حجاج: طعامنا العدس والزبادي رغم الكلفة الباهظة

أقسم بالله العظيم … الكيزان ديل لو لقوا حاجة أرخص من العدس والزبادي كان جابوها ليكم ..

حقا فضيحة

ديرين كسره وملاح ؟؟؟ماكان ينعز… اها هوت دوق دي قلة ادب؟؟؟ قرقوش بالشاي ممكن؟غير كدة الكيزان غير القحط ماعندهم شي

الاعاشه فى المدينه عكس الاعاشه فى مكه بوفيه مفتوح

رحلة الحج بين العبد وربه ، و كل سنة نفس المشكلة و الموال

زى دخول رمضان و اسئلة النسوان عندى قضا وايام نفاس … وكده ..

اتمنى الحجاج ما يعشموا غير فى التأشيرة و الوصول و ربنا بيتم الباقى

ربنا يتقبل منكم

مساكين الحجاج صدقوا أنه في بوفيه مفتوح!! والله حرامية بعثة الحج وناس هيئة الحج ديل بعد شوية يأكلوكم سلطة دكوة بس وحتشوفوا، بس ما عليكم إلا الدعاء عليهم وإن شاء الله دعوتكم مستجابة

تاكلوا السم اليهرى حشاكم كضابين مافيكم فايده تب .!!!!!

في كل مره نقول ليكم ادعوا لينا وللوطن وللشعب
يوم عرفه يوم الحج الاعظم ربنا يقلع الكيزان ومن والاهم

تجوا راجعين تكضبوا وتقولوا مما وصلنا الليل كله ندعوا وفي يوم عرفه
ظللنا ندعو الله يقلع البشير وعصابته من اول النهار حتي غروب الشمس وانخنا نصدق
معقول في حاج بكضب؟ الا اكان حاج ماجد سوار الحرامي الفاشل بتاع المغتربين.

لاندرى لماذا استجاب الله لحجاج بنقلاديش وحجاج مصر وحجاج
تونس ولباقي الحجاج ومااستجاب لحجاج السودان ؟

– ياقروشكم المشيتوا بيها الحج ماحلال والا مشيتو علي حساب الشعب المنهوك. .!!
– يامشيتو الحج فقط بقصد التجاره ولقب حاج عند العوده.!!!!!!!!!!!!!!!
(يعني لاسعيتو لاطفتوا لارجمتم ابليس لا ودعتوا وجيتوا راجعين حالقين رؤوسكم
لتحبكوا الغشه والخدعه .)!!!!!!!!!!!!!!!!!!!!!!!!!!!!!!!!!!!!!!!!!!!!!!!
– ولا غلبتكم شهواتكم الحيوانيه ووقعتم علي نسوانكم يوم الحج الاعظم.!!!!!!!
– والا عملتم حاجه من المحرمات التي تبطل الحج والتي من بينها نقتكم وشكواكم
المستمره من مستوى الخدمات والوجبات التي تقدم لكم .!!!!!!!!!!!!!!!!!!!

فانا يستجاب لكم وانتم بهذه الخصال ؟!!!!
وانا يستجاب لكم وكل همكم بطونكم ؟!!!!!

ياحليلك يابلدنا وياحليلنا نصدق حجاجنا في كل مره ولا نرى استجابه من
الله لدعواتهم التي قالوا انهم دعوا بها الله.

ياخوانا لن تحك ظهورنا الا بأظافرنا نحن لا بأظافر الحجاج ولا بدعواتهم
الفشنك التي لايلتفت لها الله الطيب الذى لايحب الا كل طيب فلنقم جميعا لنعمل
سويا لأقتلاع الطواغيت ليصدق فينا قوله تعالي ﴿ وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ﴾ صدق الله العظيم .

يا حجاج بيت الله الحرام انتوا ماشين سياحة ؟! إنتو ماشين حج ! عارفين يعني شنو حج ؟ يعني تتفرغوا للعبادة والدعاء وما تشتغلوا بي ما جابوا لبنا الا العدس والزبادى !! لا كده ما صاح جابوا ليك عدس تأكلوا وتحمدوا الله جابوا ليك كسرة بي موية تأكلوا وتحمدوا الله جابو ليك (هوت دوغ) تاكلوا وتحمدوا الله وتركزوا على (تجويد) حجكم يطلع نضيف مش تقعدوا تكوركوا ما جابوا لينا أكل كويس زي أولاد الداخليات زماان !!