الترابي يعتذر عن دعوة للمهدي
اعتذر د. حسن عبد الله الترابي الأمين العام للمؤتمر الشعبي عن حضور دعوة السيد الصادق المهدي رئيس حزب الأمة القومي أمس الأول للتداول حول مقترح الثاني لعقد قمة سياسية لمناقشة قضايا الاستفتاء ودارفور والوضع الاقتصادي، فيما أبلغت مصادر «الرأي العام» أن الحزب الشيوعي استجاب لدعوة المهدي أمس، وأشارت إلى أن د. الشفيع خضر عضو اللجنة المركزية مثّل الحزب في الاجتماع الذي عُقد بدار حزب الأمة، وأوضحت أن اللقاء بحث ضرورة عقد قمة سياسية استثنائية عاجلة، بجانب تداعيات قضايا الراهن السياسي.
الرأي العام
الترابي عارفك ما عندك سالفة
كل شوية تدعو لسمنار ومؤتمر
يالصادق البلد دي لومسكتها تفلس بيها يومين بي مؤتمراتك الكتيرة دي
والميزانية تتلحس كلها في الفول السوداني والتمر والببسي
لزوم المؤتمرات
الصادق المهدى عليك الله واكب بفعل رشيد
الحبيب الصادق المهدى – شخص مثقف ولا يتاجر باسم الدين والوطن- نظيف اليد واللسان
السيد الصادق المهدي التاريخ والعراقة وهو رئيس الوزراء الشرعي للسودان الموحد وعفيف اليد من المال العام وكل من يقدح في شخص السيد الصادق فاليراجع وطنيته. دمت ذخرا للوطن يا سليل المجاهدين والشهداء وستعود رئاستك للوطن بالدمقراطية القادمة رغم أنف (السجمانين).
الاخوة المعلقين معليش ممكن سؤال …
الصادق المهدى لمن كان ماسك البلد دى قدم ليها شنوووووووووو ؟؟؟
الصادق زى الانقاذ بس الفرق انو الانقاذ جابت المقطعين المعدمين عشان ينهبوا خيرات البلد اما الصادق المهدى جاب اولاد اهلو وكل المهدية وفكاهم فى خلق الله
التعليم فى زمن الصادق كان مافى الا لى الـ البيت وهسى التعليم موجووود بس برضو الا للمقطعين البقدرو يدفعو القروش من مالنا ومن عرقنا ومن تمنا تشردنا وكذلك الصحة والخدمات
فماتقول لى الصادق المهدى ولا الميرغنى ولا الترابى ولا ظعيط ولا معيط داير مصلحة البلد كلهم دايرين مصالحهم الشخصية ليس الا
لله درك يا وطن
ابــــــــــــــــــوعــــــــــــــــمـــــــــــــــــــــــــــر
الاخ المعلق باسم (محمود) أى مؤتمرات تتحدث عنها ؟؟أكثر حكومة عقدت مؤتمرات وسمنارات ومازالت تعقد حتى الآن رغم مرور عقدين من الزمان (حكومة الانقاذ)
وده شىء مفروغ منه ومامحتاج لمغالطة 00ثم السيد الصادق لوعقد مؤتمرات فهذا شىء عادى لحكومة ديمقراطية 00لكن ماعذر جماعة الانقلاب ؟؟؟والصادق المهدى صاحب فكر ورؤية أماهؤلاء يعقدون المؤتمرات للرقص والغناء00
انا زول بيدافع عن الصادق دا بيطمم لي بطني
ياخي القرفان الصادق دا مسك الحكومة كل العملو شبكنا تعويضات ال المهدي ونشف البلد الكانت اصلاً ناشفة
بعدين ترابي او صادق او البشير او سلفاكير
اي واحد بيسعى للسلطة همو يملأ كرشو
اها النسعل اخوي المغترب القرفان
تعويضات ال المهدي دي شنو ويشيلوها من منو ولي شنو
ياخوي سياسين كلهم حرامية وحرامية بي فهم
الا الصادق
تور الله في برسيمو
gيا دابي الغشة لو الصادق المهدي غير فاسد المليارات الاستلما من الحكومة كانت باي وجه حق اوع تقول تعويضات لممتلكات سابقة من اين له تلك الممتلكات والبلد في عهده كانت بتشحد ؟؟؟؟؟؟؟؟؟؟؟؟؟؟؟؟:mad: :mad: :mad: :mad: :mad: :mad:
تعليق على حديث (طشاش) لوماعارف الفلوس والتعويضات عن شنو تبقى مصيبة 00ده شىء عايز درس عصر؟؟؟يكفى انك تتابع باقى الاسم للسيد الصادق المهدى وتعرف السبب وهنا حيبطل العجب 0
اما(ابوعمر) اقول ليك بطل كسير الثلج وخلى عندك مبدأ وماتلعب على الحبلين 00زى ماعادل امام قال (يااسود يابيض اللون الرمادى مابحبوش) قال تعليم قال !!!!!!اختشى يارجل00
يامغترب غرقان في حب الصادق طيب ارجع السودان يمكن ينوبك من المليارات شئ ؟؟؟انا بسال استنكارا لم حدث وليس سؤال الجاهل بالشئ؟؟؟؟؟؟؟؟ مثل السودان والحكومات المتعاقبة مثل الحمار والنجيلة؟؟؟ الحكومات مثل الحمير لا بتشبع من النجيلة ولا النجيلة بتكمل :mad: :mad: :mad: :mad:
يكفى الصادق المهدى أنه رئيس الوزراء المنتخب يعنى جاء الى السلطه بإراده الجماهير مو إنقلاب ولا متاجره بإسم الدين
الله الله عليك ياامام الانصار الله الله عليك يارئيس البلاد الشرعي الله الله عليك ياالحبيب وانت تحمل هموم الوطن رغم بعدك عن السلطة والمتسلطين هذا ان دل على شي انما يدل على رجاحة عقلك ونزاهتك والذين لا يعرفون السيد الصادق المهدي هو الرئيس الوحيد الذي يسكن في منزله الخاص ويركب سيارته الخاصه طوال فترة حكمه ، من انزه من هذا الحاكم ياهولاء ، ياظلمة ياسارقي قوت الشعب .
السيد الامام الصادق المهدي انت من قال فيك الامام المهدي (من تقلد بقلائد الدين ومالت ايه قلوب المسلمين ) وانت والله في نعمة كبيرة يحسدك فيها الحاسدين امثال (طشاش ) ياطشاش انت خليك في طشاشك دا لان الحكومة عايزة امثالك للتطبيل .وامثال (محمود ) نحنا يامحمود بطنا طامة من مامسك الحكم جماعتك ديل وطامة من امثالك وامثال مطبلي الحكومة الفاسدة ( ياابو عمار ) طيب ناس الحكومة ديل عملوا شنو غير مانهبوا البلد وافسدوا الشعب السوداني الناس كلها بقت حرامية والباقي تشردو وامثالك يطبلون للرئيس الراقص يااخي اختشوا .
لسال اللذين ينتقدون الصادق وحكومته السابقة من الذى كان السبب في خلق ازمات لذلك العهد الميمون .. واسالو على عثمان وعصابته. اختشوا ياحاقدين. الصادق المهدى هذا القامة والمفخره للسودان مش ناس قيريحتي راحت.
الرئيس الشرعي ده للبلد خته ليهو لبنه ولا(طوبه) في البلد ولو ختاها خاتيها في ياتو زاويه من زوايا الوطن الحبيب (البلاطه المكتوب عليها وضع حجر الاساس في عهد الصادق الميمون ) ما محسوبه.
وش بلاك سوداني مشرد ؟؟؟؟؟؟؟؟؟اهه اقوليك كلام كان تركز وما تطش زى ما نحنا ركزنا في البلد دي ؟؟؟:mad: :mad: لو ناكل كسره بي موية برضو دحين صابرين وراكزييين ؟؟لان الملك بيد الله يؤتيه لمن يشا وينزعو ممن يشا ؟؟؟؟؟؟؟ لا الانقاز لا غيره جابتو شطاره ؟؟؟ الله لا تولي امرنا لمن لا يخافك ولا يرحمنا يا ارحم الراحمين:mad: :mad: :mad:
والله حيرتونا يا معلقين الراكوبه الله يكون فى عون اهل السودان كل واحد منكم
يعلق من اجل هدف ضيق جدا ………. ويبكى على مصالحه الشخصيه الضيقه
نحن سودانيين لاعايزين الكيزان ولاعايزين الصادق المهدى ولاعايزين المرغنى
ولااى شخصيه شاركة فى اى حكومه منذ الاستقلال ……..
تعرفوا ليه ؟
لانهم سبب تخلفنا وتعاستنا.
هل حواء السودان لم تنجب الا هولاء؟؟؟؟؟؟؟؟
السودان يدار بفهم قريه متخلفه حتى الان !!!!!!!!!!!!!!
الكل يبحث عن مصلحته الخاصه مره باسم الدين ومره باسم التقدميه ومره……….
والبلد فى ستين داهيه
اهل الانقاذ تطاولو فى البنيان وهضمو حق الشعب عينى عينك ….
السيد الصادق عندما استلم السلطة اتى بجماعته والساده المرغنيه كزالك
انتو بتنسوا ؟؟؟؟؟؟؟؟؟
حتى جماعة مايوا اليوم يصورون انفسهم ضحايه ومافى ضحيه الا الشعب السودانى
يتحدثوا عن تلك الحقبه وهم الذين صالو وجالو بحق الشعب السودانى!!!!!!!!!
ياجماعه خلونا من الفلسفه الفارقه والحزبيه الضيقه … اذا فى مطلب وطنى حر خالى
من المقاصد الضيقه … نبعد مبدا عفاالله عن ماسلف … وتكون تصفيه
تبدا من رموز الانقاذ والموتمر الشعبى وجماعة الامه بشقيه وكذلك الاتحادى
الديمقراطى اصل وتقليد والماركسيه المتعفنه وبقيه المنتفعين جماعة كل حكومه
وخلونا نبدا من جديد سودان جديد من غير ماندفن راسنا فى رمال متحركه للجحيم
واىىىىىىى واحد يدافع عن سيدوا لازم يبعد ايدوا
يا طشاش سلام: القروش الاستلمها السيد الصادق المهدي حق اغتصبوا (السجمانين) من عقارات وعربات حزب الأمة ودا جزء منها . ولسه السيد الصادق المهدي ما طالب بي ما تملكه أسرة المهدي ويا طشاش اخد من وقتك شويه وامشي (دار الوثائق القومية) عشان تعرف الحقائق مثبته بالقانون .
يا دابي الخشة دحين لصور ال المهدي الموجودة بمعرض الصور بالراكوبة وشوف الناس دي كانت ناس دنا ولا اخره السودانيين زمان كانو ناس غبش ما في حاجة اسمها حقي وحقك بس بتعرف حقنا كلنا يا حلييييييييييييييييييييييييييييل زمان:mad: :mad: :mad: :mad: :mad: :mad: