه بلاده من ثروات ،جاء فى النكتة أن هذه الأيام السودانيين فى السعودية يمشون متبخترين حتى امام الشرطة التى كانت تطاردهم من أجل الاقامات واذا سأل شرطى سعودى سودانى عن هويته رد (أنا قريب الطيب الراعى).
ظننت وظنى أثم أن المشير البشير عندما شاهد هذا الفيديو اشقعر بدنه ودخل فى وصلة بكاء حار خصوصا وأن الفيديو يتضمن وعظا مؤثرا عن أداء الأمانة ، وفلسفة عميقة فى رد الراعى البسيط (وبعدين كيف الشبر) وكل هذا عن الأمانة ،والطيب عندما عمل عند مخدمه لم يرفع شعار القوى الأمين الذى رفعته مافيا الاسلاميين فى السودان ،حتى خيل لنا أن معنى القوى الأمين هو(القتل والسرقة والفساد بقوة عين ووضح كما ظل ولازال يحدث من هؤلاء الشياطين).
تخيلت أن المشير البشير طلب رقم هاتف هذا الراعى وطلب محادثته:ـ
ألو: اتفضل ياريس الطيب معاك على الخط (صوت أحد ممثلى القوى الأمين)
الطيب : ألو معاك يا ريس
الريس: والله رفعت رأسنا
الطيب: انشاء الله دائما رأسك مرفوع
الريس: الله يديك العافية يا ابنى بسن عندى ليك سؤال أنت الايمان ده جبتوا من وين؟؟
الطيب: الله ياريس انحنا دى ما حاجة متأصلة فينا ومتوارثينها وما غريبة علينا
الريس: عارف بس ده كان زمان قبال عهدنا
الطيب: والله يا ريس دى حاجة عادية ما شايف أنها مستاهله
الريس: والله يا الطيب أنت ما الطبيعى،وعشان موقفك النبيل ده انحنا قررنا أن نستثمر فيك وفى أخلاقك ولابد من تكريمك وفتح مؤسسة بأسمك لأعمال الخير وباذن الله حأرسل ليك موفود خاص عشان يوريك المطلوب منك شنو بالضبط.
وجاء مندوب الرئيس ليبحث كيفية استثمار أمانة الطيب !!!
اوعى من ناس الضرائب اسمعو بالمنحه بتاعة الراعى يقولو دايرين حقهم لانو ديل ما عندهم زمه
اى حاجه دايرين حقهم فيها تخيل عشرين الف ريال ناس الضرائب يقولو للراعى دايرين الفين ريال 20%ضريبة
قيمه مضافه ايجو ناس المحليه يقولو عايزين الف ريال لانو الراعى ما عندو تصريح بتاع حديث عن الامانه
يجو ناس الزكاه يقولو القروش دى عليها زكاه يشيلو تلاته الف ريال يجو ناس جهاز المغتربين يقول انحنا
مالنا الضرائب والزكاه احسن مننا نحنا زاتو دايرين الف ريال يعنى الحكومه دى لوجاتك حاجه من السما
دايرين حقهم فيها انشاء الله يخش عليهم بالساحق والماحق امين.
ههههههههههه
انا ما وصلت مرحلة الرئيس دي لكن كنت متوقع انو حسين خوجلي يقول انو الفضل يرجع لمتابعة الطيب لبرنامجه !! بس الحمد لله انو الطيب زول خلاء ساااكت , تلفزيون ما عنده ,,
مستشار الرئيس ممكن يناقش مع الطيب أي شئ إلا حتة الشبر دي !
السلام عليكم ورحمه الله وبركاته اهني الطيب وين العابدين بالاخلاخ الحميده والاصل الطيب وهذة شيم اهلهو وكرامت وعزت قبيلته والله اراد ان يرفع اسمه واسمه اهلو واسم السودان عامه وهذة شم وعزت وكرامت اهل السودان كلهم
وانت مالك ومال الراعي يا ابو العنصرية