سلفاكير يرفع الحصانة عن اثنين من ابرز الوزراء.
جوبا: أتيم سايمون
أصدر رئيس جمهورية جنوب السودان الفريق أول سلفاكير ميارديت مساء اليوم مرسوما دستوريا قضى برفع الحصانة عن وزير رئاسة مجلس الوزراء دينق الور كوال و ووزير المالية كوستي منيبي، وذلك في خصوص إختفاء مبلغ 7 مليون دولار كان قد تم تحويلها الي العاصمة الكينية نيروبي في شهر مارس المنصرم لشراء مستلزمات حكومية، وتمت إحالة الوزيرين الي لجنة تحقيق برئاسة رئيس مفوضية محاربة الفساد القاضي جون قارويج وعضوية ستة آخرين ينتظر ان ترفع نتائجها الي الرئيس خلال شهر من تاريخ تكوينها ، وقد قضي القرار بتكليف نواب الوزيرين للقيام باعبائهما لحين اكتمال التحقيق معهما في القضية المذكورة.
ـــــــــ
سلفاكير يحيل وزيرين بارزين للتحقيق لصلتهما بصفقة شراء معدات حكومية فاسدة
جوبا ?لندن- مصطفى سري
قرر رئيس جنوب السودان ، سلفاكير ميارديت يوم الثلاثاء رفع الحصانة عن اثنين من ابرز الوزراء فى حكومته وفى قيادة الحركة الشعبية الحزب الحاكم فى الجنوب و احالتهما الى التحقيق بسبب شبهات حول صلتهما بصفقة شراء معدات حكومية بمبلغ 7 مليون دولار اتضح عدم مطابقتها للمواصفات.
وقضى قرار سلفاكير بإحالة وزير رئاسة مجلس الوزراء ،دينق الور ووزير المالية ،كوستا مانيبى الى لجنة تحقيق برئاسة رئيس مفوضية محاربة الفساد فى جنوب السودان ، جون قارويج وعضوية 6 اخرين لمعرفة ملابسات اختفاء مبلغ 7 مليون دولار تم تحويلها فى مارس الماضى الى العاصمة الكينية نيروبى بغرض شراء اجهزة ومعدات حكومية اتضح عدم مطابقتها للمواصفات المطلوبة ولم يسترد المبلغ الى الخزانة العامة .
وطبقا للقرار الرئاسى سترفع اللجنة نتائج تحقيقها فى غضون شهر من تأريخ تشكيلها الى الرئيس سلفاكير ، كما كلف القرار نائبى الوزيرين بتصريف اعبائهما الى حين ظهور نتائج لجنة التحقيق .
ويعتبر القرار هو الاول من نوعه منذ استقلال جنوب السودان قبل عامين . وكان سلفاكير قد اعفى اول وزير مالية لحكومة الجنوب بعد التوقيع على اتفاقية السلام ،ارثر كوين بسبب قضية فساد فى شراء سيارات للحكومة و ادخل الوزير الى السجن .
وتضغط الدول الغربية بشدة على رئيس دولة جنوب السودان من اجل محاربة الفساد فى بلاده وان يشرف هو شخصيا على ذلك ، ورهنت اغلب البلدان الغربية مساعداتها للدولة الوليدة بمحاربة الفساد و اعتماد نظام شفاف .
ويعتبر الوزير دينق الور من النافذين في الحركة الشعبية الحزب الحاكم في جنوب السودان ، ومن قيادات منطقة ابيي المتنازع عليها بين بلاده والسودان ، ومن المقربين الى الرئيس سلفاكير ميارديت وتولى قبل الاستقلال منصبى وزير مجلس الوزراء ووزير الخارجية فى الحكومة المركزية بالخرطوم .
ده الشغل لا كبير بعد اليوم لا بدريين ولا جدد في النضال ضربة بداية موفقة لدي العم سلفا ليتك ترشحت للرئاسة لطارت عمم ودقون ورؤوس متي نسمع مثل تلك المراسيم لا مراجع عام نفع ولاصنارة قنايةغمزت حتة سميكة قالوا هاتو الدليل والوثائق هم يملكونها في الخزائن لكن تشهد العمارات والطوابق السوامق والعربات والحريم الرباعيات وهي وثائقنا ولن تستطع خزائن مالك اخفاؤها
اهنئيك العم سلفا
احد الدروس المجانية للحركة الشعبية اتعلموا يا زبايل !!!!! قال شنو الرسول ما سك نافع من يدو قال ليهو شنو ؟
يا جماعة الخير البشير حاكم ليه 24 سنة سمعتوا يوم واحد حقق مع وزير او رفع حصانه منهبك بالعكس ان سرق الوزير برقوه وان شبع وقال ماشى بعملوا لي قانون تستر عمر البشير اختشى كيف تحاسبهم وانت حرامى فى نفسك واهلك,
سيلفا بارك الله فيك
ونعم الفهم والنزاهة وصيانة اموال الشعب
الأمر لايخرج كونه صراع فى اورقة الحكم ليس الا وان المؤتمر الوطنى مازال يسيطر على زمام الامور فى جنوب السودان ، بواسطة شخصيات كبيرة هم الان مسشنارى الرئيس والذين كانوا يطالبون سلفاكير باستمرار بابعاد دينق ألور الا ان الاخير صقر من صقور الحركة يصعب رميه خارج الدائرة بجرة قلم ، واحد المستشارين ابلغ الرئيس بالامر من فترة ولكن يبدو انهم قدروا ان يقنعوا الرئيس بالمؤامرة غداً ستتضح الامور ، اما كوستى مانيبى هو الاخر صدر قرار قبل ايام بانتقال بعض المديرين فى الوزارة من مواقعهم الا ان هؤلاء المديرين رفضوا التنقل من مواقعهم بحجة انهم من قبيلة الدينكا والوزير قصدهم ، ولكن سمعنا ان التحقيق 6 يوم فقط وليس شهراً ، طيب اين ال 75 الفاسدو ن لماذا دينق ألور وكوستيى مانيبى اين المليارات الدولارات المسروقة والموجودة فى الخارج وموجودة باسماء مسؤلين كبار فى الحكم وبسببه يرفض الدول الكبرى اعطاء الجنوب منحة مالية ننتظر حتى الصبح وانه لناظره قريب
إذا قام سلفا برفع الحصانة فعلا عن هذين الوزيرين تمهيدا لمحاكمتهما هذا يدل دلالة واضحة على قوة شخصية سلفا وثقته بنفسه ومدى نزاهته فهو بهذه الخطوة يتحدى كل وزرائه ان يمسكوا عليه وعلى آله بشيىء من الفساد ولهف اموال العباد كما يعمل شركاءهم بشمال الوادى والين يرفعون راية الدين خفاقة ويلعلعون بالتكبير والتهليل ويلقفون فى الاموال . العدالة يا سلفا ونظافة اليد من اموال الشعب هذه هى التى تبارك لك فى حكمك وتحبب الناس والرعية اليك . ليت يتعلم كيزاننا الانجاس عفة اليد وحفظ اموال الشعب الغلبان
د دة كلام صعبة للقايا كونا سلفا كير يصدر مرسوم جمهورى بقضاء تجميد نشاط وزيرين اتحادين قد يكون عذة و ابرة لى بقية وزراء لان مثل هذا عملية ليس لمرة الاولى تحدث مثل هذا الحادثة لاكن متعودة دايما على سبيل القوصى هولاء الوزراء الموجودين الان فى سلطة معظمهم حرامية و نهابين سرقوا اموال الشعب و تركوا الشعب يعضون بنان الندم و اصبح كل واحد يفكر ليت كان ما صوتة لصالح الانفصال بالرغم ان حكومة المؤتمر الوطني عذب الشعب كثير لاكن ما وجدنها الان من قبل الحركة و الجيش الشعبي اسواء بكثير من ما وجدنها سابقا عندما كنا سودان واحد كل كان بيحلم بمشروع السودان الجديد لاكن لم تطبق نظرية الزعيم الراحل د/ جون قرنق دي مبيور و الله يكون في الشعبين الجنوبي و الشمالى من الانظمة الحاكمة فى البلدين .
ما حيحصل اى شئ سيتهى التحقيق والبراءة حاضره ان شاء الله
سبحان الله …!!! سبحان الله…؟؟؟ متى يحكمنا حاكم مثل هذا ..حتى الاسرائيليين يطبقون العدل وسيادة القانون على الجميع بينهم و.حكومة البشير تشوف النهب والسلب والاختلاسات وتقارير المراجع العام 24 سنة ولم يتم محاكمة اى من المسؤولين …فقط القوانين يتم تطبيقها على الشرفاء من أبناء البلد …الذين ليس لديهم واسطة أو دقن …الله ينصر دينك يا سلفا … الحمد لله ربنا خلصكم من حكم الفاشلين الفاسدين ….ويا اخوانا فى طريقة ناخد جواز دولة جنوب السودان ؟؟؟؟؟
هى البداية ﻻن الشعب مل من سماع الفساد والمفسدين دونما محاسبة وﻻ كبير على القانون بﻻ صقور بﻻ كﻻم فارغ حسى باقى المسؤلين حيعملوا حسابهم وحيشتغلوا كويس واحب انا اطمئن سيادة الرئيس سلفاكير ميارديت باننا كشعب جنوب السودان كلنا معك لمحاربة الفساد والمفسدين لكى يعم التنمية والرفاهية التى دائما ننادى من اجلهم
فليسمع دهاقنة المؤتمر الوطري
لاندري مدي صحة القرار وهو شان داخلي لاخواننا بجنوب السودان ولاكن نتمني ان يكون صحيحا لانة سيخدم بلاشك المواطن الجنوبي والزي هو في اشد الحوجة للخدمات وللاخ كير وفقك الله والي الامام فشعب جنوب السودان هو شعب بري من سياسات الحكومات وكذالك شعب السودان واللهم ولي من يصلح في البلدين ففرحة الشعب دائما تكون بعيدة من سياسة الدولة اين كاانت فهي فرحة صااادقة وواقعية وتريد من سيادتكم انتم السياسيون ان تنظرو للشعب بمراءة الحقيقة والواقع وليست السياسة والغش والنفاق رحم الله الشعبين ووفق الله من هو علي حق في البلدين .جنوبي شمالي
عندنا أبورياله برمي عمارة بيستجم بإستراحة محارب وبترقى بعدها بترقى لوزارة الدفاع وبالنظر !!ونافع بلهف بلد بشوفوا في المنام سايقوا النبي وهو ماكل مال الله عديل!! دنيا دبنقا دردقي بشيش!!!
WELL DONE,Salva Kiir Mayardit these two federal ministers MUST GO. South Sudan need to stop corruption.NO MORE CORRUPTION
لابد ان يحدث هذا ولا يجب ان نبرر ذلك بمبررات تافه كالصراع في اروقة الحكم وما الى ذلك لان محاربة الفساد لا يحتاج الى من اي قبيلة او منطقة تنتمي اليها فلا كبير ولا صغير امام القانون ولطالما هناك فاسد فيجب محاكمته
ماعارفين نقول شنو؟!!!!!!!!!!!!!
وتيري يا تيارة وتيييييييييييييري وتيري ياتيارة وتيييييييييري
سبحان ربي الأعلى حقا” من أين اتى هؤلاء ؟؟؟
24 سنة وما حصل يوم واحد سمعنا بوزير اتحاسب ؟؟؟
مشروع الجزيرة وما ادراك ما عبد الحليم المتعافي
وحظيرة الدندر وما ادراك ما ( أخو عبد الحليم المتعافي )
عمارة الرباط وما ادراك ما ( الدفاع بالنظر والدنيا كانت ليل )… الخ
ياخي والله انتوا خليتونا في حيرة من امرنا … ألا لعنة الله على الظالمين ؟؟؟
الشكر لرئيس الجمهورى على قرار الذى ادى الى رفع الحصانة وزيرين فى دولة جنوب السودان ، هذا قرار فى اعتقدى سليم واتنمى مذيد من ذلك لان دولة جنوب تحتاج لمحارب فساد و حكم الرشيدة .
يارئيس سلفاكير شدة نفسك وشعب جنوب معك ، لكن هذا القرار كان متاخر و بنقول لا معنا نحن فى خلف قرار .
أتمني أن يفسر لي أحدُ منكم أو لو تكرم سيادة رئيس الجنوب بتفسير ومغزي البرنيطة الذي يلبسه ؟ هل كما كنا نشاهد في سينما الوطنية ببحري من أفلام أمريكية ( الكاوبوي )مترجمةُ علي الواقع الجنوبي بحكم أن المنطقة المزكورة تكثر فيه الأبقار أم هذا هو رمز الشخصية الجنوبية لا مستعارة ولا منقولة من مكان آخر .يهمني أن أعرف الرمز لانه يحمل في طياته كينونة الشخصية ليتعرف من بعد هل ذات قيمة أم مجرد تزين لصورة الشخص .
والله ده قرار فعلا شجاع من سلفاكير لانه بعيد من القبلية و الجهوية ولكن يا سلفا يا بطل ما تتوقف في تطهير و نظافة الوسخ الباقي الموجود معاك زي العندهم اكثر من ثلاثة عمارة في جوبا وحدها و في مكان واحد لا تبعد كل واحدة عن الاخري 20 مترا و ما خفي اعظم و الامثلة كثيرة وانت اعلم منا فاهل مكة ادري بشعابها و بحق و حقيقة انت رجل عظيم بعد الله و سوف يسجل لك التاريخ هذا و يكون اسمك في قائمة الشرف تحت او ربما فوق اسم الدكتور الراحل المقيم جون قرانق الذي سطر مع رفاقه و انت واحد منهم تاريخ جنوب السودان باحرف من نور ( والله البشوف افعالك و هدوءك يقول زي انت ما منهم لانك لا تشبههم) سير وعين الله ترعاك..
ناس الموتمر الوطني ليت يعون و يتعلمون الدرس منك و هم وكما قال احد المعلقين قبلي يسنون قوانين تحميهم من الحساب و التحقيقات…
دا شغل محترم جداً ويمكن ان نقول ان اخواننا في دولة جنوب السودان في الطريق الصحصيح للتنمية , الفساد هو العدو الاول للتنمية والسبب في تخلف افريقيا ليس نقص الموارد بل السبب هو الفساد وانتشاره في مؤسسات الدولة
نطلب من السيد سلفا ميارديت أن يرسل الوزيرين المفصولين لعمر البشير … الاثنين ديل حينفعوا في المؤتمر الوطني… (لان مؤهلاتهما تتطابق مع مؤهلات وزراء المؤتمر الوطني)
حشر لهم الكسكيته فى حلوقهم ؟؟؟؟؟؟؟؟؟؟؟؟؟؟؟؟؟؟
بالله المناااااااااااااااااضل دينق الور؟!!!!!
خلاص صدقتوا انو رفع الحصانه وحايحاكم دينق الور دينق الور ده بالذات ماحايحاكموا لانو من ابيي ودى ورقة الغرب البيلعب بيها فى تعكير العلاقات مع السودان حقيقة طلعتوا فى غاية السذاجه واقصد الذين اطلقوا لسانهم وعلقوا وقالوا البشير مفروض يعمل زى سلفاكير ياناس افهموا اتحدى اى واحد من العلقوا يقول لى ان عائلات الزوراء فى الجنوب عايشين فى جوبا كلهم فى الخارج احسن تعليم احسن عيشة ولا عزاء للشعب الجنوبى الذى عانا فى الحرب والسلم معنا افههههههههههههههههههموا ياناس
بختكم يا حكومة السودان كسبتوا اثنين من نفس طينتكم يقدروا يجهجهوا ليكم عمي سيلفا وحكومة تدعم ومعارضة تضرب.
برافو سيلفا
اخبار الناس الفاسدين فى الوزارات الاخرى شنو؟
سير سير يا كمرت سلفا كير
والعكس تماما لدى مفسدي الانقاذ…؟؟.. حيث يتم الترقي والصعود الى الامام بمقدار السف واللهط والهبر والفساد من كل النواحي..؟؟.. وفقه السترة هي كلمة السر …؟؟؟
من حجم التعليقات و أشادتها بقرار سلفاكير يتضح تماما كم هو مهم أمر مكافحة الفساد..قرار شجاع صادر من قائد حقيقى ..لكن حالة السودان الشمالي مستعصية بعد ان نخر فساد المؤتمر الوطني كل جسد الدولة و نهبت ثروات البلد بواسطة غالبية اعضاء المؤتمر الوطني الفاسد النافذين منهم و غير النافذين.
اغلب رواد الموقع سودانيين شماليين ومع ذلك اراهم يهللون (ويكبرون)لسلفاكير وكأنهم من رعاياه فوقوا ياهؤلاء والتفتو الي بلدكم..اي عجز هذا يجعلك تمجد الاجنبي
عمل يستحق الأشادة، لكن ارجو عن لا يكون مسرحية جديدة، تخيلوا ماذا تعنى 7 مليون دولار طالما هنالك اكثر من 4 مليار دولار ابتعلتها الخمس والسبعون (75 ) من كبار جنرالات النظام ما تزال مصيرها غير معلومة نتيجة للفيتو التى مارستها نفس الراس، انها حقا مأزق النظام، ف الور و منيبي يستحق ما فعل بهما سعادة الرئيس إلا ان السؤال المحورى” اين الباقون يا سعادة الرئيس؟؟ ” وانني متيقن فى أن القائمة طويلة جدا،فإن كان هذا التوجه حقا حقيقة نرجو من سعاددته ان تطلق يد برلمانه لمواصلة التحقيقات حول القائمة الخمس والسبعون (75 ) فمسك العصا فى المنتصف بتلك الطريق ليس حلا لقضايا الفساد التى باتت تهدد بالفعل مستقبل هذا البلاد
دا اللى اتعلموا الجنوبيون من الكيزان – فالجنوبيون ما كانوا يعرفوا الفساد قبل اشتراكهم فى الحكم مع الكيزان – ونتمنى ان يطلق سلفا كير سراحهم بعد استرداد الاموال ويقول ليهم سيبوا حركات الكيزان البايخة دى
يعني عاوز يوهمنا ان كل القروش الاتسرقت من الجنوب هي 7 مليون من سنة 2005 لو شغلة رفع الحصانة دي هي العقاب مفروض ترفع الحصانة عن الحكومة وموظفي الدولة والفطاع الخاص والمواطنيين لأن مجموع المليارات من 8 سنوات الاتسرقت تدين الجميع .. ولن تكفي رفع حصانة وحدها اما القضاء فمن دقنو وافتلوا .. انتو قبل كده كان باقان متهم من سلفاكير نفسة بكم مليار وقالها سلفا في مؤتمر صحفي انو اي زول لازم يرجع القروش الشالها خلال 3 شهور والا سوف افضحه علي الملاء .. ماحصل شئ لحد الان … ولن تكون جنوب السودان بأفضل من باقي الدول الافريقية باي حال بل اسوأ بكتير
أنا أعرف دينق الور كصديق منذ الطفولة وهو شمالي من ابيي التابعة لجنوب كردفان ولا يتحدث أي لغة غير العربي وليس غريباَ على من غير اسمه من أحمد اللار الى دينق الور وغير ديانته من الاسلام لا أدري لأي ديانة أن يفعل أي شئ.
ضكران والله، سلفاكير! أرجل من البشير … بضعة سنوات في الحكم وعدد قليل من الفاسدين وفعلها بينما لم يفعلها البشير في ثلاثة أضعاف الفترة التي مكثها سلفاكير في الحكم، رغم العدد الهائل الذي يفوق الثمانمائة فاسد في نظام البشير! إن تمت متابعة الموضوع فسيسبب إحراجاً للبشير وزمرته الفاسدة (ولو أنهم لا يستحوون) وربما يسعى البشير وزمرته إلى التوسط لجلب دينق ألور وكوستا منيبي إلى الخرطوم وتسجيلهما فقد أثبتا بفسادهما أنهما مناسبان تماماً للمؤتمر الوطني!
كان من المفروض ان تكون العقوبه هي حفظ سفر الانجيل او فقه الستره الم يسمع باستحلال المال العام من اجل التمكين لم نسمع بهذا لا في الاولين ولا في الاخرين من تجار الدين ولا زال النهب والتجنيب وتفصيل العطاءت رغم انف الازمه التي تمر بها البلاد هي سياسه الانقاذ
السياسين . الجنوبين من ما اللة خلقهم فاسدين من الاستقﻻل و حتي الانغصال .ادكرك كان مسؤلئ الحكومات الجنوبية يبيعوا سكر الجنوب في كوستي و الادوية و المعونات الاغاحثيية الحكومية و اﻻجنبية .دة غير الابتزاز السياسي للحكومات الوطنية المختلفة .الواحد يجي الخرطوم يعمل فيها مسلم و يغير اسمة لمحمد و يبقي وزير و حرامي و لو اتعرض للمسالة .يدخل الغابة ويرتد عن الاسﻻم و يعمل فيها حركة شعبية الحمد اللة اﻻن اصبحوا في الواجة امام شعب جنوب السودان عشان يظهروا علي حقيقتهم و يعرف شعب الجنوب انهم اخدعوا بﻻنفصال .ان اﻻنصال طلع ماسورة كبيرة مقدودة ماﻻبتصدر حتي بترول .اﻻن في الجنوب الناس بتقول حليل زمن المندكوران زي في الشمال بيقولو حليل زمن الانجليز
لا تعلق علي الشئ. قبل ما لجنة تحقيق تبدأ لانه. سوف يؤثر في مجريات التحقيق فكل متهم برئ. حتي يثبت إدانته .
ياخى نحنا وزير الشئون الدينية سرق اموال حجاج بيت الله الحرام ومافى زول سألو ناهيك عن باقى الوزرا الهسع بقا عندهم عمارات وشركات بين ليلة وضحاها. برافو عليك سلفاكير على الاقل تصرفك احرج حكومة الشمال.
ياعم سلفا خلي أمور مستورة
عندهم 75 فاسد نقص مهم اثين وعندنا الفا زادوا ميتين
7,959,400 USD مبلغ كتير جداً وكمان قالوا دايرين يجيبوا بيو معدات مكافحة الحريق !!!!!! اصلوا ده حريق بتاء شنو بصدقو ليو مبلغ ضخم زي ده لو ما فوضه وقمة الفساد . الكلام ده فيو إنّ . التحقيق لازم يشمل وزارة المالية كلها ، من الوزير لى الخفير , كذاك البنك الذي تم تحويل تلك المبلغ بواسطته ، ثم بعد ذالك نقول برابوا يالرئس ولكن مش كان تبدأ بالذرة مروراً بال75 اشان بعد داك تخش علي ناس7,959,400 USD??!!!!!!. علي كلاً تظل المتهم برئ حتي تذبت إدانته.لكن برضوا ده خطوة جيد أرجو أن تستمر ، علي اقل باقي Big Fish ها يخافوا…
والله ده كلام عجيب خلاص .. رفع حصانة وتوجيه اتهام ومن الرئيس كمان .. ما يكون الجماعه ديل دخلوا الاسلام ونحن ماعارفين .. عتيتو حيرونا عديل كده .. يعني حكم راشد ولا نفهم شنو .. والله لقد اصبت بارتباك واكاد لا اصدق مااقرأ …
نحن 23 سنة يوم واحد ما سمعنا بمثل هذا الاجراء مع اننا مصنفين عالميا من قبل ما تسمى بمنطمة الشفافية العالمية باننا بتاعين فساد من الدرجة الاولى .. ما يصبح صباح الا وتسمع عن مغاسد .. وعليه تـأســيا
بدولة الجنوب الوليده مطــــــــــــــــــالب برفع الحصانه من الجماعة ديل :
شركة الاقطان .. سودانير .. سودان لاين … التقاوي والمبيدات الفاسدة .. الحج العمرة الاوقاف .. ولاية سنار التي سرقت نصف ميزانيتها .. وزارة الرعاية الاجتماعية .. جوكية البنوك ومن يقف ورائهم .. مشتريات الكهرباء .. موضوع الجرارات الزراعية الذي رشح مؤخرا .. الوزراء والوحدات التي تجنب المال العام .. الوحدات التي تحصل اورنيك 15 ..
better ur a president of all sudan, u left us in north with ncp mafia!!!1