باحث سوداني يوصي بتعزيز اللغة العربية في المناهج الدراسية
أوصى باحث سوداني بتعليم اللغة العربية للنشء وتعزيزها في المناهج المدرسية وإتباع أحدث الوسائل لتعليمها والتوسع في النشاط اللا صفي الذي يتيح فرصة ممارسة اللغة كتابة وخطابة وذلك حتى ينشأ جيل مجود للغة متمسك بقيمها مطلع على أسرارها، موضحا أن ذلك يتطلب اختيار مادة تعليمية ونماذج أدبية رائعة تستهوي أفئدة الدارسين وتشحذ عزائم الباحثين. ودعا البروفيسور عبد المجيد الطيب عمر الأستاذ بمركز اللغة الانجليزية جامعة أم القرى بالمملكة العربية السعودية في المحاضرة التي قدمها بوكالة السودان للأنباء إلى الاهتمام بتحفيظ النشء القرآن الكريم، الذي به تستقيم الألسن والعقائد، فينشأ جيل تكون اللغة العربية سليقة مركوزة في فطرته.
ونادى بالاهتمام بتدريب معلمي اللغة العربية تدريبا عاليا، يعينهم على أداء مهامهم بسهولة ويسر، والاهتمام بالبحث العلمي الذي يتناول اللغة العربية في مجالاتها الرئيسية وفروعها المتباينة ومقارنتها ومقابلتها باللغات الأخرى حتى تظهر مكانتها السامية بين اللغات.
وأكد البروفيسور عبد المجيد ضرورة جعل اللغة العربية لغة التعليم والبحث العلمي في الجامعات ولغة للمعاملات الرسمية في مؤسسات الدولة.
الرائد
يازول لغة عربية شنو انت عايش وين الزيك ديل الضيعونا تعريب تعريب لحدى مالقينا نفسنا متغربين فى الدنيا !! ياخى الزول عشان يتفاهم مع اجنبى مشكلة عشان يحضر دراسات عليا مشكلة تقديم للشغل فى السودان (لاحظ) دايرين لغة غير العربية تكون لغة عربية ياخى ضيعتونا وضيعتوا البلد معاكم
الزول دا يا واهم يا مغرض
الانجليزية لغة العمل في السودان
الشركات تفضل من درسو بالانجليزية
المسؤلين يعلمو اولادهم بالانجليزي وبر ويجو يتكلمو ليك عن التعريب
نحن كنا فاكرين نفسنا عرب لمن اختلطلنا مع العرب الحقيقين الواحد عرف انو نحن مدعين العروبة 0 ارجو ارجو الاهتمام باللغة الانجليزية لانها لغة العصر 0 وبعدين الممللكة بلد العروبة اصبحت تدرس باللغة الانجليزية فى جامعاتها فماذا فا فاعلون انتم 000000
غريبه بروف فى اللغه الانجليزيه يطالب بتدريس اللغه العربيه؟ انت خارج إطار الزمن يادكتور ياباحث هو العرب الجد جد الماهم مستعربين زينا زمان تركو التدريس بالعربى؟بعدين أنا تماما نادم على الحشو الذى كان يسمى الادب العربى والمعلقات السبع من لدن لبيد بن ربيعه العامري وحتى طرفه بن العبد وضياع زمنى فى الفاضى وبعدين اشك كثيرا فى الفروسيه والشهامه والكرم وكل الصفات النبيله التى كان معلمونا يزودوننا بها وفى أول زياره لأى بلدٍ عربى ستزول الغشاوه ونكتشف أننا كنا مخدوعين وأغبياء ليس إلا
تعرف البني ادم ده لمن يكون شبعان بتكون عليه حاجات … هسي انتا يابرف السجم والرماد مش كان مفروض تشوف مشاكل المكان زاتو الحاتدرس فيه اللغه ياخي البلد كلها مشاكل واحترابات وانت ……. ماتصحي يا عب مجيد
الله يخرب بيتك عايز تضيع الشويتين الباقين من البلد
والله بدرس لغة عربية ضيع زمنو ياراجل انت وين والناس وين العرب انحطوا واللغة انحطت معاهم لكن ربنا كفيل بحفظها
الزول ده عايش وين هاجرنه بره السودان فى سنتين كاملات بالقوة صلحنا انجلزيتنا وكملنا دراستنا والله ثانى العربى ده مانستعمله الافى الصلاة والعباده غير تنظريكم ده شىء ضيعنا من العالم مافى قبل سلم تعليم محى الدين صابر والله كنا ماشين ذى الخيط تنظرو تنظرو لما طلعتونه من الجنه وسقطهاوياريت لو عندنا خطط بس نقه دون اى عائد او خطوة بها امل اصلاح