عثمان شبونة
أيا ذا الفضائلِ واللامُ حــاءُ ** ويا ذا المكارمِ والميمُ هـاءُ
ويا انجـبَ الناسِ والباءُ سينٌ ** ويا ذا الصـيانةِ والصادُ خاءُ
ويا أكتبَ الناسِ والـتاءُ ذالٌ ** ويا أعلمَ الناسِ والعـينُ ظاءُ
تجودُ على الكــلَّ والدالُ راءُ ** فأنتَ السـخيُّ ويتلوهُ فـــاءُ
تذكرة:
تريد سلطة المؤتمر الوطني بلا ذكاء حرق كوادرها الوسيطة “المكروهة أصلاً” وأصحاب السوابق، فقد جندتهم خصيصاً لحمل الوجه القبيح نيابة عنها في العمل الإعلامي.. فالذين تشاهدونهم دربوا على “الصفاقة” وجردوا من الفضائل مقابل الدولار.. يكاد الكذب يندلق من نظراتهم… والشعب لن ينساهم..!!
النص:
* في رده على أحد الزملاء الصحفيين إبان لقاء المعارضة الذي تلى جمعة “الكتاحة”، قال د. حسن الترابي أن البشير رجل بذئ… ولم يزد.. أو ربما زاد ولم تصلنا بعض جزئيات القول الذي ينصب كله في هجاء الرجل “الكافوري”.. ولعل الترابي الذي أضفى لمساته زماناً في “صنم الدكتاتور” يكفِّر الآن عن سيئاته كما يبدو، لو يجدي التكفير فتيلا..!
* البشير ليس سوى “ملعون” مثل كافة المنبوذين عبر التاريخ، ولم يعد لوحده قضية الساحة السودانية، والتي أفاقت في خواتيم يونيو الماضي أكثر من أي وقت مضى لحقيقة مخطط حزبه.. ذلك الرامي لخراب نوعي عبر عدة وصفات شيطانية يمسكها ويجربها واحدة واحدة، قبل أن ينهار في نهاية المطاف ويصمت.. كما صمت الكائن “أبو العفين” طوال أيام الإنتفاضة المباركة..!
* فها هو حزب الأفاكين وعبر أجهزته الأمنية يعزز حديثنا السابق عن استراتيجية تدمير الأصوات الصحفية الحرة، والإجهاز على الإعلام عبر تصفيته من “شذاذ الآفاق” والتضييق عليهم، وتعذيبهم كلما تحاككت كتوفهم مع الجماهير التي تخرج “لإسقاط النظام”.. ولن يكون آخرهم أنور عوض “الذي اعتقل وأُهين” أو علاء الدين محمود الذي فُصل من صحيفة “الجريدة” تعسفياً بواسطة الأمن السبت الماضي، بالتزامن مع ذكرى الإنقلاب المشؤوم، والتي مرت دون “انتفاخ” هذه المرة، ودون تكبيرات وتهليلات زائفة تبتغي وجه السلطان القمئ..!
* إن سلطة “خوازيق البلد” وعبر جهازها الذي يديره النفعيون الظلمة والحثالة، ترسل إشارتها صراحة: (من ليس معنا فلا مكان له في صحفٍ يظل كافة أصحابها ورؤساء تحريرها ومطابعها تحت البوت).. بمعنى: (أيها الصحفي.. إنك لن تأكل عيشك إلاّ بالمولاة للباطل).. وياله من مستحيل على الحر..!!
* ورغم أن الصحفيين العاملين في فضاء الإعلام المنتمين لحزب النظام يزيد عددهم عن”1000″ من النفعيين بحق، إلا أنهم لا يستطيعون الآن تبرير وجودهم لشيء سوى معاشهم، فلم نسمع منهم مجرد تنديد خجول لما يحدث للشعب السوداني من تعذيب وتجويع وقتل وإذلال وتنكيل بواسطة أجهزة القمع، إذ مايزال الصحفيين توابع الملك تسيطر عليهم جرثومة الموالاة الخائبة والمدفوعة الثمن لطاغية يصف شعبه بأشنع الأوصاف..!!
* ألستم سودانيون يا كتّاب البلاط، أم الخوف ــ أكبر أعداء الضمير ــ يمنعكم من مجرد “صرة وجه” خلف الجدران، تجاه الجلاد..!!!
* فالبشير الذي أثقلته آثام عظيمة يحملها طوال حكمه، همدت فيه آخر ومضات الحياء، وما عاد يأبه لقول أو لفعل، فما بال الأرزقية من حزبه يبررون عبر جميع الفضائيات ما يحدث في بلادنا من طغيان وجبروت وغلاء وغليان.. ثم يفضحون بواطنهم بزبد اللسان في تمجيد زمرتهم “وانجازاتهاالتدميرية” والدموية في السودان؟!
* لقد انكشف الجزء الأخير من عورة المشير، كأنه سيقول في مقبل الساعات “أنا الشعب”.. فدولته الحقيقية الراهنة مزيج من مجرمين، ربّاطة أغبياء، لصوص، وقتلة لا يعون أن ثمن العداء للشعب مكلف جداً..!
* إنكشف المشير، وله العذر في جنونه “فهو مطارد” ويائس، محطم الوجدان، وحقيق بـ”الشفقة” لا التشفي، فهو سمات أجهزته القمعية التي جُردت من جوهر الإنسانية..! نعم.. لقد تجلت خامة “اللعين”، كما تجلى للناس عدوهم الأول “المؤتمر الوطني”.. ذلك الذي لم تنته مهمته “الوطنية” في تفتيت المجتمع السوداني وإبادته قتلاً وسحلاً ومجاعة ومرض… سيجرُّنا هذا الحزب الواطي غداً لمجازر بلا حصر.. ولأعمال جهنمية لا تضاهي تلك الحرائق اليسيرة التي أشعلها “شماشته” في المظاهرات الأخيرة على طريقة “الشبيحة”… إنها “البروفة الأولى” لقوم بينهم وبين التقى والصلاح حجاب بلا نهاية.. وإن منهم قلة ما تزال حقاً تغالبها فطرة الرحمة، وتستاء من أفعال الرئيس ووجوده الثقيل، فهلا أحسن هؤلاء الخروج…؟ هلا تبادر هامات الجيش وقاماته الشريفة الباقية مع الشعب، هلا يبادرون لاقتلاع العصابة “الكافورية”؟!
أعوذ بالله
[email][email protected][/email]
هذا هوالفرعون الثاني
والكتاب هم سحرته وقواديه
ولن يكون لهم شأن بعد الاطاحة بهذا الفاشستي
لعنة الله على كل افاك اثيم
والله يا شبونه .. اديّت (الجنرال) اكتر من حقّو ، فجنرالنا ما هو الاّ برضو (تّم تجنيده من جماعتو لحمل وش القباحه نيابة عن المؤتمر (الواطي) ) ،
فكانت مهمته الصراخ والنضمي و(الرقيص) في الساحات ، وللآخرين حياكه المؤمرات وعمل المقالب (النافخ) وصياغه المشاريع (شيخ علي) .
فما وصل الرجل يوماً لمرتبه ديكتاتور كسابقيه ( هي الديكتاتوريه دي سهله كدا) ، الرجل مجرد عضو في عصابه ، ُوكّل ببعض المهام الاّ انهم شيلوهو التقيله (لاهاي) .
اللهم أزل عنا الكابوس الذي جثم على قلوبنا لأكثر من عقدين من الزمان …. اللهم لطفك بشعبنا الجائع وبشبابنا المحبط العاطل وبحرائرنا التي انتهكت حرماتها وبصغارنا الذين غرر بهم ويواصلون غسل ادمغتهم بالأهازيج (السمجة) الكاذبة … اللهم أرحم أرضنا الطاهرة التي نجست ومزقت …. اللهم أعد الحياة لحقولنا التي وئدت .. ولصروحنا التعليمية التي باتت ثكنات (للرباطة) والفاقد التعليمي التي تبنته الطقمة الظالمة وصنعت منهم جدارا عازلا (وهميا) ليحمهم ويحمي فسادهم .
لتكن الجمعه القادمه مخصصه لشباب الثورة المعتقلين في بيوت اشباح النظام .
للتضامن معهم ، و للمطالبه باطلاق سراحهم .
يجب التعميم
أليس لهذا الطاغوت ناصح أمين حتى ولو من قرابته يخاف عليه وعلى الشعب من الطريق المجهول ينصحه بالتنحي وإن كان خائف من الجنائية يمكن أن يلجأ الى قطر أو السعودية أو الى أي من دول الخليج أو الدول العربية أو الاسلامية ليقضي بقية حياته ويترك الشعب بعد أكثر من 23 عام من الظلم والفساد ويحفظ دماء هذا الشعب ويسهل له عملية التغيير لأن التغيير قادم شاء أم أبى سلميا أو بالقوة بدماء أو بغير دماء فيكفيه ما سكب من دمائنا وما أكل من طعامنا وما سرق من أموالنا وما دمر من وطننا وما فصل وقسم من أرضنا وما أهدر من مقدراتنا وثرواتنا أتمنى أن يحدث هذا وفي أقرب وقت
لك التحيه الرجل الصادق العفيف الشفيف .. وصدقت حينما وصفتهم بخوازيق البلد . فعلا هؤلاء اوسخ
وانتن من دم الحيض .. اللهم انت تعلم بحال الشعب وحال العجزة والمسنات وحال المرضى والجوعى واليتامى
والمعذبون فى الارض والسجون . اللهم انهم لا يعجزونك زلزل بهم الارض واشغلهم وافتنهم فى بعضهم ياكريم
اللهم امييينِ
زنقة المشير التي تزداد يوما بعد يوم تجعله كالكلب المسعور الذي يطارده الجميع لقتله و النجاة من شره، ذلك يجعل الكلب يرغي و يزبد و ينبح و يعض…. اسنان هذا الكلب المسعور التي ينهش بها هي الماجورين الذين يحمونه ….. و نقول لهم لا تزيدوا اثامكم اثاما.. و لا تلقوا بانفسكم الى التهلكة و ما زال باب التوبة موارب و لم يغلق تماما اذا اثبتم ولاءكم للشعب و تحركت ضمائركم…. ” سفينة الانقاذ ” التي سارت لا تبالي بالرياح كما في قولهم الاول قد غرقت بالفعل و لكن من اعمى الله بصائرهم يتعلقون بمقدم السفينة الذي ارتفع الى اعلى بعد ان غاص مؤخرها و سوف يتهاوى بقوة ..
التحية للصحفييين نحن مرقنا مرقنا مرقنا ضد الناس السرقوا عرقنا
ما للسكر والبنزين مرقنا عشان تجار الدين
يا الماهيتك كم مليون انحنا الشعب البات مديون
مرقنا عشان الوطن الراح وما برجعنا الليلة سلاح
ضد العسكر والبمبان مرقنا عشانك يا السودان
اين انت يا ايها الشاب الجسور, تضاعف القلق الساكن بدواخلنا تجاه الشرفاء من ابطال الثوره بغياب عمودك طوال الايام الفائته , عله خيرا؟
إنه العهر السياسي والبغاء الاعلامي والغباء الفكري وعمل قوم لوط الصحفي
الصحفيين الذين زلت أقدامهم وهم راشد عبد الجليل وضياء الدين بلال ومحمد عبد القادر ودخل محمدمحمد خير الظاهر فلسو ثم الهندى عزالدين معاهم رغم أنه الأيام دى ماسك العتلة من الوسط ( العصاية ) .. أما الصحفيين الأشاوس والرجال الثابتين على الحق منهم حيدر المكاشفى وفيصل صالح وشبونة وصلاح عووضة أما الباقين فالراس فى الخزنة وال—– فى الوزنة, والبقية الباقية رجل فى المركب ورجل فى القيفة يعنى لحسه من هنا ولحسه من هناك .
مقالك رائع يا بن شبونة ولكنا لا نريد لجيش الانقاذ أي دور في ثورتنا المجيدة باذن الله ، جيشهم ليس سوى مليشيا حزبية أقيمت على أنقاض الجيش القومي الذي دمروه ليتمكنوا من البقاء 23 عاما ولولا دمار الجيش الحقيقي لما بقوا طيلة هذه الفترة
أما البشير فينظر خازوقه وشخصيا أرى أن الأفضل له أن ينتحر لأن الراجيه كتير، وبقية الحثالة حتما سوف يتركوا زعيمهم ويولون الأدبار ، نعم سوف يفروا ولكن أين ؟ نحن وراءهم ولو ذهبوا الى بلاد واق الواق
استاذ شبونة دمت بود لقد أثلجت صدورنا في زمنان قطع فيه كتاب الفكة اكبادنا . . الف شكر ونحن من اول المشاركين غدآ إنشاءالله
الشرفاء هم من رفضوا الانتماء لحزب المؤتمر الوطني رغم كل الاغراءات طوال فترة حكمهم اما الاشراف من لاقوا صنوف العذاب و التنكيل لا لشئ الا انهم قالو كلمة حق في وجه هؤلاء الطغمة
yarab,,, just let them go out we well do the rest
اللهم عليك بهذا الطاغوت البذئ إنك على كل شيء قدير حسبنا الله ونعم الوكيل
ما بين الزمن الاصيل والزمن الوبيل!!
———————————
هل غادر الكـيزان مـن متـــردم
أم هل هو السودان بعـد توهــم !
أغربان شـؤم قـد تقاطـر جمعـها
بحالــك لــيل بــين قـــوم نــــوم
لم يعرفوا سفـر الخيانـة مذهـــبا
ولم يتبعوا خطوات جـن أشــــام
لـم يجعلـوا الدنيـا نهايـة همهـــم
عاشــــوا بــها كمسافر متعمــــم
كــل همــه فـي الحيــاة مكــارم
ويمنــح ايثــارا بكــل المغـــــنم
لــم يتركـوا شأوا لطالـب رفعـة
إلا ولهــم فـــيه المقــام الاكــرم
اســـود شر ى بالنهــار تراهــم
ولـيــلا بيـــن ساجد ومرنـــــــم
في السلــم حفــاظ لكـل وديعـــة
في الكــر لا يــلوون بالمتلعثـــم
لا يبخســـون الناس في أشيائهم
أيشرون اخراهم بتبــر ودرهــم
ان مدحت فذاك بعض خصالهم
هل يوفي المكارم وصف بالفم؟
– – – – – – – – – –
البقية تترى ان شاء الله تعالى
توقيع : زول ساكت
ينتظر الأسرة الحاكمة في السوان مصير اسرة القذافي، وهو يحسون بدنو هذا المصير فالرعب الذي يبدو على الوجوه يكشف عن ذلك
……………………………………………
(لا حول ولا قوة الا بالله) عصابة مقننة
……. وبعد ده كله تجد من يدافع عنهم منكم لله يا سارقي أموال الشعب
هــــــاااااااااااااااااااااااااااااااااااااااكم الحقائق المغيبة عننا
……………..
………………..
====================================
يا كيزان تعالوا نقدر قروش البترول من ما بدأ و ديون السودان كم؟
====================================
اولا نبدا بالبترول
عشان نحسب قروش البترول لازم نعرف المعطيات دي:
1 -سعر البترول في كل سنة
2- انتاج السودان في كل سنة
3-كلفة انتاج برميل البترول ، بالرغم من انو ممكن يكون داخل في نصيب الشركات بس برضو حنخصم التكلفة “نقطة في صالح الكيزان”
4-نصيب الشركات العاملة في البترول
5-نصيب جنوب السودان يبداء من العام 2005
بالطريقة دي بنقدر نعرف بصورة تقريبية كم هي قروش البترول
1و2-سعر البترول العالمي لكل سنة “بالدولار” وانتاج البترول لكل سنة”الف برميل في اليوم” كانت على النحو الاتي “ارقام معلنة”
السنة السعر الانتاج
2000 27 180
2001 23 230
2002 22 245
2003 27 280
2004 37 300
2005 50 400
2006 58 400
2007 74 500
2008 91 500
2009 53 500
2010 71 500
2011 87 500
3-تكلفة انتاج البرميل حوالي 9 دولار للبرميل “صحيفة الاحداث 6 مايو 2012”
4و5- نصيب الشركات العاملة ونصيب جكومة الجنوب، بالرجوع الى مقال على الجزيرة نت بعنوان “اقتصاد دولتي السودان بعد وقف النفط ” كان نصيب شمال السودان 4.4 مليار دولار ونصيب الجنوب 3 مليار دولار ونصيب الشركات العاملة في النفط 6.1 مليار دولار
اذا النسب كانت كالتالي:
45% للشركات العاملة في النفط
32% نصيب شمال السودان
23% نصيب جنوب السودان
يلا شيل الة حاسبة واحسب معاي بالطريقة دي:
1-قبل 2005 (سعر البرميل “بعد خصم تكلفة انتاجه” * الانتاج اليومي *عدد ايام السنة*55% نصيب الحكومة)
2-بعد 2005 (سعر البرميل “بعد خصم تكلفة انتاجه” * الانتاج اليومي *عدد ايام السنة*32% نصيب حكومة الشمال)
حتطلع النتيجة كالاتي:
السنة السعر الانتاج الدخل
2000 27 180 0.65
2001 23 230 0.65
2002 22 245 0.64
2003 27 280 1
2004 37 300 1.68
2005 50 400 1.9
2006 58 400 2.28
2007 74 500 3.8
2008 91 500 4.79
2009 53 500 2.57
2010 71 500 3.62
2011 87 500 4.55
المجموع 28.13 مليار دولار
لاحظ معاي انو تقرير قناة الجزيرة قال انو نصيب حكومة الشمال 4.4 مليار وحساباتنا طلعت نصيب حكومة الشمال 4.55 مليار ودا بسبب الفرق بين سعر البترول خام برنت وبين سعر الخام السوداني .حنقسم 4.4 على 4.55 ونضربها في 28.13
عشان نعرف دخل السودان من البترول بعد حساب فرق السعر
النتيجة=27 مليار دولار!!!!!!
طيب
مش المفروض قروش البترول دي نعمل بها التنمية في السودان؟؟ دا ما حصل!!!
عارفين الحصل شنو؟؟؟شوفوا..
1-سد مروي قرض مشترك من عدة دول
2-مطار مروي تابع لقرض سد مروي
3-خطوط نقل الكهرباء من سد مروي تابع لقرض سد مروي
4-مشروع امري الزراعي تابع لقرض سد مروي
5-طريق مروي الملتقى قرض تابع لقرض سد مروي
6-مشروع مياه القضارف قرض البنك الاسلامي للتنمية+قرض صيني
7-مشروع تعلية خزان الرصيرص قرض مشترك من عدة ممولين
8-مشروع سكر النيل الابيض قرض مشترك من عدة ممولين
9-مشروع مجمع سدي اعالي عطبرة و استيت قرض مشترك من عدة ممولين
10-كوبري الصداقة “كريمة” منحة صينية
11-طريق عطبرة بورتسودان هيا قرض “الصندوق العربي للإنماء الاقتصادي”
12-مشروع مطار الخرطوم الجديد قرض مشترك من عدة ممولين
13-طريق القضارف دوكة القلابات قرض “الصندوق العربي للإنماء الاقتصادي”
14-مشروع كهرباء الخط الدائري(الخرطوم) قرض هندي
15-خط الكهرباء الناقل سنجة القضارف قرض هندي
16-مشروع كهرباء كوستي قرض هندي
17- خط الكهرباء الناقل القضارف القلابات قرض هندي
18-مياه عطبرة والدامر قرض ايراني
19-مشروع سندس الزراعي قرض صيني
20-كهرباء الجيلي قرض صيني
21-كهرباء الجيلي شندي عطبرة قرض صيني
22- محطة كهرباء قري 2 قرض صيني
23-مياه نيالا قرض صيني
24-مياه الدالي والمزموم قرض صيني
25-مشروع صومعة ربك قرض صيني
26-كوبري رفاعة قرض صيني
27-كوبري الدويم قرض صيني
28-توسعة كهرباء الخرطوم بحري الحرارية قرض صيني
29-مياه الفاشر قرض صيني
30-مياه بورتسودان قرض صيني
31-مياه دنقلا قرض صيني
32-مياه المتمة قرض صيني
33-مياه مدني قرض صيني
34-مياه كوستي قرض صيني
35-كهرباء دنقلا قرض صيني
36-كهرباء وادي حلفا قرض صيني
37-مشروع كهرباء الفولة قرض صيني
38-مشروع طريق النهود ام كدادة قرض صيني
39- مشروع طريق زالنجي الجنينة قرض صيني
40-طريق الدبيبات ابو زبد الفاولة قرض صيني
41-مشروع كوبري سنار قرض صيني
42-مشروع كوبري توتي بحري قرض ايراني
43-مشروع محطة مياه ابو سعد قرض ايراني
44-طريق طوكر قرورة قرض”الصندوق العربي للانماء الاقتصادي”
45-طريق سمسم القضارف ام الخير قرض”الصندوق العربي للانماء الاقتصادي”
46-طريق كسلا كركون مامان قرض”الصندوق العربي للانماء الاقتصادي”
47- مشروع كهرباء الشرق قرض”الصندوق الكويتي”
48-عدد 4 محطات تحلية مياه “ولاية البحر الاحمر” قرض”الصندوق العربي للانماء الاقتصادي”
49-جسر سيدون على نهر عطبرة قرض”الصندوق العربي للانماء الاقتصادي”
.
.
.
وغيرها الكثير الكثير من المشاريع المعمولة بالدين!!!بالديييييييين !!!!
الكلام دا انا ماجبتو من راسي امشو ارجعوا لموقع وزارة التعاون الدولي وموقع وحدة تنفيذ السدود”سد مروي” معظم الارقام السابقة من الموقعين ديل وباقي الارقام من المواقع الاخبارية المختلفة
2-نجي للديون
ديون السودان الخارجية سنة 89 كانت 13 مليار دولار
و سنة 2005 كانت 27 مليار دولار “التقرير السنوي لبنك السودان 2005”
انتو عارفين ديون السودان الخارجية الان كم؟؟؟
40 مليار دولار !!!!!
(المصدرد. محمد خير الزبير محافظ البنك المركزي .جريدة اخبار اليوم )
يعني الديون زادت في 7 سنين 13 مليار دولار!!!!!!
منها 9 مليار قروض من الصين والهند لوحدهم (تقرير قناة الجزيرة السابق)
السؤال يطرح نفسه اذا كانت 90% من انجازات البشير زي ما شفنا ديون .قروش البترول مشت وين؟؟؟؟؟؟؟؟
.
.
.
.
.
عارفين الوهمة وين؟؟
الكيزان دايرين يغنوا وفي نفس الوقت عايزين يسكتوا الشعب !!
عارفين عملوا شنوا؟
لهطوا قروش البترول عبر “النهب المصلح”حسب تعبير البشير بذات نفسو، وعملوا المشاريع التنموية بالديون! عشان بعد ما البشير يفوت نفضل نحنا واولادنا و احتمال احفادنا نسدد في الديون!!!!
باختصار كدا غشووووونا!!!!
رايكم شنو في القصة دي ….تنفع فيلم مش؟؟؟
انتو عارفين وضع السودان الان كيف؟؟؟
السودان الان مديون 40 مليار دولار “وكمان بنستورد القمح والسكر”
عدد سكان السودان 33 مليون
يعني اي رب اسرة في السودان “باعتبار الاسرة فيها 6 افراد” مطلوب دين 36000 جنيه
يعني لمن تتخرج وتجي تشتغل انشاء الله ويكون مرتبك 600 جنيه في الشهر ،الحكومة ممكن تضطر انو تخصم نص مرتبك لمدة 10 سنين عشان تقدر تسدد الديون على السودان
(الكلام دا ممكن ينطبق على اي رب اسرة في السودان لو كان في ولاية كسلا او غرب دارفور او الشمالية او كان في غيرها)
مصيبة مش؟؟؟
ملحوظة : هذه الحسابات لا تشمل اموال الضرائب،الجمارك,عوائد الاراضي،رسوم تراخيص السيارات,الدمغات الخ.
ولاتشمل المؤسسات الحكومية التي تم بيعها سودانير ,النقل النهري, الاتصالات ,اسمنت عطبرة, جزيرة مكوار…الخ.
لو عرفتا حجم الكارثة الواقع فيها السودان …ياريت توعي اصدقائك على الفيس, زملانك في العمل او الدراسة ,جيرانك في الحلة ,اهلك في الريف الماعندهم فيس بوك
لانو السودان في كارثة …كاااارثة…..فالله المستعان
شبونه تنحنى روح الوطنية لحروفك وانت من نتعشم فيه باخراج هؤلاء الشرازم المنتفعين من زملاء المهنه لنحاسبهم
تحدث الطيب زين العابدين مؤكدا ان جيش السودان سينحاز للشعب رغم كل شيء
الحكومة قالت ناس المظاهرات ديل علمانين ونحن بنقول ديل فيهم شيخكم الترابي فهو اسلامي
ديل فيهم الصادق وصاحب برنامج الصحوة الاسلامية
اذن ديل فيهم الوطني الاتحادي وهم مسلمين
ديل كلهم مسلمين وبعضهم ذو توجه عروبي او يساري وكلهم متفقون على اسقاطكم
اما من يحكم السودان هذا تحدده صناديق الاقتراع
هل نصبر على فسادكم
وما لفت نظري ان اسحاق فضل الله قال ان الخطة ان يكون عقار رئيس السودان وباقان الحاكم العام
ونحن نقول وين القرود الكانت بتكبر وين العشرين الف الماتوا في الجنوب
اذن لماذا الحروب من اجل من
العميل للامريكان هو من يدول مشكلات السودان ويقسمه بشهادة اعدائه الامريكان والاوربين الشركاء للانقاذ
الطرق والسدود بقروض ربوية وديون وارتفعت ديون السودان اين اموال البترول
اها ما دام انا سألت عن اموال البترول اذن انا علماني كافر ضد المشروع الحضاري
الجمعة الجايه اسمها ( جمعة الخلاص)
والله ياشبونة فعلاً أعوذ بالله
ياسيدي في اي من الدول الدكتاتورية قامت ثورة وخمدت ؟ ثورتنا إنطلقت ولن تطفيها جرزان الكيزان كلها مجتمعة ، ثورة مباركة وثورة ماضية في طريقها بإذن الله ودعوات المظلومين والمقهورين تصحبنا في كل خطوة وقطعاً ستفرز الكيمان غداً ، وسيتراجع الشرفاء عن المضي في طريق الظلام ، فالكيزان طريقهم مظلم وحياتهم مظلمة ، فالذي يبيع ضميره من أجل حفنة من الدريهمات لايمكن باي حال من الأحوال أن يسعد مهما إدعى الطهر والنقاء ومظاهر السعادة ، كيف يسعد من يعيش على الحرام وعلى حساب الغلابة ؟ كيف بالله أروني ودلوني إن كان يمكن ؟
الوطن في طريقه للتعافي فمزيداً من التماسك ورصد الأفعال فالحساب قادم بلاشك والعاقل من إصطف مع الشرفاء في هذا المنعطف التاريخي الذي يتشكل فيه ملامح الوطن الجميل .
شكراً ياعفان فأنت أرفع وأشرف من تبيع ضميرك .
هام الى شباب الثورة في الداخل
لا نريد لأحد نهار جمعة الغد أن يجلس خلف الكيبورد ، دعوا مواقع التواصل لشباب الخارج وهلموا الى الشارع ، النصر على نظام الاستبداد لا يتحقق إلا بخروجكم جميعا الى الشارع ، أتركوا الفيسبوك وتويتر والراكوبة وغيرها من المواقع وأحجزوا مواقعكم في الشارع من صلاة الجمعة والى منتصف الليل ،،، لقد حانت لحظة الحقيقة ،، لقد حانت ساعة النصر
المجد للوطن والعزة للسودان
الهندي وجه القئ
عندما اراه اكاد اتقيأ
الانتهازي , عديم الشخصية , المتملق
قادم من الزبالة وسيعود اليها هذا المنتفع و المنتفخ بمال الحرام
الارزقي الجبان
شبونة كفيت ووفيت قلم شجعاع ولكن اين (المدسوس) نريد منك اكثر من ذلك فانا وغيري نجزم بانك تعلم من خفايا المؤتمر الواطي الكثير لماذا لا توثق بقلمك الشجاع هذا لفضايحهم واسرارهم واساليبهم النتنة ؟؟ نريد منك ان تكتب كل يوم لماذا تكتب (بالقطارة) فالراكوبة منبر للشرفاء ليس فيها خائن او عميل لا(مروح)ولا(جاي) وانت تشتكي لطوب الارض الحجر علي الحريات اكتب ورينا الواطيين ديل قاعدين يعملوا في شنو؟؟ نحتاج لشجاعتك في ثورتنا وانت من الشرفاء الذين قالوا لا للقهر والظلم والفساد وياناس الراكوبة استحلفكم بالله من يعرف عن المناضل فتحي الضو شيئا فليخبرني قلم عفيف ونضيف اختفي في ظروف غامضة والسودان في اشد الحوجة له اين هو ؟؟؟
هذه الصورة في الأعلى، تذكرني بل اعتقد جازماً انها ل (جكسا)، إبان فوز السودان بكاس الامم الافريقية، للمرة الاولى والاخيرة..!!.. والتفوق على مصر وغانا، أيام كان السودان سودان..؟!!.. قبل مجيء (نذير الشؤم)..؟؟!.. الذي في عهده اصبحنا قرود وعبيد وحشرات …!!
كاتب هذا المقال ذو شجاعة وجرأة كبيرة –وفي زماننا هذا من يكن جريئا الي هذا الحد لابد ان يكون مسنود ومحمي فيا تري ماذا تخفي يا شبونة ومن الذي يحمي ظهرك؟؟ ان كان لا احد يحميك وهي شجاعة وايمان فحتما الله حاميك
إعلان التشكيل الوزارى الجديد للحكومة السودانية :
د.نافع على نافع _ كبير مساعدى رئيس الجمهوريه
الفريق.صلاح عبدالله محمد _وزيرا للدفاع
الفريق عبدالرحيم محمد حسين_ مديرا لجهاز الأمن والمخابرات
الفريق.محمد عطا_وزيرا للداخليه
الفريق.بكرى حسن صالح_مستشارا للأمن القومى
المهندس.إبراهيم محمود حامد_وزيرا لشئون رئاسه الجمهوريه
د. عبدالحليم إسماعيل المتعافى _وزيرا للماليه
المهندس.صلاح ونسى _وزيرا للعمل
د.فيصل حسن_وزيرا للزراعه والثروه الحيوانية
عباس جمعه _وزيرا للمعادن
البروفيسر .إبراهيم أحمدعمر _وزيرا للإعلام
حاج ماجد سوار _وزيرا للإستثمار
محمد شيخ إدريس _وزيرا للشباب والرياضه
محمد محمود_وزيرا للتعليم العالى
أحمد كرمنو_وزيرا للرعاية الإجتماعيه
د.رجاء حسن خليفه _وزيره للصحة
د. سناء حمد _ وزيره للتربية والتعليم
د.عبدالجبار حسين _وزير دوله بالزراعه والثروه الحيوانية
د.عوض الجاز_وزيرا للنفط
عوضنا الله..
المصريين حيكونوا اجدع مننا داهموا المأجوريين فى عقر ديارهم والله خلوهم يتجاروا ذى الفئران قولت واى سمعناها مسجله فى الموبايلات دحين يايوم بكره ماتسرع .
فى زول ناسينو هو راس البلاوي والسبب الرئيسي فيماوصلنا ليووهو الترابي لعنه الله
يا اللي بتسمع والما بتسمع
لازم تفتح اضانك وتسمع
صوت الشارع لمن يدوي
كل قلاع الخونة بتهوي
وكل جباه الكهنة بتركع
وشمس الحق السرقو شعاعها
بكرة بامر الشعب بتطلع
ياللي بتسمع
والما بتسمع
نحن اسودا ما بتدجن
ونحن سدودا ما بتهدن
ونحن جبلا ما بتصدع
لملم ناسك ولحمة راسك
وارفع ايدك عننا ارفع
يا اللي بتسمع
والما بتسمع
لو بي بنادقك ما بترهبنا
ولو بى خنادقك ما بترعبنا
*****
والتاريخ يا جاهل بيشهد
والايام لسع بيناتنا
وكل الحق الضايع بيرجع
يا اللي بتسمع
والما بتسمع
اسأل كل العسكر قبلك
وكل الحاول فكر متلك
الاستأسد والاتنمر
مهما استعلا ومهما استكبر
برضو في يوم الغضبة بيهلك
وبيلقى مصيرو نفس المصرع
واننا أمة عظية اصيلة
لينا خصايص ما في مثيلها
وفينا طباع بالفطرة نبيلة
والاسلام ما جانا الليلة
ولا اخلاقو علينا دخيلة
الايمان من بدري سبيلنا
والقرآن في الصدر دليلنا
انقى وارقى واسمى وارفع
يا اللي بتسمع
والما بتسمع
نحكي ليك لو كان ما بتعرف
حاجة بسيطة بس عن ماضينا
انحنا رضعنا الثورة رضاعة
وبالوطنية انحنا ربينا
التدجيل ما بنفع فينا
والتضليل ما بيمشي علينا
انحنا عبرنا السكة مشينا
وشفنا عدونا وشفنا صفينا
وما بنهاب لا سيخ لا مدفع
يا اللي بتسمع
والما بتسمع
الانقاذ ما بالدبابة
ولا احلام شايلاها سحابة
ولا اوهام عالم كضابة
ولا ارقام خاوية وخلابة
والاصلاح ما جربندية
الاصلاح ما بالزندية
الاصلاح عدل وحرية
الاصلاح موضوع وقضية
الاصلاح عزقة وطورية
نحن بنفكر بتاريخنا
يا اللي بتسمع
والما بتسمع
نحن اولاد الوطن الواحد
متسامحين من يوم ما قمنا
عشنا حبايب ولسه حبايب
ما اتخاصمنا ولا اتصادقنا
فينا مساجد بتهليلها
وفينا كنايس بي انجيلها
وفينا معابد يسرج ليلها
ربنا واحد وشعبنا واحد
وحبنا واحد ودربنا واحد
يا اللي بتسمع
والما بتسمع
دايرين نختم نحن كلامنا
ودايرين نحسن نحن ختامنا
للاحرار نديها تحية
وللثوار تعظيم وسلام
نحن الفوق الشمس مقامنا
ونحن جبين الثمسر مرامنا
ونحن وقود الحارة ونارها
ونحن منية الباغي سهامها
الا ارادة المولى ارادت
حكمت فينا وفي حكامنا
بعد ما ازهري كان هو زعيمنا
بعد المهدي الصلى امامنا
بعده الغرد الضوو جبينا
بعد الدرر الزانو زمانا
جات البقرة عشان تحكمنا
وام رخم الله مشت قدامنا
جل جلالة الملك الواحد
يأتي وينزع
ويعطي ويمنع
ويخفض ويوفع
يا اللي بتسمع
والما بتسمع
يومك قرب يا ظالمنا
وبكرة حناخد منك تارنا وما بنرجاهو حساب الآخرة
داكا حصابا من غفارنا
يمكن يصفح ويمكن يسمح
ويمكن يعدك من اشرارنا
الا انحنا حسابنا براهو
يوم الحارة بتوقد نارنا
تحصد كل الداسو حقوقنا
تحرق كل الخربو ديارنا
دايرين نعرف وين شهدانا
دايرين نعرف وين ابرارنا
والشرفا الراحو اوانطة من طلابنا ومن احرارنا
والآلاف الشردتوها من خبراتنا ومن اخيارنا
والمؤتمرات الدبلجتوها من اخوانا ومن اعمارنا
نحن عرفنا البير وغطاها
ونحن خلاص قرارنا
ونحن حنضرب كل العملا
ونحن حنصلب كل الجهلا
نحن حنغبن عصابة القتلة
ومن الباغي حناخد تارنا
وعالية ترفرف راية العزة
وغالية عزيزة حترجع دارنا
ونور الفجر القادم يسطع
يا اللي بتسمع
والما بتسمع…
للشاعر محجوب شريف…
*******************************
سَنظلُ نحفرُ في الجِدار
إما فتحنا سَلةٌ للضوءِ
أو مِتنا على سطح الجدار
أخى عثمان..نثمن مجهودك لصياغة عمود فى الظرف الراهن
هذا الترابى…مهما حاول وصف البشير ..وبطانته..بأبشع الأوصاف..فلن يغفر له هذا الشعب الذى ذاق كل الويلات لأنه هو من صنعهم..وأتى بهم ومكنهم..فلن يجديه محاولة التملص مما إرتكبه..
وإذا كان البشير ملعون فإن هذا الرجل هو إبليس ..هو الآن يعمل على تهيئة نجله ليؤدى دوراً فى الساحة السياسية..ولكننا واعون لما يتم التخطيط له..وسنكون لهم بالمرصاد بعد كنس النظام الذى أوجده..ولن يكون لهم موطئ قدم.. فى النظام الجديد الذى سوف يبنيه الشباب الذى حرك الشارع لتدب فينا الحياة لغد مشرق..
وإنها لثورة حتى النصر
الوطني الجسور،(عثمان شبونة)- قلمه يحارب من أجل وطن وقضية,,غير ذلك هم (ديكة)،حرب أقلامهم من أجل فتات موائد السلطان… كلما قرأت اي من من مقالاتك وجدت قفاي مسنودوهامتي تصل السحاب,, سلمت يا عزيزي
و الله ي شبونه ما بعرف لكن ( شوتك نضيف) و حقيقي ديل الادب ما بينفع معاهم …
و لم يتركوا فعلا قبيحا و لم يرتكبوه و لهول أفعالهم سمعنا أنهم ( إغتصبوا ) رجالا من أجل قتل معنوياتهم ناهيك عن إغتصاب النساء و كل ذلك موثق من قبل الضحايا .. و البعض منهم ينتظر لحظة الإنتقام ..
سدد الله خطاك و أيدك بنصره و عن نفسي أعتبرك ( مجاهد) و أفضل الجهاد كلمة حق عند سلطان جائر ..
ولا تهنوا ولا تحزنوا وأنتم الأعلون إن كنتم مؤمنين ( 139 ) إن يمسسكم قرح فقد مس القوم قرح مثله وتلك الأيام نداولها بين الناس وليعلم الله الذين آمنوا ويتخذ منكم شهداء والله لا يحب الظالمين ( 140 ) )
ـــــــــــــــــــــــــــــ
( يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ)
تسلم البطن الجابتك ياعثمان شبونة
وبالجد خائفين عليك وعلي قلمك الجرئ من دعاة المشروع الهادم، أما الأرزقية فلهم يوم آت آت ..
Oh ! this is the IDIOT
لقد هرمنا و متنا قبل يومنا فنحن احياء باجسادنا واموات باحوالنا وقد يئسنا و لكن بوعيك و شجاعتك و وطنيتك و قلمك انت و هؤلاء الشباب اولاد و بنات تصيحون فى هذه العتمة و الله ما هنت يا سوداننا يوما علينا لقد رددتم الروح علينا و تصرخون بما فى انفسنا
نصركم الله رب النبى محمد صلى الله عليه و سلم
و نصر الله بكم السودان و شعبه الكريم