الجرتق… مضاعفة هموم الزواج..!
الخرطوم
اصبح الزواج اليوم هو هاجس فعلي للشباب بسبب المتطلبات الكبيرة التى صار يرتكز عليها بجانب الضغط الاقتصادي الاخير والذى تسبب في وضع الشباب لتلك الجزئية على هامش الاهتمامات والتركيز على مجابهة الظروف الحالية بنظرية (رزق اليوم باليوم)، ولعل تمدد تلك المتطلبات الاخيرة، ربما نتج عن استفحال وانتشار بعض الجزيئيات التى تتضمن المشروع بأكمله والتى ساهمت بشكل كبير في توطين عدم الرغبة في الارتباط، ومن ضمن تلك الجزيئيات ظاهرة (الجرتق) والتى صارت لوحدها تشكل هاجساً للشباب بسبب التغيير الكبير الذى طرأ عليها وتحولها من مجرد عادة بسيطة الى فرضية تحتاج للكثير من القدرات المالية حتى تواكب الصورة المستحدثة لها في الواقع، والدليل على ذلك ان عددا كبيرا من الاسر ظل وخلال السنوات الاخيرة تحديداً يلجأ الى اضافة المزيد من الاعباء على العريس المرتقب بتلك الجزئية والتى وصل حد استئجار صالة لها بمبالغ كبيرة، هذا بجانب الصرف البذخي الذى يتم هناك من مصاريف فنانين لاحياء ذلك(الجرتق) سواء بالدلوكة او بالآلات الموسيقية ونهاية بالفواكه والمياه المعدنية والعصائر المختلفة التى توزع على المعازيم، وربما قبل ان نبحث عن حلول لقضية الزواج، فمن الافضل البحث عن بدائل لبعض عناصر ذلك الزواج والتى اصبحت هي (اس البلاوي).
السوداني
هلمو لنجعل الزواج ارخص بكثير هذه دعوه لكل المغتربين وانا اولهم
الزواج كالاتي عقد وغدا بس.
MANY OF THE WEDDINGS IN THE SUDAN WHERE ALLOT OF MONEY WAS SPENT AND WASTED JUST TO SHOW OFF ENDED IN FAILURE AND DIVORCE AFTER A SHORT TIME .IF THEY HAVE MONEY IT SHOULD BE USED TO BUILD UP THE NEW FAMILY AND NOT TO BE WASTED IN THAT WAY . THIS IS ONE OF THE REASONS THAT MORAL IN THE SUDAN HAS GONE WITH THE WIND AND MANY YOUTH HAVE FOLLOWED THE ROUTE OF RELATIONSHIP LIKE WHAT IS HAPPENING IN THE WEST
هو العرس بالفاتحة يا ناس ما حلال ؟؟؟؟
فى تقدير العرس بالفاتحة حلال وسيكون ناحج الى حد كبير فى حال اذا اردات الام السترة لبنتها ..
وناس البوبار ما انصح انو حد يتزوج بناتهم …
المجرتق بالرصاص المخضب بالدما عريس الحمى
المفزوض العرس يكون ابسط الاشياءمافي داعي للبوبار
بصراحة يا اخوانا نحنا السودانيين واقعين فى ورطة ما بعدها ورطة من زواج السودانيات ، موال صرف و طقوس زواج ما بتنتهى ،،، بدايتها بى فتح الادان و فتح الخشم ،، قولة الخير ،، تجى لى تجهيز العرس قبلها بشهر ، اها حنة العريس ، حنة العروس ، الصبحية،الجرتق ،رقيص العروس ، ووووووووووووووو الخ .
طبعا لازم العرس فى صالة سبعة نجوم ،، و الرقيص فى صالة خمسة نجوم ان ما قالوا ليك فندق الفاتح الطالعة ليهم موضة اليومين ديل ،،الفنان الفلانى.
على اليمين اكثر عرس فى العالم ذو متوالية لا نهائية من الصرف فى دولة مستوى دخل الفرد فيها اقل من دولارين فى اليوم ،، و بعد ما تعرس كمان راجيك شهر العسل، وين..؟ ماليزيا…لانو ناس داليا عسلوا فيها قالوا حلوة خلاص !!!
بعد شهرين من العرس،، تقول ليك : طبعا انت عارف ان وعدت امى انى احججهاالسنة دى (اوديها الحج )…. و انت كاتلاك المغصة بتطبطب ساى :مافى مشكلة ده ما بيت الله كلنا ناويين ليه!!
بعد شوية
انت عارف قالوا الرقشات بتدخل … طبعا احمد اخوى ده اكتر زول بعرف بباصر الحياة
مسكين جارى فى الدنيا دى جنس جرى ،، احسن نشوف ليه رقشة عشان يقدر يوفر ليه حاجة للعرس و منها يساعد ناس البيت ،،،
و بعدين ..
اليوم فاضى و الا عندك مشوار …لا لا ماعندى اى مشوار
النمر على سوق الدهب نتمنظر ساى .. الشئ يمكن نطلع لى بى خاتم ما معرووف ،،، ( طبعا ده اذا كانت متواضعة جدا ) اها و بعدين …….
انت عارف امى قالت لى احسن تدخلى ليك فى صندوق شان تقدرى توفر ليك حاجةمنها تبنى ليك غرفة لاخوك عماد ال عامل لينا ضجة فى الصالون يوميا مع اصحابو،،، و الساقية لسة مدورة.
بعد ده كلو … طول لسان و شناة عمل !!!!! عملت لى شنو … انت ما عارفنى انا بت عز،، شغل البيت ده كتر على لازم تجيب لى خدامة ،، ما بقعد مبشطنة كدى.
الحل ………؟
الحل يا اخوانا انه نعرس غير السودانيات ،،
على اليمين انا شفت سودانيين معرسين من جنسيات اخرى عايشين ملوك ،، حريمهم ناصحات و ستات بيوت ،، الواحدة فيهم قايمة بكل شئون بيتها و رعاية اطفالها و تخدام راجلها حافية القدمين.
و كلامى ده و الله ليس انتقاصاً من حق اخواتنا السودانيات لانهن أخواتنا و امهاتنا و بناتنا،،فى منهن بس الدايرات ستر بالقليل و الكتير متأكد من هذا الشى ،، و ليس تحريض ،،ن لكن و الله يا جماعة الشئ خطير و انا شايفه بنفسى هروب كتير من السودانيين فى الخارج تزوجوا من جنسيات غير سودانية لانو بسط و ميسر الواحده تقول ليك بس خاتم ما عاوزة شئ و اخر تقدير و احترام للرجل و بيتها ده خلاص كل شئ ،،، السودانية كانت والدة 12 تقول ليك ارسل لى ناس امى و اخوى داير ليه كدى ،،، حتى بالداخل انتو شايفيين عزوف الشباب اليوميين ديل عن الزواج ليس لسبب سوى ارتفاع تكاليف لا يتناسب مع مدخول الفرد،،،، و انتو شايفيين اطفال المايقوما كل يوم فى تزايد ومرض الايدز كل يوم فى انتشار،، يا عالم اصحو،،،، اصحو،، اصحو ،،
بصراحة يا اخوانا نحنا السودانيين واقعين فى ورطة ما بعدها ورطة من زواج السودانيات ، موال صرف و طقوس زواج ما بتنتهى ،،، بدايتها بى فتح الادان و فتح الخشم ،، قولة الخير ،، تجى لى تجهيز العرس قبلها بشهر ، اها حنة العريس ، حنة العروس ، الصبحية،الجرتق ،رقيص العروس ، ووووووووووووووو الخ .
طبعا لازم العرس فى صالة سبعة نجوم ،، و الرقيص فى صالة خمسة نجوم ان ما قالوا ليك فندق الفاتح الطالعة ليهم موضة اليومين ديل ،،الفنان الفلانى.
على اليمين اكثر عرس فى العالم ذو متوالية لا نهائية من الصرف فى دولة مستوى دخل الفرد فيها اقل من دولارين فى اليوم ،، و بعد ما تعرس كمان راجيك شهر العسل، وين..؟ ماليزيا…لانو ناس داليا عسلوا فيها قالوا حلوة خلاص !!!
بعد شهرين من العرس،، تقول ليك : طبعا انت عارف ان وعدت امى انى احججهاالسنة دى (اوديها الحج )…. و انت كاتلاك المغصة بتطبطب ساى :مافى مشكلة ده ما بيت الله كلنا ناويين ليه!!
بعد شوية
انت عارف قالوا الرقشات بتدخل … طبعا احمد اخوى ده اكتر زول بعرف بباصر الحياة
مسكين جارى فى الدنيا دى جنس جرى ،، احسن نشوف ليه رقشة عشان يقدر يوفر ليه حاجة للعرس و منها يساعد ناس البيت ،،،
و بعدين ..
اليوم فاضى و الا عندك مشوار …لا لا ماعندى اى مشوار
النمر على سوق الدهب نتمنظر ساى .. الشئ يمكن نطلع لى بى خاتم ما معرووف ،،، ( طبعا ده اذا كانت متواضعة جدا ) اها و بعدين …….
انت عارف امى قالت لى احسن تدخلى ليك فى صندوق شان تقدرى توفر ليك حاجةمنها تبنى ليك غرفة لاخوك عماد ال عامل لينا ضجة فى الصالون يوميا مع اصحابو،،، و الساقية لسة مدورة.
بعد ده كلو … طول لسان و شناة عمل !!!!! عملت لى شنو … انت ما عارفنى انا بت عز،، شغل البيت ده كتر على لازم تجيب لى خدامة ،، ما بقعد مبشطنة كدى.
الحل ………؟
الحل يا اخوانا انه نعرس غير السودانيات ،،
على اليمين انا شفت سودانيين معرسين من جنسيات اخرى عايشين ملوك ،، حريمهم ناصحات و ستات بيوت ،، الواحدة فيهم قايمة بكل شئون بيتها و رعاية اطفالها و تخدام راجلها حافية القدمين.
و كلامى ده و الله ليس انتقاصاً من حق اخواتنا السودانيات لانهن أخواتنا و امهاتنا و بناتنا،،فى منهن بس الدايرات ستر بالقليل و الكتير متأكد من هذا الشى ،، و ليس تحريض ،،ن لكن و الله يا جماعة الشئ خطير و انا شايفه بنفسى هروب كتير من السودانيين فى الخارج تزوجوا من جنسيات غير سودانية لانو بسط و ميسر الواحده تقول ليك بس خاتم ما عاوزة شئ و اخر تقدير و احترام للرجل و بيتها ده خلاص كل شئ ،،، السودانية كانت والدة 12 تقول ليك ارسل لى ناس امى و اخوى داير ليه كدى ،،، حتى بالداخل انتو شايفيين عزوف الشباب اليوميين ديل عن الزواج ليس لسبب سوى ارتفاع تكاليف لا يتناسب مع مدخول الفرد،،،، و انتو شايفيين اطفال المايقوما كل يوم فى تزايد ومرض الايدز كل يوم فى انتشار،، يا عالم اصحو،،،، اصحو،، اصحو ،،
غايتو عازماكم عرسي تشوفوه كيف المغرب اي زول وصل بيتو
بلا عزمومه بلا جرتق وكلام فاضي ماااالي انا ااكل الناس واشربهم واجيب ليهم كمان فنان
انا خطتي واااضحة قبل العرس بي شهر بعمل فيها انصار سنة و اي حاجة فيها صرف بقول ليهم حرااام
في النهاية حاترسى على عقد وراهو غدا متواضع امعانا في الزهد و التقشف
دا طبعا داير تربية دقن و كفكيف بناطلين لاكين بعد الموضوع يتم امانة يا مكنة الحلاقة ما تعبتي
و افك كفة البنطلون الكان في الركبة دا ونعود تاني .. تاني تاني تاني
المشكلة يا جماعة ما فى ام العروس بس ، المشكلة فى شباب كتار بقى عندهم مرضة التفاخر والتنافس وهم بيضرو فى اخوانهم العلى قدر حالهم ، وانا متأكد إنو ديل اغلبهم اولاد الكيزان ، البيعرسو فى النادى الدبلوماسى وما شابهه ،
بصراحة ما شفت زواج عندو تفاصيل كتيرة ونقل إنصرافى ما ليهو داعى زى الزواج السودانى ، وعندكم مصر القريبة دى ، اهل المرة بيحاولوا يسهلوا على العريس بقدر الامكان وبعد يجهزو ليك العروس.
شكلنا كدة حنقع الحبش والمصريات والمغربيات والكينيات والتنزانيات وغيرو مما قلت تكلفتو
ايييي انتو عايزين ابو الرخا عشان تغيرو فينا زي شباشبكم نحنا كدا عشان الواحد لمن يفكر يطلق يتزكر تكاليف العرس الجاي وخاصه انو بقي كان راجل مره هههههههههههه يعني حيدفع اكتر ولا شنو ولا عايزين تتجعصو ساي ههههههههه
حين يطرق الباب !!
عندما يطرق الباب خاطب يطلب الطهر والعفاف . .
يترجرج لهذا الطرق قلب تلك العفيفة . . .
وتعانق أحلامها الحقيقة . .
وتذرف على عتبات سريرها دمعات فرح ووداع . .
فرحا بفارس الأحلام . .
ووداعاً لذكريات الأيام ..
وكم من فتاة . .
باتت ليلها . .
ترقب الطارق يطرق بابها . .
ربما يأتي إذا صليت فـــــــــي جنح المساء
ربما يأتي إذا صعّــــــــــــــــــدت لله الدعاء
ربما يأتي إذا رجرجت فـــــــــي عيني دمعه
أو إذا أُشعلت في ليل الحزانى ضوء شمعه
آه .. كم يشتاق بابـــــــــــــي نقرات من يديه
وجداري الساهم الظمآن كــــــــــم يهفو إليه
خلف بابي ألف حلم يخنق الوهـــــــم صداها
ألف غصن يحرق الجدب براعيــــــم صباها
ناوى العرس بعد سنة انشاء الله . نصائحكم يا جماعة لى فترة طويلة من السودان . ما يقومو يسلخونا كمان
بالشى الشايفنو وسامعين عنه ده
حنقع مغربيات ولا سوريات سااااااى
ناس دايرين سترة وسمحات وستات بيوت
الزول يشتغل لمن ضهرو يتعوج يجى يكبها فى يوم ولا يومين !!
قال بناتنا قال .. خليهم اليبورو البورة تطقهم
الواحدة قاعدة ما لاقيا زول ووقتك التجى تتقدم تفتح ليك
خشمها زى التمساح ,,
الحنانة الفلانية الفنان الفلانى ,, تلبسنى فلانة ترقصنى علانة
تمكيجنى فرتكانا .. العشاء من هنا والصالة الفلانية
والحنة ,, والجرتق ,, دايرا اتصور هنا ,, وصحباتى تعمل ليهم
واهلى تعمل ليهم .. وشهر العسل ما عارف وين ..
عاداتنا وتقاليدنا وياهو دا السودان؟ممكن نعمل كل شئ بالبسيط الماء والبلح وكل شئ يتم والمهم تكون سودانيه ميه الميه ونترك الغريبه الدخليه علي مجتمعنا؟المراة السودانيه الان عارفه وواعيه ابحث عنها واترك ناس سوسو وفوفو اللائ جنسيتهن سودانيه ولكن تفكرهن او طريقتهن اجنبيه بحتا
العديد من المعلقين ذهب لتقليل مراحل الزواج خاصة التي هي دخيلة علينا وانا أتفق مع الجميع في هذا المنحى.. ولكني لا أتدخل في حرية الآخر الذي يريد أن يُفرح زوجته واسرته واسرة زوجته بإنفاق الكثير من الأموال ليُخرج ليلة زفافه بأبهى صورة… هذا حقه وحق اسرته طالما كان مقتدراً ولا يُدخل نفسه في ديون تُثقل كاهله.. ولكن مثل هذا الشخص ليس بالضرورة أن يغتدي به كل شاب أو شابه ويحاولون مجاراته بل على الجميع أن يقوم بأشيائه وفق استطاعته ولا يُبخس الآخرين اشيائه.. وفي كل الدنيا هناك الزواج المكلف والآخر المبسط وفي كل الدنيا ايضاً يتم الزواج وفق استطاعة الزوجين ما عدا في السودان حيث الجميع يريد زواجاً كما زواج الآخرين في التكلفة حتى ولم لن يكن قادراً على ذلك.