صرخة مكتومة

لساك تعافر في الحياه
مستني يوم النور يبان
والعمر يوصل منتهاه
وانت هنا في نفس المكان
والكون فسيح والليل يضمك في الخلا
وحدك تحاول فك لغز المسأله
وحدك تعيش ويا نجوم سايبه السما
رافضه تنور إلا بشروطها
باصه على ناس ميتين
ساعة ما يصحوا يبقى يوم موتها
بطل تعاكس في المطر
كرهت عنيك طول السهر
ترسم على وش الأمل بسمه
وانت اللي ساكن جوه أحزانك
رافض تسلم إن دي ضلمه
لساك عفي بتشد فرحه ناسيه عنوانك
اوعى تخاف من صرخه مكتومه
اصرخ بعزمك في الفضا
ده الأرض مزحومة

حمادة تمام
[email][email protected][/email]